| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੬. ਮਗ੍ਗਦਤ੍ਤਿਕਤ੍ਥੇਰਅਪਦਾਨવਣ੍ਣਨਾ
6. Maggadattikattheraapadānavaṇṇanā
ਅਨੋਮਦਸ੍ਸੀ ਭਗવਾਤਿਆਦਿਕਂ ਆਯਸ੍ਮਤੋ ਮਗ੍ਗਦਤ੍ਤਿਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਾਯਸ੍ਮਾ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਅਨੋਮਦਸ੍ਸਿਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਘਰਾવਾਸਂ ਸਣ੍ਠਪੇਤ੍વਾ વਸਨ੍ਤੋ ਅਨੋਮਦਸ੍ਸਿਂ ਭਗવਨ੍ਤਂ ਆਕਾਸੇ ਚਙ੍ਕਮਨ੍ਤਂ ਪਾਦੁਦ੍ਧਾਰੇ ਪਾਦੁਦ੍ਧਾਰਚਙ੍ਕਮਨਟ੍ਠਾਨੇ ਪੁਪ੍ਫਾਨਂ વਿਕਿਰਣਂ ਅਚ੍ਛਰਿਯਞ੍ਚ ਦਿਸ੍વਾ ਪਸਨ੍ਨਮਾਨਸੋ ਪੁਪ੍ਫਾਨਿ ਆਕਾਸੇ ਉਕ੍ਖਿਪਿ, ਤਾਨਿ વਿਤਾਨਂ ਹੁਤ੍વਾ ਅਟ੍ਠਂਸੁ।
Anomadassī bhagavātiādikaṃ āyasmato maggadattikattherassa apadānaṃ. Ayampāyasmā purimabuddhesu katādhikāro tattha tattha bhave vivaṭṭūpanissayāni puññāni upacinanto anomadassissa bhagavato kāle kulagehe nibbatto vuddhimanvāya gharāvāsaṃ saṇṭhapetvā vasanto anomadassiṃ bhagavantaṃ ākāse caṅkamantaṃ pāduddhāre pāduddhāracaṅkamanaṭṭhāne pupphānaṃ vikiraṇaṃ acchariyañca disvā pasannamānaso pupphāni ākāse ukkhipi, tāni vitānaṃ hutvā aṭṭhaṃsu.
੨੬. ਸੋ ਤੇਨ ਪੁਞ੍ਞੇਨ ਸੁਗਤੀਸੁਯੇવ ਸਂਸਰਨ੍ਤੋ ਸਬ੍ਬਤ੍ਥ ਪੂਜਿਤੋ ਸੁਖਂ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲੇ ਨਿਬ੍ਬਤ੍ਤੋ ਕਮੇਨ ਯੋਬ੍ਬਞ੍ਞਂ ਪਾਪੁਣਿਤ੍વਾ ਸਦ੍ਧਾਜਾਤੋ ਪਬ੍ਬਜਿਤ੍વਾ વਤ੍ਤਸਮ੍ਪਨ੍ਨੋ ਨਚਿਰਸ੍ਸੇવ ਅਰਹਤ੍ਤਂ ਪਤ੍ਤੋ ਚਙ੍ਕਮਨਸ੍ਸ ਪੂਜਿਤਤ੍ਤਾ ਮਗ੍ਗਦਤ੍ਤਿਕਤ੍ਥੇਰੋਤਿ ਪਾਕਟੋ। ਸੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਅਨੋਮਦਸ੍ਸੀ ਭਗવਾਤਿਆਦਿਮਾਹ। ਦਿਟ੍ਠਧਮ੍ਮਸੁਖਤ੍ਥਾਯਾਤਿ ਇਮਸ੍ਮਿਂ ਅਤ੍ਤਭਾવੇ ਚਙ੍ਕਮਨੇਨ ਸਰੀਰਸਲ੍ਲਹੁਕਾਦਿਸੁਖਂ ਪਟਿਚ੍ਚਾਤਿ ਅਤ੍ਥੋ। ਅਬ੍ਭੋਕਾਸਮ੍ਹਿ ਚਙ੍ਕਮੀਤਿ ਅਬ੍ਭੋਕਾਸੇ ਅਙ੍ਗਣਟ੍ਠਾਨੇ ਚਙ੍ਕਮਿ, ਪਦવਿਕ੍ਖੇਪਂ ਪਦਸਞ੍ਚਾਰਂ ਅਕਾਸੀਤਿ ਅਤ੍ਥੋ।
26. So tena puññena sugatīsuyeva saṃsaranto sabbattha pūjito sukhaṃ anubhavitvā imasmiṃ buddhuppāde ekasmiṃ kule nibbatto kamena yobbaññaṃ pāpuṇitvā saddhājāto pabbajitvā vattasampanno nacirasseva arahattaṃ patto caṅkamanassa pūjitattā maggadattikattheroti pākaṭo. So pubbakammaṃ saritvā somanassajāto pubbacaritāpadānaṃ pakāsento anomadassī bhagavātiādimāha. Diṭṭhadhammasukhatthāyāti imasmiṃ attabhāve caṅkamanena sarīrasallahukādisukhaṃ paṭiccāti attho. Abbhokāsamhi caṅkamīti abbhokāse aṅgaṇaṭṭhāne caṅkami, padavikkhepaṃ padasañcāraṃ akāsīti attho.
ਉਦ੍ਧਤੇ ਪਾਦੇ ਪੁਪ੍ਫਾਨੀਤਿ ਚਙ੍ਕਮਨ੍ਤੇਨ ਪਾਦੇ ਉਦ੍ਧਤੇ ਪਦੁਮੁਪ੍ਪਲਾਦੀਨਿ ਪੁਪ੍ਫਾਨਿ ਪਥવਿਤੋ ਉਗ੍ਗਨ੍ਤ੍વਾ ਚਙ੍ਕਮੇ વਿਕਿਰਿਂਸੂਤਿ ਅਤ੍ਥੋ। ਸੋਭਂ ਮੁਦ੍ਧਨਿ ਤਿਟ੍ਠਰੇਤਿ ਬੁਦ੍ਧਸ੍ਸ ਮੁਦ੍ਧਨਿ ਸੀਸੇ ਸੋਭਯਮਾਨਾ ਤਾਨਿ ਤਿਟ੍ਠਨ੍ਤੀਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
Uddhate pāde pupphānīti caṅkamantena pāde uddhate padumuppalādīni pupphāni pathavito uggantvā caṅkame vikiriṃsūti attho. Sobhaṃ muddhani tiṭṭhareti buddhassa muddhani sīse sobhayamānā tāni tiṭṭhantīti attho. Sesaṃ suviññeyyamevāti.
ਮਗ੍ਗਦਤ੍ਤਿਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Maggadattikattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੬. ਮਗ੍ਗਦਤ੍ਤਿਕਤ੍ਥੇਰਅਪਦਾਨਂ • 6. Maggadattikattheraapadānaṃ
