| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੯. ਮਗ੍ਗਕਥਾ
9. Maggakathā
੨੩੭. ਮਗ੍ਗੋਤਿ ਕੇਨਟ੍ਠੇਨ ਮਗ੍ਗੋ? ਸੋਤਾਪਤ੍ਤਿਮਗ੍ਗਕ੍ਖਣੇ ਦਸ੍ਸਨਟ੍ਠੇਨ ਸਮ੍ਮਾਦਿਟ੍ਠਿ ਮਿਚ੍ਛਾਦਿਟ੍ਠਿਯਾ ਪਹਾਨਾਯ ਮਗ੍ਗੋ ਚੇવ ਹੇਤੁ ਚ, ਸਹਜਾਤਾਨਂ ਧਮ੍ਮਾਨਂ ਉਪਤ੍ਥਮ੍ਭਨਾਯ ਮਗ੍ਗੋ ਚੇવ ਹੇਤੁ ਚ, ਕਿਲੇਸਾਨਂ ਪਰਿਯਾਦਾਨਾਯ ਮਗ੍ਗੋ ਚੇવ ਹੇਤੁ ਚ, ਪਟਿવੇਧਾਦਿવਿਸੋਧਨਾਯ ਮਗ੍ਗੋ ਚੇવ ਹੇਤੁ ਚ, ਚਿਤ੍ਤਸ੍ਸ ਅਧਿਟ੍ਠਾਨਾਯ ਮਗ੍ਗੋ ਚੇવ ਹੇਤੁ ਚ, ਚਿਤ੍ਤਸ੍ਸ વੋਦਾਨਾਯ ਮਗ੍ਗੋ ਚੇવ ਹੇਤੁ ਚ, વਿਸੇਸਾਧਿਗਮਾਯ ਮਗ੍ਗੋ ਚੇવ ਹੇਤੁ ਚ, ਉਤ੍ਤਰਿ ਪਟਿવੇਧਾਯ 1 ਮਗ੍ਗੋ ਚੇવ ਹੇਤੁ ਚ, ਸਚ੍ਚਾਭਿਸਮਯਾਯ ਮਗ੍ਗੋ ਚੇવ ਹੇਤੁ ਚ, ਨਿਰੋਧੇ ਪਤਿਟ੍ਠਾਪਨਾਯ ਮਗ੍ਗੋ ਚੇવ ਹੇਤੁ ਚ।
237. Maggoti kenaṭṭhena maggo? Sotāpattimaggakkhaṇe dassanaṭṭhena sammādiṭṭhi micchādiṭṭhiyā pahānāya maggo ceva hetu ca, sahajātānaṃ dhammānaṃ upatthambhanāya maggo ceva hetu ca, kilesānaṃ pariyādānāya maggo ceva hetu ca, paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa vodānāya maggo ceva hetu ca, visesādhigamāya maggo ceva hetu ca, uttari paṭivedhāya 2 maggo ceva hetu ca, saccābhisamayāya maggo ceva hetu ca, nirodhe patiṭṭhāpanāya maggo ceva hetu ca.
ਅਭਿਨਿਰੋਪਨਟ੍ਠੇਨ ਸਮ੍ਮਾਸਙ੍ਕਪ੍ਪੋ ਮਿਚ੍ਛਾਸਙ੍ਕਪ੍ਪਸ੍ਸ ਪਹਾਨਾਯ ਮਗ੍ਗੋ ਚੇવ ਹੇਤੁ ਚ, ਸਹਜਾਤਾਨਂ ਧਮ੍ਮਾਨਂ ਉਪਤ੍ਥਮ੍ਭਨਾਯ ਮਗ੍ਗੋ ਚੇવ ਹੇਤੁ ਚ, ਕਿਲੇਸਾਨਂ ਪਰਿਯਾਦਾਨਾਯ ਮਗ੍ਗੋ ਚੇવ ਹੇਤੁ ਚ, ਪਟਿવੇਧਾਦਿવਿਸੋਧਨਾਯ ਮਗ੍ਗੋ ਚੇવ ਹੇਤੁ ਚ, ਚਿਤ੍ਤਸ੍ਸ ਅਧਿਟ੍ਠਾਨਾਯ ਮਗ੍ਗੋ ਚੇવ ਹੇਤੁ ਚ, ਚਿਤ੍ਤਸ੍ਸ વੋਦਾਨਾਯ ਮਗ੍ਗੋ ਚੇવ ਹੇਤੁ ਚ, વਿਸੇਸਾਧਿਗਮਾਯ ਮਗ੍ਗੋ ਚੇવ ਹੇਤੁ ਚ, ਉਤ੍ਤਰਿ ਪਟਿવੇਧਾਯ ਮਗ੍ਗੋ ਚੇવ ਹੇਤੁ ਚ, ਸਚ੍ਚਾਭਿਸਮਯਾਯ ਮਗ੍ਗੋ ਚੇવ ਹੇਤੁ ਚ, ਨਿਰੋਧੇ ਪਤਿਟ੍ਠਾਪਨਾਯ ਮਗ੍ਗੋ ਚੇવ ਹੇਤੁ ਚ।
Abhiniropanaṭṭhena sammāsaṅkappo micchāsaṅkappassa pahānāya maggo ceva hetu ca, sahajātānaṃ dhammānaṃ upatthambhanāya maggo ceva hetu ca, kilesānaṃ pariyādānāya maggo ceva hetu ca, paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa vodānāya maggo ceva hetu ca, visesādhigamāya maggo ceva hetu ca, uttari paṭivedhāya maggo ceva hetu ca, saccābhisamayāya maggo ceva hetu ca, nirodhe patiṭṭhāpanāya maggo ceva hetu ca.
ਪਰਿਗ੍ਗਹਟ੍ਠੇਨ ਸਮ੍ਮਾવਾਚਾ ਮਿਚ੍ਛਾવਾਚਾਯ ਪਹਾਨਾਯ ਮਗ੍ਗੋ ਚੇવ ਹੇਤੁ ਚ, ਸਹਜਾਤਾਨਂ ਧਮ੍ਮਾਨਂ ਉਪਤ੍ਥਮ੍ਭਨਾਯ ਮਗ੍ਗੋ ਚੇવ ਹੇਤੁ ਚ, ਕਿਲੇਸਾਨਂ ਪਰਿਯਾਦਾਨਾਯ ਮਗ੍ਗੋ ਚੇવ ਹੇਤੁ ਚ, ਪਟਿવੇਧਾਦਿવਿਸੋਧਨਾਯ ਮਗ੍ਗੋ ਚੇવ ਹੇਤੁ ਚ, ਚਿਤ੍ਤਸ੍ਸ ਅਧਿਟ੍ਠਾਨਾਯ ਮਗ੍ਗੋ ਚੇવ ਹੇਤੁ ਚ, ਚਿਤ੍ਤਸ੍ਸ વੋਦਾਨਾਯ ਮਗ੍ਗੋ ਚੇવ ਹੇਤੁ ਚ, વਿਸੇਸਾਧਿਗਮਾਯ ਮਗ੍ਗੋ ਚੇવ ਹੇਤੁ ਚ, ਉਤ੍ਤਰਿ ਪਟਿવੇਧਾਯ ਮਗ੍ਗੋ ਚੇવ ਹੇਤੁ ਚ, ਸਚ੍ਚਾਭਿਸਮਯਾਯ ਮਗ੍ਗੋ ਚੇવ ਹੇਤੁ ਚ, ਨਿਰੋਧੇ ਪਤਿਟ੍ਠਾਪਨਾਯ ਮਗ੍ਗੋ ਚੇવ ਹੇਤੁ ਚ।
Pariggahaṭṭhena sammāvācā micchāvācāya pahānāya maggo ceva hetu ca, sahajātānaṃ dhammānaṃ upatthambhanāya maggo ceva hetu ca, kilesānaṃ pariyādānāya maggo ceva hetu ca, paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa vodānāya maggo ceva hetu ca, visesādhigamāya maggo ceva hetu ca, uttari paṭivedhāya maggo ceva hetu ca, saccābhisamayāya maggo ceva hetu ca, nirodhe patiṭṭhāpanāya maggo ceva hetu ca.
ਸਮੁਟ੍ਠਾਨਟ੍ਠੇਨ ਸਮ੍ਮਾਕਮ੍ਮਨ੍ਤੋ ਮਿਚ੍ਛਾਕਮ੍ਮਨ੍ਤਸ੍ਸ ਪਹਾਨਾਯ ਮਗ੍ਗੋ ਚੇવ ਹੇਤੁ ਚ, ਸਹਜਾਤਾਨਂ ਧਮ੍ਮਾਨਂ ਉਪਤ੍ਥਮ੍ਭਨਾਯ ਮਗ੍ਗੋ ਚੇવ ਹੇਤੁ ਚ, ਕਿਲੇਸਾਨਂ ਪਰਿਯਾਦਾਨਾਯ ਮਗ੍ਗੋ ਚੇવ ਹੇਤੁ ਚ ਪਟਿવੇਧਾਦਿવਿਸੋਧਨਾਯ ਮਗ੍ਗੋ ਚੇવ ਹੇਤੁ ਚ, ਚਿਤ੍ਤਸ੍ਸ ਅਧਿਟ੍ਠਾਨਾਯ ਮਗ੍ਗੋ ਚੇવ ਹੇਤੁ ਚ, ਚਿਤ੍ਤਸ੍ਸ વੋਦਾਨਾਯ ਮਗ੍ਗੋ ਚੇવ ਹੇਤੁ ਚ, વਿਸੇਸਾਧਿਗਮਾਯ ਮਗ੍ਗੋ ਚੇવ ਹੇਤੁ ਚ, ਉਤ੍ਤਰਿ ਪਟਿવੇਧਾਯ ਮਗ੍ਗੋ ਚੇવ ਹੇਤੁ ਚ, ਸਚ੍ਚਾਭਿਸਮਯਾਯ ਮਗ੍ਗੋ ਚੇવ ਹੇਤੁ ਚ, ਨਿਰੋਧੇ ਪਤਿਟ੍ਠਾਪਨਾਯ ਮਗ੍ਗੋ ਚੇવ ਹੇਤੁ ਚ।
Samuṭṭhānaṭṭhena sammākammanto micchākammantassa pahānāya maggo ceva hetu ca, sahajātānaṃ dhammānaṃ upatthambhanāya maggo ceva hetu ca, kilesānaṃ pariyādānāya maggo ceva hetu ca paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa vodānāya maggo ceva hetu ca, visesādhigamāya maggo ceva hetu ca, uttari paṭivedhāya maggo ceva hetu ca, saccābhisamayāya maggo ceva hetu ca, nirodhe patiṭṭhāpanāya maggo ceva hetu ca.
વੋਦਾਨਟ੍ਠੇਨ ਸਮ੍ਮਾਆਜੀવੋ ਮਿਚ੍ਛਾਆਜੀવਸ੍ਸ ਪਹਾਨਾਯ ਮਗ੍ਗੋ ਚੇવ ਹੇਤੁ ਚ…ਪੇ॰… ਪਗ੍ਗਹਟ੍ਠੇਨ ਸਮ੍ਮਾવਾਯਾਮੋ ਮਿਚ੍ਛਾવਾਯਾਮਸ੍ਸ ਪਹਾਨਾਯ ਮਗ੍ਗੋ ਚੇવ ਹੇਤੁ ਚ…ਪੇ॰… ਉਪਟ੍ਠਾਨਟ੍ਠੇਨ ਸਮ੍ਮਾਸਤਿ ਮਿਚ੍ਛਾਸਤਿਯਾ ਪਹਾਨਾਯ ਮਗ੍ਗੋ ਚੇવ ਹੇਤੁ ਚ…ਪੇ॰… ਅવਿਕ੍ਖੇਪਟ੍ਠੇਨ ਸਮ੍ਮਾਸਮਾਧਿ ਮਿਚ੍ਛਾਸਮਾਧਿਸ੍ਸ ਪਹਾਨਾਯ ਮਗ੍ਗੋ ਚੇવ ਹੇਤੁ ਚ, ਸਹਜਾਤਾਨਂ ਧਮ੍ਮਾਨਂ ਉਪਤ੍ਥਮ੍ਭਨਾਯ ਮਗ੍ਗੋ ਚੇવ ਹੇਤੁ ਚ, ਕਿਲੇਸਾਨਂ ਪਰਿਯਾਦਾਨਾਯ ਮਗ੍ਗੋ ਚੇવ ਹੇਤੁ ਚ, ਪਟਿવੇਧਾਦਿવਿਸੋਧਨਾਯ ਮਗ੍ਗੋ ਚੇવ ਹੇਤੁ ਚ, ਚਿਤ੍ਤਸ੍ਸ ਅਧਿਟ੍ਠਾਨਾਯ ਮਗ੍ਗੋ ਚੇવ ਹੇਤੁ ਚ, ਚਿਤ੍ਤਸ੍ਸ વੋਦਾਨਾਯ ਮਗ੍ਗੋ ਚੇવ ਹੇਤੁ ਚ, વਿਸੇਸਾਧਿਗਮਾਯ ਮਗ੍ਗੋ ਚੇવ ਹੇਤੁ ਚ, ਉਤ੍ਤਰਿ ਪਟਿવੇਧਾਯ ਮਗ੍ਗੋ ਚੇવ ਹੇਤੁ ਚ, ਸਚ੍ਚਾਭਿਸਮਯਾਯ ਮਗ੍ਗੋ ਚੇવ ਹੇਤੁ ਚ, ਨਿਰੋਧੇ ਪਤਿਟ੍ਠਾਪਨਾਯ ਮਗ੍ਗੋ ਚੇવ ਹੇਤੁ ਚ।
Vodānaṭṭhena sammāājīvo micchāājīvassa pahānāya maggo ceva hetu ca…pe… paggahaṭṭhena sammāvāyāmo micchāvāyāmassa pahānāya maggo ceva hetu ca…pe… upaṭṭhānaṭṭhena sammāsati micchāsatiyā pahānāya maggo ceva hetu ca…pe… avikkhepaṭṭhena sammāsamādhi micchāsamādhissa pahānāya maggo ceva hetu ca, sahajātānaṃ dhammānaṃ upatthambhanāya maggo ceva hetu ca, kilesānaṃ pariyādānāya maggo ceva hetu ca, paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa vodānāya maggo ceva hetu ca, visesādhigamāya maggo ceva hetu ca, uttari paṭivedhāya maggo ceva hetu ca, saccābhisamayāya maggo ceva hetu ca, nirodhe patiṭṭhāpanāya maggo ceva hetu ca.
ਸਕਦਾਗਾਮਿਮਗ੍ਗਕ੍ਖਣੇ ਦਸ੍ਸਨਟ੍ਠੇਨ ਸਮ੍ਮਾਦਿਟ੍ਠਿ…ਪੇ॰… ਅવਿਕ੍ਖੇਪਟ੍ਠੇਨ ਸਮ੍ਮਾਸਮਾਧਿ ਓਲ਼ਾਰਿਕਸ੍ਸ ਕਾਮਰਾਗਸਞ੍ਞੋਜਨਸ੍ਸ ਪਟਿਘਸਞ੍ਞੋਜਨਸ੍ਸ ਓਲ਼ਾਰਿਕਸ੍ਸ ਕਾਮਰਾਗਾਨੁਸਯਸ੍ਸ ਪਟਿਘਾਨੁਸਯਸ੍ਸ ਪਹਾਨਾਯ ਮਗ੍ਗੋ ਚੇવ ਹੇਤੁ ਚ, ਸਹਜਾਤਾਨਂ ਧਮ੍ਮਾਨਂ ਉਪਤ੍ਥਮ੍ਭਨਾਯ ਮਗ੍ਗੋ ਚੇવ ਹੇਤੁ ਚ, ਕਿਲੇਸਾਨਂ ਪਰਿਯਾਦਾਨਾਯ ਮਗ੍ਗੋ ਚੇવ ਹੇਤੁ ਚ, ਪਟਿવੇਧਾਦਿવਿਸੋਧਨਾਯ ਮਗ੍ਗੋ ਚੇવ ਹੇਤੁ ਚ, ਚਿਤ੍ਤਸ੍ਸ ਅਧਿਟ੍ਠਾਨਾਯ ਮਗ੍ਗੋ ਚੇવ ਹੇਤੁ ਚ, ਚਿਤ੍ਤਸ੍ਸ વੋਦਾਨਾਯ ਮਗ੍ਗੋ ਚੇવ ਹੇਤੁ ਚ, વਿਸੇਸਾਧਿਗਮਾਯ ਮਗ੍ਗੋ ਚੇવ ਹੇਤੁ ਚ, ਉਤ੍ਤਰਿ ਪਟਿવੇਧਾਯ ਮਗ੍ਗੋ ਚੇવ ਹੇਤੁ ਚ, ਸਚ੍ਚਾਭਿਸਮਯਾਯ ਮਗ੍ਗੋ ਚੇવ ਹੇਤੁ ਚ, ਨਿਰੋਧੇ ਪਤਿਟ੍ਠਾਪਨਾਯ ਮਗ੍ਗੋ ਚੇવ ਹੇਤੁ ਚ।
Sakadāgāmimaggakkhaṇe dassanaṭṭhena sammādiṭṭhi…pe… avikkhepaṭṭhena sammāsamādhi oḷārikassa kāmarāgasaññojanassa paṭighasaññojanassa oḷārikassa kāmarāgānusayassa paṭighānusayassa pahānāya maggo ceva hetu ca, sahajātānaṃ dhammānaṃ upatthambhanāya maggo ceva hetu ca, kilesānaṃ pariyādānāya maggo ceva hetu ca, paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa vodānāya maggo ceva hetu ca, visesādhigamāya maggo ceva hetu ca, uttari paṭivedhāya maggo ceva hetu ca, saccābhisamayāya maggo ceva hetu ca, nirodhe patiṭṭhāpanāya maggo ceva hetu ca.
ਅਨਾਗਾਮਿਮਗ੍ਗਕ੍ਖਣੇ ਦਸ੍ਸਨਟ੍ਠੇਨ ਸਮ੍ਮਾਦਿਟ੍ਠਿ…ਪੇ॰… ਅવਿਕ੍ਖੇਪਟ੍ਠੇਨ ਸਮ੍ਮਾਸਮਾਧਿ ਅਨੁਸਹਗਤਸ੍ਸ ਕਾਮਰਾਗਸਞ੍ਞੋਜਨਸ੍ਸ ਪਟਿਘਸਞ੍ਞੋਜਨਸ੍ਸ, ਅਨੁਸਹਗਤਸ੍ਸ ਕਾਮਰਾਗਾਨੁਸਯਸ੍ਸ ਪਟਿਘਾਨੁਸਯਸ੍ਸ ਪਹਾਨਾਯ ਮਗ੍ਗੋ ਚੇવ ਹੇਤੁ ਚ, ਸਹਜਾਤਾਨਂ ਧਮ੍ਮਾਨਂ ਉਪਤ੍ਥਮ੍ਭਨਾਯ ਮਗ੍ਗੋ ਚੇવ ਹੇਤੁ ਚ, ਕਿਲੇਸਾਨਂ ਪਰਿਯਾਦਾਨਾਯ ਮਗ੍ਗੋ ਚੇવ ਹੇਤੁ ਚ, ਪਟਿવੇਧਾਦਿવਿਸੋਧਨਾਯ ਮਗ੍ਗੋ ਚੇવ ਹੇਤੁ ਚ, ਚਿਤ੍ਤਸ੍ਸ ਅਧਿਟ੍ਠਾਨਾਯ ਮਗ੍ਗੋ ਚੇવ ਹੇਤੁ ਚ, ਚਿਤ੍ਤਸ੍ਸ વੋਦਾਨਾਯ ਮਗ੍ਗੋ ਚੇવ ਹੇਤੁ ਚ , વਿਸੇਸਾਧਿਗਮਾਯ ਮਗ੍ਗੋ ਚੇવ ਹੇਤੁ ਚ, ਉਤ੍ਤਰਿ ਪਟਿવੇਧਾਯ ਮਗ੍ਗੋ ਚੇવ ਹੇਤੁ ਚ, ਸਚ੍ਚਾਭਿਸਮਯਾਯ ਮਗ੍ਗੋ ਚੇવ ਹੇਤੁ ਚ, ਨਿਰੋਧੇ ਪਤਿਟ੍ਠਾਪਨਾਯ ਮਗ੍ਗੋ ਚੇવ ਹੇਤੁ ਚ।
Anāgāmimaggakkhaṇe dassanaṭṭhena sammādiṭṭhi…pe… avikkhepaṭṭhena sammāsamādhi anusahagatassa kāmarāgasaññojanassa paṭighasaññojanassa, anusahagatassa kāmarāgānusayassa paṭighānusayassa pahānāya maggo ceva hetu ca, sahajātānaṃ dhammānaṃ upatthambhanāya maggo ceva hetu ca, kilesānaṃ pariyādānāya maggo ceva hetu ca, paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa vodānāya maggo ceva hetu ca , visesādhigamāya maggo ceva hetu ca, uttari paṭivedhāya maggo ceva hetu ca, saccābhisamayāya maggo ceva hetu ca, nirodhe patiṭṭhāpanāya maggo ceva hetu ca.
ਅਰਹਤ੍ਤਮਗ੍ਗਕ੍ਖਣੇ ਦਸ੍ਸਨਟ੍ਠੇਨ ਸਮ੍ਮਾਦਿਟ੍ਠਿ…ਪੇ॰… ਅવਿਕ੍ਖੇਪਟ੍ਠੇਨ ਸਮ੍ਮਾਸਮਾਧਿ ਰੂਪਰਾਗਸ੍ਸ ਅਰੂਪਰਾਗਸ੍ਸ ਮਾਨਸ੍ਸ ਉਦ੍ਧਚ੍ਚਸ੍ਸ ਅવਿਜ੍ਜਾਯ, ਮਾਨਾਨੁਸਯਸ੍ਸ ਭવਰਾਗਾਨੁਸਯਸ੍ਸ ਅવਿਜ੍ਜਾਨੁਸਯਸ੍ਸ ਪਹਾਨਾਯ ਮਗ੍ਗੋ ਚੇવ ਹੇਤੁ ਚ, ਸਹਜਾਤਾਨਂ ਧਮ੍ਮਾਨਂ ਉਪਤ੍ਥਮ੍ਭਨਾਯ ਮਗ੍ਗੋ ਚੇવ ਹੇਤੁ ਚ, ਕਿਲੇਸਾਨਂ ਪਰਿਯਾਦਾਨਾਯ ਮਗ੍ਗੋ ਚੇવ ਹੇਤੁ ਚ, ਪਟਿવੇਧਾਦਿવਿਸੋਧਨਾਯ ਮਗ੍ਗੋ ਚੇવ ਹੇਤੁ ਚ, ਚਿਤ੍ਤਸ੍ਸ ਅਧਿਟ੍ਠਾਨਾਯ ਮਗ੍ਗੋ ਚੇવ ਹੇਤੁ ਚ, ਚਿਤ੍ਤਸ੍ਸ, વੋਦਾਨਾਯ ਮਗ੍ਗੋ ਚੇવ ਹੇਤੁ ਚ, વਿਸੇਸਾਧਿਗਮਾਯ ਮਗ੍ਗੋ ਚੇવ ਹੇਤੁ ਚ, ਉਤ੍ਤਰਿ ਪਟਿવੇਧਾਯ ਮਗ੍ਗੋ ਚੇવ ਹੇਤੁ ਚ, ਸਚ੍ਚਾਭਿਸਮਯਾਯ ਮਗ੍ਗੋ ਚੇવ, ਹੇਤੁ ਚ, ਨਿਰੋਧੇ ਪਤਿਟ੍ਠਾਪਨਾਯ ਮਗ੍ਗੋ ਚੇવ ਹੇਤੁ ਚ।
Arahattamaggakkhaṇe dassanaṭṭhena sammādiṭṭhi…pe… avikkhepaṭṭhena sammāsamādhi rūparāgassa arūparāgassa mānassa uddhaccassa avijjāya, mānānusayassa bhavarāgānusayassa avijjānusayassa pahānāya maggo ceva hetu ca, sahajātānaṃ dhammānaṃ upatthambhanāya maggo ceva hetu ca, kilesānaṃ pariyādānāya maggo ceva hetu ca, paṭivedhādivisodhanāya maggo ceva hetu ca, cittassa adhiṭṭhānāya maggo ceva hetu ca, cittassa, vodānāya maggo ceva hetu ca, visesādhigamāya maggo ceva hetu ca, uttari paṭivedhāya maggo ceva hetu ca, saccābhisamayāya maggo ceva, hetu ca, nirodhe patiṭṭhāpanāya maggo ceva hetu ca.
ਦਸ੍ਸਨਮਗ੍ਗੋ ਸਮ੍ਮਾਦਿਟ੍ਠਿ, ਅਭਿਨਿਰੋਪਨਮਗ੍ਗੋ ਸਮ੍ਮਾਸਙ੍ਕਪ੍ਪੋ , ਪਰਿਗ੍ਗਹਮਗ੍ਗੋ ਸਮ੍ਮਾવਾਚਾ, ਸਮੁਟ੍ਠਾਨਮਗ੍ਗੋ ਸਮ੍ਮਾਕਮ੍ਮਨ੍ਤੋ, વੋਦਾਨਮਗ੍ਗੋ ਸਮ੍ਮਾਆਜੀવੋ, ਪਗ੍ਗਹਮਗ੍ਗੋ ਸਮ੍ਮਾવਾਯਾਮੋ, ਉਪਟ੍ਠਾਨਮਗ੍ਗੋ ਸਮ੍ਮਾਸਤਿ, ਅવਿਕ੍ਖੇਪਮਗ੍ਗੋ ਸਮ੍ਮਾਸਮਾਧਿ। ਉਪਟ੍ਠਾਨਮਗ੍ਗੋ ਸਤਿਸਮ੍ਬੋਜ੍ਝਙ੍ਗੋ, ਪવਿਚਯਮਗ੍ਗੋ ਧਮ੍ਮવਿਚਯਸਮ੍ਬੋਜ੍ਝਙ੍ਗੋ, ਪਗ੍ਗਹਮਗ੍ਗੋ વੀਰਿਯਸਮ੍ਬੋਜ੍ਝਙ੍ਗੋ, ਫਰਣਮਗ੍ਗੋ ਪੀਤਿਸਮ੍ਬੋਜ੍ਝਙ੍ਗੋ, ਉਪਸਮਮਗ੍ਗੋ ਪਸ੍ਸਦ੍ਧਿਸਮ੍ਬੋਜ੍ਝਙ੍ਗੋ, ਅવਿਕ੍ਖੇਪਮਗ੍ਗੋ ਸਮਾਧਿਸਮ੍ਬੋਜ੍ਝਙ੍ਗੋ, ਪਟਿਸਙ੍ਖਾਨਮਗ੍ਗੋ ਉਪੇਕ੍ਖਾਸਮ੍ਬੋਜ੍ਝਙ੍ਗੋ।
Dassanamaggo sammādiṭṭhi, abhiniropanamaggo sammāsaṅkappo , pariggahamaggo sammāvācā, samuṭṭhānamaggo sammākammanto, vodānamaggo sammāājīvo, paggahamaggo sammāvāyāmo, upaṭṭhānamaggo sammāsati, avikkhepamaggo sammāsamādhi. Upaṭṭhānamaggo satisambojjhaṅgo, pavicayamaggo dhammavicayasambojjhaṅgo, paggahamaggo vīriyasambojjhaṅgo, pharaṇamaggo pītisambojjhaṅgo, upasamamaggo passaddhisambojjhaṅgo, avikkhepamaggo samādhisambojjhaṅgo, paṭisaṅkhānamaggo upekkhāsambojjhaṅgo.
ਅਸ੍ਸਦ੍ਧਿਯੇ ਅਕਮ੍ਪਿਯਮਗ੍ਗੋ ਸਦ੍ਧਾਬਲਂ, ਕੋਸਜ੍ਜੇ ਅਕਮ੍ਪਿਯਮਗ੍ਗੋ વੀਰਿਯਬਲਂ, ਪਮਾਦੇ ਅਕਮ੍ਪਿਯਮਗ੍ਗੋ ਸਤਿਬਲਂ, ਉਦ੍ਧਚ੍ਚੇ ਅਕਮ੍ਪਿਯਮਗ੍ਗੋ ਸਮਾਧਿਬਲਂ, ਅવਿਜ੍ਜਾਯ ਅਕਮ੍ਪਿਯਮਗ੍ਗੋ ਪਞ੍ਞਾਬਲਂ। ਅਧਿਮੋਕ੍ਖਮਗ੍ਗੋ ਸਦ੍ਧਿਨ੍ਦ੍ਰਿਯਂ, ਪਗ੍ਗਹਮਗ੍ਗੋ વੀਰਿਯਿਨ੍ਦ੍ਰਿਯਂ, ਉਪਟ੍ਠਾਨਮਗ੍ਗੋ ਸਤਿਨ੍ਦ੍ਰਿਯਂ, ਅવਿਕ੍ਖੇਪਮਗ੍ਗੋ ਸਮਾਧਿਨ੍ਦ੍ਰਿਯਂ, ਦਸ੍ਸਨਮਗ੍ਗੋ ਪਞ੍ਞਿਨ੍ਦ੍ਰਿਯਂ।
Assaddhiye akampiyamaggo saddhābalaṃ, kosajje akampiyamaggo vīriyabalaṃ, pamāde akampiyamaggo satibalaṃ, uddhacce akampiyamaggo samādhibalaṃ, avijjāya akampiyamaggo paññābalaṃ. Adhimokkhamaggo saddhindriyaṃ, paggahamaggo vīriyindriyaṃ, upaṭṭhānamaggo satindriyaṃ, avikkhepamaggo samādhindriyaṃ, dassanamaggo paññindriyaṃ.
ਆਧਿਪਤੇਯ੍ਯਟ੍ਠੇਨ ਇਨ੍ਦ੍ਰਿਯਾ ਮਗ੍ਗੋ, ਅਕਮ੍ਪਿਯਟ੍ਠੇਨ ਬਲਾ ਮਗ੍ਗੋ, ਨਿਯ੍ਯਾਨਟ੍ਠੇਨ ਬੋਜ੍ਝਙ੍ਗਾ ਮਗ੍ਗੋ, ਹੇਤੁਟ੍ਠੇਨ ਮਗ੍ਗਙ੍ਗਾ ਮਗ੍ਗੋ, ਉਪਟ੍ਠਾਨਟ੍ਠੇਨ ਸਤਿਪਟ੍ਠਾਨਾ ਮਗ੍ਗੋ, ਪਦਹਨਟ੍ਠੇਨ ਸਮ੍ਮਪ੍ਪਧਾਨਾ ਮਗ੍ਗੋ, ਇਜ੍ਝਨਟ੍ਠੇਨ ਇਦ੍ਧਿਪਾਦਾ ਮਗ੍ਗੋ, ਤਥਟ੍ਠੇਨ ਸਚ੍ਚਾਨਿ ਮਗ੍ਗੋ, ਅવਿਕ੍ਖੇਪਟ੍ਠੇਨ ਸਮਥੋ ਮਗ੍ਗੋ, ਅਨੁਪਸ੍ਸਨਟ੍ਠੇਨ વਿਪਸ੍ਸਨਾ ਮਗ੍ਗੋ, ਏਕਰਸਟ੍ਠੇਨ ਸਮਥવਿਪਸ੍ਸਨਾ ਮਗ੍ਗੋ, ਅਨਤਿવਤ੍ਤਨਟ੍ਠੇਨ ਯੁਗਨਦ੍ਧਾ ਮਗ੍ਗੋ, ਸਂવਰਟ੍ਠੇਨ ਸੀਲવਿਸੁਦ੍ਧਿ ਮਗ੍ਗੋ, ਅવਿਕ੍ਖੇਪਟ੍ਠੇਨ ਚਿਤ੍ਤવਿਸੁਦ੍ਧਿ ਮਗ੍ਗੋ, ਦਸ੍ਸਨਟ੍ਠੇਨ ਦਿਟ੍ਠਿવਿਸੁਦ੍ਧਿ ਮਗ੍ਗੋ, ਮੁਤ੍ਤਟ੍ਠੇਨ વਿਮੋਕ੍ਖੋ ਮਗ੍ਗੋ, ਪਟਿવੇਧਟ੍ਠੇਨ વਿਜ੍ਜਾ ਮਗ੍ਗੋ, ਪਰਿਚ੍ਚਾਗਟ੍ਠੇਨ વਿਮੁਤ੍ਤਿ ਮਗ੍ਗੋ, ਸਮੁਚ੍ਛੇਦਟ੍ਠੇਨ ਖਯੇ ਞਾਣਂ ਮਗ੍ਗੋ, ਛਨ੍ਦੋ ਮੂਲਟ੍ਠੇਨ ਮਗ੍ਗੋ, ਮਨਸਿਕਾਰੋ ਸਮੁਟ੍ਠਾਨਟ੍ਠੇਨ ਮਗ੍ਗੋ, ਫਸ੍ਸੋ ਸਮੋਧਾਨਟ੍ਠੇਨ ਮਗ੍ਗੋ, વੇਦਨਾ ਸਮੋਸਰਣਟ੍ਠੇਨ ਮਗ੍ਗੋ, ਸਮਾਧਿ ਪਮੁਖਟ੍ਠੇਨ ਮਗ੍ਗੋ, ਸਤਿ ਆਧਿਪਤੇਯ੍ਯਟ੍ਠੇਨ ਮਗ੍ਗੋ, ਪਞ੍ਞਾ ਤਤੁਤ੍ਤਰਟ੍ਠੇਨ ਮਗ੍ਗੋ, વਿਮੁਤ੍ਤਿ ਸਾਰਟ੍ਠੇਨ ਮਗ੍ਗੋ, ਅਮਤੋਗਧਂ ਨਿਬ੍ਬਾਨਂ ਪਰਿਯੋਸਾਨਟ੍ਠੇਨ ਮਗ੍ਗੋਤਿ।
Ādhipateyyaṭṭhena indriyā maggo, akampiyaṭṭhena balā maggo, niyyānaṭṭhena bojjhaṅgā maggo, hetuṭṭhena maggaṅgā maggo, upaṭṭhānaṭṭhena satipaṭṭhānā maggo, padahanaṭṭhena sammappadhānā maggo, ijjhanaṭṭhena iddhipādā maggo, tathaṭṭhena saccāni maggo, avikkhepaṭṭhena samatho maggo, anupassanaṭṭhena vipassanā maggo, ekarasaṭṭhena samathavipassanā maggo, anativattanaṭṭhena yuganaddhā maggo, saṃvaraṭṭhena sīlavisuddhi maggo, avikkhepaṭṭhena cittavisuddhi maggo, dassanaṭṭhena diṭṭhivisuddhi maggo, muttaṭṭhena vimokkho maggo, paṭivedhaṭṭhena vijjā maggo, pariccāgaṭṭhena vimutti maggo, samucchedaṭṭhena khaye ñāṇaṃ maggo, chando mūlaṭṭhena maggo, manasikāro samuṭṭhānaṭṭhena maggo, phasso samodhānaṭṭhena maggo, vedanā samosaraṇaṭṭhena maggo, samādhi pamukhaṭṭhena maggo, sati ādhipateyyaṭṭhena maggo, paññā tatuttaraṭṭhena maggo, vimutti sāraṭṭhena maggo, amatogadhaṃ nibbānaṃ pariyosānaṭṭhena maggoti.
ਮਗ੍ਗਕਥਾ ਨਿਟ੍ਠਿਤਾ।
Maggakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ਮਗ੍ਗਕਥਾવਣ੍ਣਨਾ • Maggakathāvaṇṇanā
