| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
6. маг̇г̇ад̣̇ад̇д̇игад̇т̇зраабад̣̇аанаван̣н̣анаа
6. Maggadattikattheraapadānavaṇṇanā
аномад̣̇ассий бхаг̇аваад̇иаад̣̇игам̣ ааяасмад̇о маг̇г̇ад̣̇ад̇д̇игад̇т̇зрасса абад̣̇аанам̣. аяамбааяасмаа буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о аномад̣̇ассисса бхаг̇авад̇о гаалз гулаг̇зхз ниб̣б̣ад̇д̇о вуд̣̇д̇химанвааяа гхарааваасам̣ сан̣табзд̇ваа васанд̇о аномад̣̇ассим̣ бхаг̇аванд̇ам̣ аагаасз жан̇гаманд̇ам̣ баад̣̇уд̣̇д̇хаарз баад̣̇уд̣̇д̇хааражан̇гаманадтаанз бубпаанам̣ вигиран̣ам̣ ажчарияан̃жа д̣̇исваа басаннамаанасо бубпаани аагаасз угкиби, д̇аани вид̇аанам̣ худ̇ваа адтам̣су.
Anomadassī bhagavātiādikaṃ āyasmato maggadattikattherassa apadānaṃ. Ayampāyasmā purimabuddhesu katādhikāro tattha tattha bhave vivaṭṭūpanissayāni puññāni upacinanto anomadassissa bhagavato kāle kulagehe nibbatto vuddhimanvāya gharāvāsaṃ saṇṭhapetvā vasanto anomadassiṃ bhagavantaṃ ākāse caṅkamantaṃ pāduddhāre pāduddhāracaṅkamanaṭṭhāne pupphānaṃ vikiraṇaṃ acchariyañca disvā pasannamānaso pupphāni ākāse ukkhipi, tāni vitānaṃ hutvā aṭṭhaṃsu.
26. со д̇зна бун̃н̃зна суг̇ад̇ийсуязва сам̣саранд̇о саб̣б̣ад̇т̇а бууж̇ид̇о сукам̣ анубхавид̇ваа имасмим̣ б̣уд̣̇д̇хуббаад̣̇з згасмим̣ гулз ниб̣б̣ад̇д̇о гамзна яоб̣б̣ан̃н̃ам̣ баабун̣ид̇ваа сад̣̇д̇хааж̇аад̇о баб̣б̣аж̇ид̇ваа вад̇д̇асамбанно нажирассзва арахад̇д̇ам̣ бад̇д̇о жан̇гаманасса бууж̇ид̇ад̇д̇аа маг̇г̇ад̣̇ад̇д̇игад̇т̇зрод̇и баагадо. со буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о аномад̣̇ассий бхаг̇аваад̇иаад̣̇имааха. д̣̇идтад̇хаммасукад̇т̇ааяаад̇и имасмим̣ ад̇д̇абхаавз жан̇гаманзна сарийрасаллахугаад̣̇исукам̣ бадижжаад̇и ад̇т̇о. аб̣бхогаасамхи жан̇гамийд̇и аб̣бхогаасз ан̇г̇ан̣адтаанз жан̇гами, бад̣̇авигкзбам̣ бад̣̇асан̃жаарам̣ агаасийд̇и ад̇т̇о.
26. So tena puññena sugatīsuyeva saṃsaranto sabbattha pūjito sukhaṃ anubhavitvā imasmiṃ buddhuppāde ekasmiṃ kule nibbatto kamena yobbaññaṃ pāpuṇitvā saddhājāto pabbajitvā vattasampanno nacirasseva arahattaṃ patto caṅkamanassa pūjitattā maggadattikattheroti pākaṭo. So pubbakammaṃ saritvā somanassajāto pubbacaritāpadānaṃ pakāsento anomadassī bhagavātiādimāha. Diṭṭhadhammasukhatthāyāti imasmiṃ attabhāve caṅkamanena sarīrasallahukādisukhaṃ paṭiccāti attho. Abbhokāsamhi caṅkamīti abbhokāse aṅgaṇaṭṭhāne caṅkami, padavikkhepaṃ padasañcāraṃ akāsīti attho.
уд̣̇д̇хад̇з баад̣̇з бубпаанийд̇и жан̇гаманд̇зна баад̣̇з уд̣̇д̇хад̇з бад̣̇умуббалаад̣̇ийни бубпаани бат̇авид̇о уг̇г̇анд̇ваа жан̇гамз вигирим̣сууд̇и ад̇т̇о. собхам̣ муд̣̇д̇хани д̇идтарзд̇и б̣уд̣̇д̇хасса муд̣̇д̇хани сийсз собхаяамаанаа д̇аани д̇идтанд̇ийд̇и ад̇т̇о. сзсам̣ сувин̃н̃зяяамзваад̇и.
Uddhate pāde pupphānīti caṅkamantena pāde uddhate padumuppalādīni pupphāni pathavito uggantvā caṅkame vikiriṃsūti attho. Sobhaṃ muddhani tiṭṭhareti buddhassa muddhani sīse sobhayamānā tāni tiṭṭhantīti attho. Sesaṃ suviññeyyamevāti.
маг̇г̇ад̣̇ад̇д̇игад̇т̇зраабад̣̇аанаван̣н̣анаа самад̇д̇аа.
Maggadattikattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 6. маг̇г̇ад̣̇ад̇д̇игад̇т̇зраабад̣̇аанам̣ • 6. Maggadattikattheraapadānaṃ
