| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
5. маг̇г̇агат̇ааван̣н̣анаа
5. Maggakathāvaṇṇanā
872-875. ид̣̇аани маг̇г̇агат̇аа наама ход̇и. д̇ад̇т̇а язсам̣ ‘‘буб̣б̣зва ко банасса гааяагаммам̣ важийгаммам̣ ааж̇ийво субарисуд̣̇д̇хо ход̇ий’’д̇и (а. ни. 3.431) ид̣̇ан̃жзва суд̇д̇ам̣ саммааваажаагамманд̇ааж̇ийваанан̃жа жид̇д̇авиббаяуд̇д̇ад̇ам̣ ниссааяа ‘‘ниббарияааязна бан̃жан̇г̇игова маг̇г̇о’’д̇и лад̣̇д̇хи, сзяяат̇ааби махисаасагаанам̣, д̇з санд̇хааяа бан̃жан̇г̇игод̇и бужчаа сагаваад̣̇исса, бадин̃н̃аа ид̇арасса. саммааваажаа маг̇г̇ан̇г̇ам̣, саа жа на маг̇г̇од̇иаад̣̇и барасамаяавасзна вуд̇д̇ам̣. барасамаяасмин̃хи саммааваажаад̣̇аяо маг̇г̇ан̇г̇анд̇и ааг̇ад̇аа. руубад̇д̇аа бана маг̇г̇о на ход̇ийд̇и ван̣н̣ид̇аа. саммаад̣̇идти маг̇г̇ан̇г̇анд̇иаад̣̇и маг̇г̇ан̇г̇асса амаг̇г̇ад̇аа наама над̇т̇ийд̇и д̣̇ассанад̇т̇ам̣ вуд̇д̇ам̣. буб̣б̣зва ко банассаад̇и суд̇д̇з барисуд̣̇д̇хасийласса маг̇г̇абхааванаа наама ход̇и, на ид̇арассаад̇и ааг̇аманияабадибад̣̇ааяа висуд̣̇д̇хибхаавад̣̇ассанад̇т̇ам̣ ‘‘гааяагаммам̣ важийгаммам̣ ааж̇ийво субарисуд̣̇д̇хо ход̇ий’’д̇и вуд̇д̇ам̣, на имзхи винаа бан̃жан̇г̇игабхаавад̣̇ассанад̇т̇ам̣. д̇знзвааха ‘‘звамассааяам̣ арияо адтан̇г̇иго маг̇г̇о бхааванаабаарибуурим̣ г̇ажчад̇ий’’д̇и. сагаваад̣̇инаа аабхад̇асуд̇д̇ам̣ нийд̇ад̇т̇амзваад̇и.
872-875. Idāni maggakathā nāma hoti. Tattha yesaṃ ‘‘pubbeva kho panassa kāyakammaṃ vacīkammaṃ ājīvo suparisuddho hotī’’ti (a. ni. 3.431) idañceva suttaṃ sammāvācākammantājīvānañca cittavippayuttataṃ nissāya ‘‘nippariyāyena pañcaṅgikova maggo’’ti laddhi, seyyathāpi mahisāsakānaṃ, te sandhāya pañcaṅgikoti pucchā sakavādissa, paṭiññā itarassa. Sammāvācā maggaṅgaṃ, sā ca na maggotiādi parasamayavasena vuttaṃ. Parasamayasmiñhi sammāvācādayo maggaṅganti āgatā. Rūpattā pana maggo na hotīti vaṇṇitā. Sammādiṭṭhi maggaṅgantiādi maggaṅgassa amaggatā nāma natthīti dassanatthaṃ vuttaṃ. Pubbeva kho panassāti sutte parisuddhasīlassa maggabhāvanā nāma hoti, na itarassāti āgamaniyapaṭipadāya visuddhibhāvadassanatthaṃ ‘‘kāyakammaṃ vacīkammaṃ ājīvo suparisuddho hotī’’ti vuttaṃ, na imehi vinā pañcaṅgikabhāvadassanatthaṃ. Tenevāha ‘‘evamassāyaṃ ariyo aṭṭhaṅgiko maggo bhāvanāpāripūriṃ gacchatī’’ti. Sakavādinā ābhatasuttaṃ nītatthamevāti.
маг̇г̇агат̇ааван̣н̣анаа.
Maggakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (198) 5. маг̇г̇агат̇аа • (198) 5. Maggakathā
