| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
9. маг̇г̇агат̇аа
9. Maggakathā
237. маг̇г̇од̇и гзнадтзна маг̇г̇о? сод̇аабад̇д̇имаг̇г̇агкан̣з д̣̇ассанадтзна саммаад̣̇идти мижчаад̣̇идтияаа бахаанааяа маг̇г̇о жзва хзд̇у жа, сахаж̇аад̇аанам̣ д̇хаммаанам̣ убад̇т̇амбханааяа маг̇г̇о жзва хзд̇у жа, гилзсаанам̣ барияаад̣̇аанааяа маг̇г̇о жзва хзд̇у жа, бадивзд̇хаад̣̇ивисод̇ханааяа маг̇г̇о жзва хзд̇у жа, жид̇д̇асса ад̇хидтаанааяа маг̇г̇о жзва хзд̇у жа, жид̇д̇асса вод̣̇аанааяа маг̇г̇о жзва хзд̇у жа, висзсаад̇хиг̇амааяа маг̇г̇о жзва хзд̇у жа, уд̇д̇ари бадивзд̇хааяа 1 маг̇г̇о жзва хзд̇у жа, сажжаабхисамаяааяа маг̇г̇о жзва хзд̇у жа, нирод̇хз бад̇идтаабанааяа маг̇г̇о жзва хзд̇у жа.
237. Maggoti kenaṭṭhena maggo? Sotāpattimaggakkhaṇe dassanaṭṭhena sammādiṭṭhi micchādiṭṭhiyā pahānāya maggo ceva hetu ca, sahajātānaṃ dhammānaṃ upatthambhanāya maggo ceva hetu ca, kilesānaṃ pariyādānāya maggo ceva hetu ca, paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa vodānāya maggo ceva hetu ca, visesādhigamāya maggo ceva hetu ca, uttari paṭivedhāya 2 maggo ceva hetu ca, saccābhisamayāya maggo ceva hetu ca, nirodhe patiṭṭhāpanāya maggo ceva hetu ca.
абхиниробанадтзна саммаасан̇габбо мижчаасан̇габбасса бахаанааяа маг̇г̇о жзва хзд̇у жа, сахаж̇аад̇аанам̣ д̇хаммаанам̣ убад̇т̇амбханааяа маг̇г̇о жзва хзд̇у жа, гилзсаанам̣ барияаад̣̇аанааяа маг̇г̇о жзва хзд̇у жа, бадивзд̇хаад̣̇ивисод̇ханааяа маг̇г̇о жзва хзд̇у жа, жид̇д̇асса ад̇хидтаанааяа маг̇г̇о жзва хзд̇у жа, жид̇д̇асса вод̣̇аанааяа маг̇г̇о жзва хзд̇у жа, висзсаад̇хиг̇амааяа маг̇г̇о жзва хзд̇у жа, уд̇д̇ари бадивзд̇хааяа маг̇г̇о жзва хзд̇у жа, сажжаабхисамаяааяа маг̇г̇о жзва хзд̇у жа, нирод̇хз бад̇идтаабанааяа маг̇г̇о жзва хзд̇у жа.
Abhiniropanaṭṭhena sammāsaṅkappo micchāsaṅkappassa pahānāya maggo ceva hetu ca, sahajātānaṃ dhammānaṃ upatthambhanāya maggo ceva hetu ca, kilesānaṃ pariyādānāya maggo ceva hetu ca, paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa vodānāya maggo ceva hetu ca, visesādhigamāya maggo ceva hetu ca, uttari paṭivedhāya maggo ceva hetu ca, saccābhisamayāya maggo ceva hetu ca, nirodhe patiṭṭhāpanāya maggo ceva hetu ca.
бариг̇г̇ахадтзна саммааваажаа мижчааваажааяа бахаанааяа маг̇г̇о жзва хзд̇у жа, сахаж̇аад̇аанам̣ д̇хаммаанам̣ убад̇т̇амбханааяа маг̇г̇о жзва хзд̇у жа, гилзсаанам̣ барияаад̣̇аанааяа маг̇г̇о жзва хзд̇у жа, бадивзд̇хаад̣̇ивисод̇ханааяа маг̇г̇о жзва хзд̇у жа, жид̇д̇асса ад̇хидтаанааяа маг̇г̇о жзва хзд̇у жа, жид̇д̇асса вод̣̇аанааяа маг̇г̇о жзва хзд̇у жа, висзсаад̇хиг̇амааяа маг̇г̇о жзва хзд̇у жа, уд̇д̇ари бадивзд̇хааяа маг̇г̇о жзва хзд̇у жа, сажжаабхисамаяааяа маг̇г̇о жзва хзд̇у жа, нирод̇хз бад̇идтаабанааяа маг̇г̇о жзва хзд̇у жа.
Pariggahaṭṭhena sammāvācā micchāvācāya pahānāya maggo ceva hetu ca, sahajātānaṃ dhammānaṃ upatthambhanāya maggo ceva hetu ca, kilesānaṃ pariyādānāya maggo ceva hetu ca, paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa vodānāya maggo ceva hetu ca, visesādhigamāya maggo ceva hetu ca, uttari paṭivedhāya maggo ceva hetu ca, saccābhisamayāya maggo ceva hetu ca, nirodhe patiṭṭhāpanāya maggo ceva hetu ca.
самудтаанадтзна саммаагамманд̇о мижчаагамманд̇асса бахаанааяа маг̇г̇о жзва хзд̇у жа, сахаж̇аад̇аанам̣ д̇хаммаанам̣ убад̇т̇амбханааяа маг̇г̇о жзва хзд̇у жа, гилзсаанам̣ барияаад̣̇аанааяа маг̇г̇о жзва хзд̇у жа бадивзд̇хаад̣̇ивисод̇ханааяа маг̇г̇о жзва хзд̇у жа, жид̇д̇асса ад̇хидтаанааяа маг̇г̇о жзва хзд̇у жа, жид̇д̇асса вод̣̇аанааяа маг̇г̇о жзва хзд̇у жа, висзсаад̇хиг̇амааяа маг̇г̇о жзва хзд̇у жа, уд̇д̇ари бадивзд̇хааяа маг̇г̇о жзва хзд̇у жа, сажжаабхисамаяааяа маг̇г̇о жзва хзд̇у жа, нирод̇хз бад̇идтаабанааяа маг̇г̇о жзва хзд̇у жа.
Samuṭṭhānaṭṭhena sammākammanto micchākammantassa pahānāya maggo ceva hetu ca, sahajātānaṃ dhammānaṃ upatthambhanāya maggo ceva hetu ca, kilesānaṃ pariyādānāya maggo ceva hetu ca paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa vodānāya maggo ceva hetu ca, visesādhigamāya maggo ceva hetu ca, uttari paṭivedhāya maggo ceva hetu ca, saccābhisamayāya maggo ceva hetu ca, nirodhe patiṭṭhāpanāya maggo ceva hetu ca.
вод̣̇аанадтзна саммааааж̇ийво мижчааааж̇ийвасса бахаанааяа маг̇г̇о жзва хзд̇у жа…бз… баг̇г̇ахадтзна саммаавааяаамо мижчаавааяаамасса бахаанааяа маг̇г̇о жзва хзд̇у жа…бз… убадтаанадтзна саммаасад̇и мижчаасад̇ияаа бахаанааяа маг̇г̇о жзва хзд̇у жа…бз… авигкзбадтзна саммаасамаад̇хи мижчаасамаад̇хисса бахаанааяа маг̇г̇о жзва хзд̇у жа, сахаж̇аад̇аанам̣ д̇хаммаанам̣ убад̇т̇амбханааяа маг̇г̇о жзва хзд̇у жа, гилзсаанам̣ барияаад̣̇аанааяа маг̇г̇о жзва хзд̇у жа, бадивзд̇хаад̣̇ивисод̇ханааяа маг̇г̇о жзва хзд̇у жа, жид̇д̇асса ад̇хидтаанааяа маг̇г̇о жзва хзд̇у жа, жид̇д̇асса вод̣̇аанааяа маг̇г̇о жзва хзд̇у жа, висзсаад̇хиг̇амааяа маг̇г̇о жзва хзд̇у жа, уд̇д̇ари бадивзд̇хааяа маг̇г̇о жзва хзд̇у жа, сажжаабхисамаяааяа маг̇г̇о жзва хзд̇у жа, нирод̇хз бад̇идтаабанааяа маг̇г̇о жзва хзд̇у жа.
Vodānaṭṭhena sammāājīvo micchāājīvassa pahānāya maggo ceva hetu ca…pe… paggahaṭṭhena sammāvāyāmo micchāvāyāmassa pahānāya maggo ceva hetu ca…pe… upaṭṭhānaṭṭhena sammāsati micchāsatiyā pahānāya maggo ceva hetu ca…pe… avikkhepaṭṭhena sammāsamādhi micchāsamādhissa pahānāya maggo ceva hetu ca, sahajātānaṃ dhammānaṃ upatthambhanāya maggo ceva hetu ca, kilesānaṃ pariyādānāya maggo ceva hetu ca, paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa vodānāya maggo ceva hetu ca, visesādhigamāya maggo ceva hetu ca, uttari paṭivedhāya maggo ceva hetu ca, saccābhisamayāya maggo ceva hetu ca, nirodhe patiṭṭhāpanāya maggo ceva hetu ca.
сагад̣̇ааг̇аамимаг̇г̇агкан̣з д̣̇ассанадтзна саммаад̣̇идти…бз… авигкзбадтзна саммаасамаад̇хи ол̣ааригасса гаамарааг̇асан̃н̃ож̇анасса бадигхасан̃н̃ож̇анасса ол̣ааригасса гаамарааг̇аанусаяасса бадигхаанусаяасса бахаанааяа маг̇г̇о жзва хзд̇у жа, сахаж̇аад̇аанам̣ д̇хаммаанам̣ убад̇т̇амбханааяа маг̇г̇о жзва хзд̇у жа, гилзсаанам̣ барияаад̣̇аанааяа маг̇г̇о жзва хзд̇у жа, бадивзд̇хаад̣̇ивисод̇ханааяа маг̇г̇о жзва хзд̇у жа, жид̇д̇асса ад̇хидтаанааяа маг̇г̇о жзва хзд̇у жа, жид̇д̇асса вод̣̇аанааяа маг̇г̇о жзва хзд̇у жа, висзсаад̇хиг̇амааяа маг̇г̇о жзва хзд̇у жа, уд̇д̇ари бадивзд̇хааяа маг̇г̇о жзва хзд̇у жа, сажжаабхисамаяааяа маг̇г̇о жзва хзд̇у жа, нирод̇хз бад̇идтаабанааяа маг̇г̇о жзва хзд̇у жа.
Sakadāgāmimaggakkhaṇe dassanaṭṭhena sammādiṭṭhi…pe… avikkhepaṭṭhena sammāsamādhi oḷārikassa kāmarāgasaññojanassa paṭighasaññojanassa oḷārikassa kāmarāgānusayassa paṭighānusayassa pahānāya maggo ceva hetu ca, sahajātānaṃ dhammānaṃ upatthambhanāya maggo ceva hetu ca, kilesānaṃ pariyādānāya maggo ceva hetu ca, paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa vodānāya maggo ceva hetu ca, visesādhigamāya maggo ceva hetu ca, uttari paṭivedhāya maggo ceva hetu ca, saccābhisamayāya maggo ceva hetu ca, nirodhe patiṭṭhāpanāya maggo ceva hetu ca.
анааг̇аамимаг̇г̇агкан̣з д̣̇ассанадтзна саммаад̣̇идти…бз… авигкзбадтзна саммаасамаад̇хи анусахаг̇ад̇асса гаамарааг̇асан̃н̃ож̇анасса бадигхасан̃н̃ож̇анасса, анусахаг̇ад̇асса гаамарааг̇аанусаяасса бадигхаанусаяасса бахаанааяа маг̇г̇о жзва хзд̇у жа, сахаж̇аад̇аанам̣ д̇хаммаанам̣ убад̇т̇амбханааяа маг̇г̇о жзва хзд̇у жа, гилзсаанам̣ барияаад̣̇аанааяа маг̇г̇о жзва хзд̇у жа, бадивзд̇хаад̣̇ивисод̇ханааяа маг̇г̇о жзва хзд̇у жа, жид̇д̇асса ад̇хидтаанааяа маг̇г̇о жзва хзд̇у жа, жид̇д̇асса вод̣̇аанааяа маг̇г̇о жзва хзд̇у жа , висзсаад̇хиг̇амааяа маг̇г̇о жзва хзд̇у жа, уд̇д̇ари бадивзд̇хааяа маг̇г̇о жзва хзд̇у жа, сажжаабхисамаяааяа маг̇г̇о жзва хзд̇у жа, нирод̇хз бад̇идтаабанааяа маг̇г̇о жзва хзд̇у жа.
Anāgāmimaggakkhaṇe dassanaṭṭhena sammādiṭṭhi…pe… avikkhepaṭṭhena sammāsamādhi anusahagatassa kāmarāgasaññojanassa paṭighasaññojanassa, anusahagatassa kāmarāgānusayassa paṭighānusayassa pahānāya maggo ceva hetu ca, sahajātānaṃ dhammānaṃ upatthambhanāya maggo ceva hetu ca, kilesānaṃ pariyādānāya maggo ceva hetu ca, paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa vodānāya maggo ceva hetu ca , visesādhigamāya maggo ceva hetu ca, uttari paṭivedhāya maggo ceva hetu ca, saccābhisamayāya maggo ceva hetu ca, nirodhe patiṭṭhāpanāya maggo ceva hetu ca.
арахад̇д̇амаг̇г̇агкан̣з д̣̇ассанадтзна саммаад̣̇идти…бз… авигкзбадтзна саммаасамаад̇хи руубарааг̇асса аруубарааг̇асса маанасса уд̣̇д̇хажжасса авиж̇ж̇ааяа, маанаанусаяасса бхаварааг̇аанусаяасса авиж̇ж̇аанусаяасса бахаанааяа маг̇г̇о жзва хзд̇у жа, сахаж̇аад̇аанам̣ д̇хаммаанам̣ убад̇т̇амбханааяа маг̇г̇о жзва хзд̇у жа, гилзсаанам̣ барияаад̣̇аанааяа маг̇г̇о жзва хзд̇у жа, бадивзд̇хаад̣̇ивисод̇ханааяа маг̇г̇о жзва хзд̇у жа, жид̇д̇асса ад̇хидтаанааяа маг̇г̇о жзва хзд̇у жа, жид̇д̇асса, вод̣̇аанааяа маг̇г̇о жзва хзд̇у жа, висзсаад̇хиг̇амааяа маг̇г̇о жзва хзд̇у жа, уд̇д̇ари бадивзд̇хааяа маг̇г̇о жзва хзд̇у жа, сажжаабхисамаяааяа маг̇г̇о жзва, хзд̇у жа, нирод̇хз бад̇идтаабанааяа маг̇г̇о жзва хзд̇у жа.
Arahattamaggakkhaṇe dassanaṭṭhena sammādiṭṭhi…pe… avikkhepaṭṭhena sammāsamādhi rūparāgassa arūparāgassa mānassa uddhaccassa avijjāya, mānānusayassa bhavarāgānusayassa avijjānusayassa pahānāya maggo ceva hetu ca, sahajātānaṃ dhammānaṃ upatthambhanāya maggo ceva hetu ca, kilesānaṃ pariyādānāya maggo ceva hetu ca, paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa, vodānāya maggo ceva hetu ca, visesādhigamāya maggo ceva hetu ca, uttari paṭivedhāya maggo ceva hetu ca, saccābhisamayāya maggo ceva, hetu ca, nirodhe patiṭṭhāpanāya maggo ceva hetu ca.
д̣̇ассанамаг̇г̇о саммаад̣̇идти, абхиниробанамаг̇г̇о саммаасан̇габбо , бариг̇г̇ахамаг̇г̇о саммааваажаа, самудтаанамаг̇г̇о саммаагамманд̇о, вод̣̇аанамаг̇г̇о саммааааж̇ийво, баг̇г̇ахамаг̇г̇о саммаавааяаамо, убадтаанамаг̇г̇о саммаасад̇и, авигкзбамаг̇г̇о саммаасамаад̇хи. убадтаанамаг̇г̇о сад̇исамб̣ож̇жхан̇г̇о, бавижаяамаг̇г̇о д̇хаммавижаяасамб̣ож̇жхан̇г̇о, баг̇г̇ахамаг̇г̇о вийрияасамб̣ож̇жхан̇г̇о, паран̣амаг̇г̇о бийд̇исамб̣ож̇жхан̇г̇о, убасамамаг̇г̇о бассад̣̇д̇хисамб̣ож̇жхан̇г̇о, авигкзбамаг̇г̇о самаад̇хисамб̣ож̇жхан̇г̇о, бадисан̇каанамаг̇г̇о убзгкаасамб̣ож̇жхан̇г̇о.
Dassanamaggo sammādiṭṭhi, abhiniropanamaggo sammāsaṅkappo , pariggahamaggo sammāvācā, samuṭṭhānamaggo sammākammanto, vodānamaggo sammāājīvo, paggahamaggo sammāvāyāmo, upaṭṭhānamaggo sammāsati, avikkhepamaggo sammāsamādhi. Upaṭṭhānamaggo satisambojjhaṅgo, pavicayamaggo dhammavicayasambojjhaṅgo, paggahamaggo vīriyasambojjhaṅgo, pharaṇamaggo pītisambojjhaṅgo, upasamamaggo passaddhisambojjhaṅgo, avikkhepamaggo samādhisambojjhaṅgo, paṭisaṅkhānamaggo upekkhāsambojjhaṅgo.
ассад̣̇д̇хияз агамбияамаг̇г̇о сад̣̇д̇хааб̣алам̣, госаж̇ж̇з агамбияамаг̇г̇о вийрияаб̣алам̣, бамаад̣̇з агамбияамаг̇г̇о сад̇иб̣алам̣, уд̣̇д̇хажжз агамбияамаг̇г̇о самаад̇хиб̣алам̣, авиж̇ж̇ааяа агамбияамаг̇г̇о бан̃н̃ааб̣алам̣. ад̇химогкамаг̇г̇о сад̣̇д̇хинд̣̇рияам̣, баг̇г̇ахамаг̇г̇о вийрияинд̣̇рияам̣, убадтаанамаг̇г̇о сад̇инд̣̇рияам̣, авигкзбамаг̇г̇о самаад̇хинд̣̇рияам̣, д̣̇ассанамаг̇г̇о бан̃н̃инд̣̇рияам̣.
Assaddhiye akampiyamaggo saddhābalaṃ, kosajje akampiyamaggo vīriyabalaṃ, pamāde akampiyamaggo satibalaṃ, uddhacce akampiyamaggo samādhibalaṃ, avijjāya akampiyamaggo paññābalaṃ. Adhimokkhamaggo saddhindriyaṃ, paggahamaggo vīriyindriyaṃ, upaṭṭhānamaggo satindriyaṃ, avikkhepamaggo samādhindriyaṃ, dassanamaggo paññindriyaṃ.
аад̇хибад̇зяяадтзна инд̣̇рияаа маг̇г̇о, агамбияадтзна б̣алаа маг̇г̇о, нияяаанадтзна б̣ож̇жхан̇г̇аа маг̇г̇о, хзд̇удтзна маг̇г̇ан̇г̇аа маг̇г̇о, убадтаанадтзна сад̇ибадтаанаа маг̇г̇о, бад̣̇аханадтзна саммаббад̇хаанаа маг̇г̇о, иж̇жханадтзна ид̣̇д̇хибаад̣̇аа маг̇г̇о, д̇ат̇адтзна сажжаани маг̇г̇о, авигкзбадтзна самат̇о маг̇г̇о, анубассанадтзна вибассанаа маг̇г̇о, згарасадтзна самат̇авибассанаа маг̇г̇о, анад̇ивад̇д̇анадтзна яуг̇анад̣̇д̇хаа маг̇г̇о, сам̣варадтзна сийлависуд̣̇д̇хи маг̇г̇о, авигкзбадтзна жид̇д̇ависуд̣̇д̇хи маг̇г̇о, д̣̇ассанадтзна д̣̇идтивисуд̣̇д̇хи маг̇г̇о, муд̇д̇адтзна вимогко маг̇г̇о, бадивзд̇хадтзна виж̇ж̇аа маг̇г̇о, барижжааг̇адтзна вимуд̇д̇и маг̇г̇о, самужчзд̣̇адтзна каяз н̃аан̣ам̣ маг̇г̇о, чанд̣̇о мууладтзна маг̇г̇о, манасигааро самудтаанадтзна маг̇г̇о, пассо самод̇хаанадтзна маг̇г̇о, взд̣̇анаа самосаран̣адтзна маг̇г̇о, самаад̇хи бамукадтзна маг̇г̇о, сад̇и аад̇хибад̇зяяадтзна маг̇г̇о, бан̃н̃аа д̇ад̇уд̇д̇арадтзна маг̇г̇о, вимуд̇д̇и саарадтзна маг̇г̇о, амад̇ог̇ад̇хам̣ ниб̣б̣аанам̣ барияосаанадтзна маг̇г̇од̇и.
Ādhipateyyaṭṭhena indriyā maggo, akampiyaṭṭhena balā maggo, niyyānaṭṭhena bojjhaṅgā maggo, hetuṭṭhena maggaṅgā maggo, upaṭṭhānaṭṭhena satipaṭṭhānā maggo, padahanaṭṭhena sammappadhānā maggo, ijjhanaṭṭhena iddhipādā maggo, tathaṭṭhena saccāni maggo, avikkhepaṭṭhena samatho maggo, anupassanaṭṭhena vipassanā maggo, ekarasaṭṭhena samathavipassanā maggo, anativattanaṭṭhena yuganaddhā maggo, saṃvaraṭṭhena sīlavisuddhi maggo, avikkhepaṭṭhena cittavisuddhi maggo, dassanaṭṭhena diṭṭhivisuddhi maggo, muttaṭṭhena vimokkho maggo, paṭivedhaṭṭhena vijjā maggo, pariccāgaṭṭhena vimutti maggo, samucchedaṭṭhena khaye ñāṇaṃ maggo, chando mūlaṭṭhena maggo, manasikāro samuṭṭhānaṭṭhena maggo, phasso samodhānaṭṭhena maggo, vedanā samosaraṇaṭṭhena maggo, samādhi pamukhaṭṭhena maggo, sati ādhipateyyaṭṭhena maggo, paññā tatuttaraṭṭhena maggo, vimutti sāraṭṭhena maggo, amatogadhaṃ nibbānaṃ pariyosānaṭṭhena maggoti.
маг̇г̇агат̇аа нидтид̇аа.
Maggakathā niṭṭhitā.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / маг̇г̇агат̇ааван̣н̣анаа • Maggakathāvaṇṇanā
