| Library / Tipiṭaka / д̇ибидага • Tipiṭaka / вибхан̇г̇а-анудийгаа • Vibhaṅga-anuṭīkā |
11. маг̇г̇ан̇г̇авибхан̇г̇о
11. Maggaṅgavibhaṅgo
2. абхид̇хаммабхааж̇анийяаван̣н̣анаа
2. Abhidhammabhājanīyavaṇṇanā
490. абхид̇хаммзд̇и д̇хаммасан̇г̇ахз. со хи ниб̣б̣ад̇д̇ид̇аабхид̇хаммад̣̇зсанаа, на вибхан̇г̇ад̣̇зсанаа вияа суд̇д̇анд̇анаяавимиссаа. арияобабад̣̇ад̇ам̣ на гарод̇и винааби д̇знасса арияабхаавасид̣̇д̇хид̇о. д̇знааха адтагат̇ааяам̣ ‘‘яат̇аа хий’’д̇иаад̣̇и.
490. Abhidhammeti dhammasaṅgahe. So hi nibbattitābhidhammadesanā, na vibhaṅgadesanā viya suttantanayavimissā. Ariyopapadataṃ na karoti vināpi tenassa ariyabhāvasiddhito. Tenāha aṭṭhakathāyaṃ ‘‘yathā hī’’tiādi.
493. ‘‘логияагаалзнаа’’д̇и ид̣̇ам̣ буб̣б̣абхааг̇абхааванаанубхаавзна гижжаад̇ирзгасид̣̇д̇хийд̇и д̣̇ассанад̇т̇ам̣ вуд̇д̇ам̣. зд̇зсанд̇и саммаад̣̇идтиаад̣̇ийнам̣. аббахаанз, бахаанз жа аад̣̇ийнаваанисам̣савибхааванаад̣̇инаа висзсаббажжаяад̇д̇аа саммаад̣̇идтиаад̣̇ийни мижчааваажаад̣̇ийни баж̇ахаабзнд̇ийд̇и вуд̇д̇аани. мижчааваажаад̣̇ид̇о нивад̇д̇и саммааваажаад̣̇игирияаад̇и вуд̇д̇ам̣ ‘‘саммааваажаад̣̇игирияаа хи вирад̇ий’’д̇и. саммаад̣̇идтиаад̣̇аяо вияа на гаараабагабхаавзна, д̇ам̣саман̇г̇ийбуг̇г̇ало вияа на гад̇д̇убхаавзна. логуд̇д̇арагкан̣збийд̇и на гзвалам̣ логияагкан̣зязва, ат̇а ко логуд̇д̇арагкан̣зби.
493. ‘‘Lokiyakālenā’’ti idaṃ pubbabhāgabhāvanānubhāvena kiccātirekasiddhīti dassanatthaṃ vuttaṃ. Etesanti sammādiṭṭhiādīnaṃ. Appahāne, pahāne ca ādīnavānisaṃsavibhāvanādinā visesappaccayattā sammādiṭṭhiādīni micchāvācādīni pajahāpentīti vuttāni. Micchāvācādito nivatti sammāvācādikiriyāti vuttaṃ ‘‘sammāvācādikiriyā hi viratī’’ti. Sammādiṭṭhiādayo viya na kārāpakabhāvena, taṃsamaṅgīpuggalo viya na kattubhāvena. Lokuttarakkhaṇepīti na kevalaṃ lokiyakkhaṇeyeva, atha kho lokuttarakkhaṇepi.
канд̇хобад̇хим̣ вибажжад̇ийд̇и бадисанд̇хид̣̇ааяигам̣ санд̇хааяааха. д̇ад̇т̇а вибажжад̇ийд̇и бавад̇д̇ивибаагад̣̇ааяигам̣.
Khandhopadhiṃ vipaccatīti paṭisandhidāyikaṃ sandhāyāha. Tattha vipaccatīti pavattivipākadāyikaṃ.
згзганд̇и ‘‘д̇ад̇т̇а гад̇амаа саммаад̣̇идтий’’д̇иаад̣̇инаа згзгам̣ ан̇г̇ам̣ бужчид̇ваа. д̇асса д̇ассзваад̇и згзгаан̇г̇ассзва, на ан̇г̇асамуд̣̇ааяасса. саха бана бужчид̇ваад̇и ‘‘д̇ад̇т̇а гад̇амо бан̃жан̇г̇иго маг̇г̇о’’д̇и бужчид̇ваа. згад̇о виссаж̇ж̇анабадинид̣̇д̣̇зсад̇д̇аад̇и яад̣̇иби ‘‘д̇ад̇т̇а гад̇амаа саммаад̣̇идти? яаа бан̃н̃аа’’д̇иаад̣̇инаа (вибха. 495) виссаж̇ж̇анам̣ гад̇ам̣, ‘‘д̇ад̇т̇а гад̇амо бан̃жан̇г̇иго маг̇г̇о’’д̇и (вибха. 494) бана згад̇о гад̇ааяа бужчааяа виссаж̇ж̇анавасзна бадинид̣̇д̣̇зсабхаавад̇о на баадиязггам̣ бужчаависсаж̇ж̇анам̣ наама ход̇и. гасмаа банзд̇т̇а бан̃жан̇г̇игаваарз зва баадиязггам̣ бужчаависсаж̇ж̇анам̣ гад̇ам̣, на адтан̇г̇игаваарзд̇и жод̣̇анам̣ санд̇хааяааха ‘‘д̇ад̇т̇аа’’д̇иаад̣̇и. згзгамукааяаад̇и саммаад̣̇идтиаад̣̇имукааяа. д̇зна вуд̇д̇ам̣ ‘‘арияам̣ во, бхигкавз, саммаад̣̇идтим̣ д̣̇зсзссаами саубанисам̣ сабаригкаара’’нд̇иаад̣̇и (сам̣. ни. 5.28). буб̣б̣асуд̣̇д̇хияаа сиж̇жханд̇и. д̇ат̇аа хи вуд̇д̇ам̣ ‘‘буб̣б̣зва ко банасса гааяагаммам̣ важийгаммам̣ ааж̇ийво субарисуд̣̇д̇хо ход̇ий’’д̇и (ма. ни. 3.431), д̇асмаа саммааваажаад̣̇имукаа бхааванаа над̇т̇ийд̇и ад̇хиббааяо. д̇знааха ‘‘на маг̇г̇асса убажаарзнаа’’д̇и.
Ekekanti ‘‘tattha katamā sammādiṭṭhī’’tiādinā ekekaṃ aṅgaṃ pucchitvā. Tassa tassevāti ekekaaṅgasseva, na aṅgasamudāyassa. Saha pana pucchitvāti ‘‘tattha katamo pañcaṅgiko maggo’’ti pucchitvā. Ekato vissajjanapaṭiniddesattāti yadipi ‘‘tattha katamā sammādiṭṭhi? Yā paññā’’tiādinā (vibha. 495) vissajjanaṃ kataṃ, ‘‘tattha katamo pañcaṅgiko maggo’’ti (vibha. 494) pana ekato katāya pucchāya vissajjanavasena paṭiniddesabhāvato na pāṭiyekkaṃ pucchāvissajjanaṃ nāma hoti. Kasmā panettha pañcaṅgikavāre eva pāṭiyekkaṃ pucchāvissajjanaṃ kataṃ, na aṭṭhaṅgikavāreti codanaṃ sandhāyāha ‘‘tatthā’’tiādi. Ekekamukhāyāti sammādiṭṭhiādimukhāya. Tena vuttaṃ ‘‘ariyaṃ vo, bhikkhave, sammādiṭṭhiṃ desessāmi saupanisaṃ saparikkhāra’’ntiādi (saṃ. ni. 5.28). Pubbasuddhiyā sijjhanti. Tathā hi vuttaṃ ‘‘pubbeva kho panassa kāyakammaṃ vacīkammaṃ ājīvo suparisuddho hotī’’ti (ma. ni. 3.431), tasmā sammāvācādimukhā bhāvanā natthīti adhippāyo. Tenāha ‘‘na maggassa upacārenā’’ti.
абхид̇хаммабхааж̇анийяаван̣н̣анаа нидтид̇аа.
Abhidhammabhājanīyavaṇṇanā niṭṭhitā.
маг̇г̇ан̇г̇авибхан̇г̇аван̣н̣анаа нидтид̇аа.
Maggaṅgavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 11. маг̇г̇ан̇г̇авибхан̇г̇о • 11. Maggaṅgavibhaṅgo
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā / 2. абхид̇хаммабхааж̇анийяаван̣н̣анаа • 2. Abhidhammabhājanīyavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 11. маг̇г̇ан̇г̇авибхан̇г̇о • 11. Maggaṅgavibhaṅgo
