| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
18. маг̇г̇абажжаяанид̣̇д̣̇зсаван̣н̣анаа
18. Maggapaccayaniddesavaṇṇanā
18. д̣̇увид̇хамби сан̇габбанд̇и саммаасан̇габбо мижчаасан̇габбод̇и жа звам̣ анаваж̇ж̇асааваж̇ж̇абхзд̣̇зна д̣̇увид̇хамби. вийрияам̣ самаад̇хинд̇и зд̇т̇ааби зсзва наяо. сан̇г̇ан̣хид̇ваа вид̇аггаад̣̇ибхаавасааман̃н̃зна саха г̇ахзд̇ваа, згзгамзва гад̇ваа г̇ахзд̇ваад̇и ад̇т̇о. д̇зхи мижчааваажаагамманд̇ааж̇ийвзхи. ид̇хаад̇и имасмим̣ маг̇г̇абажжаяанид̣̇д̣̇зсз лаб̣бхамаанаани жа маг̇г̇абажжаяабхаавад̇о, жа-сад̣̇д̣̇зна алаб̣бхамаанаани жа маг̇г̇абажжаяад̇д̇аабхааваа. яад̣̇и звам̣ гасмаа вуд̇д̇аанийд̇и ааха ‘‘маг̇г̇ан̇г̇аважанасааман̃н̃знаа’’д̇и. звам̣ барияааяанид̣̇д̣̇зсо ид̇ха гимад̇т̇ияод̇и жод̣̇анам̣ санд̇хааяааха ‘‘зван̃хи суд̇д̇авохаароби д̣̇ассид̇о ход̇ий’’д̇и. звам̣ бана д̣̇ассзнд̇знаад̇и барамад̇т̇ад̇о амаг̇г̇ан̇г̇ааниби суд̇д̇з маг̇г̇ан̇г̇авохаарасид̣̇д̇хияаа ид̇ха маг̇г̇ан̇г̇зхи саха д̣̇ассзнд̇зна. уд̣̇д̇харид̇ваад̇и бад̣̇уд̣̇д̇хаарам̣ гад̇ваа. ид̣̇аани мижчааваажаад̣̇ийхи сад̣̇д̇хим̣ д̣̇ваад̣̇асан̇г̇аани на д̣̇ассзд̇аб̣б̣аани, гасмаад̇и жзд̇и ааха ‘‘на хи баал̣ияам̣…бз… вад̇д̇аб̣б̣о’’д̇и. д̇аббадибагкабхаавад̇оязва мижчаамаг̇г̇ан̇г̇аани, на мижчаад̣̇идтиаад̣̇аяо вияа сабхаавад̇од̇и ад̇хиббааяо.
18. Duvidhampi saṅkappanti sammāsaṅkappo micchāsaṅkappoti ca evaṃ anavajjasāvajjabhedena duvidhampi. Vīriyaṃ samādhinti etthāpi eseva nayo. Saṅgaṇhitvā vitakkādibhāvasāmaññena saha gahetvā, ekekameva katvā gahetvāti attho. Tehi micchāvācākammantājīvehi. Idhāti imasmiṃ maggapaccayaniddese labbhamānāni ca maggapaccayabhāvato, ca-saddena alabbhamānāni ca maggapaccayattābhāvā. Yadi evaṃ kasmā vuttānīti āha ‘‘maggaṅgavacanasāmaññenā’’ti. Evaṃ pariyāyaniddeso idha kimatthiyoti codanaṃ sandhāyāha ‘‘evañhi suttavohāropi dassito hotī’’ti. Evaṃ pana dassentenāti paramatthato amaggaṅgānipi sutte maggaṅgavohārasiddhiyā idha maggaṅgehi saha dassentena. Uddharitvāti paduddhāraṃ katvā. Idāni micchāvācādīhi saddhiṃ dvādasaṅgāni na dassetabbāni, kasmāti ceti āha ‘‘na hi pāḷiyaṃ…pe… vattabbo’’ti. Tappaṭipakkhabhāvatoyeva micchāmaggaṅgāni, na micchādiṭṭhiādayo viya sabhāvatoti adhippāyo.
барияааяаниббарияааяамаг̇г̇ан̇г̇ад̣̇ассанад̇т̇зби ад̇т̇аважанз звам̣ на вад̇д̇аб̣б̣амзваад̇и д̣̇ассзнд̇о ‘‘барияааяа…бз… ад̇хигаран̣ааний’’д̇и ааха. д̇ассад̇т̇о – яат̇аа ‘‘ан̃н̃абхааг̇ияасса ад̇хигаран̣ассаа’’д̇и зд̇т̇а баал̣иг̇ад̇аад̇хигаран̣асад̣̇д̣̇абад̇ируубаго ан̃н̃о ад̇хигаран̣асад̣̇д̣̇о баал̣иг̇ад̇ад̇ад̣̇ан̃н̃асаад̇хааран̣ад̇ааяа убхаяабад̣̇ад̇т̇о уд̣̇д̇хадо ‘‘ад̇хигаран̣ам̣ наама жад̇д̇аари ад̇хигаран̣ааний’’д̇и, звамид̇хааби ниббарияааяам̣ ид̇аран̃жа маг̇г̇ан̇г̇ам̣ д̣̇ассзд̇угаамзна баал̣иг̇ад̇ад̇ад̣̇ан̃н̃асаад̇хааран̣о маг̇г̇ан̇г̇асад̣̇д̣̇о уд̣̇д̇харид̇аб̣б̣о сияаа, д̇ат̇аа на гад̇анд̇и. д̇асмаад̇и яасмаа баал̣иг̇ад̇оязва маг̇г̇ан̇г̇асад̣̇д̣̇о уд̣̇д̇хадо, на д̇ад̣̇ан̃н̃асаад̇хааран̣о, на жа ад̇т̇уд̣̇д̇хаарамукзна ад̇хиббзд̇ад̇т̇о нияамид̇о, д̇асмаа. д̇зсууд̇и ахзд̇угажид̇д̇уббаад̣̇зсу. ‘‘саммаад̣̇идти…бз… самаад̇хаяо’’д̇и зд̇т̇а сан̇габбавааяаамасамаад̇хаяо саммаамижчаасад̣̇д̣̇зхи висзсзд̇ваа вуд̇д̇аад̇и ааха ‘‘саммаад̣̇идтиаад̣̇аяо яат̇аавуд̇д̇аа санд̇ий’’д̇и. сан̇габбавааяаамасамаад̇хиббад̇д̇аа бана д̇ад̇т̇а гзжи санд̇иязваад̇и. ат̇а ваа саммаад̣̇идтиаад̣̇аяод̇и вуд̇д̇аббагаарз саммаад̣̇идтиаад̣̇игз анавасзсз санд̇хааяа вуд̇д̇ам̣. д̇знааха ‘‘яат̇аавуд̇д̇аа’’д̇и. уббад̇д̇идтаананияаманад̇т̇ад̇д̇аа на висзсанад̇т̇ад̇д̇аад̇и ад̇хиббааяо.
Pariyāyanippariyāyamaggaṅgadassanatthepi atthavacane evaṃ na vattabbamevāti dassento ‘‘pariyāya…pe… adhikaraṇānī’’ti āha. Tassattho – yathā ‘‘aññabhāgiyassa adhikaraṇassā’’ti ettha pāḷigataadhikaraṇasaddapatirūpako añño adhikaraṇasaddo pāḷigatatadaññasādhāraṇatāya ubhayapadattho uddhaṭo ‘‘adhikaraṇaṃ nāma cattāri adhikaraṇānī’’ti, evamidhāpi nippariyāyaṃ itarañca maggaṅgaṃ dassetukāmena pāḷigatatadaññasādhāraṇo maggaṅgasaddo uddharitabbo siyā, tathā na katanti. Tasmāti yasmā pāḷigatoyeva maggaṅgasaddo uddhaṭo, na tadaññasādhāraṇo, na ca atthuddhāramukhena adhippetattho niyamito, tasmā. Tesūti ahetukacittuppādesu. ‘‘Sammādiṭṭhi…pe… samādhayo’’ti ettha saṅkappavāyāmasamādhayo sammāmicchāsaddehi visesetvā vuttāti āha ‘‘sammādiṭṭhiādayo yathāvuttā santī’’ti. Saṅkappavāyāmasamādhippattā pana tattha keci santiyevāti. Atha vā sammādiṭṭhiādayoti vuttappakāre sammādiṭṭhiādike anavasese sandhāya vuttaṃ. Tenāha ‘‘yathāvuttā’’ti. Uppattiṭṭhānaniyamanatthattā na visesanatthattāti adhippāyo.
маг̇г̇абажжаяанид̣̇д̣̇зсаван̣н̣анаа нидтид̇аа.
Maggapaccayaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 18. маг̇г̇абажжаяанид̣̇д̣̇зсаван̣н̣анаа • 18. Maggapaccayaniddesavaṇṇanā
