| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
9. маг̇г̇агат̇аа
9. Maggakathā
маг̇г̇агат̇ааван̣н̣анаа
Maggakathāvaṇṇanā
237. ид̣̇аани д̇зсам̣ д̇ин̣н̣ам̣ вибаллаасаанам̣ бахаанагарам̣ арияамаг̇г̇ам̣ д̣̇ассзнд̇зна гат̇ид̇ааяа маг̇г̇агат̇ааяа абуб̣б̣ад̇т̇аануван̣н̣анаа. д̇ад̇т̇а маг̇г̇од̇и гзнадтзна маг̇г̇од̇и яо б̣уд̣̇д̇хасаасанз маг̇г̇од̇и вужжад̇и, со гзнадтзна маг̇г̇о наама ход̇ийд̇и ад̇т̇о. мижчаад̣̇идтияаа бахаанааяаад̇иаад̣̇ийсу д̣̇асасу барияааязсу батамо батамо д̇асса д̇асса маг̇г̇ан̇г̇асса уж̇увибажжанийгавасзна вуд̇д̇о. маг̇г̇о жзва хзд̇у жаад̇и д̇асса д̇асса гижжасса гаран̣ааяа бадибад̣̇адтзна маг̇г̇о, самбаабагадтзна хзд̇у. д̇зна маг̇г̇асса бадибад̣̇адто самбаабагадто жа вуд̇д̇о ход̇и. ‘‘аяам̣ маг̇г̇о аяам̣ бадибад̣̇аа’’д̇иаад̣̇ийсу (сам̣. ни. 5.5, 48) хи бадибад̣̇аа маг̇г̇о, ‘‘маг̇г̇асса нияяаанадто хзд̇удто’’д̇иаад̣̇ийсу (бади. ма. 2.8) самбаабаго хзд̇у. звам̣ д̣̇вийхи д̣̇вийхи бад̣̇зхи ‘‘маг̇г̇од̇и гзнадтзна маг̇г̇о’’д̇и бужчааяа виссаж̇ж̇анам̣ гад̇ам̣ ход̇и. сахаж̇аад̇аанам̣ д̇хаммаанам̣ убад̇т̇амбханааяаад̇и ад̇д̇анаа сахаж̇аад̇аанам̣ аруубад̇хаммаанам̣ сахаж̇аад̇аан̃н̃аман̃н̃аниссаяаад̣̇ибхаавзна убад̇т̇амбханабхаавааяа. гилзсаанам̣ барияаад̣̇аанааяаад̇и д̇ам̣д̇ам̣маг̇г̇аваж̇жхаанам̣ вуд̇д̇аавасзсагилзсаанам̣ кзбанааяа. бадивзд̇хаад̣̇ивисод̇ханааяаад̇и зд̇т̇а яасмаа ‘‘го жаад̣̇и гусалаанам̣ д̇хаммаанам̣, сийлан̃жа сувисуд̣̇д̇хам̣ д̣̇идти жа уж̇угаа’’д̇и (сам̣. ни. 5.369, 381) важанад̇о сийлан̃жа д̣̇идти жа сажжабадивзд̇хасса аад̣̇и. со жа аад̣̇имаг̇г̇агкан̣з висуж̇жхад̇и. д̇асмаа ‘‘бадивзд̇хаад̣̇ивисод̇ханааяаа’’д̇и вуд̇д̇ам̣. жид̇д̇асса ад̇хидтаанааяаад̇и самбаяуд̇д̇ажид̇д̇асса сагагижжз бад̇идтаанааяа. жид̇д̇асса вод̣̇аанааяаад̇и жид̇д̇асса барисуд̣̇д̇хабхаавааяа. висзсаад̇хиг̇амааяаад̇и логияад̇о висзсабадилаабхааяа. уд̇д̇ари бадивзд̇хааяаад̇и логияад̇о уд̇д̇ари бадивиж̇жханад̇т̇ааяа. сажжаабхисамаяааяаад̇и жад̇уннам̣ сажжаанам̣ згаабхисамаяааяа гижжанибпад̇д̇ивасзна згабадивзд̇хааяа. нирод̇хз бад̇идтаабанааяаад̇и жид̇д̇асса ваа буг̇г̇аласса ваа ниб̣б̣аанз бад̇идтаабанад̇т̇ааяа. сагад̣̇ааг̇аамимаг̇г̇агкан̣аад̣̇ийсу адта маг̇г̇ан̇г̇аани згад̇о гад̇ваа д̇ам̣д̇ам̣маг̇г̇аваж̇жхагилзсаббахаанам̣ вуд̇д̇ам̣. звам̣ важанз гааран̣ам̣ хздтаа вуд̇д̇амзва. яасмаа убаруубаримаг̇г̇знааби судту аад̣̇ивисод̇ханаа судту жид̇д̇авод̣̇аанан̃жа ход̇и, д̇асмаа д̇ааниби бад̣̇аани вуд̇д̇аани.
237. Idāni tesaṃ tiṇṇaṃ vipallāsānaṃ pahānakaraṃ ariyamaggaṃ dassentena kathitāya maggakathāya apubbatthānuvaṇṇanā. Tattha maggoti kenaṭṭhena maggoti yo buddhasāsane maggoti vuccati, so kenaṭṭhena maggo nāma hotīti attho. Micchādiṭṭhiyā pahānāyātiādīsu dasasu pariyāyesu paṭhamo paṭhamo tassa tassa maggaṅgassa ujuvipaccanīkavasena vutto. Maggo ceva hetu cāti tassa tassa kiccassa karaṇāya paṭipadaṭṭhena maggo, sampāpakaṭṭhena hetu. Tena maggassa paṭipadaṭṭho sampāpakaṭṭho ca vutto hoti. ‘‘Ayaṃ maggo ayaṃ paṭipadā’’tiādīsu (saṃ. ni. 5.5, 48) hi paṭipadā maggo, ‘‘maggassa niyyānaṭṭho hetuṭṭho’’tiādīsu (paṭi. ma. 2.8) sampāpako hetu. Evaṃ dvīhi dvīhi padehi ‘‘maggoti kenaṭṭhena maggo’’ti pucchāya vissajjanaṃ kataṃ hoti. Sahajātānaṃ dhammānaṃ upatthambhanāyāti attanā sahajātānaṃ arūpadhammānaṃ sahajātaaññamaññanissayādibhāvena upatthambhanabhāvāya. Kilesānaṃ pariyādānāyāti taṃtaṃmaggavajjhānaṃ vuttāvasesakilesānaṃ khepanāya. Paṭivedhādivisodhanāyāti ettha yasmā ‘‘ko cādi kusalānaṃ dhammānaṃ, sīlañca suvisuddhaṃ diṭṭhi ca ujukā’’ti (saṃ. ni. 5.369, 381) vacanato sīlañca diṭṭhi ca saccapaṭivedhassa ādi. So ca ādimaggakkhaṇe visujjhati. Tasmā ‘‘paṭivedhādivisodhanāyā’’ti vuttaṃ. Cittassa adhiṭṭhānāyāti sampayuttacittassa sakakicce patiṭṭhānāya. Cittassa vodānāyāti cittassa parisuddhabhāvāya. Visesādhigamāyāti lokiyato visesapaṭilābhāya. Uttari paṭivedhāyāti lokiyato uttari paṭivijjhanatthāya. Saccābhisamayāyāti catunnaṃ saccānaṃ ekābhisamayāya kiccanipphattivasena ekapaṭivedhāya. Nirodhe patiṭṭhāpanāyāti cittassa vā puggalassa vā nibbāne patiṭṭhāpanatthāya. Sakadāgāmimaggakkhaṇādīsu aṭṭha maggaṅgāni ekato katvā taṃtaṃmaggavajjhakilesappahānaṃ vuttaṃ. Evaṃ vacane kāraṇaṃ heṭṭhā vuttameva. Yasmā uparūparimaggenāpi suṭṭhu ādivisodhanā suṭṭhu cittavodānañca hoti, tasmā tānipi padāni vuttāni.
д̣̇ассанамаг̇г̇од̇иаад̣̇ийхи яаава барияосаанаа д̇асса д̇хаммасса лагкан̣авасзна маг̇г̇адто вуд̇д̇о. д̇аани саб̣б̣ааниби бад̣̇аани абхин̃н̃зяяанид̣̇д̣̇зсз вуд̇д̇ад̇т̇аанзва. звамзд̇т̇а яат̇аасамбхавам̣ логияалогуд̇д̇аро маг̇г̇о нид̣̇д̣̇идто. хзд̇удтзна маг̇г̇од̇и жа адтан̇г̇иго маг̇г̇о нид̣̇д̣̇идто. ниббарияааяамаг̇г̇ад̇д̇аа жасса буна ‘‘маг̇г̇о’’д̇и на вуд̇д̇ам̣. аад̇хибад̇зяяадтзна инд̣̇рияаад̇и аад̣̇ийни жа инд̣̇рияаад̣̇ийнам̣ ад̇т̇авасзна вуд̇д̇аани, на маг̇г̇адтавасзна. сажжаанийд̇и жзд̇т̇а сажжан̃аан̣аани. саб̣б̣зби д̇з д̇хаммаа ниб̣б̣аанасса бадибад̣̇адтзна маг̇г̇о. анд̇з вуд̇д̇ам̣ ниб̣б̣аанам̣ бана сам̣саарад̣̇угкаабхибхууд̇зхи д̣̇угканиссаран̣ад̇т̇игзхи саббурисзхи маг̇г̇ийяад̇и г̇авзсийяад̇ийд̇и маг̇г̇од̇и вуд̇д̇анд̇и взд̣̇ид̇аб̣б̣анд̇и.
Dassanamaggotiādīhi yāva pariyosānā tassa dhammassa lakkhaṇavasena maggaṭṭho vutto. Tāni sabbānipi padāni abhiññeyyaniddese vuttatthāneva. Evamettha yathāsambhavaṃ lokiyalokuttaro maggo niddiṭṭho. Hetuṭṭhena maggoti ca aṭṭhaṅgiko maggo niddiṭṭho. Nippariyāyamaggattā cassa puna ‘‘maggo’’ti na vuttaṃ. Ādhipateyyaṭṭhena indriyāti ādīni ca indriyādīnaṃ atthavasena vuttāni, na maggaṭṭhavasena. Saccānīti cettha saccañāṇāni. Sabbepi te dhammā nibbānassa paṭipadaṭṭhena maggo. Ante vuttaṃ nibbānaṃ pana saṃsāradukkhābhibhūtehi dukkhanissaraṇatthikehi sappurisehi maggīyati gavesīyatīti maggoti vuttanti veditabbanti.
маг̇г̇агат̇ааван̣н̣анаа нидтид̇аа.
Maggakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 9. маг̇г̇агат̇аа • 9. Maggakathā
