| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
១១. មគ្គង្គសុត្តំ
11. Maggaṅgasuttaṃ
៣៧៦. ‘‘កតមោ ច, ភិក្ខវេ, អសង្ខតគាមិមគ្គោ? អរិយោ អដ្ឋង្គិកោ មគ្គោ។ អយំ វុច្ចតិ, ភិក្ខវេ, អសង្ខតគាមិមគ្គោ។ ឥតិ ខោ, ភិក្ខវេ , ទេសិតំ វោ មយា អសង្ខតំ, ទេសិតោ អសង្ខតគាមិមគ្គោ។ យំ, ភិក្ខវេ, សត្ថារា ករណីយំ សាវកានំ ហិតេសិនា អនុកម្បកេន អនុកម្បំ ឧបាទាយ កតំ វោ តំ មយា។ ឯតានិ, ភិក្ខវេ, រុក្ខមូលានិ, ឯតានិ សុញ្ញាគារានិ។ ឈាយថ, ភិក្ខវេ, មា បមាទត្ថ; មា បច្ឆា វិប្បដិសារិនោ អហុវត្ថ។ អយំ វោ អម្ហាកំ អនុសាសនី’’តិ។ ឯកាទសមំ។
376. ‘‘Katamo ca, bhikkhave, asaṅkhatagāmimaggo? Ariyo aṭṭhaṅgiko maggo. Ayaṃ vuccati, bhikkhave, asaṅkhatagāmimaggo. Iti kho, bhikkhave , desitaṃ vo mayā asaṅkhataṃ, desito asaṅkhatagāmimaggo. Yaṃ, bhikkhave, satthārā karaṇīyaṃ sāvakānaṃ hitesinā anukampakena anukampaṃ upādāya kataṃ vo taṃ mayā. Etāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṃ vo amhākaṃ anusāsanī’’ti. Ekādasamaṃ.
បឋមោ វគ្គោ។
Paṭhamo vaggo.
តស្សុទ្ទានំ –
Tassuddānaṃ –
កាយោ សមថោ សវិតក្កោ, សុញ្ញតោ សតិបដ្ឋានា;
Kāyo samatho savitakko, suññato satipaṭṭhānā;
សម្មប្បធានា ឥទ្ធិបាទា, ឥន្ទ្រិយពលពោជ្ឈង្គា;
Sammappadhānā iddhipādā, indriyabalabojjhaṅgā;
មគ្គេន ឯកាទសមំ, តស្សុទ្ទានំ បវុច្ចតិ។
Maggena ekādasamaṃ, tassuddānaṃ pavuccati.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១-១១. កាយគតាសតិសុត្តាទិវណ្ណនា • 1-11. Kāyagatāsatisuttādivaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១-១១. កាយគតាសតិសុត្តាទិវណ្ណនា • 1-11. Kāyagatāsatisuttādivaṇṇanā
