| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১১. মগ্গঙ্গসুত্তং
11. Maggaṅgasuttaṃ
৩৭৬. ‘‘কতমো চ, ভিক্খৰে, অসঙ্খতগামিমগ্গো? অরিযো অট্ঠঙ্গিকো মগ্গো। অযং ৰুচ্চতি, ভিক্খৰে, অসঙ্খতগামিমগ্গো। ইতি খো, ভিক্খৰে , দেসিতং ৰো মযা অসঙ্খতং, দেসিতো অসঙ্খতগামিমগ্গো। যং, ভিক্খৰে, সত্থারা করণীযং সাৰকানং হিতেসিনা অনুকম্পকেন অনুকম্পং উপাদায কতং ৰো তং মযা। এতানি, ভিক্খৰে, রুক্খমূলানি, এতানি সুঞ্ঞাগারানি। ঝাযথ, ভিক্খৰে, মা পমাদত্থ; মা পচ্ছা ৰিপ্পটিসারিনো অহুৰত্থ। অযং ৰো অম্হাকং অনুসাসনী’’তি। একাদসমং।
376. ‘‘Katamo ca, bhikkhave, asaṅkhatagāmimaggo? Ariyo aṭṭhaṅgiko maggo. Ayaṃ vuccati, bhikkhave, asaṅkhatagāmimaggo. Iti kho, bhikkhave , desitaṃ vo mayā asaṅkhataṃ, desito asaṅkhatagāmimaggo. Yaṃ, bhikkhave, satthārā karaṇīyaṃ sāvakānaṃ hitesinā anukampakena anukampaṃ upādāya kataṃ vo taṃ mayā. Etāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṃ vo amhākaṃ anusāsanī’’ti. Ekādasamaṃ.
পঠমো ৰগ্গো।
Paṭhamo vaggo.
তস্সুদ্দানং –
Tassuddānaṃ –
কাযো সমথো সৰিতক্কো, সুঞ্ঞতো সতিপট্ঠানা।
Kāyo samatho savitakko, suññato satipaṭṭhānā;
সম্মপ্পধানা ইদ্ধিপাদা, ইন্দ্রিযবলবোজ্ঝঙ্গা।
Sammappadhānā iddhipādā, indriyabalabojjhaṅgā;
মগ্গেন একাদসমং, তস্সুদ্দানং পৰুচ্চতি॥
Maggena ekādasamaṃ, tassuddānaṃ pavuccati.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১-১১. কাযগতাসতিসুত্তাদিৰণ্ণনা • 1-11. Kāyagatāsatisuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১-১১. কাযগতাসতিসুত্তাদিৰণ্ণনা • 1-11. Kāyagatāsatisuttādivaṇṇanā
