| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
18. маг̇г̇абажжаяанид̣̇д̣̇зсаван̣н̣анаа
18. Maggapaccayaniddesavaṇṇanā
18. маг̇г̇абажжаяанид̣̇д̣̇зсз маг̇г̇ан̇г̇аанийд̇и ахзд̇угажид̇д̇уббаад̣̇аваж̇ж̇зсу сзсажид̇д̇зсу уббаннаани бан̃н̃аа, вид̇агго, саммааваажаагамманд̇ааж̇ийваа, вийрияам̣, сад̇и, самаад̇хи, мижчаад̣̇идти, мижчааваажаагамманд̇ааж̇ийваад̇и имаани д̣̇ваад̣̇асан̇г̇аани. маг̇г̇асса бана хзд̇убажчимагад̇д̇аа ахзд̇угажид̇д̇зсу маг̇г̇ан̇г̇аани на уд̣̇д̇хадаани. д̇ам̣самудтаанаананд̇и ид̇хааби гадад̇д̇ааруубам̣ сан̇г̇ахид̇амзва. вуд̇д̇ан̃хзд̇ам̣ бан̃хааваарз – ‘‘бадисанд̇хигкан̣з вибаагааб̣яаагад̇аани маг̇г̇ан̇г̇аани самбаяуд̇д̇агаанам̣ канд̇хаанам̣ гадад̇д̇аа жа руубаанам̣ маг̇г̇абажжаязна бажжаяо’’д̇и. аяам̣ д̇аавзд̇т̇а баал̣иван̣н̣анаа.
18. Maggapaccayaniddese maggaṅgānīti ahetukacittuppādavajjesu sesacittesu uppannāni paññā, vitakko, sammāvācākammantājīvā, vīriyaṃ, sati, samādhi, micchādiṭṭhi, micchāvācākammantājīvāti imāni dvādasaṅgāni. Maggassa pana hetupacchimakattā ahetukacittesu maggaṅgāni na uddhaṭāni. Taṃsamuṭṭhānānanti idhāpi kaṭattārūpaṃ saṅgahitameva. Vuttañhetaṃ pañhāvāre – ‘‘paṭisandhikkhaṇe vipākābyākatāni maggaṅgāni sampayuttakānaṃ khandhānaṃ kaṭattā ca rūpānaṃ maggapaccayena paccayo’’ti. Ayaṃ tāvettha pāḷivaṇṇanā.
аяам̣ бана маг̇г̇абажжаяо д̣̇ваад̣̇асаннам̣ маг̇г̇ан̇г̇аанам̣ васзна тид̇оби ж̇аад̇ибхзд̣̇ад̇о гусалаад̣̇ивасзна жад̇уд̇хаа, гусалаад̣̇ийнан̃жа гаамааважараад̣̇ибхуумибхзд̣̇ад̇о д̣̇ваад̣̇асад̇хаа бхиж̇ж̇ад̇ийд̇и звамзд̇т̇а наанаббагаарабхзд̣̇ад̇о вин̃н̃аад̇аб̣б̣о винижчаяо . звам̣ бхиннз банзд̇т̇а жад̇убхуумагамби гусаламаг̇г̇ан̇г̇ам̣ бан̃жавогаарз самбаяуд̇д̇ад̇хаммаанан̃жзва жид̇д̇асамудтаанаруубасса жа, табзд̇ваа руубааважарам̣ авасзсам̣ ааруббз самбаяуд̇д̇ад̇хаммаанан̃н̃зва маг̇г̇абажжаязна бажжаяод̇и саб̣б̣ам̣ жхаанабажжаяз вияа вид̇т̇аарзд̇аб̣б̣анд̇и звамзд̇т̇а бажжаяуббаннад̇оби вин̃н̃аад̇аб̣б̣о винижчаяод̇и.
Ayaṃ pana maggapaccayo dvādasannaṃ maggaṅgānaṃ vasena ṭhitopi jātibhedato kusalādivasena catudhā, kusalādīnañca kāmāvacarādibhūmibhedato dvādasadhā bhijjatīti evamettha nānappakārabhedato viññātabbo vinicchayo . Evaṃ bhinne panettha catubhūmakampi kusalamaggaṅgaṃ pañcavokāre sampayuttadhammānañceva cittasamuṭṭhānarūpassa ca, ṭhapetvā rūpāvacaraṃ avasesaṃ āruppe sampayuttadhammānaññeva maggapaccayena paccayoti sabbaṃ jhānapaccaye viya vitthāretabbanti evamettha paccayuppannatopi viññātabbo vinicchayoti.
маг̇г̇абажжаяанид̣̇д̣̇зсаван̣н̣анаа.
Maggapaccayaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
