| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
11. මග්‌ගඞ්‌ගසුත්‌තං
11. Maggaṅgasuttaṃ
376. ‘‘කතමො ච, භික්‌ඛවෙ, අසඞ්‌ඛතගාමිමග්‌ගො? අරියො අට්‌ඨඞ්‌ගිකො මග්‌ගො. අයං වුච්‌චති, භික්‌ඛවෙ, අසඞ්‌ඛතගාමිමග්‌ගො. ඉති ඛො, භික්‌ඛවෙ , දෙසිතං වො මයා අසඞ්‌ඛතං, දෙසිතො අසඞ්‌ඛතගාමිමග්‌ගො. යං, භික්‌ඛවෙ, සත්‌ථාරා කරණීයං සාවකානං හිතෙසිනා අනුකම්‌පකෙන අනුකම්‌පං උපාදාය කතං වො තං මයා. එතානි, භික්‌ඛවෙ, රුක්‌ඛමූලානි, එතානි සුඤ්‌ඤාගාරානි. ඣායථ, භික්‌ඛවෙ, මා පමාදත්‌ථ; මා පච්‌ඡා විප්‌පටිසාරිනො අහුවත්‌ථ. අයං වො අම්‌හාකං අනුසාසනී’’ති. එකාදසමං.
376. ‘‘Katamo ca, bhikkhave, asaṅkhatagāmimaggo? Ariyo aṭṭhaṅgiko maggo. Ayaṃ vuccati, bhikkhave, asaṅkhatagāmimaggo. Iti kho, bhikkhave , desitaṃ vo mayā asaṅkhataṃ, desito asaṅkhatagāmimaggo. Yaṃ, bhikkhave, satthārā karaṇīyaṃ sāvakānaṃ hitesinā anukampakena anukampaṃ upādāya kataṃ vo taṃ mayā. Etāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṃ vo amhākaṃ anusāsanī’’ti. Ekādasamaṃ.
පඨමො වග්‌ගො.
Paṭhamo vaggo.
තස්‌සුද්‌දානං –
Tassuddānaṃ –
කායො සමථො සවිතක්‌කො, සුඤ්‌ඤතො සතිපට්‌ඨානා;
Kāyo samatho savitakko, suññato satipaṭṭhānā;
සම්‌මප්‌පධානා ඉද්‌ධිපාදා, ඉන්‌ද්‍රියබලබොජ්‌ඣඞ්‌ගා;
Sammappadhānā iddhipādā, indriyabalabojjhaṅgā;
මග්‌ගෙන එකාදසමං, තස්‌සුද්‌දානං පවුච්‌චති.
Maggena ekādasamaṃ, tassuddānaṃ pavuccati.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1-11. කායගතාසතිසුත්‌තාදිවණ්‌ණනා • 1-11. Kāyagatāsatisuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1-11. කායගතාසතිසුත්‌තාදිවණ්‌ණනා • 1-11. Kāyagatāsatisuttādivaṇṇanā
