| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੫. ਮਗ੍ਗਕਥਾવਣ੍ਣਨਾ
5. Maggakathāvaṇṇanā
੮੭੨-੮੭੫. ਇਦਾਨਿ ਮਗ੍ਗਕਥਾ ਨਾਮ ਹੋਤਿ। ਤਤ੍ਥ ਯੇਸਂ ‘‘ਪੁਬ੍ਬੇવ ਖੋ ਪਨਸ੍ਸ ਕਾਯਕਮ੍ਮਂ વਚੀਕਮ੍ਮਂ ਆਜੀવੋ ਸੁਪਰਿਸੁਦ੍ਧੋ ਹੋਤੀ’’ਤਿ (ਅ॰ ਨਿ॰ ੩.੪੩੧) ਇਦਞ੍ਚੇવ ਸੁਤ੍ਤਂ ਸਮ੍ਮਾવਾਚਾਕਮ੍ਮਨ੍ਤਾਜੀવਾਨਞ੍ਚ ਚਿਤ੍ਤવਿਪ੍ਪਯੁਤ੍ਤਤਂ ਨਿਸ੍ਸਾਯ ‘‘ਨਿਪ੍ਪਰਿਯਾਯੇਨ ਪਞ੍ਚਙ੍ਗਿਕੋવ ਮਗ੍ਗੋ’’ਤਿ ਲਦ੍ਧਿ, ਸੇਯ੍ਯਥਾਪਿ ਮਹਿਸਾਸਕਾਨਂ, ਤੇ ਸਨ੍ਧਾਯ ਪਞ੍ਚਙ੍ਗਿਕੋਤਿ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਸਮ੍ਮਾવਾਚਾ ਮਗ੍ਗਙ੍ਗਂ, ਸਾ ਚ ਨ ਮਗ੍ਗੋਤਿਆਦਿ ਪਰਸਮਯવਸੇਨ વੁਤ੍ਤਂ। ਪਰਸਮਯਸ੍ਮਿਞ੍ਹਿ ਸਮ੍ਮਾવਾਚਾਦਯੋ ਮਗ੍ਗਙ੍ਗਨ੍ਤਿ ਆਗਤਾ। ਰੂਪਤ੍ਤਾ ਪਨ ਮਗ੍ਗੋ ਨ ਹੋਤੀਤਿ વਣ੍ਣਿਤਾ। ਸਮ੍ਮਾਦਿਟ੍ਠਿ ਮਗ੍ਗਙ੍ਗਨ੍ਤਿਆਦਿ ਮਗ੍ਗਙ੍ਗਸ੍ਸ ਅਮਗ੍ਗਤਾ ਨਾਮ ਨਤ੍ਥੀਤਿ ਦਸ੍ਸਨਤ੍ਥਂ વੁਤ੍ਤਂ। ਪੁਬ੍ਬੇવ ਖੋ ਪਨਸ੍ਸਾਤਿ ਸੁਤ੍ਤੇ ਪਰਿਸੁਦ੍ਧਸੀਲਸ੍ਸ ਮਗ੍ਗਭਾવਨਾ ਨਾਮ ਹੋਤਿ, ਨ ਇਤਰਸ੍ਸਾਤਿ ਆਗਮਨਿਯਪਟਿਪਦਾਯ વਿਸੁਦ੍ਧਿਭਾવਦਸ੍ਸਨਤ੍ਥਂ ‘‘ਕਾਯਕਮ੍ਮਂ વਚੀਕਮ੍ਮਂ ਆਜੀવੋ ਸੁਪਰਿਸੁਦ੍ਧੋ ਹੋਤੀ’’ਤਿ વੁਤ੍ਤਂ, ਨ ਇਮੇਹਿ વਿਨਾ ਪਞ੍ਚਙ੍ਗਿਕਭਾવਦਸ੍ਸਨਤ੍ਥਂ। ਤੇਨੇવਾਹ ‘‘ਏવਮਸ੍ਸਾਯਂ ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ ਭਾવਨਾਪਾਰਿਪੂਰਿਂ ਗਚ੍ਛਤੀ’’ਤਿ। ਸਕવਾਦਿਨਾ ਆਭਤਸੁਤ੍ਤਂ ਨੀਤਤ੍ਥਮੇવਾਤਿ।
872-875. Idāni maggakathā nāma hoti. Tattha yesaṃ ‘‘pubbeva kho panassa kāyakammaṃ vacīkammaṃ ājīvo suparisuddho hotī’’ti (a. ni. 3.431) idañceva suttaṃ sammāvācākammantājīvānañca cittavippayuttataṃ nissāya ‘‘nippariyāyena pañcaṅgikova maggo’’ti laddhi, seyyathāpi mahisāsakānaṃ, te sandhāya pañcaṅgikoti pucchā sakavādissa, paṭiññā itarassa. Sammāvācā maggaṅgaṃ, sā ca na maggotiādi parasamayavasena vuttaṃ. Parasamayasmiñhi sammāvācādayo maggaṅganti āgatā. Rūpattā pana maggo na hotīti vaṇṇitā. Sammādiṭṭhi maggaṅgantiādi maggaṅgassa amaggatā nāma natthīti dassanatthaṃ vuttaṃ. Pubbeva kho panassāti sutte parisuddhasīlassa maggabhāvanā nāma hoti, na itarassāti āgamaniyapaṭipadāya visuddhibhāvadassanatthaṃ ‘‘kāyakammaṃ vacīkammaṃ ājīvo suparisuddho hotī’’ti vuttaṃ, na imehi vinā pañcaṅgikabhāvadassanatthaṃ. Tenevāha ‘‘evamassāyaṃ ariyo aṭṭhaṅgiko maggo bhāvanāpāripūriṃ gacchatī’’ti. Sakavādinā ābhatasuttaṃ nītatthamevāti.
ਮਗ੍ਗਕਥਾવਣ੍ਣਨਾ।
Maggakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੯੮) ੫. ਮਗ੍ਗਕਥਾ • (198) 5. Maggakathā
