| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
18. маг̇г̇абажжаяанид̣̇д̣̇зсаван̣н̣анаа
18. Maggapaccayaniddesavaṇṇanā
18. бан̃н̃аа вид̇агго саммааваажаагамманд̇ааж̇ийваа вийрияам̣ сад̇и самаад̇хи мижчаад̣̇идти мижчааваажаагамманд̇ааж̇ийваад̇и имаани д̣̇ваад̣̇асан̇г̇аанийд̇и зд̇т̇а д̣̇увид̇хамби сан̇габбам̣ вийрияам̣ самаад̇хин̃жа вид̇аггавийрияасамаад̇хиважанзхи сан̇г̇ан̣хид̇ваа ‘‘аяамзва ко, аавусо, адтан̇г̇иго мижчаамаг̇г̇о аб̣рахмажарияам̣. сзяяат̇ид̣̇ам̣ – мижчаад̣̇идти…бз… мижчаасамаад̇хий’’д̇иаад̣̇ийхи (сам̣. ни. 5.18) суд̇д̇аважанзхи мижчааваажаагамманд̇ааж̇ийвзсуби маг̇г̇ан̇г̇авохаарасид̣̇д̇хид̇о д̇зхи саха д̣̇ваад̣̇асан̇г̇аани ид̇ха лаб̣бхамаанаани жа алаб̣бхамаанаани жа маг̇г̇ан̇г̇аважанасааман̃н̃зна сан̇г̇ан̣хид̇ваа вуд̇д̇аани. зван̃хи суд̇д̇анд̇авохаароби д̣̇ассид̇о ход̇и, звам̣ бана д̣̇ассзнд̇зна ‘‘маг̇г̇абажжаяанид̣̇д̣̇зсз маг̇г̇ан̇г̇ааний’’д̇и звам̣ уд̣̇д̇харид̇ваа д̇асса баатаг̇ад̇асса маг̇г̇ан̇г̇асад̣̇д̣̇асса ад̇т̇абхаавзна имаани д̣̇ваад̣̇асан̇г̇аани на д̣̇ассзд̇аб̣б̣аани. на хи баал̣ияам̣ маг̇г̇ан̇г̇асад̣̇д̣̇асса мижчааваажаагамманд̇ааж̇ийвод̇и ад̇т̇о вад̇д̇аб̣б̣о. д̇зхи саммааваажаад̣̇ийхи бадибагкаа жзд̇анаад̇хаммаа д̇аббадибагкабхаавад̇оязва ‘‘мижчаамаг̇г̇ан̇г̇ааний’’д̇и суд̇д̇з вуд̇д̇аани, на бана маг̇г̇абажжаяабхаавзна. маг̇г̇ан̇г̇аани маг̇г̇абажжаяабхууд̇аани жа ид̇ха баал̣ияам̣ ‘‘маг̇г̇ан̇г̇ааний’’д̇и вуд̇д̇аани, на жа ан̃н̃ам̣ уд̣̇д̇харид̇ваа ан̃н̃асса ад̇т̇о вад̇д̇аб̣б̣о. барияааяаниббарияааяамаг̇г̇ан̇г̇ад̣̇ассанад̇т̇ам̣ бана ижчанд̇зна баал̣иг̇ад̇амаг̇г̇ан̇г̇асад̣̇д̣̇абад̇ируубаго ан̃н̃о маг̇г̇ан̇г̇асад̣̇д̣̇о убхаяабад̣̇ад̇т̇о уд̣̇д̇харид̇аб̣б̣о яат̇аа ‘‘ад̇хигаран̣ам̣ наама жад̇д̇аари ад̇хигаран̣ааний’’д̇и (баараа. 386, 405). ид̇ха бана ‘‘маг̇г̇абажжаяанид̣̇д̣̇зсз маг̇г̇ан̇г̇ааний’’д̇и баал̣иг̇ад̇оязва маг̇г̇ан̇г̇асад̣̇д̣̇о уд̣̇д̇хадо, на жа ад̇т̇уд̣̇д̇харан̣авасзна д̣̇ассзд̇ваа ад̇хиббзд̇ад̇т̇анияаманам̣ гад̇ам̣, д̇асмаа баал̣ияам̣ маг̇г̇ан̇г̇асад̣̇д̣̇асса мижчааваажаад̣̇ийнам̣ ад̇т̇абхааво маа ход̇ууд̇и ‘‘саммаад̣̇идтисан̇габбаваажаагамманд̇ааж̇ийвавааяаамасад̇исамаад̇химижчаад̣̇идтисан̇габбавааяаамасамаад̇хаяод̇и имаани д̣̇ваад̣̇асан̇г̇ааний’’д̇и батанд̇и. нану звам̣ ‘‘ахзд̇угажид̇д̇уббаад̣̇аваж̇ж̇зсуу’’д̇и на вад̇д̇аб̣б̣ам̣. на хи д̇зсу саммаад̣̇идтиаад̣̇аяо яат̇аавуд̇д̇аа санд̇и, яз важ̇ж̇зд̇аб̣б̣аа сияунд̇и? на, уббад̇д̇идтаананияаманад̇т̇ад̇д̇аа. ахзд̇угажид̇д̇уббаад̣̇аваж̇ж̇зсвзва зд̇аани уббаж̇ж̇анд̇и, наахзд̇угажид̇д̇уббаад̣̇зсу. д̇ад̇т̇уббаннаани д̣̇ваад̣̇асан̇г̇аанийд̇и аяан̃хзд̇т̇а ад̇т̇о.
18. Paññāvitakko sammāvācākammantājīvā vīriyaṃ sati samādhi micchādiṭṭhi micchāvācākammantājīvāti imāni dvādasaṅgānīti ettha duvidhampi saṅkappaṃ vīriyaṃ samādhiñca vitakkavīriyasamādhivacanehi saṅgaṇhitvā ‘‘ayameva kho, āvuso, aṭṭhaṅgiko micchāmaggo abrahmacariyaṃ. Seyyathidaṃ – micchādiṭṭhi…pe… micchāsamādhī’’tiādīhi (saṃ. ni. 5.18) suttavacanehi micchāvācākammantājīvesupi maggaṅgavohārasiddhito tehi saha dvādasaṅgāni idha labbhamānāni ca alabbhamānāni ca maggaṅgavacanasāmaññena saṅgaṇhitvā vuttāni. Evañhi suttantavohāropi dassito hoti, evaṃ pana dassentena ‘‘maggapaccayaniddese maggaṅgānī’’ti evaṃ uddharitvā tassa pāṭhagatassa maggaṅgasaddassa atthabhāvena imāni dvādasaṅgāni na dassetabbāni. Na hi pāḷiyaṃ maggaṅgasaddassa micchāvācākammantājīvoti attho vattabbo. Tehi sammāvācādīhi paṭipakkhā cetanādhammā tappaṭipakkhabhāvatoyeva ‘‘micchāmaggaṅgānī’’ti sutte vuttāni, na pana maggapaccayabhāvena. Maggaṅgāni maggapaccayabhūtāni ca idha pāḷiyaṃ ‘‘maggaṅgānī’’ti vuttāni, na ca aññaṃ uddharitvā aññassa attho vattabbo. Pariyāyanippariyāyamaggaṅgadassanatthaṃ pana icchantena pāḷigatamaggaṅgasaddapatirūpako añño maggaṅgasaddo ubhayapadattho uddharitabbo yathā ‘‘adhikaraṇaṃ nāma cattāri adhikaraṇānī’’ti (pārā. 386, 405). Idha pana ‘‘maggapaccayaniddese maggaṅgānī’’ti pāḷigatoyeva maggaṅgasaddo uddhaṭo, na ca atthuddharaṇavasena dassetvā adhippetatthaniyamanaṃ kataṃ, tasmā pāḷiyaṃ maggaṅgasaddassa micchāvācādīnaṃ atthabhāvo mā hotūti ‘‘sammādiṭṭhisaṅkappavācākammantājīvavāyāmasatisamādhimicchādiṭṭhisaṅkappavāyāmasamādhayoti imāni dvādasaṅgānī’’ti paṭhanti. Nanu evaṃ ‘‘ahetukacittuppādavajjesū’’ti na vattabbaṃ. Na hi tesu sammādiṭṭhiādayo yathāvuttā santi, ye vajjetabbā siyunti? Na, uppattiṭṭhānaniyamanatthattā. Ahetukacittuppādavajjesveva etāni uppajjanti, nāhetukacittuppādesu. Tatthuppannāni dvādasaṅgānīti ayañhettha attho.
маг̇г̇абажжаяанид̣̇д̣̇зсаван̣н̣анаа нидтид̇аа.
Maggapaccayaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 18. маг̇г̇абажжаяанид̣̇д̣̇зсаван̣н̣анаа • 18. Maggapaccayaniddesavaṇṇanā
