| Library / Tipiṭaka / තිපිටක • Tipiṭaka / අපදානපාළි • Apadānapāḷi |
7. මග්‌ගදායකත්‌ථෙරඅපදානං
7. Maggadāyakattheraapadānaṃ
32.
32.
‘‘උත්‌තරිත්‌වාන නදිකං, වනං ගච්‌ඡති චක්‌ඛුමා;
‘‘Uttaritvāna nadikaṃ, vanaṃ gacchati cakkhumā;
තමද්‌දසාසිං සම්‌බුද්‌ධං, සිද්‌ධත්‌ථං වරලක්‌ඛණං.
Tamaddasāsiṃ sambuddhaṃ, siddhatthaṃ varalakkhaṇaṃ.
33.
33.
සත්‌ථාරං අභිවාදෙත්‌වා, සකං චිත්‌තං පසාදයිං.
Satthāraṃ abhivādetvā, sakaṃ cittaṃ pasādayiṃ.
34.
34.
‘‘චතුන්‌නවුතිතො කප්‌පෙ, යං කම්‌මමකරිං තදා;
‘‘Catunnavutito kappe, yaṃ kammamakariṃ tadā;
දුග්‌ගතිං නාභිජානාමි, මග්‌ගදානස්‌සිදං ඵලං.
Duggatiṃ nābhijānāmi, maggadānassidaṃ phalaṃ.
35.
35.
‘‘සත්‌තපඤ්‌ඤාසකප්‌පම්‌හි, එකො ආසිං ජනාධිපො;
‘‘Sattapaññāsakappamhi, eko āsiṃ janādhipo;
නාමෙන සුප්‌පබුද්‌ධොති, නායකො සො නරිස්‌සරො.
Nāmena suppabuddhoti, nāyako so narissaro.
36.
36.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා මග්‌ගදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā maggadāyako thero imā gāthāyo abhāsitthāti.
මග්‌ගදායකත්‌ථෙරස්‌සාපදානං සත්‌තමං.
Maggadāyakattherassāpadānaṃ sattamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 7. මග්‌ගදායකත්‌ථෙරඅපදානවණ්‌ණනා • 7. Maggadāyakattheraapadānavaṇṇanā
