| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
7. маг̇г̇ад̣̇ааяагад̇т̇зраабад̣̇аанаван̣н̣анаа
7. Maggadāyakattheraapadānavaṇṇanā
уд̇д̇арид̇ваана над̣̇иганд̇иаад̣̇игам̣ ааяасмад̇о маг̇г̇ад̣̇ааяагад̇т̇зрасса абад̣̇аанам̣. аяамби буримаж̇инаварзсу гад̇аад̇хигааро анзгзсу бхавзсу ниб̣б̣аанаад̇хиг̇амад̇т̇ааяа бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз логасаммад̇з гулз ниб̣б̣ад̇д̇о вуд̣̇д̇химанвааяа гхарааваасам̣ васанд̇о згад̣̇ивасам̣ бхаг̇аванд̇ам̣ згам̣ над̣̇им̣ уд̇д̇арид̇ваа вананд̇арам̣ г̇ажчанд̇ам̣ д̣̇исваа басаннамаанасо ‘‘ид̣̇аани маяаа бхаг̇авад̇о маг̇г̇ам̣ самам̣ гаад̇ум̣ ваддад̇ий’’д̇и жинд̇зд̇ваа гуд̣̇аалан̃жа бидаган̃жа аад̣̇ааяа бхаг̇авад̇о г̇аманамаг̇г̇ам̣ самам̣ гад̇ваа ваалугам̣ огирид̇ваа бхаг̇авад̇о баад̣̇з ванд̣̇ид̇ваа, ‘‘бханд̇з, иминаа маг̇г̇аалан̇гаарагаран̣зна ниб̣б̣ад̇д̇аниб̣б̣ад̇д̇адтаанз бууж̇анийяо бхавзяяам̣, ниб̣б̣аанан̃жа баабун̣зяяа’’нд̇и бад̇т̇анам̣ агааси. бхаг̇аваа ‘‘яат̇аад̇хиббааяам̣ самиж̇жхад̇уу’’д̇и анумод̣̇анам̣ вад̇ваа баггаами.
Uttaritvāna nadikantiādikaṃ āyasmato maggadāyakattherassa apadānaṃ. Ayampi purimajinavaresu katādhikāro anekesu bhavesu nibbānādhigamatthāya puññāni upacinanto siddhatthassa bhagavato kāle lokasammate kule nibbatto vuddhimanvāya gharāvāsaṃ vasanto ekadivasaṃ bhagavantaṃ ekaṃ nadiṃ uttaritvā vanantaraṃ gacchantaṃ disvā pasannamānaso ‘‘idāni mayā bhagavato maggaṃ samaṃ kātuṃ vaṭṭatī’’ti cintetvā kudālañca piṭakañca ādāya bhagavato gamanamaggaṃ samaṃ katvā vālukaṃ okiritvā bhagavato pāde vanditvā, ‘‘bhante, iminā maggālaṅkārakaraṇena nibbattanibbattaṭṭhāne pūjanīyo bhaveyyaṃ, nibbānañca pāpuṇeyya’’nti patthanaṃ akāsi. Bhagavā ‘‘yathādhippāyaṃ samijjhatū’’ti anumodanaṃ vatvā pakkāmi.
32-3. со д̇зна бун̃н̃зна д̣̇звамануссзсу сам̣саранд̇о саб̣б̣ад̇т̇а бууж̇ид̇о ахоси. имасмим̣ бана б̣уд̣̇д̇хуббаад̣̇з баагадз згасмим̣ гулз ниб̣б̣ад̇д̇о сад̇т̇ари басанно баб̣б̣аж̇ид̇ваа вибассанам̣ вад̣дхзд̇ваа нажирассзва арахад̇д̇ам̣ бад̇ваа ад̇д̇ано буб̣б̣агаммам̣ бажжагкад̇о н̃ад̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о уд̇д̇арид̇ваана над̣̇иганд̇иаад̣̇имааха. д̇ад̇т̇а над̣̇ад̇и сад̣̇д̣̇ам̣ гарод̇и г̇ажчад̇ийд̇и над̣̇ий, над̣̇ийязва над̣̇игаа, д̇ам̣ над̣̇игам̣ уд̇д̇арид̇ваа ад̇иггамид̇ваад̇и ад̇т̇о. гуд̣̇аалабидагамаад̣̇ааяаад̇и гу вужжад̇и бат̇авий, д̇ам̣ вид̣̇ааланз бад̣̇ааланз чинд̣̇анз аланд̇и гуд̣̇аалам̣, бидагам̣ вужжад̇и бам̣суваалигаад̣̇иваахагам̣, д̇аалабан̣н̣авзд̇д̇алад̇аад̣̇ийхи гад̇абхааж̇анам̣, гуд̣̇аалан̃жа бидаган̃жа гуд̣̇аалабидагам̣, д̇ам̣ аад̣̇ааяа г̇ахзд̇ваад̇и ад̇т̇о. сзсам̣ уд̇д̇аанад̇т̇амзваад̇и.
32-3. So tena puññena devamanussesu saṃsaranto sabbattha pūjito ahosi. Imasmiṃ pana buddhuppāde pākaṭe ekasmiṃ kule nibbatto satthari pasanno pabbajitvā vipassanaṃ vaḍḍhetvā nacirasseva arahattaṃ patvā attano pubbakammaṃ paccakkhato ñatvā somanassajāto pubbacaritāpadānaṃ pakāsento uttaritvāna nadikantiādimāha. Tattha nadati saddaṃ karoti gacchatīti nadī, nadīyeva nadikā, taṃ nadikaṃ uttaritvā atikkamitvāti attho. Kudālapiṭakamādāyāti ku vuccati pathavī, taṃ vidālane padālane chindane alanti kudālaṃ, piṭakaṃ vuccati paṃsuvālikādivāhakaṃ, tālapaṇṇavettalatādīhi katabhājanaṃ, kudālañca piṭakañca kudālapiṭakaṃ, taṃ ādāya gahetvāti attho. Sesaṃ uttānatthamevāti.
маг̇г̇ад̣̇ааяагад̇т̇зраабад̣̇аанаван̣н̣анаа самад̇д̇аа.
Maggadāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 7. маг̇г̇ад̣̇ааяагад̇т̇зраабад̣̇аанам̣ • 7. Maggadāyakattheraapadānaṃ
