| Library / Tipiṭaka / ติปิฎก • Tipiṭaka / ปฎิสมฺภิทามคฺคปาฬิ • Paṭisambhidāmaggapāḷi |
๔. มคฺคงฺควาโร
4. Maggaṅgavāro
๒๖. สเพฺพ สตฺตา อเวริโน โหนฺตุ, เขมิโน โหนฺตุ, สุขิโน โหนฺตูติ – สมฺมา ปสฺสติฯ สมฺมาทิฎฺฐิปริภาวิตา โหติ เมตฺตาเจโตวิมุตฺติฯ
26. Sabbe sattā averino hontu, khemino hontu, sukhino hontūti – sammā passati. Sammādiṭṭhiparibhāvitā hoti mettācetovimutti.
สเพฺพ สตฺตา อเวริโน โหนฺตุ, เขมิโน โหนฺตุ, สุขิโน โหนฺตูติ – สมฺมา อภินิโรเปติฯ สมฺมาสงฺกปฺปปริภาวิตา โหติ เมตฺตาเจโตวิมุตฺติฯ
Sabbe sattā averino hontu, khemino hontu, sukhino hontūti – sammā abhiniropeti. Sammāsaṅkappaparibhāvitā hoti mettācetovimutti.
สเพฺพ สตฺตา อเวริโน โหนฺตุ, เขมิโน โหนฺตุ, สุขิโน โหนฺตูติ – สมฺมา ปริคฺคณฺหาติฯ สมฺมาวาจาปริภาวิตา โหติ เมตฺตาเจโตวิมุตฺติฯ
Sabbe sattā averino hontu, khemino hontu, sukhino hontūti – sammā pariggaṇhāti. Sammāvācāparibhāvitā hoti mettācetovimutti.
สเพฺพ สตฺตา อเวริโน โหนฺตุ, เขมิโน โหนฺตุ, สุขิโน โหนฺตูติ – สมฺมา สมุฎฺฐาเปติฯ สมฺมากมฺมนฺตปริภาวิตา โหติ เมตฺตาเจโตวิมุตฺติฯ
Sabbe sattā averino hontu, khemino hontu, sukhino hontūti – sammā samuṭṭhāpeti. Sammākammantaparibhāvitā hoti mettācetovimutti.
สเพฺพ สตฺตา อเวริโน โหนฺตุ, เขมิโน โหนฺตุ, สุขิโน โหนฺตูติ – สมฺมา โวทาเปติ ฯ สมฺมาอาชีวปริภาวิตา โหติ เมตฺตาเจโตวิมุตฺติฯ
Sabbe sattā averino hontu, khemino hontu, sukhino hontūti – sammā vodāpeti . Sammāājīvaparibhāvitā hoti mettācetovimutti.
สเพฺพ สตฺตา อเวริโน โหนฺตุ, เขมิโน โหนฺตุ, สุขิโน โหนฺตูติ – สมฺมา ปคฺคณฺหาติฯ สมฺมาวายามปริภาวิตา โหติ เมตฺตาเจโตวิมุตฺติฯ
Sabbe sattā averino hontu, khemino hontu, sukhino hontūti – sammā paggaṇhāti. Sammāvāyāmaparibhāvitā hoti mettācetovimutti.
สเพฺพ สตฺตา อเวริโน โหนฺตุ, เขมิโน โหนฺตุ, สุขิโน โหนฺตูติ – สมฺมา อุปฎฺฐาเปติฯ สมฺมาสติปริภาวิตา โหติ เมตฺตาเจโตวิมุตฺติฯ
Sabbe sattā averino hontu, khemino hontu, sukhino hontūti – sammā upaṭṭhāpeti. Sammāsatiparibhāvitā hoti mettācetovimutti.
สเพฺพ สตฺตา อเวริโน โหนฺตุ, เขมิโน โหนฺตุ, สุขิโน โหนฺตูติ – สมฺมา สมาทหติฯ สมฺมาสมาธิปริภาวิตา โหติ เมตฺตาเจโตวิมุตฺติฯ
Sabbe sattā averino hontu, khemino hontu, sukhino hontūti – sammā samādahati. Sammāsamādhiparibhāvitā hoti mettācetovimutti.
อิเม อฎฺฐ มคฺคงฺคา เมตฺตาย เจโตวิมุตฺติยา อาเสวนา โหนฺติฯ อิเมหิ อฎฺฐหิ มคฺคเงฺคหิ เมตฺตาเจโตวิมุตฺติ อาเสวียติฯ อิเม อฎฺฐ มคฺคงฺคา เมตฺตาย เจโตวิมุตฺติยา ภาวนา โหนฺติฯ อิเมหิ อฎฺฐหิ มคฺคเงฺคหิ เมตฺตาเจโตวิมุตฺติ ภาวียติฯ อิเม อฎฺฐ มคฺคงฺคา เมตฺตาย เจโตวิมุตฺติยา พหุลีกตา โหนฺติฯ อิเมหิ อฎฺฐหิ มคฺคเงฺคหิ เมตฺตาเจโตวิมุตฺติ พหุลีกรียติฯ อิเม อฎฺฐ มคฺคงฺคา เมตฺตาย เจโตวิมุตฺติยา อลงฺการา โหนฺติฯ อิเมหิ อฎฺฐหิ มคฺคเงฺคหิ เมตฺตาเจโตวิมุตฺติ สฺวาลงฺกตา โหนฺติฯ อิเม อฎฺฐ มคฺคงฺคา เมตฺตาย เจโตวิมุตฺติยา ปริกฺขารา โหนฺติฯ อิเมหิ อฎฺฐหิ มคฺคเงฺคหิ เมตฺตาเจโตวิมุตฺติ สุปริกฺขตา โหติฯ อิเม อฎฺฐ มคฺคงฺคา เมตฺตาย เจโตวิมุตฺติยา ปริวารา โหนฺติฯ อิเมหิ อฎฺฐหิ มคฺคเงฺคหิ เมตฺตาเจโตวิมุตฺติ สุปริวุตา โหติฯ อิเม อฎฺฐ มคฺคงฺคา เมตฺตาย เจโตวิมุตฺติยา อาเสวนา โหนฺติ , ภาวนา โหนฺติ , พหุลีกตา โหนฺติ, อลงฺการา โหนฺติ, ปริกฺขารา โหนฺติ, ปริวารา โหนฺติ, ปาริปูรี โหนฺติ, สหคตา โหนฺติ, สหชาตา โหนฺติ, สํสฎฺฐา โหนฺติ, สมฺปยุตฺตา โหนฺติ, ปกฺขนฺทนา โหนฺติ, ปสีทนา โหนฺติ, สนฺติฎฺฐนา โหนฺติ, วิมุจฺจนา โหนฺติ, ‘‘เอตํ สนฺต’’นฺติ ผสฺสนา โหนฺติ, ยานีกตา โหนฺติ, วตฺถุกตา โหนฺติ, อนุฎฺฐิตา โหนฺติ, ปริจิตา โหนฺติ, สุสมารทฺธา โหนฺติ, สุภาวิตา โหนฺติ, สฺวาธิฎฺฐิตา โหนฺติ, สุสมุคฺคตา โหนฺติ, สุวิมุตฺตา โหนฺติ นิพฺพเตฺตนฺติ โชเตนฺติ ปตาเปนฺติฯ
Ime aṭṭha maggaṅgā mettāya cetovimuttiyā āsevanā honti. Imehi aṭṭhahi maggaṅgehi mettācetovimutti āsevīyati. Ime aṭṭha maggaṅgā mettāya cetovimuttiyā bhāvanā honti. Imehi aṭṭhahi maggaṅgehi mettācetovimutti bhāvīyati. Ime aṭṭha maggaṅgā mettāya cetovimuttiyā bahulīkatā honti. Imehi aṭṭhahi maggaṅgehi mettācetovimutti bahulīkarīyati. Ime aṭṭha maggaṅgā mettāya cetovimuttiyā alaṅkārā honti. Imehi aṭṭhahi maggaṅgehi mettācetovimutti svālaṅkatā honti. Ime aṭṭha maggaṅgā mettāya cetovimuttiyā parikkhārā honti. Imehi aṭṭhahi maggaṅgehi mettācetovimutti suparikkhatā hoti. Ime aṭṭha maggaṅgā mettāya cetovimuttiyā parivārā honti. Imehi aṭṭhahi maggaṅgehi mettācetovimutti suparivutā hoti. Ime aṭṭha maggaṅgā mettāya cetovimuttiyā āsevanā honti , bhāvanā honti , bahulīkatā honti, alaṅkārā honti, parikkhārā honti, parivārā honti, pāripūrī honti, sahagatā honti, sahajātā honti, saṃsaṭṭhā honti, sampayuttā honti, pakkhandanā honti, pasīdanā honti, santiṭṭhanā honti, vimuccanā honti, ‘‘etaṃ santa’’nti phassanā honti, yānīkatā honti, vatthukatā honti, anuṭṭhitā honti, paricitā honti, susamāraddhā honti, subhāvitā honti, svādhiṭṭhitā honti, susamuggatā honti, suvimuttā honti nibbattenti jotenti patāpenti.
๒๗. สเพฺพสํ ปาณานํ…เป.… สเพฺพสํ ภูตานํ… สเพฺพสํ ปุคฺคลานํ… สเพฺพสํ อตฺตภาวปริยาปนฺนานํ… สพฺพาสํ อิตฺถีนํ… สเพฺพสํ ปุริสานํ… สเพฺพสํ อริยานํ… สเพฺพสํ อนริยานํ… สเพฺพสํ เทวานํ… สเพฺพสํ มนุสฺสานํ… สเพฺพสํ วินิปาติกานํ ปีฬนํ วเชฺชตฺวา อปีฬนาย, อุปฆาตํ วเชฺชตฺวา อนุปฆาเตน, สนฺตาปํ วเชฺชตฺวา อสนฺตาเปน, ปริยาทานํ วเชฺชตฺวา อปริยาทาเนน, วิเหสํ วเชฺชตฺวา อวิเหสาย, สเพฺพ วินิปาติกา อเวริโน โหนฺตุ มา เวริโน, สุขิโน โหนฺตุ มา ทุกฺขิโน, สุขิตตฺตา โหนฺตุ มา ทุกฺขิตตฺตาติ – อิเมหิ อฎฺฐหากาเรหิ สเพฺพ วินิปาติเก เมตฺตายตีติ – เมตฺตาฯ ตํ ธมฺมํ เจตยตีติ – เจโตฯ สพฺพพฺยาปาทปริยุฎฺฐาเนหิ วิมุจฺจตีติ – วิมุตฺติฯ เมตฺตา จ เจโต จ วิมุตฺติ จาติ – เมตฺตาเจโตวิมุตฺติฯ
27. Sabbesaṃ pāṇānaṃ…pe… sabbesaṃ bhūtānaṃ… sabbesaṃ puggalānaṃ… sabbesaṃ attabhāvapariyāpannānaṃ… sabbāsaṃ itthīnaṃ… sabbesaṃ purisānaṃ… sabbesaṃ ariyānaṃ… sabbesaṃ anariyānaṃ… sabbesaṃ devānaṃ… sabbesaṃ manussānaṃ… sabbesaṃ vinipātikānaṃ pīḷanaṃ vajjetvā apīḷanāya, upaghātaṃ vajjetvā anupaghātena, santāpaṃ vajjetvā asantāpena, pariyādānaṃ vajjetvā apariyādānena, vihesaṃ vajjetvā avihesāya, sabbe vinipātikā averino hontu mā verino, sukhino hontu mā dukkhino, sukhitattā hontu mā dukkhitattāti – imehi aṭṭhahākārehi sabbe vinipātike mettāyatīti – mettā. Taṃ dhammaṃ cetayatīti – ceto. Sabbabyāpādapariyuṭṭhānehi vimuccatīti – vimutti. Mettā ca ceto ca vimutti cāti – mettācetovimutti.
สเพฺพ วินิปาติกา อเวริโน โหนฺตุ, เขมิโน โหนฺตุ, สุขิโน โหนฺตูติ – สทฺธาย อธิมุจฺจติฯ สทฺธินฺทฺริยปริภาวิตา โหติ เมตฺตาเจโตวิมุตฺติ…เป.… นิพฺพเตฺตนฺติ โชเตนฺติ ปตาเปนฺติฯ
Sabbe vinipātikā averino hontu, khemino hontu, sukhino hontūti – saddhāya adhimuccati. Saddhindriyaparibhāvitā hoti mettācetovimutti…pe… nibbattenti jotenti patāpenti.
สเพฺพสํ ปุรตฺถิมาย ทิสาย สตฺตานํ…เป.… สเพฺพสํ ปจฺฉิมาย ทิสาย สตฺตานํ… สเพฺพสํ อุตฺตราย ทิสาย สตฺตานํ… สเพฺพสํ ทกฺขิณาย ทิสาย สตฺตานํ… สเพฺพสํ ปุรตฺถิมาย อนุทิสาย สตฺตานํ… สเพฺพสํ ปจฺฉิมาย อนุทิสาย สตฺตานํ… สเพฺพสํ อุตฺตราย อนุทิสาย สตฺตานํ… สเพฺพสํ ทกฺขิณาย อนุทิสาย สตฺตานํ… สเพฺพสํ เหฎฺฐิมาย ทิสาย สตฺตานํ… สเพฺพสํ อุปริมาย ทิสาย สตฺตานํ ปีฬนํ วเชฺชตฺวา อปีฬนาย, อุปฆาตํ วเชฺชตฺวา อนุปฆาเตน, สนฺตาปํ วเชฺชตฺวา อสนฺตาเปน, ปริยาทานํ วเชฺชตฺวา อปริยาทาเนน, วิเหสํ วเชฺชตฺวา อวิเหสาย, สเพฺพ อุปริมาย ทิสาย สตฺตา อเวริโน โหนฺตุ มา เวริโน, สุขิโน โหนฺตุ มา ทุกฺขิโน, สุขิตตฺตา โหนฺตุ มา ทุกฺขิตตฺตาติ – อิเมหิ อฎฺฐหากาเรหิ สเพฺพ อุปริมาย ทิสาย สเตฺต เมตฺตายตีติ – เมตฺตาฯ ตํ ธมฺมํ เจตยตีติ – เจโตฯ สพฺพพฺยาปาทปริยุฎฺฐาเนหิ วิมุจฺจตีติ – วิมุตฺติฯ เมตฺตา จ เจโต จ วิมุตฺติ จาติ – เมตฺตาเจโตวิมุตฺติฯ
Sabbesaṃ puratthimāya disāya sattānaṃ…pe… sabbesaṃ pacchimāya disāya sattānaṃ… sabbesaṃ uttarāya disāya sattānaṃ… sabbesaṃ dakkhiṇāya disāya sattānaṃ… sabbesaṃ puratthimāya anudisāya sattānaṃ… sabbesaṃ pacchimāya anudisāya sattānaṃ… sabbesaṃ uttarāya anudisāya sattānaṃ… sabbesaṃ dakkhiṇāya anudisāya sattānaṃ… sabbesaṃ heṭṭhimāya disāya sattānaṃ… sabbesaṃ uparimāya disāya sattānaṃ pīḷanaṃ vajjetvā apīḷanāya, upaghātaṃ vajjetvā anupaghātena, santāpaṃ vajjetvā asantāpena, pariyādānaṃ vajjetvā apariyādānena, vihesaṃ vajjetvā avihesāya, sabbe uparimāya disāya sattā averino hontu mā verino, sukhino hontu mā dukkhino, sukhitattā hontu mā dukkhitattāti – imehi aṭṭhahākārehi sabbe uparimāya disāya satte mettāyatīti – mettā. Taṃ dhammaṃ cetayatīti – ceto. Sabbabyāpādapariyuṭṭhānehi vimuccatīti – vimutti. Mettā ca ceto ca vimutti cāti – mettācetovimutti.
สเพฺพ อุปริมาย ทิสาย สตฺตา อเวริโน โหนฺตุ, เขมิโน โหนฺตุ, สุขิโน โหนฺตูติ – สทฺธาย อธิมุจฺจติฯ สทฺธินฺทฺริยปริภาวิตา โหติ เมตฺตาเจโตวิมุตฺติ…เป.… นิพฺพเตฺตนฺติ โชเตนฺติ ปตาเปนฺติฯ
Sabbe uparimāya disāya sattā averino hontu, khemino hontu, sukhino hontūti – saddhāya adhimuccati. Saddhindriyaparibhāvitā hoti mettācetovimutti…pe… nibbattenti jotenti patāpenti.
สเพฺพสํ ปุรตฺถิมาย ทิสาย ปาณานํ…เป.… ภูตานํ… ปุคฺคลานํ อตฺตภาวปริยาปนฺนานํ… สพฺพาสํ อิตฺถีนํ… สเพฺพสํ ปุริสานํ… สเพฺพสํ อริยานํ… สเพฺพสํ อนริยานํ… สเพฺพสํ เทวานํ… สเพฺพสํ มนุสฺสานํ… สเพฺพสํ วินิปาติกานํ… สเพฺพสํ ปจฺฉิมาย ทิสาย วินิปาติกานํ… สเพฺพสํ อุตฺตราย ทิสาย วินิปาติกานํ… สเพฺพสํ ทกฺขิณาย ทิสาย วินิปาติกานํ… สเพฺพสํ ปุรตฺถิมาย อนุทิสาย วินิปาติกานํ… สเพฺพสํ ปจฺฉิมาย อนุทิสาย วินิปาติกานํ… สเพฺพสํ อุตฺตราย อนุทิสาย วินิปาติกานํ… สเพฺพสํ ทกฺขิณาย อนุทิสาย วินิปาติกานํ… สเพฺพสํ เหฎฺฐิมาย ทิสาย วินิปาติกานํ… สเพฺพสํ อุปริมาย ทิสาย วินิปาติกานํ ปีฬนํ วเชฺชตฺวา อปีฬนาย, อุปฆาตํ วเชฺชตฺวา อนุปฆาเตน, สนฺตาปํ วเชฺชตฺวา อสนฺตาเปน, ปริยาทานํ วเชฺชตฺวา อปริยาทาเนน, วิเหสํ วเชฺชตฺวา อวิเหสาย, สเพฺพ อุปริมาย ทิสาย วินิปาติกา อเวริโน โหนฺตุ มา เวริโน, สุขิโน โหนฺตุ มา ทุกฺขิโน, สุขิตตฺตา โหนฺตุ มา ทุกฺขิตตฺตาติ – อิเมหิ อฎฺฐหากาเรหิ สเพฺพ อุปริมาย ทิสาย วินิปาติเก เมตฺตายตีติ – เมตฺตาฯ ตํ ธมฺมํ เจตยตีติ – เจโตฯ สพฺพพฺยาปาทปริยุฎฺฐาเนหิ วิมุจฺจตีติ – วิมุตฺติฯ เมตฺตา จ เจโต จ วิมุตฺติ จาติ – เมตฺตาเจโตวิมุตฺติฯ
Sabbesaṃ puratthimāya disāya pāṇānaṃ…pe… bhūtānaṃ… puggalānaṃ attabhāvapariyāpannānaṃ… sabbāsaṃ itthīnaṃ… sabbesaṃ purisānaṃ… sabbesaṃ ariyānaṃ… sabbesaṃ anariyānaṃ… sabbesaṃ devānaṃ… sabbesaṃ manussānaṃ… sabbesaṃ vinipātikānaṃ… sabbesaṃ pacchimāya disāya vinipātikānaṃ… sabbesaṃ uttarāya disāya vinipātikānaṃ… sabbesaṃ dakkhiṇāya disāya vinipātikānaṃ… sabbesaṃ puratthimāya anudisāya vinipātikānaṃ… sabbesaṃ pacchimāya anudisāya vinipātikānaṃ… sabbesaṃ uttarāya anudisāya vinipātikānaṃ… sabbesaṃ dakkhiṇāya anudisāya vinipātikānaṃ… sabbesaṃ heṭṭhimāya disāya vinipātikānaṃ… sabbesaṃ uparimāya disāya vinipātikānaṃ pīḷanaṃ vajjetvā apīḷanāya, upaghātaṃ vajjetvā anupaghātena, santāpaṃ vajjetvā asantāpena, pariyādānaṃ vajjetvā apariyādānena, vihesaṃ vajjetvā avihesāya, sabbe uparimāya disāya vinipātikā averino hontu mā verino, sukhino hontu mā dukkhino, sukhitattā hontu mā dukkhitattāti – imehi aṭṭhahākārehi sabbe uparimāya disāya vinipātike mettāyatīti – mettā. Taṃ dhammaṃ cetayatīti – ceto. Sabbabyāpādapariyuṭṭhānehi vimuccatīti – vimutti. Mettā ca ceto ca vimutti cāti – mettācetovimutti.
สเพฺพ อุปริมาย ทิสาย วินิปาติกา อเวริโน โหนฺตุ, เขมิโน โหนฺตุ, สุขิโน โหนฺตูติ – สทฺธาย อธิมุจฺจติฯ สทฺธินฺทฺริยปริภาวิตา โหติ เมตฺตาเจโตวิมุตฺติฯ
Sabbe uparimāya disāya vinipātikā averino hontu, khemino hontu, sukhino hontūti – saddhāya adhimuccati. Saddhindriyaparibhāvitā hoti mettācetovimutti.
สเพฺพ อุปริมาย ทิสาย วินิปาติกา อเวริโน โหนฺตุ, เขมิโน โหนฺตุ, สุขิโน โหนฺตูติ – วีริยํ ปคฺคณฺหาติฯ วีริยินฺทฺริยปริภาวิตา โหติ เมตฺตาเจโตวิมุตฺติฯ
Sabbe uparimāya disāya vinipātikā averino hontu, khemino hontu, sukhino hontūti – vīriyaṃ paggaṇhāti. Vīriyindriyaparibhāvitā hoti mettācetovimutti.
สติํ อุปฎฺฐาเปติฯ สตินฺทฺริยปริภาวิตา โหติ เมตฺตาเจโตวิมุตฺติฯ จิตฺตํ สมาทหติฯ สมาธินฺทฺริยปริภาวิตา โหติ เมตฺตาเจโตวิมุตฺติฯ ปญฺญาย ปชานาติฯ ปญฺญินฺทฺริยปริภาวิตา โหติ เมตฺตาเจโตวิมุตฺติฯ
Satiṃ upaṭṭhāpeti. Satindriyaparibhāvitā hoti mettācetovimutti. Cittaṃ samādahati. Samādhindriyaparibhāvitā hoti mettācetovimutti. Paññāya pajānāti. Paññindriyaparibhāvitā hoti mettācetovimutti.
อิมานิ ปญฺจินฺทฺริยานิ เมตฺตาย เจโตวิมุตฺติยา อาเสวนา โหนฺติฯ อิเมหิ ปญฺจหิ อินฺทฺริเยหิ เมตฺตาเจโตวิมุตฺติ อาเสวียติ…เป.… นิพฺพเตฺตนฺติ โชเตนฺติ ปตาเปนฺติฯ
Imāni pañcindriyāni mettāya cetovimuttiyā āsevanā honti. Imehi pañcahi indriyehi mettācetovimutti āsevīyati…pe… nibbattenti jotenti patāpenti.
สเพฺพ อุปริมาย ทิสาย วินิปาติกา อเวริโน โหนฺตุ, เขมิโน โหนฺตุ, สุขิโน โหนฺตูติ – อสฺสทฺธิเย น กมฺปติฯ สทฺธาพลปริภาวิตา โหติ เมตฺตาเจโตวิมุตฺติฯ โกสเชฺช น กมฺปติฯ วีริยพลปริภาวิตา โหติ เมตฺตาเจโตวิมุตฺติฯ ปมาเท น กมฺปติฯ สติพลปริภาวิตา โหติ เมตฺตาเจโตวิมุตฺติฯ อุทฺธเจฺจ น กมฺปติฯ สมาธิพลปริภาวิตา โหติ เมตฺตาเจโตวิมุตฺติฯ อวิชฺชาย น กมฺปติฯ ปญฺญาพลปริภาวิตา โหติ เมตฺตาเจโตวิมุตฺติฯ
Sabbe uparimāya disāya vinipātikā averino hontu, khemino hontu, sukhino hontūti – assaddhiye na kampati. Saddhābalaparibhāvitā hoti mettācetovimutti. Kosajje na kampati. Vīriyabalaparibhāvitā hoti mettācetovimutti. Pamāde na kampati. Satibalaparibhāvitā hoti mettācetovimutti. Uddhacce na kampati. Samādhibalaparibhāvitā hoti mettācetovimutti. Avijjāya na kampati. Paññābalaparibhāvitā hoti mettācetovimutti.
อิมานิ ปญฺจ พลานิ เมตฺตาย เจโตวิมุตฺติยา อาเสวนา โหนฺติฯ อิเมหิ ปญฺจหิ พเลหิ เมตฺตาเจโตวิมุตฺติ อาเสวียติ…เป.… นิพฺพเตฺตนฺติ โชเตนฺติ ปตาเปนฺติฯ
Imāni pañca balāni mettāya cetovimuttiyā āsevanā honti. Imehi pañcahi balehi mettācetovimutti āsevīyati…pe… nibbattenti jotenti patāpenti.
สเพฺพ อุปริมาย ทิสาย วินิปาติกา อเวริโน โหนฺตุ, เขมิโน โหนฺตุ, สุขิโน โหนฺตูติ – สติํ อุปฎฺฐาเปติฯ สติสโมฺพชฺฌงฺคปริภาวิตา โหติ เมตฺตาเจโตวิมุตฺติฯ
Sabbe uparimāya disāya vinipātikā averino hontu, khemino hontu, sukhino hontūti – satiṃ upaṭṭhāpeti. Satisambojjhaṅgaparibhāvitā hoti mettācetovimutti.
ปญฺญาย ปวิจินาติฯ ธมฺมวิจยสโมฺพชฺฌงฺคปริภาวิตา โหติ เมตฺตาเจโตวิมุตฺติฯ วีริยํ ปคฺคณฺหาติฯ วีริยสโมฺพชฺฌงฺคปริภาวิตา โหติ เมตฺตาเจโตวิมุตฺติฯ ปริฬาหํ ปฎิปฺปสฺสเมฺภติฯ ปีติสโมฺพชฺฌงฺคปริภาวิตา โหติ เมตฺตาเจโตวิมุตฺติฯ ทุฎฺฐุลฺลํ ปฎิปฺปสฺสเมฺภติฯ ปสฺสทฺธิสโมฺพชฺฌงฺคปริภาวิตา โหติ เมตฺตาเจโตวิมุตฺติฯ จิตฺตํ สมาทหติฯ สมาธิสโมฺพชฺฌงฺคปริภาวิตา โหติ เมตฺตาเจโตวิมุตฺติฯ ญาเณน กิเลเส ปฎิสงฺขาติฯ อุเปกฺขาสโมฺพชฺฌงฺคปริภาวิตา โหติ เมตฺตาเจโตวิมุตฺติฯ
Paññāya pavicināti. Dhammavicayasambojjhaṅgaparibhāvitā hoti mettācetovimutti. Vīriyaṃ paggaṇhāti. Vīriyasambojjhaṅgaparibhāvitā hoti mettācetovimutti. Pariḷāhaṃ paṭippassambheti. Pītisambojjhaṅgaparibhāvitā hoti mettācetovimutti. Duṭṭhullaṃ paṭippassambheti. Passaddhisambojjhaṅgaparibhāvitā hoti mettācetovimutti. Cittaṃ samādahati. Samādhisambojjhaṅgaparibhāvitā hoti mettācetovimutti. Ñāṇena kilese paṭisaṅkhāti. Upekkhāsambojjhaṅgaparibhāvitā hoti mettācetovimutti.
อิเม สตฺต โพชฺฌงฺคา เมตฺตาย เจโตวิมุตฺติยา อาเสวนา โหนฺติฯ อิเมหิ สตฺตหิ โพชฺฌเงฺคหิ เมตฺตาเจโตวิมุตฺติ อาเสวียติ…เป.… นิพฺพเตฺตนฺติ โชเตนฺติ ปตาเปนฺติฯ
Ime satta bojjhaṅgā mettāya cetovimuttiyā āsevanā honti. Imehi sattahi bojjhaṅgehi mettācetovimutti āsevīyati…pe… nibbattenti jotenti patāpenti.
สเพฺพ อุปริมาย ทิสาย วินิปาติกา อเวริโน โหนฺตุ, เขมิโน โหนฺตุ, สุขิโน โหนฺตูติ – สมฺมา ปสฺสติฯ สมฺมาทิฎฺฐิ ปริภาวิตา โหติ เมตฺตาเจโตวิมุตฺติฯ สมฺมา อภินิโรเปติฯ สมฺมาสงฺกปฺปปริภาวิตา โหติ เมตฺตาเจโตวิมุตฺติฯ สมฺมา ปริคฺคณฺหาติฯ สมฺมาวาจาปริภาวิตา โหติ เมตฺตาเจโตวิมุตฺติฯ สมฺมา สมุฎฺฐาเปติฯ สมฺมากมฺมนฺตปริภาวิตา โหติ เมตฺตาเจโตวิมุตฺติฯ สมฺมา โวทาเปติฯ สมฺมา อาชีวปริภาวิตา โหติ เมตฺตาเจโตวิมุตฺติฯ สมฺมา ปคฺคณฺหาติฯ สมฺมาวายามปริภาวิตา โหติ เมตฺตาเจโตวิมุตฺติฯ สมฺมา อุปฎฺฐาติฯ สมฺมาสติปริภาวิตา โหติ เมตฺตาเจโตวิมุตฺติฯ สมฺมา สมาทหติฯ สมฺมาสมาธิปริภาวิตา โหติ เมตฺตาเจโตวิมุตฺติฯ
Sabbe uparimāya disāya vinipātikā averino hontu, khemino hontu, sukhino hontūti – sammā passati. Sammādiṭṭhi paribhāvitā hoti mettācetovimutti. Sammā abhiniropeti. Sammāsaṅkappaparibhāvitā hoti mettācetovimutti. Sammā pariggaṇhāti. Sammāvācāparibhāvitā hoti mettācetovimutti. Sammā samuṭṭhāpeti. Sammākammantaparibhāvitā hoti mettācetovimutti. Sammā vodāpeti. Sammā ājīvaparibhāvitā hoti mettācetovimutti. Sammā paggaṇhāti. Sammāvāyāmaparibhāvitā hoti mettācetovimutti. Sammā upaṭṭhāti. Sammāsatiparibhāvitā hoti mettācetovimutti. Sammā samādahati. Sammāsamādhiparibhāvitā hoti mettācetovimutti.
อิเม อฎฺฐ มคฺคงฺคา เมตฺตาย เจโตวิมุตฺติยา อาเสวนา โหนฺติฯ อิเมหิ อฎฺฐหิ มคฺคเงฺคหิ เมตฺตาเจโตวิมุตฺติ อาเสวียติ…เป.… อิเม อฎฺฐ มคฺคงฺคา เมตฺตาย เจโตวิมุตฺติยา ปริภาวิตา โหนฺติฯ อิเมหิ อฎฺฐหิ มคฺคเงฺคหิ เมตฺตาเจโตวิมุตฺติ สุปริวุตา โหติฯ อิเม อฎฺฐ มคฺคงฺคา เมตฺตาย เจโตวิมุตฺติยา อาเสวนา โหนฺติ, ภาวนา โหนฺติ, พหุลีกตา โหนฺติ, อลงฺการา โหนฺติ, ปริกฺขารา โหนฺติ, ปริวารา โหนฺติ, ปาริปูรี โหนฺติ, สหคตา โหนฺติ, สหชาตา โหนฺติ , สํสฎฺฐา โหนฺติ, สมฺปยุตฺตา โหนฺติ, ปกฺขนฺทนา โหนฺติ, ปสีทนา โหนฺติ, สนฺติฎฺฐนา โหนฺติ, วิมุจฺจนา โหนฺติ, ‘‘เอตํ สนฺต’’นฺติ ผสฺสนา โหนฺติ, ยานีกตา โหนฺติ, วตฺถุกตา โหนฺติ, อนุฎฺฐิตา โหนฺติ, ปริจิตา โหนฺติ, สุสมารทฺธา โหนฺติ, สุภาวิตา โหนฺติ, สฺวาธิฎฺฐิตา โหนฺติ, สุสมุคฺคตา โหนฺติ, สุวิมุตฺตา โหนฺติ นิพฺพเตฺตนฺติ โชเตนฺติ ปตาเปนฺตีติฯ
Ime aṭṭha maggaṅgā mettāya cetovimuttiyā āsevanā honti. Imehi aṭṭhahi maggaṅgehi mettācetovimutti āsevīyati…pe… ime aṭṭha maggaṅgā mettāya cetovimuttiyā paribhāvitā honti. Imehi aṭṭhahi maggaṅgehi mettācetovimutti suparivutā hoti. Ime aṭṭha maggaṅgā mettāya cetovimuttiyā āsevanā honti, bhāvanā honti, bahulīkatā honti, alaṅkārā honti, parikkhārā honti, parivārā honti, pāripūrī honti, sahagatā honti, sahajātā honti , saṃsaṭṭhā honti, sampayuttā honti, pakkhandanā honti, pasīdanā honti, santiṭṭhanā honti, vimuccanā honti, ‘‘etaṃ santa’’nti phassanā honti, yānīkatā honti, vatthukatā honti, anuṭṭhitā honti, paricitā honti, susamāraddhā honti, subhāvitā honti, svādhiṭṭhitā honti, susamuggatā honti, suvimuttā honti nibbattenti jotenti patāpentīti.
เมตฺตากถา นิฎฺฐิตาฯ
Mettākathā niṭṭhitā.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ปฎิสมฺภิทามคฺค-อฎฺฐกถา • Paṭisambhidāmagga-aṭṭhakathā / ๒-๔. พลาทิวารตฺตยวณฺณนา • 2-4. Balādivārattayavaṇṇanā
