| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੧੮. ਮਗ੍ਗਪਚ੍ਚਯਨਿਦ੍ਦੇਸવਣ੍ਣਨਾ
18. Maggapaccayaniddesavaṇṇanā
੧੮. ਮਗ੍ਗਪਚ੍ਚਯਨਿਦ੍ਦੇਸੇ ਮਗ੍ਗਙ੍ਗਾਨੀਤਿ ਅਹੇਤੁਕਚਿਤ੍ਤੁਪ੍ਪਾਦવਜ੍ਜੇਸੁ ਸੇਸਚਿਤ੍ਤੇਸੁ ਉਪ੍ਪਨ੍ਨਾਨਿ ਪਞ੍ਞਾ, વਿਤਕ੍ਕੋ, ਸਮ੍ਮਾવਾਚਾਕਮ੍ਮਨ੍ਤਾਜੀવਾ, વੀਰਿਯਂ, ਸਤਿ, ਸਮਾਧਿ, ਮਿਚ੍ਛਾਦਿਟ੍ਠਿ, ਮਿਚ੍ਛਾવਾਚਾਕਮ੍ਮਨ੍ਤਾਜੀવਾਤਿ ਇਮਾਨਿ ਦ੍વਾਦਸਙ੍ਗਾਨਿ। ਮਗ੍ਗਸ੍ਸ ਪਨ ਹੇਤੁਪਚ੍ਛਿਮਕਤ੍ਤਾ ਅਹੇਤੁਕਚਿਤ੍ਤੇਸੁ ਮਗ੍ਗਙ੍ਗਾਨਿ ਨ ਉਦ੍ਧਟਾਨਿ। ਤਂਸਮੁਟ੍ਠਾਨਾਨਨ੍ਤਿ ਇਧਾਪਿ ਕਟਤ੍ਤਾਰੂਪਂ ਸਙ੍ਗਹਿਤਮੇવ। વੁਤ੍ਤਞ੍ਹੇਤਂ ਪਞ੍ਹਾવਾਰੇ – ‘‘ਪਟਿਸਨ੍ਧਿਕ੍ਖਣੇ વਿਪਾਕਾਬ੍ਯਾਕਤਾਨਿ ਮਗ੍ਗਙ੍ਗਾਨਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਕਟਤ੍ਤਾ ਚ ਰੂਪਾਨਂ ਮਗ੍ਗਪਚ੍ਚਯੇਨ ਪਚ੍ਚਯੋ’’ਤਿ। ਅਯਂ ਤਾવੇਤ੍ਥ ਪਾਲ਼ਿવਣ੍ਣਨਾ।
18. Maggapaccayaniddese maggaṅgānīti ahetukacittuppādavajjesu sesacittesu uppannāni paññā, vitakko, sammāvācākammantājīvā, vīriyaṃ, sati, samādhi, micchādiṭṭhi, micchāvācākammantājīvāti imāni dvādasaṅgāni. Maggassa pana hetupacchimakattā ahetukacittesu maggaṅgāni na uddhaṭāni. Taṃsamuṭṭhānānanti idhāpi kaṭattārūpaṃ saṅgahitameva. Vuttañhetaṃ pañhāvāre – ‘‘paṭisandhikkhaṇe vipākābyākatāni maggaṅgāni sampayuttakānaṃ khandhānaṃ kaṭattā ca rūpānaṃ maggapaccayena paccayo’’ti. Ayaṃ tāvettha pāḷivaṇṇanā.
ਅਯਂ ਪਨ ਮਗ੍ਗਪਚ੍ਚਯੋ ਦ੍વਾਦਸਨ੍ਨਂ ਮਗ੍ਗਙ੍ਗਾਨਂ વਸੇਨ ਠਿਤੋਪਿ ਜਾਤਿਭੇਦਤੋ ਕੁਸਲਾਦਿવਸੇਨ ਚਤੁਧਾ, ਕੁਸਲਾਦੀਨਞ੍ਚ ਕਾਮਾવਚਰਾਦਿਭੂਮਿਭੇਦਤੋ ਦ੍વਾਦਸਧਾ ਭਿਜ੍ਜਤੀਤਿ ਏવਮੇਤ੍ਥ ਨਾਨਪ੍ਪਕਾਰਭੇਦਤੋ વਿਞ੍ਞਾਤਬ੍ਬੋ વਿਨਿਚ੍ਛਯੋ । ਏવਂ ਭਿਨ੍ਨੇ ਪਨੇਤ੍ਥ ਚਤੁਭੂਮਕਮ੍ਪਿ ਕੁਸਲਮਗ੍ਗਙ੍ਗਂ ਪਞ੍ਚવੋਕਾਰੇ ਸਮ੍ਪਯੁਤ੍ਤਧਮ੍ਮਾਨਞ੍ਚੇવ ਚਿਤ੍ਤਸਮੁਟ੍ਠਾਨਰੂਪਸ੍ਸ ਚ, ਠਪੇਤ੍વਾ ਰੂਪਾવਚਰਂ ਅવਸੇਸਂ ਆਰੁਪ੍ਪੇ ਸਮ੍ਪਯੁਤ੍ਤਧਮ੍ਮਾਨਞ੍ਞੇવ ਮਗ੍ਗਪਚ੍ਚਯੇਨ ਪਚ੍ਚਯੋਤਿ ਸਬ੍ਬਂ ਝਾਨਪਚ੍ਚਯੇ વਿਯ વਿਤ੍ਥਾਰੇਤਬ੍ਬਨ੍ਤਿ ਏવਮੇਤ੍ਥ ਪਚ੍ਚਯੁਪ੍ਪਨ੍ਨਤੋਪਿ વਿਞ੍ਞਾਤਬ੍ਬੋ વਿਨਿਚ੍ਛਯੋਤਿ।
Ayaṃ pana maggapaccayo dvādasannaṃ maggaṅgānaṃ vasena ṭhitopi jātibhedato kusalādivasena catudhā, kusalādīnañca kāmāvacarādibhūmibhedato dvādasadhā bhijjatīti evamettha nānappakārabhedato viññātabbo vinicchayo . Evaṃ bhinne panettha catubhūmakampi kusalamaggaṅgaṃ pañcavokāre sampayuttadhammānañceva cittasamuṭṭhānarūpassa ca, ṭhapetvā rūpāvacaraṃ avasesaṃ āruppe sampayuttadhammānaññeva maggapaccayena paccayoti sabbaṃ jhānapaccaye viya vitthāretabbanti evamettha paccayuppannatopi viññātabbo vinicchayoti.
ਮਗ੍ਗਪਚ੍ਚਯਨਿਦ੍ਦੇਸવਣ੍ਣਨਾ।
Maggapaccayaniddesavaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਪਟ੍ਠਾਨਪਾਲ਼ਿ • Paṭṭhānapāḷi / (੨) ਪਚ੍ਚਯਨਿਦ੍ਦੇਸੋ • (2) Paccayaniddeso
