| Library / Tipiṭaka / திபிடக • Tipiṭaka / விப⁴ங்க³-மூலடீகா • Vibhaṅga-mūlaṭīkā |
11. மக்³க³ங்க³விப⁴ங்கோ³
11. Maggaṅgavibhaṅgo
2. அபி⁴த⁴ம்மபா⁴ஜனீயவண்ணனா
2. Abhidhammabhājanīyavaṇṇanā
490. அபி⁴த⁴ம்மே லோகுத்தரசித்தபா⁴ஜனீயேபி ‘‘தஸ்மிங் கோ² பன ஸமயே சத்தாரோ க²ந்தா⁴ ஹொந்தி…பே॰… அட்ட²ங்கி³கோ மக்³கோ³ ஹோதீ’’தி (த⁴॰ ஸ॰ 337) வுத்தத்தா இதா⁴பி அபி⁴த⁴ம்மபா⁴ஜனீயே அபி⁴த⁴ம்மானுரூபங் தே³ஸனங் கரொந்தோ ‘‘அட்ட²ங்கி³கோ மக்³கோ³’’தி அரியோபபத³தங் ந கரோதி.
490. Abhidhamme lokuttaracittabhājanīyepi ‘‘tasmiṃ kho pana samaye cattāro khandhā honti…pe… aṭṭhaṅgiko maggo hotī’’ti (dha. sa. 337) vuttattā idhāpi abhidhammabhājanīye abhidhammānurūpaṃ desanaṃ karonto ‘‘aṭṭhaṅgiko maggo’’ti ariyopapadataṃ na karoti.
493. தஸ்மிங் ஸமயேதி லோகியகாலேன ஏதேஸங் அதிரேககிச்சங் த³ஸ்ஸேதி. விரதிஉப்பாத³னேன மிச்சா²வாசாதீ³னி புக்³க³லங் பஜஹாபெந்தீதி ஸம்மாதி³ட்டா²தீ³னி பஞ்ச ‘‘காராபகங்கா³னீ’’தி வுத்தானி. ஸம்மாவாசாதி³கிரியா ஹி விரதி, தஞ்ச ஏதானி காராபெந்தீதி. விரதிவஸேனாதி விரமணகிரியாவஸேன, ந காராபகபா⁴வேன கத்துபா⁴வேன சாதி அத்தோ². இமங்…பே॰… கிச்சாதிரேகதங் த³ஸ்ஸேதுந்தி லோகுத்தரக்க²ணேபி இமானேவ பஞ்ச ஸம்மாவாசாதி³த்தயஸ்ஸ ஏகக்க²ணே காராபகானீதி த³ஸ்ஸேதுந்தி அத்தோ². மிச்சா²தி³ட்டா²தி³கா த³ஸ, தப்பச்சயா அகுஸலா ச த³ஸாதி வீஸதி அகுஸலபக்கி²யா, ஸம்மாதி³ட்டா²தி³கா த³ஸ, தப்பச்சயா ச குஸலா த³ஸாதி வீஸதி குஸலபக்கி²யா ச மஹாசத்தாரீஸகஸுத்தே (ம॰ நி॰ 3.136) வுத்தாதி தஸ்ஸ ஏதங் நாமங்.
493. Tasmiṃ samayeti lokiyakālena etesaṃ atirekakiccaṃ dasseti. Viratiuppādanena micchāvācādīni puggalaṃ pajahāpentīti sammādiṭṭhādīni pañca ‘‘kārāpakaṅgānī’’ti vuttāni. Sammāvācādikiriyā hi virati, tañca etāni kārāpentīti. Virativasenāti viramaṇakiriyāvasena, na kārāpakabhāvena kattubhāvena cāti attho. Imaṃ…pe… kiccātirekataṃ dassetunti lokuttarakkhaṇepi imāneva pañca sammāvācādittayassa ekakkhaṇe kārāpakānīti dassetunti attho. Micchādiṭṭhādikā dasa, tappaccayā akusalā ca dasāti vīsati akusalapakkhiyā, sammādiṭṭhādikā dasa, tappaccayā ca kusalā dasāti vīsati kusalapakkhiyā ca mahācattārīsakasutte (ma. ni. 3.136) vuttāti tassa etaṃ nāmaṃ.
புஞ்ஞபா⁴கி³யாதி புஞ்ஞகொட்டா²ஸே ப⁴வா, புஞ்ஞாபி⁴ஸங்கா²ரேகதே³ஸபூ⁴தாதி அத்தோ². க²ந்தோ⁴பதி⁴ங் விபச்சதி, தத்த² வா விபச்சதீதி உபதி⁴வேபக்கா.
Puññabhāgiyāti puññakoṭṭhāse bhavā, puññābhisaṅkhārekadesabhūtāti attho. Khandhopadhiṃ vipaccati, tattha vā vipaccatīti upadhivepakkā.
பஞ்சங்கி³கமக்³க³ங் உத்³தி³ஸித்வா தத்த² ஏகேகங் புச்சி²த்வா தஸ்ஸ தஸ்ஸேவ ஸமயவவத்தா²னங் கத்வா விஸ்ஸஜ்ஜனங் ‘‘பாடியேக்கங் புச்சி²த்வா பாடியேக்கங் விஸ்ஸஜ்ஜன’’ந்தி வுத்தங். ஸஹ பன புச்சி²த்வா பஞ்சன்னம்பி ஸமயவவத்தா²னங் கத்வா விஸ்ஸஜ்ஜனே ‘‘தத்த² கதமா ஸம்மாதி³ட்டி²யா பஞ்ஞா’’திஆதி³கோ படினித்³தே³ஸோ ஏகதோ விஸ்ஸஜ்ஜனபடினித்³தே³ஸத்தா ந பாடியேக்கங் புச்சா²விஸ்ஸஜ்ஜனங் நாம ஹோதீதி. தத்த² பஞ்சங்கி³கவாரே ஏவ பாடியேக்கங் புச்சா²விஸ்ஸஜ்ஜனங் ஸம்மாதி³ட்டா²தீ³ஸு காராபகங்கே³ஸு ஏகேகமுகா²ய பா⁴வனாய மக்³கு³ப்பத்திங் ஸந்தா⁴ய கதந்தி வேதி³தப்³ப³ங். வாசாதீ³னி ஹி புப்³ப³ஸுத்³தி⁴யா ஸிஜ்ஜ²ந்தி, ந மக்³க³ஸ்ஸ உபசாரேனாதி.
Pañcaṅgikamaggaṃ uddisitvā tattha ekekaṃ pucchitvā tassa tasseva samayavavatthānaṃ katvā vissajjanaṃ ‘‘pāṭiyekkaṃ pucchitvā pāṭiyekkaṃ vissajjana’’nti vuttaṃ. Saha pana pucchitvā pañcannampi samayavavatthānaṃ katvā vissajjane ‘‘tattha katamā sammādiṭṭhiyā paññā’’tiādiko paṭiniddeso ekato vissajjanapaṭiniddesattā na pāṭiyekkaṃ pucchāvissajjanaṃ nāma hotīti. Tattha pañcaṅgikavāre eva pāṭiyekkaṃ pucchāvissajjanaṃ sammādiṭṭhādīsu kārāpakaṅgesu ekekamukhāya bhāvanāya magguppattiṃ sandhāya katanti veditabbaṃ. Vācādīni hi pubbasuddhiyā sijjhanti, na maggassa upacārenāti.
அபி⁴த⁴ம்மபா⁴ஜனீயவண்ணனா நிட்டி²தா.
Abhidhammabhājanīyavaṇṇanā niṭṭhitā.
மக்³க³ங்க³விப⁴ங்க³வண்ணனா நிட்டி²தா.
Maggaṅgavibhaṅgavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / விப⁴ங்க³பாளி • Vibhaṅgapāḷi / 11. மக்³க³ங்க³விப⁴ங்கோ³ • 11. Maggaṅgavibhaṅgo
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / ஸம்மோஹவினோத³னீ-அட்ட²கதா² • Sammohavinodanī-aṭṭhakathā / 2. அபி⁴த⁴ம்மபா⁴ஜனீயவண்ணனா • 2. Abhidhammabhājanīyavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / விப⁴ங்க³-அனுடீகா • Vibhaṅga-anuṭīkā / 11. மக்³க³ங்க³விப⁴ங்கோ³ • 11. Maggaṅgavibhaṅgo
