| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
4. маг̇г̇ан̇г̇авааро
4. Maggaṅgavāro
26. саб̣б̣з сад̇д̇аа авзрино хонд̇у, кзмино хонд̇у, сукино хонд̇ууд̇и – саммаа бассад̇и. саммаад̣̇идтибарибхаавид̇аа ход̇и мзд̇д̇аажзд̇овимуд̇д̇и.
26. Sabbe sattā averino hontu, khemino hontu, sukhino hontūti – sammā passati. Sammādiṭṭhiparibhāvitā hoti mettācetovimutti.
саб̣б̣з сад̇д̇аа авзрино хонд̇у, кзмино хонд̇у, сукино хонд̇ууд̇и – саммаа абхиниробзд̇и. саммаасан̇габбабарибхаавид̇аа ход̇и мзд̇д̇аажзд̇овимуд̇д̇и.
Sabbe sattā averino hontu, khemino hontu, sukhino hontūti – sammā abhiniropeti. Sammāsaṅkappaparibhāvitā hoti mettācetovimutti.
саб̣б̣з сад̇д̇аа авзрино хонд̇у, кзмино хонд̇у, сукино хонд̇ууд̇и – саммаа бариг̇г̇ан̣хаад̇и. саммааваажаабарибхаавид̇аа ход̇и мзд̇д̇аажзд̇овимуд̇д̇и.
Sabbe sattā averino hontu, khemino hontu, sukhino hontūti – sammā pariggaṇhāti. Sammāvācāparibhāvitā hoti mettācetovimutti.
саб̣б̣з сад̇д̇аа авзрино хонд̇у, кзмино хонд̇у, сукино хонд̇ууд̇и – саммаа самудтаабзд̇и. саммаагамманд̇абарибхаавид̇аа ход̇и мзд̇д̇аажзд̇овимуд̇д̇и.
Sabbe sattā averino hontu, khemino hontu, sukhino hontūti – sammā samuṭṭhāpeti. Sammākammantaparibhāvitā hoti mettācetovimutti.
саб̣б̣з сад̇д̇аа авзрино хонд̇у, кзмино хонд̇у, сукино хонд̇ууд̇и – саммаа вод̣̇аабзд̇и . саммааааж̇ийвабарибхаавид̇аа ход̇и мзд̇д̇аажзд̇овимуд̇д̇и.
Sabbe sattā averino hontu, khemino hontu, sukhino hontūti – sammā vodāpeti . Sammāājīvaparibhāvitā hoti mettācetovimutti.
саб̣б̣з сад̇д̇аа авзрино хонд̇у, кзмино хонд̇у, сукино хонд̇ууд̇и – саммаа баг̇г̇ан̣хаад̇и. саммаавааяаамабарибхаавид̇аа ход̇и мзд̇д̇аажзд̇овимуд̇д̇и.
Sabbe sattā averino hontu, khemino hontu, sukhino hontūti – sammā paggaṇhāti. Sammāvāyāmaparibhāvitā hoti mettācetovimutti.
саб̣б̣з сад̇д̇аа авзрино хонд̇у, кзмино хонд̇у, сукино хонд̇ууд̇и – саммаа убадтаабзд̇и. саммаасад̇ибарибхаавид̇аа ход̇и мзд̇д̇аажзд̇овимуд̇д̇и.
Sabbe sattā averino hontu, khemino hontu, sukhino hontūti – sammā upaṭṭhāpeti. Sammāsatiparibhāvitā hoti mettācetovimutti.
саб̣б̣з сад̇д̇аа авзрино хонд̇у, кзмино хонд̇у, сукино хонд̇ууд̇и – саммаа самаад̣̇ахад̇и. саммаасамаад̇хибарибхаавид̇аа ход̇и мзд̇д̇аажзд̇овимуд̇д̇и.
Sabbe sattā averino hontu, khemino hontu, sukhino hontūti – sammā samādahati. Sammāsamādhiparibhāvitā hoti mettācetovimutti.
имз адта маг̇г̇ан̇г̇аа мзд̇д̇ааяа жзд̇овимуд̇д̇ияаа аасзванаа хонд̇и. имзхи адтахи маг̇г̇ан̇г̇зхи мзд̇д̇аажзд̇овимуд̇д̇и аасзвийяад̇и. имз адта маг̇г̇ан̇г̇аа мзд̇д̇ааяа жзд̇овимуд̇д̇ияаа бхааванаа хонд̇и. имзхи адтахи маг̇г̇ан̇г̇зхи мзд̇д̇аажзд̇овимуд̇д̇и бхаавийяад̇и. имз адта маг̇г̇ан̇г̇аа мзд̇д̇ааяа жзд̇овимуд̇д̇ияаа б̣ахулийгад̇аа хонд̇и. имзхи адтахи маг̇г̇ан̇г̇зхи мзд̇д̇аажзд̇овимуд̇д̇и б̣ахулийгарийяад̇и. имз адта маг̇г̇ан̇г̇аа мзд̇д̇ааяа жзд̇овимуд̇д̇ияаа алан̇гаараа хонд̇и. имзхи адтахи маг̇г̇ан̇г̇зхи мзд̇д̇аажзд̇овимуд̇д̇и сваалан̇гад̇аа хонд̇и. имз адта маг̇г̇ан̇г̇аа мзд̇д̇ааяа жзд̇овимуд̇д̇ияаа баригкаараа хонд̇и. имзхи адтахи маг̇г̇ан̇г̇зхи мзд̇д̇аажзд̇овимуд̇д̇и субаригкад̇аа ход̇и. имз адта маг̇г̇ан̇г̇аа мзд̇д̇ааяа жзд̇овимуд̇д̇ияаа бариваараа хонд̇и. имзхи адтахи маг̇г̇ан̇г̇зхи мзд̇д̇аажзд̇овимуд̇д̇и субаривуд̇аа ход̇и. имз адта маг̇г̇ан̇г̇аа мзд̇д̇ааяа жзд̇овимуд̇д̇ияаа аасзванаа хонд̇и , бхааванаа хонд̇и , б̣ахулийгад̇аа хонд̇и, алан̇гаараа хонд̇и, баригкаараа хонд̇и, бариваараа хонд̇и, баарибуурий хонд̇и, сахаг̇ад̇аа хонд̇и, сахаж̇аад̇аа хонд̇и, сам̣садтаа хонд̇и, самбаяуд̇д̇аа хонд̇и, багканд̣̇анаа хонд̇и, басийд̣̇анаа хонд̇и, санд̇идтанаа хонд̇и, вимужжанаа хонд̇и, ‘‘зд̇ам̣ санд̇а’’нд̇и пассанаа хонд̇и, яаанийгад̇аа хонд̇и, вад̇т̇угад̇аа хонд̇и, анудтид̇аа хонд̇и, барижид̇аа хонд̇и, сусамаарад̣̇д̇хаа хонд̇и, субхаавид̇аа хонд̇и, сваад̇хидтид̇аа хонд̇и, сусамуг̇г̇ад̇аа хонд̇и, сувимуд̇д̇аа хонд̇и ниб̣б̣ад̇д̇знд̇и ж̇од̇знд̇и бад̇аабзнд̇и.
Ime aṭṭha maggaṅgā mettāya cetovimuttiyā āsevanā honti. Imehi aṭṭhahi maggaṅgehi mettācetovimutti āsevīyati. Ime aṭṭha maggaṅgā mettāya cetovimuttiyā bhāvanā honti. Imehi aṭṭhahi maggaṅgehi mettācetovimutti bhāvīyati. Ime aṭṭha maggaṅgā mettāya cetovimuttiyā bahulīkatā honti. Imehi aṭṭhahi maggaṅgehi mettācetovimutti bahulīkarīyati. Ime aṭṭha maggaṅgā mettāya cetovimuttiyā alaṅkārā honti. Imehi aṭṭhahi maggaṅgehi mettācetovimutti svālaṅkatā honti. Ime aṭṭha maggaṅgā mettāya cetovimuttiyā parikkhārā honti. Imehi aṭṭhahi maggaṅgehi mettācetovimutti suparikkhatā hoti. Ime aṭṭha maggaṅgā mettāya cetovimuttiyā parivārā honti. Imehi aṭṭhahi maggaṅgehi mettācetovimutti suparivutā hoti. Ime aṭṭha maggaṅgā mettāya cetovimuttiyā āsevanā honti , bhāvanā honti , bahulīkatā honti, alaṅkārā honti, parikkhārā honti, parivārā honti, pāripūrī honti, sahagatā honti, sahajātā honti, saṃsaṭṭhā honti, sampayuttā honti, pakkhandanā honti, pasīdanā honti, santiṭṭhanā honti, vimuccanā honti, ‘‘etaṃ santa’’nti phassanā honti, yānīkatā honti, vatthukatā honti, anuṭṭhitā honti, paricitā honti, susamāraddhā honti, subhāvitā honti, svādhiṭṭhitā honti, susamuggatā honti, suvimuttā honti nibbattenti jotenti patāpenti.
27. саб̣б̣зсам̣ баан̣аанам̣…бз… саб̣б̣зсам̣ бхууд̇аанам̣… саб̣б̣зсам̣ буг̇г̇алаанам̣… саб̣б̣зсам̣ ад̇д̇абхаавабарияаабаннаанам̣… саб̣б̣аасам̣ ид̇т̇ийнам̣… саб̣б̣зсам̣ бурисаанам̣… саб̣б̣зсам̣ арияаанам̣… саб̣б̣зсам̣ анарияаанам̣… саб̣б̣зсам̣ д̣̇зваанам̣… саб̣б̣зсам̣ мануссаанам̣… саб̣б̣зсам̣ винибаад̇игаанам̣ бийл̣анам̣ важ̇ж̇зд̇ваа абийл̣анааяа, убагхаад̇ам̣ важ̇ж̇зд̇ваа анубагхаад̇зна, санд̇аабам̣ важ̇ж̇зд̇ваа асанд̇аабзна, барияаад̣̇аанам̣ важ̇ж̇зд̇ваа абарияаад̣̇аанзна, вихзсам̣ важ̇ж̇зд̇ваа авихзсааяа, саб̣б̣з винибаад̇игаа авзрино хонд̇у маа взрино, сукино хонд̇у маа д̣̇угкино, сукид̇ад̇д̇аа хонд̇у маа д̣̇угкид̇ад̇д̇аад̇и – имзхи адтахаагаарзхи саб̣б̣з винибаад̇игз мзд̇д̇ааяад̇ийд̇и – мзд̇д̇аа. д̇ам̣ д̇хаммам̣ жзд̇аяад̇ийд̇и – жзд̇о. саб̣б̣аб̣яаабаад̣̇абарияудтаанзхи вимужжад̇ийд̇и – вимуд̇д̇и. мзд̇д̇аа жа жзд̇о жа вимуд̇д̇и жаад̇и – мзд̇д̇аажзд̇овимуд̇д̇и.
27. Sabbesaṃ pāṇānaṃ…pe… sabbesaṃ bhūtānaṃ… sabbesaṃ puggalānaṃ… sabbesaṃ attabhāvapariyāpannānaṃ… sabbāsaṃ itthīnaṃ… sabbesaṃ purisānaṃ… sabbesaṃ ariyānaṃ… sabbesaṃ anariyānaṃ… sabbesaṃ devānaṃ… sabbesaṃ manussānaṃ… sabbesaṃ vinipātikānaṃ pīḷanaṃ vajjetvā apīḷanāya, upaghātaṃ vajjetvā anupaghātena, santāpaṃ vajjetvā asantāpena, pariyādānaṃ vajjetvā apariyādānena, vihesaṃ vajjetvā avihesāya, sabbe vinipātikā averino hontu mā verino, sukhino hontu mā dukkhino, sukhitattā hontu mā dukkhitattāti – imehi aṭṭhahākārehi sabbe vinipātike mettāyatīti – mettā. Taṃ dhammaṃ cetayatīti – ceto. Sabbabyāpādapariyuṭṭhānehi vimuccatīti – vimutti. Mettā ca ceto ca vimutti cāti – mettācetovimutti.
саб̣б̣з винибаад̇игаа авзрино хонд̇у, кзмино хонд̇у, сукино хонд̇ууд̇и – сад̣̇д̇хааяа ад̇химужжад̇и. сад̣̇д̇хинд̣̇рияабарибхаавид̇аа ход̇и мзд̇д̇аажзд̇овимуд̇д̇и…бз… ниб̣б̣ад̇д̇знд̇и ж̇од̇знд̇и бад̇аабзнд̇и.
Sabbe vinipātikā averino hontu, khemino hontu, sukhino hontūti – saddhāya adhimuccati. Saddhindriyaparibhāvitā hoti mettācetovimutti…pe… nibbattenti jotenti patāpenti.
саб̣б̣зсам̣ бурад̇т̇имааяа д̣̇исааяа сад̇д̇аанам̣…бз… саб̣б̣зсам̣ бажчимааяа д̣̇исааяа сад̇д̇аанам̣… саб̣б̣зсам̣ уд̇д̇арааяа д̣̇исааяа сад̇д̇аанам̣… саб̣б̣зсам̣ д̣̇агкин̣ааяа д̣̇исааяа сад̇д̇аанам̣… саб̣б̣зсам̣ бурад̇т̇имааяа ануд̣̇исааяа сад̇д̇аанам̣… саб̣б̣зсам̣ бажчимааяа ануд̣̇исааяа сад̇д̇аанам̣… саб̣б̣зсам̣ уд̇д̇арааяа ануд̣̇исааяа сад̇д̇аанам̣… саб̣б̣зсам̣ д̣̇агкин̣ааяа ануд̣̇исааяа сад̇д̇аанам̣… саб̣б̣зсам̣ хздтимааяа д̣̇исааяа сад̇д̇аанам̣… саб̣б̣зсам̣ убаримааяа д̣̇исааяа сад̇д̇аанам̣ бийл̣анам̣ важ̇ж̇зд̇ваа абийл̣анааяа, убагхаад̇ам̣ важ̇ж̇зд̇ваа анубагхаад̇зна, санд̇аабам̣ важ̇ж̇зд̇ваа асанд̇аабзна, барияаад̣̇аанам̣ важ̇ж̇зд̇ваа абарияаад̣̇аанзна, вихзсам̣ важ̇ж̇зд̇ваа авихзсааяа, саб̣б̣з убаримааяа д̣̇исааяа сад̇д̇аа авзрино хонд̇у маа взрино, сукино хонд̇у маа д̣̇угкино, сукид̇ад̇д̇аа хонд̇у маа д̣̇угкид̇ад̇д̇аад̇и – имзхи адтахаагаарзхи саб̣б̣з убаримааяа д̣̇исааяа сад̇д̇з мзд̇д̇ааяад̇ийд̇и – мзд̇д̇аа. д̇ам̣ д̇хаммам̣ жзд̇аяад̇ийд̇и – жзд̇о. саб̣б̣аб̣яаабаад̣̇абарияудтаанзхи вимужжад̇ийд̇и – вимуд̇д̇и. мзд̇д̇аа жа жзд̇о жа вимуд̇д̇и жаад̇и – мзд̇д̇аажзд̇овимуд̇д̇и.
Sabbesaṃ puratthimāya disāya sattānaṃ…pe… sabbesaṃ pacchimāya disāya sattānaṃ… sabbesaṃ uttarāya disāya sattānaṃ… sabbesaṃ dakkhiṇāya disāya sattānaṃ… sabbesaṃ puratthimāya anudisāya sattānaṃ… sabbesaṃ pacchimāya anudisāya sattānaṃ… sabbesaṃ uttarāya anudisāya sattānaṃ… sabbesaṃ dakkhiṇāya anudisāya sattānaṃ… sabbesaṃ heṭṭhimāya disāya sattānaṃ… sabbesaṃ uparimāya disāya sattānaṃ pīḷanaṃ vajjetvā apīḷanāya, upaghātaṃ vajjetvā anupaghātena, santāpaṃ vajjetvā asantāpena, pariyādānaṃ vajjetvā apariyādānena, vihesaṃ vajjetvā avihesāya, sabbe uparimāya disāya sattā averino hontu mā verino, sukhino hontu mā dukkhino, sukhitattā hontu mā dukkhitattāti – imehi aṭṭhahākārehi sabbe uparimāya disāya satte mettāyatīti – mettā. Taṃ dhammaṃ cetayatīti – ceto. Sabbabyāpādapariyuṭṭhānehi vimuccatīti – vimutti. Mettā ca ceto ca vimutti cāti – mettācetovimutti.
саб̣б̣з убаримааяа д̣̇исааяа сад̇д̇аа авзрино хонд̇у, кзмино хонд̇у, сукино хонд̇ууд̇и – сад̣̇д̇хааяа ад̇химужжад̇и. сад̣̇д̇хинд̣̇рияабарибхаавид̇аа ход̇и мзд̇д̇аажзд̇овимуд̇д̇и…бз… ниб̣б̣ад̇д̇знд̇и ж̇од̇знд̇и бад̇аабзнд̇и.
Sabbe uparimāya disāya sattā averino hontu, khemino hontu, sukhino hontūti – saddhāya adhimuccati. Saddhindriyaparibhāvitā hoti mettācetovimutti…pe… nibbattenti jotenti patāpenti.
саб̣б̣зсам̣ бурад̇т̇имааяа д̣̇исааяа баан̣аанам̣…бз… бхууд̇аанам̣… буг̇г̇алаанам̣ ад̇д̇абхаавабарияаабаннаанам̣… саб̣б̣аасам̣ ид̇т̇ийнам̣… саб̣б̣зсам̣ бурисаанам̣… саб̣б̣зсам̣ арияаанам̣… саб̣б̣зсам̣ анарияаанам̣… саб̣б̣зсам̣ д̣̇зваанам̣… саб̣б̣зсам̣ мануссаанам̣… саб̣б̣зсам̣ винибаад̇игаанам̣… саб̣б̣зсам̣ бажчимааяа д̣̇исааяа винибаад̇игаанам̣… саб̣б̣зсам̣ уд̇д̇арааяа д̣̇исааяа винибаад̇игаанам̣… саб̣б̣зсам̣ д̣̇агкин̣ааяа д̣̇исааяа винибаад̇игаанам̣… саб̣б̣зсам̣ бурад̇т̇имааяа ануд̣̇исааяа винибаад̇игаанам̣… саб̣б̣зсам̣ бажчимааяа ануд̣̇исааяа винибаад̇игаанам̣… саб̣б̣зсам̣ уд̇д̇арааяа ануд̣̇исааяа винибаад̇игаанам̣… саб̣б̣зсам̣ д̣̇агкин̣ааяа ануд̣̇исааяа винибаад̇игаанам̣… саб̣б̣зсам̣ хздтимааяа д̣̇исааяа винибаад̇игаанам̣… саб̣б̣зсам̣ убаримааяа д̣̇исааяа винибаад̇игаанам̣ бийл̣анам̣ важ̇ж̇зд̇ваа абийл̣анааяа, убагхаад̇ам̣ важ̇ж̇зд̇ваа анубагхаад̇зна, санд̇аабам̣ важ̇ж̇зд̇ваа асанд̇аабзна, барияаад̣̇аанам̣ важ̇ж̇зд̇ваа абарияаад̣̇аанзна, вихзсам̣ важ̇ж̇зд̇ваа авихзсааяа, саб̣б̣з убаримааяа д̣̇исааяа винибаад̇игаа авзрино хонд̇у маа взрино, сукино хонд̇у маа д̣̇угкино, сукид̇ад̇д̇аа хонд̇у маа д̣̇угкид̇ад̇д̇аад̇и – имзхи адтахаагаарзхи саб̣б̣з убаримааяа д̣̇исааяа винибаад̇игз мзд̇д̇ааяад̇ийд̇и – мзд̇д̇аа. д̇ам̣ д̇хаммам̣ жзд̇аяад̇ийд̇и – жзд̇о. саб̣б̣аб̣яаабаад̣̇абарияудтаанзхи вимужжад̇ийд̇и – вимуд̇д̇и. мзд̇д̇аа жа жзд̇о жа вимуд̇д̇и жаад̇и – мзд̇д̇аажзд̇овимуд̇д̇и.
Sabbesaṃ puratthimāya disāya pāṇānaṃ…pe… bhūtānaṃ… puggalānaṃ attabhāvapariyāpannānaṃ… sabbāsaṃ itthīnaṃ… sabbesaṃ purisānaṃ… sabbesaṃ ariyānaṃ… sabbesaṃ anariyānaṃ… sabbesaṃ devānaṃ… sabbesaṃ manussānaṃ… sabbesaṃ vinipātikānaṃ… sabbesaṃ pacchimāya disāya vinipātikānaṃ… sabbesaṃ uttarāya disāya vinipātikānaṃ… sabbesaṃ dakkhiṇāya disāya vinipātikānaṃ… sabbesaṃ puratthimāya anudisāya vinipātikānaṃ… sabbesaṃ pacchimāya anudisāya vinipātikānaṃ… sabbesaṃ uttarāya anudisāya vinipātikānaṃ… sabbesaṃ dakkhiṇāya anudisāya vinipātikānaṃ… sabbesaṃ heṭṭhimāya disāya vinipātikānaṃ… sabbesaṃ uparimāya disāya vinipātikānaṃ pīḷanaṃ vajjetvā apīḷanāya, upaghātaṃ vajjetvā anupaghātena, santāpaṃ vajjetvā asantāpena, pariyādānaṃ vajjetvā apariyādānena, vihesaṃ vajjetvā avihesāya, sabbe uparimāya disāya vinipātikā averino hontu mā verino, sukhino hontu mā dukkhino, sukhitattā hontu mā dukkhitattāti – imehi aṭṭhahākārehi sabbe uparimāya disāya vinipātike mettāyatīti – mettā. Taṃ dhammaṃ cetayatīti – ceto. Sabbabyāpādapariyuṭṭhānehi vimuccatīti – vimutti. Mettā ca ceto ca vimutti cāti – mettācetovimutti.
саб̣б̣з убаримааяа д̣̇исааяа винибаад̇игаа авзрино хонд̇у, кзмино хонд̇у, сукино хонд̇ууд̇и – сад̣̇д̇хааяа ад̇химужжад̇и. сад̣̇д̇хинд̣̇рияабарибхаавид̇аа ход̇и мзд̇д̇аажзд̇овимуд̇д̇и.
Sabbe uparimāya disāya vinipātikā averino hontu, khemino hontu, sukhino hontūti – saddhāya adhimuccati. Saddhindriyaparibhāvitā hoti mettācetovimutti.
саб̣б̣з убаримааяа д̣̇исааяа винибаад̇игаа авзрино хонд̇у, кзмино хонд̇у, сукино хонд̇ууд̇и – вийрияам̣ баг̇г̇ан̣хаад̇и. вийрияинд̣̇рияабарибхаавид̇аа ход̇и мзд̇д̇аажзд̇овимуд̇д̇и.
Sabbe uparimāya disāya vinipātikā averino hontu, khemino hontu, sukhino hontūti – vīriyaṃ paggaṇhāti. Vīriyindriyaparibhāvitā hoti mettācetovimutti.
сад̇им̣ убадтаабзд̇и. сад̇инд̣̇рияабарибхаавид̇аа ход̇и мзд̇д̇аажзд̇овимуд̇д̇и. жид̇д̇ам̣ самаад̣̇ахад̇и. самаад̇хинд̣̇рияабарибхаавид̇аа ход̇и мзд̇д̇аажзд̇овимуд̇д̇и. бан̃н̃ааяа баж̇аанаад̇и. бан̃н̃инд̣̇рияабарибхаавид̇аа ход̇и мзд̇д̇аажзд̇овимуд̇д̇и.
Satiṃ upaṭṭhāpeti. Satindriyaparibhāvitā hoti mettācetovimutti. Cittaṃ samādahati. Samādhindriyaparibhāvitā hoti mettācetovimutti. Paññāya pajānāti. Paññindriyaparibhāvitā hoti mettācetovimutti.
имаани бан̃жинд̣̇рияаани мзд̇д̇ааяа жзд̇овимуд̇д̇ияаа аасзванаа хонд̇и. имзхи бан̃жахи инд̣̇риязхи мзд̇д̇аажзд̇овимуд̇д̇и аасзвийяад̇и…бз… ниб̣б̣ад̇д̇знд̇и ж̇од̇знд̇и бад̇аабзнд̇и.
Imāni pañcindriyāni mettāya cetovimuttiyā āsevanā honti. Imehi pañcahi indriyehi mettācetovimutti āsevīyati…pe… nibbattenti jotenti patāpenti.
саб̣б̣з убаримааяа д̣̇исааяа винибаад̇игаа авзрино хонд̇у, кзмино хонд̇у, сукино хонд̇ууд̇и – ассад̣̇д̇хияз на гамбад̇и. сад̣̇д̇хааб̣алабарибхаавид̇аа ход̇и мзд̇д̇аажзд̇овимуд̇д̇и. госаж̇ж̇з на гамбад̇и. вийрияаб̣алабарибхаавид̇аа ход̇и мзд̇д̇аажзд̇овимуд̇д̇и. бамаад̣̇з на гамбад̇и. сад̇иб̣алабарибхаавид̇аа ход̇и мзд̇д̇аажзд̇овимуд̇д̇и. уд̣̇д̇хажжз на гамбад̇и. самаад̇хиб̣алабарибхаавид̇аа ход̇и мзд̇д̇аажзд̇овимуд̇д̇и. авиж̇ж̇ааяа на гамбад̇и. бан̃н̃ааб̣алабарибхаавид̇аа ход̇и мзд̇д̇аажзд̇овимуд̇д̇и.
Sabbe uparimāya disāya vinipātikā averino hontu, khemino hontu, sukhino hontūti – assaddhiye na kampati. Saddhābalaparibhāvitā hoti mettācetovimutti. Kosajje na kampati. Vīriyabalaparibhāvitā hoti mettācetovimutti. Pamāde na kampati. Satibalaparibhāvitā hoti mettācetovimutti. Uddhacce na kampati. Samādhibalaparibhāvitā hoti mettācetovimutti. Avijjāya na kampati. Paññābalaparibhāvitā hoti mettācetovimutti.
имаани бан̃жа б̣алаани мзд̇д̇ааяа жзд̇овимуд̇д̇ияаа аасзванаа хонд̇и. имзхи бан̃жахи б̣алзхи мзд̇д̇аажзд̇овимуд̇д̇и аасзвийяад̇и…бз… ниб̣б̣ад̇д̇знд̇и ж̇од̇знд̇и бад̇аабзнд̇и.
Imāni pañca balāni mettāya cetovimuttiyā āsevanā honti. Imehi pañcahi balehi mettācetovimutti āsevīyati…pe… nibbattenti jotenti patāpenti.
саб̣б̣з убаримааяа д̣̇исааяа винибаад̇игаа авзрино хонд̇у, кзмино хонд̇у, сукино хонд̇ууд̇и – сад̇им̣ убадтаабзд̇и. сад̇исамб̣ож̇жхан̇г̇абарибхаавид̇аа ход̇и мзд̇д̇аажзд̇овимуд̇д̇и.
Sabbe uparimāya disāya vinipātikā averino hontu, khemino hontu, sukhino hontūti – satiṃ upaṭṭhāpeti. Satisambojjhaṅgaparibhāvitā hoti mettācetovimutti.
бан̃н̃ааяа бавижинаад̇и. д̇хаммавижаяасамб̣ож̇жхан̇г̇абарибхаавид̇аа ход̇и мзд̇д̇аажзд̇овимуд̇д̇и. вийрияам̣ баг̇г̇ан̣хаад̇и. вийрияасамб̣ож̇жхан̇г̇абарибхаавид̇аа ход̇и мзд̇д̇аажзд̇овимуд̇д̇и. барил̣аахам̣ бадиббассамбхзд̇и. бийд̇исамб̣ож̇жхан̇г̇абарибхаавид̇аа ход̇и мзд̇д̇аажзд̇овимуд̇д̇и. д̣̇удтуллам̣ бадиббассамбхзд̇и. бассад̣̇д̇хисамб̣ож̇жхан̇г̇абарибхаавид̇аа ход̇и мзд̇д̇аажзд̇овимуд̇д̇и. жид̇д̇ам̣ самаад̣̇ахад̇и. самаад̇хисамб̣ож̇жхан̇г̇абарибхаавид̇аа ход̇и мзд̇д̇аажзд̇овимуд̇д̇и. н̃аан̣зна гилзсз бадисан̇каад̇и. убзгкаасамб̣ож̇жхан̇г̇абарибхаавид̇аа ход̇и мзд̇д̇аажзд̇овимуд̇д̇и.
Paññāya pavicināti. Dhammavicayasambojjhaṅgaparibhāvitā hoti mettācetovimutti. Vīriyaṃ paggaṇhāti. Vīriyasambojjhaṅgaparibhāvitā hoti mettācetovimutti. Pariḷāhaṃ paṭippassambheti. Pītisambojjhaṅgaparibhāvitā hoti mettācetovimutti. Duṭṭhullaṃ paṭippassambheti. Passaddhisambojjhaṅgaparibhāvitā hoti mettācetovimutti. Cittaṃ samādahati. Samādhisambojjhaṅgaparibhāvitā hoti mettācetovimutti. Ñāṇena kilese paṭisaṅkhāti. Upekkhāsambojjhaṅgaparibhāvitā hoti mettācetovimutti.
имз сад̇д̇а б̣ож̇жхан̇г̇аа мзд̇д̇ааяа жзд̇овимуд̇д̇ияаа аасзванаа хонд̇и. имзхи сад̇д̇ахи б̣ож̇жхан̇г̇зхи мзд̇д̇аажзд̇овимуд̇д̇и аасзвийяад̇и…бз… ниб̣б̣ад̇д̇знд̇и ж̇од̇знд̇и бад̇аабзнд̇и.
Ime satta bojjhaṅgā mettāya cetovimuttiyā āsevanā honti. Imehi sattahi bojjhaṅgehi mettācetovimutti āsevīyati…pe… nibbattenti jotenti patāpenti.
саб̣б̣з убаримааяа д̣̇исааяа винибаад̇игаа авзрино хонд̇у, кзмино хонд̇у, сукино хонд̇ууд̇и – саммаа бассад̇и. саммаад̣̇идти барибхаавид̇аа ход̇и мзд̇д̇аажзд̇овимуд̇д̇и. саммаа абхиниробзд̇и. саммаасан̇габбабарибхаавид̇аа ход̇и мзд̇д̇аажзд̇овимуд̇д̇и. саммаа бариг̇г̇ан̣хаад̇и. саммааваажаабарибхаавид̇аа ход̇и мзд̇д̇аажзд̇овимуд̇д̇и. саммаа самудтаабзд̇и. саммаагамманд̇абарибхаавид̇аа ход̇и мзд̇д̇аажзд̇овимуд̇д̇и. саммаа вод̣̇аабзд̇и. саммаа ааж̇ийвабарибхаавид̇аа ход̇и мзд̇д̇аажзд̇овимуд̇д̇и. саммаа баг̇г̇ан̣хаад̇и. саммаавааяаамабарибхаавид̇аа ход̇и мзд̇д̇аажзд̇овимуд̇д̇и. саммаа убадтаад̇и. саммаасад̇ибарибхаавид̇аа ход̇и мзд̇д̇аажзд̇овимуд̇д̇и. саммаа самаад̣̇ахад̇и. саммаасамаад̇хибарибхаавид̇аа ход̇и мзд̇д̇аажзд̇овимуд̇д̇и.
Sabbe uparimāya disāya vinipātikā averino hontu, khemino hontu, sukhino hontūti – sammā passati. Sammādiṭṭhi paribhāvitā hoti mettācetovimutti. Sammā abhiniropeti. Sammāsaṅkappaparibhāvitā hoti mettācetovimutti. Sammā pariggaṇhāti. Sammāvācāparibhāvitā hoti mettācetovimutti. Sammā samuṭṭhāpeti. Sammākammantaparibhāvitā hoti mettācetovimutti. Sammā vodāpeti. Sammā ājīvaparibhāvitā hoti mettācetovimutti. Sammā paggaṇhāti. Sammāvāyāmaparibhāvitā hoti mettācetovimutti. Sammā upaṭṭhāti. Sammāsatiparibhāvitā hoti mettācetovimutti. Sammā samādahati. Sammāsamādhiparibhāvitā hoti mettācetovimutti.
имз адта маг̇г̇ан̇г̇аа мзд̇д̇ааяа жзд̇овимуд̇д̇ияаа аасзванаа хонд̇и. имзхи адтахи маг̇г̇ан̇г̇зхи мзд̇д̇аажзд̇овимуд̇д̇и аасзвийяад̇и…бз… имз адта маг̇г̇ан̇г̇аа мзд̇д̇ааяа жзд̇овимуд̇д̇ияаа барибхаавид̇аа хонд̇и. имзхи адтахи маг̇г̇ан̇г̇зхи мзд̇д̇аажзд̇овимуд̇д̇и субаривуд̇аа ход̇и. имз адта маг̇г̇ан̇г̇аа мзд̇д̇ааяа жзд̇овимуд̇д̇ияаа аасзванаа хонд̇и, бхааванаа хонд̇и, б̣ахулийгад̇аа хонд̇и, алан̇гаараа хонд̇и, баригкаараа хонд̇и, бариваараа хонд̇и, баарибуурий хонд̇и, сахаг̇ад̇аа хонд̇и, сахаж̇аад̇аа хонд̇и , сам̣садтаа хонд̇и, самбаяуд̇д̇аа хонд̇и, багканд̣̇анаа хонд̇и, басийд̣̇анаа хонд̇и, санд̇идтанаа хонд̇и, вимужжанаа хонд̇и, ‘‘зд̇ам̣ санд̇а’’нд̇и пассанаа хонд̇и, яаанийгад̇аа хонд̇и, вад̇т̇угад̇аа хонд̇и, анудтид̇аа хонд̇и, барижид̇аа хонд̇и, сусамаарад̣̇д̇хаа хонд̇и, субхаавид̇аа хонд̇и, сваад̇хидтид̇аа хонд̇и, сусамуг̇г̇ад̇аа хонд̇и, сувимуд̇д̇аа хонд̇и ниб̣б̣ад̇д̇знд̇и ж̇од̇знд̇и бад̇аабзнд̇ийд̇и.
Ime aṭṭha maggaṅgā mettāya cetovimuttiyā āsevanā honti. Imehi aṭṭhahi maggaṅgehi mettācetovimutti āsevīyati…pe… ime aṭṭha maggaṅgā mettāya cetovimuttiyā paribhāvitā honti. Imehi aṭṭhahi maggaṅgehi mettācetovimutti suparivutā hoti. Ime aṭṭha maggaṅgā mettāya cetovimuttiyā āsevanā honti, bhāvanā honti, bahulīkatā honti, alaṅkārā honti, parikkhārā honti, parivārā honti, pāripūrī honti, sahagatā honti, sahajātā honti , saṃsaṭṭhā honti, sampayuttā honti, pakkhandanā honti, pasīdanā honti, santiṭṭhanā honti, vimuccanā honti, ‘‘etaṃ santa’’nti phassanā honti, yānīkatā honti, vatthukatā honti, anuṭṭhitā honti, paricitā honti, susamāraddhā honti, subhāvitā honti, svādhiṭṭhitā honti, susamuggatā honti, suvimuttā honti nibbattenti jotenti patāpentīti.
мзд̇д̇аагат̇аа нидтид̇аа.
Mettākathā niṭṭhitā.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 2-4. б̣алаад̣̇иваарад̇д̇аяаван̣н̣анаа • 2-4. Balādivārattayavaṇṇanā
