| Library / Tipiṭaka / តិបិដក • Tipiṭaka / បដ្ឋានបាឡិ • Paṭṭhānapāḷi |
១៦. មគ្គារម្មណត្តិកំ
16. Maggārammaṇattikaṃ
១. បដិច្ចវារោ
1. Paṭiccavāro
១. បច្ចយានុលោមំ
1. Paccayānulomaṃ
១. វិភង្គវារោ
1. Vibhaṅgavāro
ហេតុបច្ចយោ
Hetupaccayo
១. មគ្គារម្មណំ ធម្មំ បដិច្ច មគ្គារម្មណោ ធម្មោ ឧប្បជ្ជតិ ហេតុបច្ចយា – មគ្គារម្មណំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)
1. Maggārammaṇaṃ dhammaṃ paṭicca maggārammaṇo dhammo uppajjati hetupaccayā – maggārammaṇaṃ ekaṃ khandhaṃ paṭicca tayo khandhā…pe… dve khandhe…pe…. (1)
មគ្គារម្មណំ ធម្មំ បដិច្ច មគ្គាធិបតិ ធម្មោ ឧប្បជ្ជតិ ហេតុបច្ចយា – មគ្គារម្មណំ ឯកំ ខន្ធំ បដិច្ច មគ្គាធិបតី តយោ ខន្ធា, តយោ ខន្ធេ បដិច្ច ឯកោ ខន្ធោ។ ទ្វេ ខន្ធេ…បេ.…។ (២)
Maggārammaṇaṃ dhammaṃ paṭicca maggādhipati dhammo uppajjati hetupaccayā – maggārammaṇaṃ ekaṃ khandhaṃ paṭicca maggādhipatī tayo khandhā, tayo khandhe paṭicca eko khandho. Dve khandhe…pe…. (2)
មគ្គារម្មណំ ធម្មំ បដិច្ច មគ្គារម្មណោ ច មគ្គាធិបតិ ច ធម្មា ឧប្បជ្ជន្តិ ហេតុបច្ចយា – មគ្គារម្មណំ ឯកំ ខន្ធំ បដិច្ច មគ្គារម្មណា ច មគ្គាធិបតី ច តយោ ខន្ធា…បេ.… ទ្វេ ខន្ធេ…បេ.…។ (៣)
Maggārammaṇaṃ dhammaṃ paṭicca maggārammaṇo ca maggādhipati ca dhammā uppajjanti hetupaccayā – maggārammaṇaṃ ekaṃ khandhaṃ paṭicca maggārammaṇā ca maggādhipatī ca tayo khandhā…pe… dve khandhe…pe…. (3)
២. មគ្គហេតុកំ ធម្មំ បដិច្ច មគ្គហេតុកោ ធម្មោ ឧប្បជ្ជតិ ហេតុបច្ចយា – មគ្គហេតុកំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)
2. Maggahetukaṃ dhammaṃ paṭicca maggahetuko dhammo uppajjati hetupaccayā – maggahetukaṃ ekaṃ khandhaṃ paṭicca tayo khandhā…pe… dve khandhe…pe…. (1)
មគ្គហេតុកំ ធម្មំ បដិច្ច មគ្គាធិបតិ ធម្មោ ឧប្បជ្ជតិ ហេតុបច្ចយា – មគ្គហេតុកំ ឯកំ ខន្ធំ បដិច្ច មគ្គាធិបតី តយោ ខន្ធា…បេ.… ទ្វេ ខន្ធេ…បេ.…។ (២)
Maggahetukaṃ dhammaṃ paṭicca maggādhipati dhammo uppajjati hetupaccayā – maggahetukaṃ ekaṃ khandhaṃ paṭicca maggādhipatī tayo khandhā…pe… dve khandhe…pe…. (2)
មគ្គហេតុកំ ធម្មំ បដិច្ច មគ្គហេតុកោ ច មគ្គាធិបតិ ច ធម្មា ឧប្បជ្ជន្តិ ហេតុបច្ចយា – មគ្គហេតុកំ ឯកំ ខន្ធំ បដិច្ច មគ្គហេតុកា ច មគ្គាធិបតី ច តយោ ខន្ធា…បេ.… ទ្វេ ខន្ធេ…បេ.…។ (៣)
Maggahetukaṃ dhammaṃ paṭicca maggahetuko ca maggādhipati ca dhammā uppajjanti hetupaccayā – maggahetukaṃ ekaṃ khandhaṃ paṭicca maggahetukā ca maggādhipatī ca tayo khandhā…pe… dve khandhe…pe…. (3)
៣. មគ្គាធិបតិំ ធម្មំ បដិច្ច មគ្គាធិបតិ ធម្មោ ឧប្បជ្ជតិ ហេតុបច្ចយា – មគ្គាធិបតិំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)
3. Maggādhipatiṃ dhammaṃ paṭicca maggādhipati dhammo uppajjati hetupaccayā – maggādhipatiṃ ekaṃ khandhaṃ paṭicca tayo khandhā…pe… dve khandhe…pe…. (1)
មគ្គាធិបតិំ ធម្មំ បដិច្ច មគ្គារម្មណោ ធម្មោ ឧប្បជ្ជតិ ហេតុបច្ចយា – មគ្គាធិបតិំ ឯកំ ខន្ធំ បដិច្ច មគ្គារម្មណា តយោ ខន្ធា…បេ.… ទ្វេ ខន្ធេ…បេ.…។ (២)
Maggādhipatiṃ dhammaṃ paṭicca maggārammaṇo dhammo uppajjati hetupaccayā – maggādhipatiṃ ekaṃ khandhaṃ paṭicca maggārammaṇā tayo khandhā…pe… dve khandhe…pe…. (2)
មគ្គាធិបតិំ ធម្មំ បដិច្ច មគ្គហេតុកោ ធម្មោ ឧប្បជ្ជតិ ហេតុបច្ចយា – មគ្គាធិបតិំ ឯកំ ខន្ធំ បដិច្ច មគ្គហេតុកា តយោ ខន្ធា…បេ.… ទ្វេ ខន្ធេ…បេ.…។ (៣)
Maggādhipatiṃ dhammaṃ paṭicca maggahetuko dhammo uppajjati hetupaccayā – maggādhipatiṃ ekaṃ khandhaṃ paṭicca maggahetukā tayo khandhā…pe… dve khandhe…pe…. (3)
មគ្គាធិបតិំ ធម្មំ បដិច្ច មគ្គារម្មណោ ច មគ្គាធិបតិ ច ធម្មា ឧប្បជ្ជន្តិ ហេតុបច្ចយា – មគ្គាធិបតិំ ឯកំ ខន្ធំ បដិច្ច មគ្គារម្មណា ច មគ្គាធិបតី ច តយោ ខន្ធា…បេ.… ទ្វេ ខន្ធេ…បេ.…។ (៤)
Maggādhipatiṃ dhammaṃ paṭicca maggārammaṇo ca maggādhipati ca dhammā uppajjanti hetupaccayā – maggādhipatiṃ ekaṃ khandhaṃ paṭicca maggārammaṇā ca maggādhipatī ca tayo khandhā…pe… dve khandhe…pe…. (4)
មគ្គាធិបតិំ ធម្មំ បដិច្ច មគ្គហេតុកោ ច មគ្គាធិបតិ ច ធម្មា ឧប្បជ្ជន្តិ ហេតុបច្ចយា – មគ្គាធិបតិំ ឯកំ ខន្ធំ បដិច្ច មគ្គហេតុកា ច មគ្គាធិបតី ច តយោ ខន្ធា…បេ.… ទ្វេ ខន្ធេ…បេ.…។ (៥)
Maggādhipatiṃ dhammaṃ paṭicca maggahetuko ca maggādhipati ca dhammā uppajjanti hetupaccayā – maggādhipatiṃ ekaṃ khandhaṃ paṭicca maggahetukā ca maggādhipatī ca tayo khandhā…pe… dve khandhe…pe…. (5)
៤. មគ្គារម្មណញ្ច មគ្គាធិបតិញ្ច ធម្មំ បដិច្ច មគ្គារម្មណោ ធម្មោ ឧប្បជ្ជតិ ហេតុបច្ចយា – មគ្គារម្មណញ្ច មគ្គាធិបតិញ្ច ឯកំ ខន្ធំ បដិច្ច មគ្គារម្មណា តយោ ខន្ធា…បេ.… ទ្វេ ខន្ធេ…បេ.…។ (១)
4. Maggārammaṇañca maggādhipatiñca dhammaṃ paṭicca maggārammaṇo dhammo uppajjati hetupaccayā – maggārammaṇañca maggādhipatiñca ekaṃ khandhaṃ paṭicca maggārammaṇā tayo khandhā…pe… dve khandhe…pe…. (1)
មគ្គារម្មណញ្ច មគ្គាធិបតិញ្ច ធម្មំ បដិច្ច មគ្គាធិបតិ ធម្មោ ឧប្បជ្ជតិ ហេតុបច្ចយា – មគ្គារម្មណញ្ច មគ្គាធិបតិញ្ច ឯកំ ខន្ធំ បដិច្ច មគ្គាធិបតី តយោ ខន្ធា…បេ.… ទ្វេ ខន្ធេ…បេ.…។ (២)
Maggārammaṇañca maggādhipatiñca dhammaṃ paṭicca maggādhipati dhammo uppajjati hetupaccayā – maggārammaṇañca maggādhipatiñca ekaṃ khandhaṃ paṭicca maggādhipatī tayo khandhā…pe… dve khandhe…pe…. (2)
មគ្គារម្មណញ្ច មគ្គាធិបតិញ្ច ធម្មំ បដិច្ច មគ្គារម្មណោ ច មគ្គាធិបតិ ច ធម្មា ឧប្បជ្ជន្តិ ហេតុបច្ចយា – មគ្គារម្មណញ្ច មគ្គាធិបតិញ្ច ឯកំ ខន្ធំ បដិច្ច មគ្គារម្មណា ច មគ្គាធិបតី ច តយោ ខន្ធា…បេ.… ទ្វេ ខន្ធេ…បេ.…។ (៣)
Maggārammaṇañca maggādhipatiñca dhammaṃ paṭicca maggārammaṇo ca maggādhipati ca dhammā uppajjanti hetupaccayā – maggārammaṇañca maggādhipatiñca ekaṃ khandhaṃ paṭicca maggārammaṇā ca maggādhipatī ca tayo khandhā…pe… dve khandhe…pe…. (3)
៥. មគ្គហេតុកញ្ច មគ្គាធិបតិញ្ច ធម្មំ បដិច្ច មគ្គហេតុកោ ធម្មោ ឧប្បជ្ជតិ ហេតុបច្ចយា – មគ្គហេតុកញ្ច មគ្គាធិបតិញ្ច ឯកំ ខន្ធំ បដិច្ច មគ្គហេតុកា តយោ ខន្ធា…បេ.… ទ្វេ ខន្ធេ…បេ.…។ (១)
5. Maggahetukañca maggādhipatiñca dhammaṃ paṭicca maggahetuko dhammo uppajjati hetupaccayā – maggahetukañca maggādhipatiñca ekaṃ khandhaṃ paṭicca maggahetukā tayo khandhā…pe… dve khandhe…pe…. (1)
មគ្គហេតុកញ្ច មគ្គាធិបតិញ្ច ធម្មំ បដិច្ច មគ្គាធិបតិ ធម្មោ ឧប្បជ្ជតិ ហេតុបច្ចយា – មគ្គហេតុកញ្ច មគ្គាធិបតិញ្ច ឯកំ ខន្ធំ បដិច្ច មគ្គាធិបតី តយោ ខន្ធា…បេ.… ទ្វេ ខន្ធេ…បេ.…។ (២)
Maggahetukañca maggādhipatiñca dhammaṃ paṭicca maggādhipati dhammo uppajjati hetupaccayā – maggahetukañca maggādhipatiñca ekaṃ khandhaṃ paṭicca maggādhipatī tayo khandhā…pe… dve khandhe…pe…. (2)
មគ្គហេតុកញ្ច មគ្គាធិបតិញ្ច ធម្មំ បដិច្ច មគ្គហេតុកោ ច មគ្គាធិបតិ ច ធម្មា ឧប្បជ្ជន្តិ ហេតុបច្ចយា – មគ្គហេតុកញ្ច មគ្គាធិបតិញ្ច ឯកំ ខន្ធំ បដិច្ច មគ្គហេតុកា ច មគ្គាធិបតី ច តយោ ខន្ធា…បេ.… ទ្វេ ខន្ធេ…បេ.…។ (៣)
Maggahetukañca maggādhipatiñca dhammaṃ paṭicca maggahetuko ca maggādhipati ca dhammā uppajjanti hetupaccayā – maggahetukañca maggādhipatiñca ekaṃ khandhaṃ paṭicca maggahetukā ca maggādhipatī ca tayo khandhā…pe… dve khandhe…pe…. (3)
អារម្មណបច្ចយាទិ
Ārammaṇapaccayādi
៦. មគ្គារម្មណំ ធម្មំ បដិច្ច មគ្គារម្មណោ ធម្មោ ឧប្បជ្ជតិ អារម្មណបច្ចយា… អធិបតិបច្ចយា… អនន្តរបច្ចយា… សមនន្តរបច្ចយា… សហជាតបច្ចយា… អញ្ញមញ្ញបច្ចយា… និស្សយបច្ចយា… ឧបនិស្សយបច្ចយា… បុរេជាតបច្ចយា… អាសេវនបច្ចយា… កម្មបច្ចយា… អាហារបច្ចយា… ឥន្ទ្រិយបច្ចយា… ឈានបច្ចយា… មគ្គបច្ចយា… សម្បយុត្តបច្ចយា… វិប្បយុត្តបច្ចយា… អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា។
6. Maggārammaṇaṃ dhammaṃ paṭicca maggārammaṇo dhammo uppajjati ārammaṇapaccayā… adhipatipaccayā… anantarapaccayā… samanantarapaccayā… sahajātapaccayā… aññamaññapaccayā… nissayapaccayā… upanissayapaccayā… purejātapaccayā… āsevanapaccayā… kammapaccayā… āhārapaccayā… indriyapaccayā… jhānapaccayā… maggapaccayā… sampayuttapaccayā… vippayuttapaccayā… atthipaccayā… natthipaccayā… vigatapaccayā… avigatapaccayā.
១. បច្ចយានុលោមំ
1. Paccayānulomaṃ
២. សង្ខ្យាវារោ
2. Saṅkhyāvāro
៧. ហេតុយា សត្តរស, អារម្មណេ អធិបតិយា អនន្តរេ សមនន្តរេ សហជាតេ អញ្ញមញ្ញេ និស្សយេ ឧបនិស្សយេ បុរេជាតេ អាសេវនេ កម្មេ អាហារេ ឥន្ទ្រិយេ ឈានេ មគ្គេ សម្បយុត្តេ វិប្បយុត្តេ អត្ថិយា នត្ថិយា វិគតេ អវិគតេ សត្តរស (ឯវំ គណេតព្ពំ)។
7. Hetuyā sattarasa, ārammaṇe adhipatiyā anantare samanantare sahajāte aññamaññe nissaye upanissaye purejāte āsevane kamme āhāre indriye jhāne magge sampayutte vippayutte atthiyā natthiyā vigate avigate sattarasa (evaṃ gaṇetabbaṃ).
អនុលោមំ។
Anulomaṃ.
២. បច្ចយបច្ចនីយំ
2. Paccayapaccanīyaṃ
១. វិភង្គវារោ
1. Vibhaṅgavāro
នហេតុបច្ចយោ
Nahetupaccayo
៨. មគ្គារម្មណំ ធម្មំ បដិច្ច មគ្គារម្មណោ ធម្មោ ឧប្បជ្ជតិ នហេតុបច្ចយា – អហេតុកំ មគ្គារម្មណំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)
8. Maggārammaṇaṃ dhammaṃ paṭicca maggārammaṇo dhammo uppajjati nahetupaccayā – ahetukaṃ maggārammaṇaṃ ekaṃ khandhaṃ paṭicca tayo khandhā…pe… dve khandhe…pe…. (1)
នអធិបតិបច្ចយោ
Naadhipatipaccayo
៩. មគ្គារម្មណំ ធម្មំ បដិច្ច មគ្គារម្មណោ ធម្មោ ឧប្បជ្ជតិ នអធិបតិបច្ចយា – មគ្គារម្មណំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)
9. Maggārammaṇaṃ dhammaṃ paṭicca maggārammaṇo dhammo uppajjati naadhipatipaccayā – maggārammaṇaṃ ekaṃ khandhaṃ paṭicca tayo khandhā…pe… dve khandhe…pe…. (1)
មគ្គារម្មណំ ធម្មំ បដិច្ច មគ្គាធិបតិ ធម្មោ ឧប្បជ្ជតិ នអធិបតិបច្ចយា – មគ្គារម្មណំ ឯកំ ខន្ធំ បដិច្ច មគ្គាធិបតី តយោ ខន្ធា…បេ.… ទ្វេ ខន្ធេ…បេ.…។ (២)
Maggārammaṇaṃ dhammaṃ paṭicca maggādhipati dhammo uppajjati naadhipatipaccayā – maggārammaṇaṃ ekaṃ khandhaṃ paṭicca maggādhipatī tayo khandhā…pe… dve khandhe…pe…. (2)
មគ្គារម្មណំ ធម្មំ បដិច្ច មគ្គារម្មណោ ច មគ្គាធិបតិ ច ធម្មា ឧប្បជ្ជន្តិ នអធិបតិបច្ចយា – មគ្គារម្មណំ ឯកំ ខន្ធំ បដិច្ច មគ្គារម្មណា ច មគ្គាធិបតី ច តយោ ខន្ធា…បេ.… ទ្វេ ខន្ធេ…បេ.…។ (៣)
Maggārammaṇaṃ dhammaṃ paṭicca maggārammaṇo ca maggādhipati ca dhammā uppajjanti naadhipatipaccayā – maggārammaṇaṃ ekaṃ khandhaṃ paṭicca maggārammaṇā ca maggādhipatī ca tayo khandhā…pe… dve khandhe…pe…. (3)
១០. មគ្គហេតុកំ ធម្មំ បដិច្ច មគ្គហេតុកោ ធម្មោ ឧប្បជ្ជតិ នអធិបតិបច្ចយា – មគ្គហេតុកេ ខន្ធេ បដិច្ច មគ្គហេតុកាធិបតិ។ (១)
10. Maggahetukaṃ dhammaṃ paṭicca maggahetuko dhammo uppajjati naadhipatipaccayā – maggahetuke khandhe paṭicca maggahetukādhipati. (1)
មគ្គហេតុកំ ធម្មំ បដិច្ច មគ្គាធិបតិ ធម្មោ ឧប្បជ្ជតិ នអធិបតិបច្ចយា – មគ្គហេតុកេ ខន្ធេ បដិច្ច មគ្គាធិបតិ អធិបតិ។ (២)
Maggahetukaṃ dhammaṃ paṭicca maggādhipati dhammo uppajjati naadhipatipaccayā – maggahetuke khandhe paṭicca maggādhipati adhipati. (2)
មគ្គហេតុកំ ធម្មំ បដិច្ច មគ្គហេតុកោ ច មគ្គាធិបតិ ច ធម្មា ឧប្បជ្ជន្តិ នអធិបតិបច្ចយា – មគ្គហេតុកេ ខន្ធេ បដិច្ច មគ្គហេតុកោ ច មគ្គាធិបតិ ច អធិបតិ។ (៣)
Maggahetukaṃ dhammaṃ paṭicca maggahetuko ca maggādhipati ca dhammā uppajjanti naadhipatipaccayā – maggahetuke khandhe paṭicca maggahetuko ca maggādhipati ca adhipati. (3)
១១. មគ្គាធិបតិំ ធម្មំ បដិច្ច មគ្គាធិបតិ ធម្មោ ឧប្បជ្ជតិ នអធិបតិបច្ចយា – មគ្គាធិបតី ខន្ធេ បដិច្ច មគ្គាធិបតិ អធិបតិ។ មគ្គាធិបតិំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)
11. Maggādhipatiṃ dhammaṃ paṭicca maggādhipati dhammo uppajjati naadhipatipaccayā – maggādhipatī khandhe paṭicca maggādhipati adhipati. Maggādhipatiṃ ekaṃ khandhaṃ paṭicca tayo khandhā…pe… dve khandhe…pe…. (1)
មគ្គាធិបតិំ ធម្មំ បដិច្ច មគ្គារម្មណោ ធម្មោ ឧប្បជ្ជតិ នអធិបតិបច្ចយា – មគ្គាធិបតិំ ឯកំ ខន្ធំ បដិច្ច មគ្គារម្មណា តយោ ខន្ធា…បេ.… ទ្វេ ខន្ធេ…បេ.…។ (២)
Maggādhipatiṃ dhammaṃ paṭicca maggārammaṇo dhammo uppajjati naadhipatipaccayā – maggādhipatiṃ ekaṃ khandhaṃ paṭicca maggārammaṇā tayo khandhā…pe… dve khandhe…pe…. (2)
មគ្គាធិបតិំ ធម្មំ បដិច្ច មគ្គហេតុកោ ធម្មោ ឧប្បជ្ជតិ នអធិបតិបច្ចយា – មគ្គាធិបតី ខន្ធេ បដិច្ច មគ្គហេតុកោ អធិបតិ។ (៣)
Maggādhipatiṃ dhammaṃ paṭicca maggahetuko dhammo uppajjati naadhipatipaccayā – maggādhipatī khandhe paṭicca maggahetuko adhipati. (3)
មគ្គាធិបតិំ ធម្មំ បដិច្ច មគ្គារម្មណោ ច មគ្គាធិបតិ ច ធម្មា ឧប្បជ្ជន្តិ នអធិបតិបច្ចយា – មគ្គាធិបតិំ ឯកំ ខន្ធំ បដិច្ច មគ្គារម្មណា ច មគ្គាធិបតី ច តយោ ខន្ធា…បេ.… ទ្វេ ខន្ធេ…បេ.…។ (៤)
Maggādhipatiṃ dhammaṃ paṭicca maggārammaṇo ca maggādhipati ca dhammā uppajjanti naadhipatipaccayā – maggādhipatiṃ ekaṃ khandhaṃ paṭicca maggārammaṇā ca maggādhipatī ca tayo khandhā…pe… dve khandhe…pe…. (4)
មគ្គាធិបតិំ ធម្មំ បដិច្ច មគ្គហេតុកោ ច មគ្គាធិបតិ ច ធម្មា ឧប្បជ្ជន្តិ នអធិបតិបច្ចយា – មគ្គាធិបតី ខន្ធេ បដិច្ច មគ្គហេតុកោ ច មគ្គាធិបតិ ច អធិបតិ។ (៥)
Maggādhipatiṃ dhammaṃ paṭicca maggahetuko ca maggādhipati ca dhammā uppajjanti naadhipatipaccayā – maggādhipatī khandhe paṭicca maggahetuko ca maggādhipati ca adhipati. (5)
១២. មគ្គារម្មណញ្ច មគ្គាធិបតិញ្ច ធម្មំ បដិច្ច មគ្គារម្មណោ ធម្មោ ឧប្បជ្ជតិ នអធិបតិបច្ចយា – មគ្គារម្មណញ្ច មគ្គាធិបតិញ្ច ឯកំ ខន្ធំ បដិច្ច មគ្គារម្មណា តយោ ខន្ធា…បេ.… ទ្វេ ខន្ធេ…បេ.…។ (១)
12. Maggārammaṇañca maggādhipatiñca dhammaṃ paṭicca maggārammaṇo dhammo uppajjati naadhipatipaccayā – maggārammaṇañca maggādhipatiñca ekaṃ khandhaṃ paṭicca maggārammaṇā tayo khandhā…pe… dve khandhe…pe…. (1)
មគ្គារម្មណញ្ច មគ្គាធិបតិញ្ច ធម្មំ បដិច្ច មគ្គាធិបតិ ធម្មោ ឧប្បជ្ជតិ នអធិបតិបច្ចយា – មគ្គារម្មណញ្ច មគ្គាធិបតិញ្ច ឯកំ ខន្ធំ បដិច្ច មគ្គាធិបតី តយោ ខន្ធា…បេ.… ទ្វេ ខន្ធេ…បេ.…។ (២)
Maggārammaṇañca maggādhipatiñca dhammaṃ paṭicca maggādhipati dhammo uppajjati naadhipatipaccayā – maggārammaṇañca maggādhipatiñca ekaṃ khandhaṃ paṭicca maggādhipatī tayo khandhā…pe… dve khandhe…pe…. (2)
មគ្គារម្មណញ្ច មគ្គាធិបតិញ្ច ធម្មំ បដិច្ច មគ្គារម្មណោ ច មគ្គាធិបតិ ច ធម្មា ឧប្បជ្ជន្តិ នអធិបតិបច្ចយា – មគ្គារម្មណញ្ច មគ្គាធិបតិញ្ច ឯកំ ខន្ធំ បដិច្ច មគ្គារម្មណា ច មគ្គាធិបតី ច តយោ ខន្ធា…បេ.… ទ្វេ ខន្ធេ…បេ.…។ (៣)
Maggārammaṇañca maggādhipatiñca dhammaṃ paṭicca maggārammaṇo ca maggādhipati ca dhammā uppajjanti naadhipatipaccayā – maggārammaṇañca maggādhipatiñca ekaṃ khandhaṃ paṭicca maggārammaṇā ca maggādhipatī ca tayo khandhā…pe… dve khandhe…pe…. (3)
១៣. មគ្គហេតុកញ្ច មគ្គាធិបតិញ្ច ធម្មំ បដិច្ច មគ្គហេតុកោ ធម្មោ ឧប្បជ្ជតិ នអធិបតិបច្ចយា – មគ្គហេតុកេ ច មគ្គាធិបតី ច ខន្ធេ បដិច្ច មគ្គហេតុកោ អធិបតិ។ (១)
13. Maggahetukañca maggādhipatiñca dhammaṃ paṭicca maggahetuko dhammo uppajjati naadhipatipaccayā – maggahetuke ca maggādhipatī ca khandhe paṭicca maggahetuko adhipati. (1)
មគ្គហេតុកញ្ច មគ្គាធិបតិញ្ច ធម្មំ បដិច្ច មគ្គាធិបតិ ធម្មោ ឧប្បជ្ជតិ នអធិបតិបច្ចយា – មគ្គហេតុកេ ច មគ្គាធិបតី ច ខន្ធេ បដិច្ច មគ្គាធិបតិ អធិបតិ។ (២)
Maggahetukañca maggādhipatiñca dhammaṃ paṭicca maggādhipati dhammo uppajjati naadhipatipaccayā – maggahetuke ca maggādhipatī ca khandhe paṭicca maggādhipati adhipati. (2)
មគ្គហេតុកញ្ច មគ្គាធិបតិញ្ច ធម្មំ បដិច្ច មគ្គហេតុកោ ច មគ្គាធិបតិ ច ធម្មា ឧប្បជ្ជន្តិ នអធិបតិបច្ចយា – មគ្គហេតុកេ ច មគ្គាធិបតី ច ខន្ធេ បដិច្ច មគ្គហេតុកោ ច មគ្គាធិបតិ ច អធិបតិ។ (៣)
Maggahetukañca maggādhipatiñca dhammaṃ paṭicca maggahetuko ca maggādhipati ca dhammā uppajjanti naadhipatipaccayā – maggahetuke ca maggādhipatī ca khandhe paṭicca maggahetuko ca maggādhipati ca adhipati. (3)
នបុរេជាតបច្ចយាទិ
Napurejātapaccayādi
១៤. មគ្គារម្មណំ ធម្មំ បដិច្ច មគ្គារម្មណោ ធម្មោ ឧប្បជ្ជតិ នបុរេជាតបច្ចយា… នបច្ឆាជាតបច្ចយា (បរិបុណ្ណា ទ្វេបិ)។
14. Maggārammaṇaṃ dhammaṃ paṭicca maggārammaṇo dhammo uppajjati napurejātapaccayā… napacchājātapaccayā (paripuṇṇā dvepi).
នអាសេវនបច្ចយោ
Naāsevanapaccayo
១៥. មគ្គារម្មណំ ធម្មំ បដិច្ច មគ្គារម្មណោ ធម្មោ ឧប្បជ្ជតិ នអាសេវនបច្ចយា – មគ្គារម្មណំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)
15. Maggārammaṇaṃ dhammaṃ paṭicca maggārammaṇo dhammo uppajjati naāsevanapaccayā – maggārammaṇaṃ ekaṃ khandhaṃ paṭicca tayo khandhā…pe… dve khandhe…pe…. (1)
មគ្គារម្មណំ ធម្មំ បដិច្ច មគ្គាធិបតិ ធម្មោ ឧប្បជ្ជតិ នអាសេវនបច្ចយា – មគ្គារម្មណំ ឯកំ ខន្ធំ បដិច្ច មគ្គាធិបតី តយោ ខន្ធា…បេ.… ទ្វេ ខន្ធេ…បេ.…។ (២)
Maggārammaṇaṃ dhammaṃ paṭicca maggādhipati dhammo uppajjati naāsevanapaccayā – maggārammaṇaṃ ekaṃ khandhaṃ paṭicca maggādhipatī tayo khandhā…pe… dve khandhe…pe…. (2)
មគ្គារម្មណំ ធម្មំ បដិច្ច មគ្គារម្មណោ ច មគ្គាធិបតិ ច ធម្មា ឧប្បជ្ជន្តិ នអាសេវនបច្ចយា – មគ្គារម្មណំ ឯកំ ខន្ធំ បដិច្ច មគ្គារម្មណា ច មគ្គាធិបតី ច តយោ ខន្ធា…បេ.… ទ្វេ ខន្ធេ…បេ.…។ (៣)
Maggārammaṇaṃ dhammaṃ paṭicca maggārammaṇo ca maggādhipati ca dhammā uppajjanti naāsevanapaccayā – maggārammaṇaṃ ekaṃ khandhaṃ paṭicca maggārammaṇā ca maggādhipatī ca tayo khandhā…pe… dve khandhe…pe…. (3)
១៦. មគ្គាធិបតិំ ធម្មំ បដិច្ច មគ្គាធិបតិ ធម្មោ ឧប្បជ្ជតិ នអាសេវនបច្ចយា – មគ្គាធិបតិំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)
16. Maggādhipatiṃ dhammaṃ paṭicca maggādhipati dhammo uppajjati naāsevanapaccayā – maggādhipatiṃ ekaṃ khandhaṃ paṭicca tayo khandhā…pe… dve khandhe…pe…. (1)
មគ្គាធិបតិំ ធម្មំ បដិច្ច មគ្គារម្មណោ ធម្មោ ឧប្បជ្ជតិ នអាសេវនបច្ចយា – មគ្គាធិបតិំ ឯកំ ខន្ធំ បដិច្ច មគ្គារម្មណា តយោ ខន្ធា…បេ.… ទ្វេ ខន្ធេ…បេ.…។ (២)
Maggādhipatiṃ dhammaṃ paṭicca maggārammaṇo dhammo uppajjati naāsevanapaccayā – maggādhipatiṃ ekaṃ khandhaṃ paṭicca maggārammaṇā tayo khandhā…pe… dve khandhe…pe…. (2)
មគ្គាធិបតិំ ធម្មំ បដិច្ច មគ្គារម្មណោ ច មគ្គាធិបតិ ច ធម្មា ឧប្បជ្ជន្តិ នអាសេវនបច្ចយា – មគ្គាធិបតិំ ឯកំ ខន្ធំ បដិច្ច មគ្គារម្មណា ច មគ្គាធិបតី ច តយោ ខន្ធា…បេ.… ទ្វេ ខន្ធេ…បេ.…។ (៣)
Maggādhipatiṃ dhammaṃ paṭicca maggārammaṇo ca maggādhipati ca dhammā uppajjanti naāsevanapaccayā – maggādhipatiṃ ekaṃ khandhaṃ paṭicca maggārammaṇā ca maggādhipatī ca tayo khandhā…pe… dve khandhe…pe…. (3)
១៧. មគ្គារម្មណញ្ច មគ្គាធិបតិញ្ច ធម្មំ បដិច្ច មគ្គារម្មណោ ធម្មោ ឧប្បជ្ជតិ នអាសេវនបច្ចយា – មគ្គារម្មណញ្ច មគ្គាធិបតិញ្ច ឯកំ ខន្ធំ បដិច្ច មគ្គារម្មណា តយោ ខន្ធា…បេ.… ទ្វេ ខន្ធេ…បេ.…។ (១)
17. Maggārammaṇañca maggādhipatiñca dhammaṃ paṭicca maggārammaṇo dhammo uppajjati naāsevanapaccayā – maggārammaṇañca maggādhipatiñca ekaṃ khandhaṃ paṭicca maggārammaṇā tayo khandhā…pe… dve khandhe…pe…. (1)
មគ្គារម្មណញ្ច មគ្គាធិបតិញ្ច ធម្មំ បដិច្ច មគ្គាធិបតិ ធម្មោ ឧប្បជ្ជតិ នអាសេវនបច្ចយា – មគ្គារម្មណញ្ច មគ្គាធិបតិញ្ច ឯកំ ខន្ធំ បដិច្ច មគ្គាធិបតី តយោ ខន្ធា…បេ.… ទ្វេ ខន្ធេ…បេ.…។ (២)
Maggārammaṇañca maggādhipatiñca dhammaṃ paṭicca maggādhipati dhammo uppajjati naāsevanapaccayā – maggārammaṇañca maggādhipatiñca ekaṃ khandhaṃ paṭicca maggādhipatī tayo khandhā…pe… dve khandhe…pe…. (2)
មគ្គារម្មណញ្ច មគ្គាធិបតិញ្ច ធម្មំ បដិច្ច មគ្គារម្មណោ ច មគ្គាធិបតិ ច ធម្មា ឧប្បជ្ជន្តិ នអាសេវនបច្ចយា – មគ្គារម្មណញ្ច មគ្គាធិបតិញ្ច ឯកំ ខន្ធំ បដិច្ច មគ្គារម្មណា ច មគ្គាធិបតី ច តយោ ខន្ធា…បេ.… ទ្វេ ខន្ធេ…បេ.…។ (៣)
Maggārammaṇañca maggādhipatiñca dhammaṃ paṭicca maggārammaṇo ca maggādhipati ca dhammā uppajjanti naāsevanapaccayā – maggārammaṇañca maggādhipatiñca ekaṃ khandhaṃ paṭicca maggārammaṇā ca maggādhipatī ca tayo khandhā…pe… dve khandhe…pe…. (3)
នកម្មបច្ចយោ
Nakammapaccayo
១៨. មគ្គារម្មណំ ធម្មំ បដិច្ច មគ្គារម្មណោ ធម្មោ ឧប្បជ្ជតិ នកម្មបច្ចយា – មគ្គារម្មណេ ខន្ធេ បដិច្ច មគ្គារម្មណា ចេតនា។ (១)
18. Maggārammaṇaṃ dhammaṃ paṭicca maggārammaṇo dhammo uppajjati nakammapaccayā – maggārammaṇe khandhe paṭicca maggārammaṇā cetanā. (1)
មគ្គារម្មណំ ធម្មំ បដិច្ច មគ្គាធិបតិ ធម្មោ ឧប្បជ្ជតិ នកម្មបច្ចយា – មគ្គារម្មណេ ខន្ធេ បដិច្ច មគ្គាធិបតិ ចេតនា។ (២)
Maggārammaṇaṃ dhammaṃ paṭicca maggādhipati dhammo uppajjati nakammapaccayā – maggārammaṇe khandhe paṭicca maggādhipati cetanā. (2)
មគ្គារម្មណំ ធម្មំ បដិច្ច មគ្គារម្មណោ ច មគ្គាធិបតិ ច ធម្មា ឧប្បជ្ជន្តិ នកម្មបច្ចយា – មគ្គារម្មណេ ខន្ធេ បដិច្ច មគ្គារម្មណា ច មគ្គាធិបតិ ច ចេតនា។ (៣)
Maggārammaṇaṃ dhammaṃ paṭicca maggārammaṇo ca maggādhipati ca dhammā uppajjanti nakammapaccayā – maggārammaṇe khandhe paṭicca maggārammaṇā ca maggādhipati ca cetanā. (3)
១៩. មគ្គហេតុកំ ធម្មំ បដិច្ច មគ្គហេតុកោ ធម្មោ ឧប្បជ្ជតិ នកម្មបច្ចយា – មគ្គហេតុកេ ខន្ធេ បដិច្ច មគ្គហេតុកា ចេតនា។ (១)
19. Maggahetukaṃ dhammaṃ paṭicca maggahetuko dhammo uppajjati nakammapaccayā – maggahetuke khandhe paṭicca maggahetukā cetanā. (1)
មគ្គហេតុកំ ធម្មំ បដិច្ច មគ្គាធិបតិ ធម្មោ ឧប្បជ្ជតិ នកម្មបច្ចយា – មគ្គហេតុកេ ខន្ធេ បដិច្ច មគ្គាធិបតិ ចេតនា។ (២)
Maggahetukaṃ dhammaṃ paṭicca maggādhipati dhammo uppajjati nakammapaccayā – maggahetuke khandhe paṭicca maggādhipati cetanā. (2)
មគ្គហេតុកំ ធម្មំ បដិច្ច មគ្គហេតុកោ ច មគ្គាធិបតិ ច ធម្មា ឧប្បជ្ជន្តិ នកម្មបច្ចយា – មគ្គហេតុកេ ខន្ធេ បដិច្ច មគ្គហេតុកោ ច មគ្គាធិបតិ ច ចេតនា។ (៣)
Maggahetukaṃ dhammaṃ paṭicca maggahetuko ca maggādhipati ca dhammā uppajjanti nakammapaccayā – maggahetuke khandhe paṭicca maggahetuko ca maggādhipati ca cetanā. (3)
២០. មគ្គាធិបតិំ ធម្មំ បដិច្ច មគ្គាធិបតិ ធម្មោ ឧប្បជ្ជតិ នកម្មបច្ចយា – មគ្គាធិបតី ខន្ធេ បដិច្ច មគ្គាធិបតិ ចេតនា (បញ្ច បញ្ហា)។
20. Maggādhipatiṃ dhammaṃ paṭicca maggādhipati dhammo uppajjati nakammapaccayā – maggādhipatī khandhe paṭicca maggādhipati cetanā (pañca pañhā).
មគ្គារម្មណញ្ច មគ្គាធិបតិញ្ច ធម្មំ បដិច្ច មគ្គារម្មណោ ធម្មោ ឧប្បជ្ជតិ នកម្មបច្ចយា (បឋមឃដនេ តីណិ)។
Maggārammaṇañca maggādhipatiñca dhammaṃ paṭicca maggārammaṇo dhammo uppajjati nakammapaccayā (paṭhamaghaṭane tīṇi).
មគ្គហេតុកញ្ច មគ្គាធិបតិញ្ច ធម្មំ បដិច្ច មគ្គហេតុកោ ធម្មោ ឧប្បជ្ជតិ នកម្មបច្ចយា (ទុតិយឃដនេ តីណិ បញ្ហា)។
Maggahetukañca maggādhipatiñca dhammaṃ paṭicca maggahetuko dhammo uppajjati nakammapaccayā (dutiyaghaṭane tīṇi pañhā).
នវិបាកបច្ចយោ
Navipākapaccayo
២១. មគ្គារម្មណំ ធម្មំ បដិច្ច មគ្គារម្មណោ ធម្មោ ឧប្បជ្ជតិ នវិបាកបច្ចយា (បរិបុណ្ណំ)។
21. Maggārammaṇaṃ dhammaṃ paṭicca maggārammaṇo dhammo uppajjati navipākapaccayā (paripuṇṇaṃ).
នមគ្គបច្ចយោ
Namaggapaccayo
២២. មគ្គារម្មណំ ធម្មំ បដិច្ច មគ្គារម្មណោ ធម្មោ ឧប្បជ្ជតិ នមគ្គបច្ចយា – អហេតុកំ មគ្គារម្មណំ ឯកំ ខន្ធំ បដិច្ច តយោ ខន្ធា…បេ.… ទ្វេ ខន្ធេ…បេ.…។ (១)
22. Maggārammaṇaṃ dhammaṃ paṭicca maggārammaṇo dhammo uppajjati namaggapaccayā – ahetukaṃ maggārammaṇaṃ ekaṃ khandhaṃ paṭicca tayo khandhā…pe… dve khandhe…pe…. (1)
នវិប្បយុត្តបច្ចយោ
Navippayuttapaccayo
២៣. មគ្គារម្មណំ ធម្មំ បដិច្ច មគ្គារម្មណោ ធម្មោ ឧប្បជ្ជតិ នវិប្បយុត្តបច្ចយា (បរិបុណ្ណំ, អរូបន្តិ និយាមេតព្ពំ)។
23. Maggārammaṇaṃ dhammaṃ paṭicca maggārammaṇo dhammo uppajjati navippayuttapaccayā (paripuṇṇaṃ, arūpanti niyāmetabbaṃ).
២. បច្ចយបច្ចនីយំ
2. Paccayapaccanīyaṃ
២. សង្ខ្យាវារោ
2. Saṅkhyāvāro
២៤. នហេតុយា ឯកំ, នអធិបតិយា សត្តរស, នបុរេជាតេ សត្តរស, នបច្ឆាជាតេ សត្តរស, នអាសេវនេ នវ, នកម្មេ សត្តរស, នវិបាកេ សត្តរស, នមគ្គេ ឯកំ, នវិប្បយុត្តេ សត្តរស (ឯវំ គណេតព្ពំ)។
24. Nahetuyā ekaṃ, naadhipatiyā sattarasa, napurejāte sattarasa, napacchājāte sattarasa, naāsevane nava, nakamme sattarasa, navipāke sattarasa, namagge ekaṃ, navippayutte sattarasa (evaṃ gaṇetabbaṃ).
បច្ចនីយំ។
Paccanīyaṃ.
៣. បច្ចយានុលោមបច្ចនីយំ
3. Paccayānulomapaccanīyaṃ
ហេតុទុកំ
Hetudukaṃ
២៥. ហេតុបច្ចយា នអធិបតិយា សត្តរស, នបុរេជាតេ សត្តរស, នបច្ឆាជាតេ សត្តរស, នអាសេវនេ នវ, នកម្មេ សត្តរស, នវិបាកេ នវិប្បយុត្តេ សត្តរស (ឯវំ គណេតព្ពំ)។
25. Hetupaccayā naadhipatiyā sattarasa, napurejāte sattarasa, napacchājāte sattarasa, naāsevane nava, nakamme sattarasa, navipāke navippayutte sattarasa (evaṃ gaṇetabbaṃ).
អនុលោមបច្ចនីយំ។
Anulomapaccanīyaṃ.
៤. បច្ចយបច្ចនីយានុលោមំ
4. Paccayapaccanīyānulomaṃ
នហេតុទុកំ
Nahetudukaṃ
២៦. នហេតុបច្ចយា អារម្មណេ ឯកំ, អនន្តរេ ឯកំ, សមនន្តរេ ឯកំ…បេ.… ឈានេ សម្បយុត្តេ វិប្បយុត្តេ អត្ថិយា នត្ថិយា វិគតេ អវិគតេ ឯកំ (ឯវំ គណេតព្ពំ)។
26. Nahetupaccayā ārammaṇe ekaṃ, anantare ekaṃ, samanantare ekaṃ…pe… jhāne sampayutte vippayutte atthiyā natthiyā vigate avigate ekaṃ (evaṃ gaṇetabbaṃ).
បច្ចយានុលោមំ។
Paccayānulomaṃ.
បដិច្ចវារោ។
Paṭiccavāro.
២-៦. សហជាត-បច្ចយ-និស្សយ-សំសដ្ឋ-សម្បយុត្តវារោ
2-6. Sahajāta-paccaya-nissaya-saṃsaṭṭha-sampayuttavāro
(សហជាតវារោបិ បច្ចយវារោបិ និស្សយវារោបិ សំសដ្ឋវារោបិ សម្បយុត្តវារោបិ បដិច្ចវារសទិសោ។)
(Sahajātavāropi paccayavāropi nissayavāropi saṃsaṭṭhavāropi sampayuttavāropi paṭiccavārasadiso.)
៧. បញ្ហាវារោ
7. Pañhāvāro
១. បច្ចយានុលោមំ
1. Paccayānulomaṃ
១. វិភង្គវារោ
1. Vibhaṅgavāro
ហេតុបច្ចយោ
Hetupaccayo
២៧. មគ្គារម្មណោ ធម្មោ មគ្គារម្មណស្ស ធម្មស្ស ហេតុបច្ចយេន បច្ចយោ – មគ្គារម្មណា ហេតូ សម្បយុត្តកានំ ខន្ធានំ ហេតុបច្ចយេន បច្ចយោ។ (១)
27. Maggārammaṇo dhammo maggārammaṇassa dhammassa hetupaccayena paccayo – maggārammaṇā hetū sampayuttakānaṃ khandhānaṃ hetupaccayena paccayo. (1)
មគ្គារម្មណោ ធម្មោ មគ្គាធិបតិស្ស ធម្មស្ស ហេតុបច្ចយេន បច្ចយោ – មគ្គារម្មណា ហេតូ សម្បយុត្តកានំ មគ្គាធិបតីនំ ខន្ធានំ ហេតុបច្ចយេន បច្ចយោ។ (២)
Maggārammaṇo dhammo maggādhipatissa dhammassa hetupaccayena paccayo – maggārammaṇā hetū sampayuttakānaṃ maggādhipatīnaṃ khandhānaṃ hetupaccayena paccayo. (2)
មគ្គារម្មណោ ធម្មោ មគ្គារម្មណស្ស ច មគ្គាធិបតិស្ស ច ធម្មស្ស ហេតុបច្ចយេន បច្ចយោ (ឥមិនា ការណេន សត្តរស បញ្ហា កាតព្ពា)។
Maggārammaṇo dhammo maggārammaṇassa ca maggādhipatissa ca dhammassa hetupaccayena paccayo (iminā kāraṇena sattarasa pañhā kātabbā).
អារម្មណបច្ចយោ
Ārammaṇapaccayo
២៨. មគ្គហេតុកោ ធម្មោ មគ្គារម្មណស្ស ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ចេតោបរិយញាណេន មគ្គហេតុកចិត្តសមង្គិស្ស ចិត្តំ ជានន្តិ, មគ្គហេតុកា ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (១)
28. Maggahetuko dhammo maggārammaṇassa dhammassa ārammaṇapaccayena paccayo – ariyā maggā vuṭṭhahitvā maggaṃ paccavekkhanti, cetopariyañāṇena maggahetukacittasamaṅgissa cittaṃ jānanti, maggahetukā khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (1)
មគ្គហេតុកោ ធម្មោ មគ្គាធិបតិស្ស ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ។ (២)
Maggahetuko dhammo maggādhipatissa dhammassa ārammaṇapaccayena paccayo – ariyā maggā vuṭṭhahitvā maggaṃ garuṃ katvā paccavekkhanti. (2)
មគ្គហេតុកោ ធម្មោ មគ្គារម្មណស្ស ច មគ្គាធិបតិស្ស ច ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ។ (៣)
Maggahetuko dhammo maggārammaṇassa ca maggādhipatissa ca dhammassa ārammaṇapaccayena paccayo – ariyā maggā vuṭṭhahitvā maggaṃ garuṃ katvā paccavekkhanti. (3)
២៩. មគ្គាធិបតិ ធម្មោ មគ្គាធិបតិស្ស ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ។ (១)
29. Maggādhipati dhammo maggādhipatissa dhammassa ārammaṇapaccayena paccayo – ariyā maggā vuṭṭhahitvā maggaṃ garuṃ katvā paccavekkhanti. (1)
មគ្គាធិបតិ ធម្មោ មគ្គារម្មណស្ស ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ចេតោបរិយញាណេន មគ្គាធិបតិចិត្តសមង្គិស្ស ចិត្តំ ជានន្តិ, មគ្គាធិបតី ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (២)
Maggādhipati dhammo maggārammaṇassa dhammassa ārammaṇapaccayena paccayo – ariyā maggā vuṭṭhahitvā maggaṃ paccavekkhanti, cetopariyañāṇena maggādhipaticittasamaṅgissa cittaṃ jānanti, maggādhipatī khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (2)
មគ្គាធិបតិ ធម្មោ មគ្គារម្មណស្ស ច មគ្គាធិបតិស្ស ច ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ។ (៣)
Maggādhipati dhammo maggārammaṇassa ca maggādhipatissa ca dhammassa ārammaṇapaccayena paccayo – ariyā maggā vuṭṭhahitvā maggaṃ garuṃ katvā paccavekkhanti. (3)
៣០. មគ្គហេតុកោ ច មគ្គាធិបតិ ច ធម្មា មគ្គារម្មណស្ស ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា មគ្គំ បច្ចវេក្ខន្តិ, ចេតោបរិយញាណេន មគ្គហេតុកមគ្គាធិបតិចិត្តសមង្គិស្ស ចិត្តំ ជានន្តិ, មគ្គហេតុកា ច មគ្គាធិបតី ច ខន្ធា ចេតោបរិយញាណស្ស, បុព្ពេនិវាសានុស្សតិញាណស្ស, អនាគតំសញាណស្ស, អាវជ្ជនាយ អារម្មណបច្ចយេន បច្ចយោ។ (១)
30. Maggahetuko ca maggādhipati ca dhammā maggārammaṇassa dhammassa ārammaṇapaccayena paccayo – ariyā maggā vuṭṭhahitvā maggaṃ paccavekkhanti, cetopariyañāṇena maggahetukamaggādhipaticittasamaṅgissa cittaṃ jānanti, maggahetukā ca maggādhipatī ca khandhā cetopariyañāṇassa, pubbenivāsānussatiñāṇassa, anāgataṃsañāṇassa, āvajjanāya ārammaṇapaccayena paccayo. (1)
មគ្គហេតុកោ ច មគ្គាធិបតិ ច ធម្មា មគ្គាធិបតិស្ស ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ។ (២)
Maggahetuko ca maggādhipati ca dhammā maggādhipatissa dhammassa ārammaṇapaccayena paccayo – ariyā maggā vuṭṭhahitvā maggaṃ garuṃ katvā paccavekkhanti. (2)
មគ្គហេតុកោ ច មគ្គាធិបតិ ច ធម្មា មគ្គារម្មណស្ស ច មគ្គាធិបតិស្ស ច ធម្មស្ស អារម្មណបច្ចយេន បច្ចយោ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ។ (៣)
Maggahetuko ca maggādhipati ca dhammā maggārammaṇassa ca maggādhipatissa ca dhammassa ārammaṇapaccayena paccayo – ariyā maggā vuṭṭhahitvā maggaṃ garuṃ katvā paccavekkhanti. (3)
អធិបតិបច្ចយោ
Adhipatipaccayo
៣១. មគ្គារម្មណោ ធម្មោ មគ្គារម្មណស្ស ធម្មស្ស អធិបតិបច្ចយេន បច្ចយោ។ សហជាតាធិបតិ – មគ្គារម្មណាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)
31. Maggārammaṇo dhammo maggārammaṇassa dhammassa adhipatipaccayena paccayo. Sahajātādhipati – maggārammaṇādhipati sampayuttakānaṃ khandhānaṃ adhipatipaccayena paccayo. (1)
មគ្គារម្មណោ ធម្មោ មគ្គាធិបតិស្ស ធម្មស្ស អធិបតិបច្ចយេន បច្ចយោ។ សហជាតាធិបតិ – មគ្គារម្មណាធិបតិ សម្បយុត្តកានំ មគ្គាធិបតីនំ ខន្ធានំ អធិបតិបច្ចយេន បច្ចយោ។ (២)
Maggārammaṇo dhammo maggādhipatissa dhammassa adhipatipaccayena paccayo. Sahajātādhipati – maggārammaṇādhipati sampayuttakānaṃ maggādhipatīnaṃ khandhānaṃ adhipatipaccayena paccayo. (2)
មគ្គារម្មណោ ធម្មោ មគ្គារម្មណស្ស ច មគ្គាធិបតិស្ស ច ធម្មស្ស អធិបតិបច្ចយេន បច្ចយោ។ សហជាតាធិបតិ – មគ្គារម្មណាធិបតិ សម្បយុត្តកានំ មគ្គារម្មណានញ្ច មគ្គាធិបតីនញ្ច ខន្ធានំ អធិបតិបច្ចយេន បច្ចយោ។ (៣)
Maggārammaṇo dhammo maggārammaṇassa ca maggādhipatissa ca dhammassa adhipatipaccayena paccayo. Sahajātādhipati – maggārammaṇādhipati sampayuttakānaṃ maggārammaṇānañca maggādhipatīnañca khandhānaṃ adhipatipaccayena paccayo. (3)
៣២. មគ្គហេតុកោ ធម្មោ មគ្គហេតុកស្ស ធម្មស្ស អធិបតិបច្ចយេន បច្ចយោ។ សហជាតាធិបតិ – មគ្គហេតុកាធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)
32. Maggahetuko dhammo maggahetukassa dhammassa adhipatipaccayena paccayo. Sahajātādhipati – maggahetukādhipati sampayuttakānaṃ khandhānaṃ adhipatipaccayena paccayo. (1)
មគ្គហេតុកោ ធម្មោ មគ្គារម្មណស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ។ (២)
Maggahetuko dhammo maggārammaṇassa dhammassa adhipatipaccayena paccayo. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti. (2)
មគ្គហេតុកោ ធម្មោ មគ្គាធិបតិស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ។ សហជាតាធិបតិ – មគ្គហេតុកាធិបតិ សម្បយុត្តកានំ មគ្គាធិបតីនំ ខន្ធានំ អធិបតិបច្ចយេន បច្ចយោ។ (៣)
Maggahetuko dhammo maggādhipatissa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti. Sahajātādhipati – maggahetukādhipati sampayuttakānaṃ maggādhipatīnaṃ khandhānaṃ adhipatipaccayena paccayo. (3)
មគ្គហេតុកោ ធម្មោ មគ្គារម្មណស្ស ច មគ្គាធិបតិស្ស ច ធម្មស្ស អធិបតិបច្ចយេន បច្ចយោ។ អារម្មណាធិបតិ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ។ (៤)
Maggahetuko dhammo maggārammaṇassa ca maggādhipatissa ca dhammassa adhipatipaccayena paccayo. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti. (4)
មគ្គហេតុកោ ធម្មោ មគ្គហេតុកស្ស ច មគ្គាធិបតិស្ស ច ធម្មស្ស អធិបតិបច្ចយេន បច្ចយោ ។ សហជាតាធិបតិ – មគ្គហេតុកាធិបតិ សម្បយុត្តកានំ មគ្គហេតុកានញ្ច មគ្គាធិបតីនញ្ច ខន្ធានំ អធិបតិបច្ចយេន បច្ចយោ។ (៥)
Maggahetuko dhammo maggahetukassa ca maggādhipatissa ca dhammassa adhipatipaccayena paccayo . Sahajātādhipati – maggahetukādhipati sampayuttakānaṃ maggahetukānañca maggādhipatīnañca khandhānaṃ adhipatipaccayena paccayo. (5)
៣៣. មគ្គាធិបតិ ធម្មោ មគ្គាធិបតិស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ។ សហជាតាធិបតិ – មគ្គាធិបតិ អធិបតិ សម្បយុត្តកានំ ខន្ធានំ អធិបតិបច្ចយេន បច្ចយោ។ (១)
33. Maggādhipati dhammo maggādhipatissa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti. Sahajātādhipati – maggādhipati adhipati sampayuttakānaṃ khandhānaṃ adhipatipaccayena paccayo. (1)
មគ្គាធិបតិ ធម្មោ មគ្គារម្មណស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ។ សហជាតាធិបតិ – មគ្គាធិបតិ អធិបតិ សម្បយុត្តកានំ មគ្គារម្មណានំ ខន្ធានំ អធិបតិបច្ចយេន បច្ចយោ។ (២)
Maggādhipati dhammo maggārammaṇassa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti. Sahajātādhipati – maggādhipati adhipati sampayuttakānaṃ maggārammaṇānaṃ khandhānaṃ adhipatipaccayena paccayo. (2)
មគ្គាធិបតិ ធម្មោ មគ្គហេតុកស្ស ធម្មស្ស អធិបតិបច្ចយេន បច្ចយោ។ សហជាតាធិបតិ – មគ្គាធិបតិ អធិបតិ សម្បយុត្តកានំ មគ្គហេតុកានំ ខន្ធានំ អធិបតិបច្ចយេន បច្ចយោ។ (៣)
Maggādhipati dhammo maggahetukassa dhammassa adhipatipaccayena paccayo. Sahajātādhipati – maggādhipati adhipati sampayuttakānaṃ maggahetukānaṃ khandhānaṃ adhipatipaccayena paccayo. (3)
មគ្គាធិបតិ ធម្មោ មគ្គារម្មណស្ស ច មគ្គាធិបតិស្ស ច អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ។ សហជាតាធិបតិ – មគ្គាធិបតិ អធិបតិ សម្បយុត្តកានំ មគ្គារម្មណានញ្ច មគ្គាធិបតីនញ្ច ខន្ធានំ អធិបតិបច្ចយេន បច្ចយោ។ (៤)
Maggādhipati dhammo maggārammaṇassa ca maggādhipatissa ca adhipatipaccayena paccayo – ārammaṇādhipati, sahajātādhipati. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti. Sahajātādhipati – maggādhipati adhipati sampayuttakānaṃ maggārammaṇānañca maggādhipatīnañca khandhānaṃ adhipatipaccayena paccayo. (4)
មគ្គាធិបតិ ធម្មោ មគ្គហេតុកស្ស ច មគ្គាធិបតិស្ស ច ធម្មស្ស អធិបតិបច្ចយេន បច្ចយោ។ សហជាតាធិបតិ – មគ្គាធិបតិ អធិបតិ សម្បយុត្តកានំ មគ្គាហេតុកានញ្ច មគ្គាធិបតីនញ្ច ខន្ធានំ អធិបតិបច្ចយេន បច្ចយោ។ (៥)
Maggādhipati dhammo maggahetukassa ca maggādhipatissa ca dhammassa adhipatipaccayena paccayo. Sahajātādhipati – maggādhipati adhipati sampayuttakānaṃ maggāhetukānañca maggādhipatīnañca khandhānaṃ adhipatipaccayena paccayo. (5)
៣៤. មគ្គារម្មណោ ច មគ្គាធិបតិ ច ធម្មា មគ្គារម្មណស្ស ធម្មស្ស អធិបតិបច្ចយេន បច្ចយោ។ សហជាតាធិបតិ – មគ្គារម្មណា ច មគ្គាធិបតី ច អធិបតិ សម្បយុត្តកានំ មគ្គារម្មណានំ ខន្ធានំ អធិបតិបច្ចយេន បច្ចយោ។ (១)
34. Maggārammaṇo ca maggādhipati ca dhammā maggārammaṇassa dhammassa adhipatipaccayena paccayo. Sahajātādhipati – maggārammaṇā ca maggādhipatī ca adhipati sampayuttakānaṃ maggārammaṇānaṃ khandhānaṃ adhipatipaccayena paccayo. (1)
មគ្គារម្មណោ ច មគ្គាធិបតិ ច ធម្មា មគ្គាធិបតិស្ស ធម្មស្ស អធិបតិបច្ចយេន បច្ចយោ។ សហជាតាធិបតិ – មគ្គារម្មណា ច មគ្គាធិបតី ច អធិបតិ សម្បយុត្តកានំ មគ្គាធិបតីនំ ខន្ធានំ អធិបតិបច្ចយេន បច្ចយោ។ (២)
Maggārammaṇo ca maggādhipati ca dhammā maggādhipatissa dhammassa adhipatipaccayena paccayo. Sahajātādhipati – maggārammaṇā ca maggādhipatī ca adhipati sampayuttakānaṃ maggādhipatīnaṃ khandhānaṃ adhipatipaccayena paccayo. (2)
មគ្គារម្មណោ ច មគ្គាធិបតិ ច ធម្មា មគ្គារម្មណស្ស ច មគ្គាធិបតិស្ស ច ធម្មស្ស អធិបតិបច្ចយេន បច្ចយោ។ សហជាតាធិបតិ – មគ្គារម្មណា ច មគ្គាធិបតី ច អធិបតិ សម្បយុត្តកានំ មគ្គារម្មណានញ្ច មគ្គាធិបតីនញ្ច ខន្ធានំ អធិបតិបច្ចយេន បច្ចយោ។ (៣)
Maggārammaṇo ca maggādhipati ca dhammā maggārammaṇassa ca maggādhipatissa ca dhammassa adhipatipaccayena paccayo. Sahajātādhipati – maggārammaṇā ca maggādhipatī ca adhipati sampayuttakānaṃ maggārammaṇānañca maggādhipatīnañca khandhānaṃ adhipatipaccayena paccayo. (3)
៣៥. មគ្គហេតុកោ ច មគ្គាធិបតិ ច ធម្មា មគ្គារម្មណស្ស ធម្មស្ស អធិបតិបច្ចយេន បច្ចយោ។ អារម្មណាធិបតិ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ។ (១)
35. Maggahetuko ca maggādhipati ca dhammā maggārammaṇassa dhammassa adhipatipaccayena paccayo. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti. (1)
មគ្គហេតុកោ ច មគ្គាធិបតិ ច ធម្មា មគ្គហេតុកស្ស ធម្មស្ស អធិបតិបច្ចយេន បច្ចយោ។ សហជាតាធិបតិ – មគ្គហេតុកា ច មគ្គាធិបតី ច អធិបតិ សម្បយុត្តកានំ មគ្គហេតុកានំ ខន្ធានំ អធិបតិបច្ចយេន បច្ចយោ។ (២)
Maggahetuko ca maggādhipati ca dhammā maggahetukassa dhammassa adhipatipaccayena paccayo. Sahajātādhipati – maggahetukā ca maggādhipatī ca adhipati sampayuttakānaṃ maggahetukānaṃ khandhānaṃ adhipatipaccayena paccayo. (2)
មគ្គហេតុកោ ច មគ្គាធិបតិ ច ធម្មា មគ្គាធិបតិស្ស ធម្មស្ស អធិបតិបច្ចយេន បច្ចយោ – អារម្មណាធិបតិ, សហជាតាធិបតិ។ អារម្មណាធិបតិ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ។ សហជាតាធិបតិ – មគ្គហេតុកា ច មគ្គាធិបតី ច អធិបតិ សម្បយុត្តកានំ មគ្គាធិបតីនំ ខន្ធានំ អធិបតិបច្ចយេន បច្ចយោ។ (៣)
Maggahetuko ca maggādhipati ca dhammā maggādhipatissa dhammassa adhipatipaccayena paccayo – ārammaṇādhipati, sahajātādhipati. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti. Sahajātādhipati – maggahetukā ca maggādhipatī ca adhipati sampayuttakānaṃ maggādhipatīnaṃ khandhānaṃ adhipatipaccayena paccayo. (3)
មគ្គហេតុកោ ច មគ្គាធិបតិ ច ធម្មា មគ្គារម្មណស្ស ច មគ្គាធិបតិស្ស ច ធម្មស្ស អធិបតិបច្ចយេន បច្ចយោ។ អារម្មណាធិបតិ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ។ (៤)
Maggahetuko ca maggādhipati ca dhammā maggārammaṇassa ca maggādhipatissa ca dhammassa adhipatipaccayena paccayo. Ārammaṇādhipati – ariyā maggā vuṭṭhahitvā maggaṃ garuṃ katvā paccavekkhanti. (4)
មគ្គហេតុកោ ច មគ្គាធិបតិ ច ធម្មា មគ្គហេតុកស្ស ច មគ្គាធិបតិស្ស ច ធម្មស្ស អធិបតិបច្ចយេន បច្ចយោ។ សហជាតាធិបតិ – មគ្គហេតុកា ច មគ្គាធិបតី ច អធិបតិ សម្បយុត្តកានំ មគ្គហេតុកានញ្ច មគ្គាធិបតីនញ្ច ខន្ធានំ អធិបតិបច្ចយេន បច្ចយោ។ (៥)
Maggahetuko ca maggādhipati ca dhammā maggahetukassa ca maggādhipatissa ca dhammassa adhipatipaccayena paccayo. Sahajātādhipati – maggahetukā ca maggādhipatī ca adhipati sampayuttakānaṃ maggahetukānañca maggādhipatīnañca khandhānaṃ adhipatipaccayena paccayo. (5)
អនន្តរបច្ចយោ
Anantarapaccayo
៣៦. មគ្គារម្មណោ ធម្មោ មគ្គារម្មណស្ស ធម្មស្ស អនន្តរបច្ចយេន បច្ចយោ – បុរិមា បុរិមា មគ្គារម្មណា ខន្ធា បច្ឆិមានំ បច្ឆិមានំ មគ្គារម្មណានំ ខន្ធានំ អនន្តរបច្ចយេន បច្ចយោ។ អាវជ្ជនា មគ្គារម្មណានំ ខន្ធានំ អនន្តរបច្ចយេន បច្ចយោ។ (១)
36. Maggārammaṇo dhammo maggārammaṇassa dhammassa anantarapaccayena paccayo – purimā purimā maggārammaṇā khandhā pacchimānaṃ pacchimānaṃ maggārammaṇānaṃ khandhānaṃ anantarapaccayena paccayo. Āvajjanā maggārammaṇānaṃ khandhānaṃ anantarapaccayena paccayo. (1)
មគ្គារម្មណោ ធម្មោ មគ្គាធិបតិស្ស ធម្មស្ស អនន្តរបច្ចយេន បច្ចយោ – បុរិមា បុរិមា មគ្គារម្មណា ខន្ធា បច្ឆិមានំ បច្ឆិមានំ មគ្គាធិបតីនំ ខន្ធានំ អនន្តរបច្ចយេន បច្ចយោ។ អាវជ្ជនា មគ្គាធិបតីនំ ខន្ធានំ អនន្តរបច្ចយេន បច្ចយោ។ (២)
Maggārammaṇo dhammo maggādhipatissa dhammassa anantarapaccayena paccayo – purimā purimā maggārammaṇā khandhā pacchimānaṃ pacchimānaṃ maggādhipatīnaṃ khandhānaṃ anantarapaccayena paccayo. Āvajjanā maggādhipatīnaṃ khandhānaṃ anantarapaccayena paccayo. (2)
មគ្គារម្មណោ ធម្មោ មគ្គារម្មណស្ស ច មគ្គាធិបតិស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា មគ្គារម្មណា ខន្ធា បច្ឆិមានំ បច្ឆិមានំ មគ្គារម្មណានញ្ច មគ្គាធិបតីនញ្ច ខន្ធានំ អនន្តរបច្ចយេន បច្ចយោ។ អាវជ្ជនា មគ្គារម្មណានញ្ច មគ្គាធិបតីនញ្ច ខន្ធានំ អនន្តរបច្ចយេន បច្ចយោ។ (៣)
Maggārammaṇo dhammo maggārammaṇassa ca maggādhipatissa ca dhammassa anantarapaccayena paccayo – purimā purimā maggārammaṇā khandhā pacchimānaṃ pacchimānaṃ maggārammaṇānañca maggādhipatīnañca khandhānaṃ anantarapaccayena paccayo. Āvajjanā maggārammaṇānañca maggādhipatīnañca khandhānaṃ anantarapaccayena paccayo. (3)
៣៧. មគ្គាធិបតិ ធម្មោ មគ្គាធិបតិស្ស ធម្មស្ស អនន្តរបច្ចយេន បច្ចយោ – បុរិមា បុរិមា មគ្គាធិបតី ខន្ធា បច្ឆិមានំ បច្ឆិមានំ មគ្គាធិបតីនំ ខន្ធានំ អនន្តរបច្ចយេន បច្ចយោ។ (១)
37. Maggādhipati dhammo maggādhipatissa dhammassa anantarapaccayena paccayo – purimā purimā maggādhipatī khandhā pacchimānaṃ pacchimānaṃ maggādhipatīnaṃ khandhānaṃ anantarapaccayena paccayo. (1)
មគ្គាធិបតិ ធម្មោ មគ្គារម្មណស្ស ធម្មស្ស អនន្តរបច្ចយេន បច្ចយោ – បុរិមា បុរិមា មគ្គាធិបតី ខន្ធា បច្ឆិមានំ បច្ឆិមានំ មគ្គារម្មណានំ ខន្ធានំ អនន្តរបច្ចយេន បច្ចយោ។ (២)
Maggādhipati dhammo maggārammaṇassa dhammassa anantarapaccayena paccayo – purimā purimā maggādhipatī khandhā pacchimānaṃ pacchimānaṃ maggārammaṇānaṃ khandhānaṃ anantarapaccayena paccayo. (2)
មគ្គាធិបតិ ធម្មោ មគ្គារម្មណស្ស ច មគ្គាធិបតិស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា មគ្គាធិបតី ខន្ធា បច្ឆិមានំ បច្ឆិមានំ មគ្គារម្មណានញ្ច មគ្គាធិបតីនញ្ច ខន្ធានំ អនន្តរបច្ចយេន បច្ចយោ។ (៣)
Maggādhipati dhammo maggārammaṇassa ca maggādhipatissa ca dhammassa anantarapaccayena paccayo – purimā purimā maggādhipatī khandhā pacchimānaṃ pacchimānaṃ maggārammaṇānañca maggādhipatīnañca khandhānaṃ anantarapaccayena paccayo. (3)
៣៨. មគ្គារម្មណោ ច មគ្គាធិបតិ ច ធម្មា មគ្គារម្មណស្ស ធម្មស្ស អនន្តរបច្ចយេន បច្ចយោ – បុរិមា បុរិមា មគ្គារម្មណា ច មគ្គាធិបតី ច ខន្ធា បច្ឆិមានំ បច្ឆិមានំ មគ្គារម្មណានំ ខន្ធានំ អនន្តរបច្ចយេន បច្ចយោ។ (១)
38. Maggārammaṇo ca maggādhipati ca dhammā maggārammaṇassa dhammassa anantarapaccayena paccayo – purimā purimā maggārammaṇā ca maggādhipatī ca khandhā pacchimānaṃ pacchimānaṃ maggārammaṇānaṃ khandhānaṃ anantarapaccayena paccayo. (1)
មគ្គារម្មណោ ច មគ្គាធិបតិ ច ធម្មា មគ្គាធិបតិស្ស ធម្មស្ស អនន្តរបច្ចយេន បច្ចយោ – បុរិមា បុរិមា មគ្គារម្មណា ច មគ្គាធិបតី ច ខន្ធា បច្ឆិមានំ បច្ឆិមានំ មគ្គាធិបតីនំ ខន្ធានំ អនន្តរបច្ចយេន បច្ចយោ។ (២)
Maggārammaṇo ca maggādhipati ca dhammā maggādhipatissa dhammassa anantarapaccayena paccayo – purimā purimā maggārammaṇā ca maggādhipatī ca khandhā pacchimānaṃ pacchimānaṃ maggādhipatīnaṃ khandhānaṃ anantarapaccayena paccayo. (2)
មគ្គារម្មណោ ច មគ្គាធិបតិ ច ធម្មា មគ្គារម្មណស្ស ច មគ្គាធិបតិស្ស ច ធម្មស្ស អនន្តរបច្ចយេន បច្ចយោ – បុរិមា បុរិមា មគ្គារម្មណា ច មគ្គាធិបតី ច ខន្ធា បច្ឆិមានំ បច្ឆិមានំ មគ្គារម្មណានញ្ច មគ្គាធិបតីនញ្ច ខន្ធានំ អនន្តរបច្ចយេន បច្ចយោ។ (៣)
Maggārammaṇo ca maggādhipati ca dhammā maggārammaṇassa ca maggādhipatissa ca dhammassa anantarapaccayena paccayo – purimā purimā maggārammaṇā ca maggādhipatī ca khandhā pacchimānaṃ pacchimānaṃ maggārammaṇānañca maggādhipatīnañca khandhānaṃ anantarapaccayena paccayo. (3)
សមនន្តរបច្ចយាទិ
Samanantarapaccayādi
៣៩. មគ្គារម្មណោ ធម្មោ មគ្គារម្មណស្ស ធម្មស្ស សមនន្តរបច្ចយេន បច្ចយោ…បេ.… (អនន្តរសទិសំ) សហជាតបច្ចយេន បច្ចយោ… អញ្ញមញ្ញបច្ចយេន បច្ចយោ… និស្សយបច្ចយេន បច្ចយោ… (តីសុបិ សត្តរស បញ្ហា កាតព្ពា)។
39. Maggārammaṇo dhammo maggārammaṇassa dhammassa samanantarapaccayena paccayo…pe… (anantarasadisaṃ) sahajātapaccayena paccayo… aññamaññapaccayena paccayo… nissayapaccayena paccayo… (tīsupi sattarasa pañhā kātabbā).
ឧបនិស្សយបច្ចយោ
Upanissayapaccayo
៤០. មគ្គារម្មណោ ធម្មោ មគ្គារម្មណស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បច្ចវេក្ខណា បច្ចវេក្ខណាយ ឧបនិស្សយបច្ចយេន បច្ចយោ។ (១)
40. Maggārammaṇo dhammo maggārammaṇassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – paccavekkhaṇā paccavekkhaṇāya upanissayapaccayena paccayo. (1)
មគ្គារម្មណោ ធម្មោ មគ្គាធិបតិស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បច្ចវេក្ខណា បច្ចវេក្ខណាយ ឧបនិស្សយបច្ចយេន បច្ចយោ។ (២)
Maggārammaṇo dhammo maggādhipatissa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – paccavekkhaṇā paccavekkhaṇāya upanissayapaccayena paccayo. (2)
មគ្គារម្មណោ ធម្មោ មគ្គារម្មណស្ស ច មគ្គាធិបតិស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បច្ចវេក្ខណា បច្ចវេក្ខណាយ ឧបនិស្សយបច្ចយេន បច្ចយោ។ (៣)
Maggārammaṇo dhammo maggārammaṇassa ca maggādhipatissa ca dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – paccavekkhaṇā paccavekkhaṇāya upanissayapaccayena paccayo. (3)
៤១. មគ្គហេតុកោ ធម្មោ មគ្គហេតុកស្ស ធម្មស្ស ឧបនិស្សយបច្ចយេន បច្ចយោ។ បកតូបនិស្សយោ – បឋមោ មគ្គោ ទុតិយស្ស មគ្គស្ស ឧបនិស្សយបច្ចយេន បច្ចយោ…បេ.… តតិយោ មគ្គោ ចតុត្ថស្ស មគ្គស្ស ឧបនិស្សយបច្ចយេន បច្ចយោ។ (១)
41. Maggahetuko dhammo maggahetukassa dhammassa upanissayapaccayena paccayo. Pakatūpanissayo – paṭhamo maggo dutiyassa maggassa upanissayapaccayena paccayo…pe… tatiyo maggo catutthassa maggassa upanissayapaccayena paccayo. (1)
មគ្គហេតុកោ ធម្មោ មគ្គារម្មណស្ស ធម្មស្ស ឧបនិស្សយបច្ចយេន បច្ចយោ។ អារម្មណូបនិស្សយោ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ។ (២)
Maggahetuko dhammo maggārammaṇassa dhammassa upanissayapaccayena paccayo. Ārammaṇūpanissayo – ariyā maggā vuṭṭhahitvā maggaṃ garuṃ katvā paccavekkhanti. (2)
មគ្គហេតុកោ ធម្មោ មគ្គាធិបតិស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, បកតូបនិស្សយោ…បេ.…។ បកតូបនិស្សយោ – បឋមោ មគ្គោ ទុតិយស្ស មគ្គស្ស…បេ.… តតិយោ មគ្គោ ចតុត្ថស្ស មគ្គស្ស ឧបនិស្សយបច្ចយេន បច្ចយោ។ (៣)
Maggahetuko dhammo maggādhipatissa dhammassa upanissayapaccayena paccayo – ārammaṇūpanissayo, pakatūpanissayo…pe…. Pakatūpanissayo – paṭhamo maggo dutiyassa maggassa…pe… tatiyo maggo catutthassa maggassa upanissayapaccayena paccayo. (3)
មគ្គហេតុកោ ធម្មោ មគ្គារម្មណស្ស ច មគ្គាធិបតិស្ស ច ធម្មស្ស ឧបនិស្សយបច្ចយេន បច្ចយោ។ អារម្មណូបនិស្សយោ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ។ (៤)
Maggahetuko dhammo maggārammaṇassa ca maggādhipatissa ca dhammassa upanissayapaccayena paccayo. Ārammaṇūpanissayo – ariyā maggā vuṭṭhahitvā maggaṃ garuṃ katvā paccavekkhanti. (4)
មគ្គហេតុកោ ធម្មោ មគ្គហេតុកស្ស ច មគ្គាធិបតិស្ស ច ធម្មស្ស ឧបនិស្សយបច្ចយេន បច្ចយោ។ បកតូបនិស្សយោ – បឋមោ មគ្គោ ទុតិយស្ស មគ្គស្ស…បេ.… តតិយោ មគ្គោ ចតុត្ថស្ស មគ្គស្ស ឧបនិស្សយបច្ចយេន បច្ចយោ។ (៥)
Maggahetuko dhammo maggahetukassa ca maggādhipatissa ca dhammassa upanissayapaccayena paccayo. Pakatūpanissayo – paṭhamo maggo dutiyassa maggassa…pe… tatiyo maggo catutthassa maggassa upanissayapaccayena paccayo. (5)
៤២. មគ្គាធិបតិ ធម្មោ មគ្គាធិបតិស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.… ។ បកតូបនិស្សយោ – បឋមោ មគ្គោ ទុតិយស្ស មគ្គស្ស…បេ.… តតិយោ មគ្គោ ចតុត្ថស្ស មគ្គស្ស ឧបនិស្សយបច្ចយេន បច្ចយោ; បច្ចវេក្ខណា បច្ចវេក្ខណាយ ឧបនិស្សយបច្ចយេន បច្ចយោ។ (១)
42. Maggādhipati dhammo maggādhipatissa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – paṭhamo maggo dutiyassa maggassa…pe… tatiyo maggo catutthassa maggassa upanissayapaccayena paccayo; paccavekkhaṇā paccavekkhaṇāya upanissayapaccayena paccayo. (1)
មគ្គាធិបតិ ធម្មោ មគ្គារម្មណស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ , អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បច្ចវេក្ខណា បច្ចវេក្ខណាយ ឧបនិស្សយបច្ចយេន បច្ចយោ។ (២)
Maggādhipati dhammo maggārammaṇassa dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – paccavekkhaṇā paccavekkhaṇāya upanissayapaccayena paccayo. (2)
មគ្គាធិបតិ ធម្មោ មគ្គហេតុកស្ស ធម្មស្ស ឧបនិស្សយបច្ចយេន បច្ចយោ។ បកតូបនិស្សយោ – បឋមោ មគ្គោ ទុតិយស្ស មគ្គស្ស…បេ.… តតិយោ មគ្គោ ចតុត្ថស្ស មគ្គស្ស ឧបនិស្សយបច្ចយេន បច្ចយោ។ (៣)
Maggādhipati dhammo maggahetukassa dhammassa upanissayapaccayena paccayo. Pakatūpanissayo – paṭhamo maggo dutiyassa maggassa…pe… tatiyo maggo catutthassa maggassa upanissayapaccayena paccayo. (3)
មគ្គាធិបតិ ធម្មោ មគ្គារម្មណស្ស ច មគ្គាធិបតិស្ស ច ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បច្ចវេក្ខណា បច្ចវេក្ខណាយ ឧបនិស្សយបច្ចយេន បច្ចយោ។ (៤)
Maggādhipati dhammo maggārammaṇassa ca maggādhipatissa ca dhammassa upanissayapaccayena paccayo – ārammaṇūpanissayo, anantarūpanissayo, pakatūpanissayo…pe…. Pakatūpanissayo – paccavekkhaṇā paccavekkhaṇāya upanissayapaccayena paccayo. (4)
មគ្គាធិបតិ ធម្មោ មគ្គហេតុកស្ស ច មគ្គាធិបតិស្ស ច ធម្មស្ស ឧបនិស្សយបច្ចយេន បច្ចយោ។ បកតូបនិស្សយោ – បឋមោ មគ្គោ ទុតិយស្ស មគ្គស្ស…បេ.… តតិយោ មគ្គោ ចតុត្ថស្ស មគ្គស្ស ឧបនិស្សយបច្ចយេន បច្ចយោ។ (៥)
Maggādhipati dhammo maggahetukassa ca maggādhipatissa ca dhammassa upanissayapaccayena paccayo. Pakatūpanissayo – paṭhamo maggo dutiyassa maggassa…pe… tatiyo maggo catutthassa maggassa upanissayapaccayena paccayo. (5)
៤៣. មគ្គារម្មណោ ច មគ្គាធិបតិ ច ធម្មា មគ្គារម្មណស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បច្ចវេក្ខណា បច្ចវេក្ខណាយ ឧបនិស្សយបច្ចយេន បច្ចយោ។ (១)
43. Maggārammaṇo ca maggādhipati ca dhammā maggārammaṇassa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – paccavekkhaṇā paccavekkhaṇāya upanissayapaccayena paccayo. (1)
មគ្គារម្មណោ ច មគ្គាធិបតិ ច ធម្មា មគ្គាធិបតិស្ស ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បច្ចវេក្ខណា បច្ចវេក្ខណាយ ឧបនិស្សយបច្ចយេន បច្ចយោ។ (២)
Maggārammaṇo ca maggādhipati ca dhammā maggādhipatissa dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – paccavekkhaṇā paccavekkhaṇāya upanissayapaccayena paccayo. (2)
មគ្គារម្មណោ ច មគ្គាធិបតិ ច ធម្មា មគ្គារម្មណស្ស ច មគ្គាធិបតិស្ស ច ធម្មស្ស ឧបនិស្សយបច្ចយេន បច្ចយោ – អនន្តរូបនិស្សយោ, បកតូបនិស្សយោ…បេ.…។ បកតូបនិស្សយោ – បច្ចវេក្ខណា បច្ចវេក្ខណាយ ឧបនិស្សយបច្ចយេន បច្ចយោ។ (៣)
Maggārammaṇo ca maggādhipati ca dhammā maggārammaṇassa ca maggādhipatissa ca dhammassa upanissayapaccayena paccayo – anantarūpanissayo, pakatūpanissayo…pe…. Pakatūpanissayo – paccavekkhaṇā paccavekkhaṇāya upanissayapaccayena paccayo. (3)
៤៤. មគ្គហេតុកោ ច មគ្គាធិបតិ ច ធម្មា មគ្គារម្មណស្ស ធម្មស្ស ឧបនិស្សយបច្ចយេន បច្ចយោ។ អារម្មណូបនិស្សយោ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ។ (១)
44. Maggahetuko ca maggādhipati ca dhammā maggārammaṇassa dhammassa upanissayapaccayena paccayo. Ārammaṇūpanissayo – ariyā maggā vuṭṭhahitvā maggaṃ garuṃ katvā paccavekkhanti. (1)
មគ្គហេតុកោ ច មគ្គាធិបតិ ច ធម្មា មគ្គហេតុកស្ស ធម្មស្ស ឧបនិស្សយបច្ចយេន បច្ចយោ។ បកតូបនិស្សយោ – បឋមោ មគ្គោ ទុតិយស្ស មគ្គស្ស…បេ.… តតិយោ មគ្គោ ចតុត្ថស្ស មគ្គស្ស ឧបនិស្សយបច្ចយេន បច្ចយោ។ (២)
Maggahetuko ca maggādhipati ca dhammā maggahetukassa dhammassa upanissayapaccayena paccayo. Pakatūpanissayo – paṭhamo maggo dutiyassa maggassa…pe… tatiyo maggo catutthassa maggassa upanissayapaccayena paccayo. (2)
មគ្គហេតុកោ ច មគ្គាធិបតិ ច ធម្មា មគ្គាធិបតិស្ស ធម្មស្ស ឧបនិស្សយបច្ចយេន បច្ចយោ – អារម្មណូបនិស្សយោ, បកតូបនិស្សយោ…បេ.…។ បកតូបនិស្សយោ – បឋមោ មគ្គោ ទុតិយស្ស មគ្គស្ស…បេ.… តតិយោ មគ្គោ ចតុត្ថស្ស មគ្គស្ស ឧបនិស្សយបច្ចយេន បច្ចយោ ។ (៣)
Maggahetuko ca maggādhipati ca dhammā maggādhipatissa dhammassa upanissayapaccayena paccayo – ārammaṇūpanissayo, pakatūpanissayo…pe…. Pakatūpanissayo – paṭhamo maggo dutiyassa maggassa…pe… tatiyo maggo catutthassa maggassa upanissayapaccayena paccayo . (3)
មគ្គហេតុកោ ច មគ្គាធិបតិ ច ធម្មា មគ្គារម្មណស្ស ច មគ្គាធិបតិស្ស ច ធម្មស្ស ឧបនិស្សយបច្ចយេន បច្ចយោ។ អារម្មណូបនិស្សយោ – អរិយា មគ្គា វុដ្ឋហិត្វា មគ្គំ គរុំ កត្វា បច្ចវេក្ខន្តិ។ (៤)
Maggahetuko ca maggādhipati ca dhammā maggārammaṇassa ca maggādhipatissa ca dhammassa upanissayapaccayena paccayo. Ārammaṇūpanissayo – ariyā maggā vuṭṭhahitvā maggaṃ garuṃ katvā paccavekkhanti. (4)
មគ្គហេតុកោ ច មគ្គាធិបតិ ច ធម្មា មគ្គហេតុកស្ស ច មគ្គាធិបតិស្ស ច ធម្មស្ស ឧបនិស្សយបច្ចយេន បច្ចយោ។ បកតូបនិស្សយោ – បឋមោ មគ្គោ ទុតិយស្ស មគ្គស្ស…បេ.… តតិយោ មគ្គោ ចតុត្ថស្ស មគ្គស្ស ឧបនិស្សយបច្ចយេន បច្ចយោ។ (៥)
Maggahetuko ca maggādhipati ca dhammā maggahetukassa ca maggādhipatissa ca dhammassa upanissayapaccayena paccayo. Pakatūpanissayo – paṭhamo maggo dutiyassa maggassa…pe… tatiyo maggo catutthassa maggassa upanissayapaccayena paccayo. (5)
អាសេវនបច្ចយោ
Āsevanapaccayo
៤៥. មគ្គារម្មណោ ធម្មោ មគ្គារម្មណស្ស ធម្មស្ស អាសេវនបច្ចយេន បច្ចយោ – បុរិមា បុរិមា មគ្គារម្មណា ខន្ធា បច្ឆិមានំ បច្ឆិមានំ មគ្គារម្មណានំ ខន្ធានំ អាសេវនបច្ចយេន បច្ចយោ។
45. Maggārammaṇo dhammo maggārammaṇassa dhammassa āsevanapaccayena paccayo – purimā purimā maggārammaṇā khandhā pacchimānaṃ pacchimānaṃ maggārammaṇānaṃ khandhānaṃ āsevanapaccayena paccayo.
មគ្គារម្មណោ ធម្មោ មគ្គាធិបតិស្ស ធម្មស្ស អាសេវនបច្ចយេន បច្ចយោ (អនន្តរសទិសំ។ នវ បញ្ហា កាតព្ពា, អាវជ្ជនា ន កាតព្ពា)។
Maggārammaṇo dhammo maggādhipatissa dhammassa āsevanapaccayena paccayo (anantarasadisaṃ. Nava pañhā kātabbā, āvajjanā na kātabbā).
កម្មបច្ចយាទិ
Kammapaccayādi
៤៦. មគ្គារម្មណោ ធម្មោ មគ្គារម្មណស្ស ធម្មស្ស កម្មបច្ចយេន បច្ចយោ – សហជាតា…បេ.… (នានាក្ខណិកា នត្ថិ, សត្តរស បញ្ហា កាតព្ពា)។
46. Maggārammaṇo dhammo maggārammaṇassa dhammassa kammapaccayena paccayo – sahajātā…pe… (nānākkhaṇikā natthi, sattarasa pañhā kātabbā).
អាហារបច្ចយាទិ
Āhārapaccayādi
៤៧. មគ្គារម្មណោ ធម្មោ មគ្គារម្មណស្ស ធម្មស្ស អាហារបច្ចយេន បច្ចយោ… ឥន្ទ្រិយបច្ចយេន បច្ចយោ… ឈានបច្ចយេន បច្ចយោ… មគ្គបច្ចយេន បច្ចយោ… សម្បយុត្តបច្ចយេន បច្ចយោ… អត្ថិបច្ចយេន បច្ចយោ (ឥមេ សត្ត បច្ចយា សត្តរស បញ្ហា ហេតុសទិសា)… នត្ថិបច្ចយេន បច្ចយោ… វិគតបច្ចយេន បច្ចយោ (អនន្តរសទិសា)… អវិគតបច្ចយេន បច្ចយោ (សត្តរស បញ្ហា)។
47. Maggārammaṇo dhammo maggārammaṇassa dhammassa āhārapaccayena paccayo… indriyapaccayena paccayo… jhānapaccayena paccayo… maggapaccayena paccayo… sampayuttapaccayena paccayo… atthipaccayena paccayo (ime satta paccayā sattarasa pañhā hetusadisā)… natthipaccayena paccayo… vigatapaccayena paccayo (anantarasadisā)… avigatapaccayena paccayo (sattarasa pañhā).
១. បច្ចយានុលោមំ
1. Paccayānulomaṃ
២. សង្ខ្យាវារោ
2. Saṅkhyāvāro
៤៨. ហេតុយា សត្តរស, អារម្មណេ នវ, អធិបតិយា ឯកវីស, អនន្តរេ នវ, សមនន្តរេ នវ, សហជាតេ សត្តរស, អញ្ញមញ្ញេ សត្តរស, និស្សយេ សត្តរស, ឧបនិស្សយេ ឯកវីស, អាសេវនេ នវ, កម្មេ សត្តរស, អាហារេ ឥន្ទ្រិយេ ឈានេ មគ្គេ សម្បយុត្តេ សត្តរស, អត្ថិយា សត្តរស, នត្ថិយា នវ, វិគតេ នវ, អវិគតេ សត្តរស (ឯវំ គណេតព្ពំ)។
48. Hetuyā sattarasa, ārammaṇe nava, adhipatiyā ekavīsa, anantare nava, samanantare nava, sahajāte sattarasa, aññamaññe sattarasa, nissaye sattarasa, upanissaye ekavīsa, āsevane nava, kamme sattarasa, āhāre indriye jhāne magge sampayutte sattarasa, atthiyā sattarasa, natthiyā nava, vigate nava, avigate sattarasa (evaṃ gaṇetabbaṃ).
អនុលោមំ។
Anulomaṃ.
បច្ចនីយុទ្ធារោ
Paccanīyuddhāro
៤៩. មគ្គារម្មណោ ធម្មោ មគ្គារម្មណស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)
49. Maggārammaṇo dhammo maggārammaṇassa dhammassa sahajātapaccayena paccayo… upanissayapaccayena paccayo. (1)
មគ្គារម្មណោ ធម្មោ មគ្គាធិបតិស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (២)
Maggārammaṇo dhammo maggādhipatissa dhammassa sahajātapaccayena paccayo… upanissayapaccayena paccayo. (2)
មគ្គារម្មណោ ធម្មោ មគ្គារម្មណស្ស ច មគ្គាធិបតិស្ស ច ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)
Maggārammaṇo dhammo maggārammaṇassa ca maggādhipatissa ca dhammassa sahajātapaccayena paccayo… upanissayapaccayena paccayo. (3)
៥០. មគ្គហេតុកោ ធម្មោ មគ្គហេតុកស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)
50. Maggahetuko dhammo maggahetukassa dhammassa sahajātapaccayena paccayo… upanissayapaccayena paccayo. (1)
មគ្គហេតុកោ ធម្មោ មគ្គារម្មណស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ។ (២)
Maggahetuko dhammo maggārammaṇassa dhammassa ārammaṇapaccayena paccayo… upanissayapaccayena paccayo. (2)
មគ្គហេតុកោ ធម្មោ មគ្គាធិបតិស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)
Maggahetuko dhammo maggādhipatissa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (3)
មគ្គហេតុកោ ធម្មោ មគ្គារម្មណស្ស ច មគ្គាធិបតិស្ស ច ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ។ (៤)
Maggahetuko dhammo maggārammaṇassa ca maggādhipatissa ca dhammassa ārammaṇapaccayena paccayo… upanissayapaccayena paccayo. (4)
មគ្គហេតុកោ ធម្មោ មគ្គហេតុកស្ស ច មគ្គាធិបតិស្ស ច ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៥)
Maggahetuko dhammo maggahetukassa ca maggādhipatissa ca dhammassa sahajātapaccayena paccayo… upanissayapaccayena paccayo. (5)
៥១. មគ្គាធិបតិ ធម្មោ មគ្គាធិបតិស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)
51. Maggādhipati dhammo maggādhipatissa dhammassa sahajātapaccayena paccayo… upanissayapaccayena paccayo. (1)
មគ្គាធិបតិ ធម្មោ មគ្គារម្មណស្ស ធម្មស្ស អារម្មណបច្ចយេន បច្ចយោ… សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (២)
Maggādhipati dhammo maggārammaṇassa dhammassa ārammaṇapaccayena paccayo… sahajātapaccayena paccayo… upanissayapaccayena paccayo. (2)
មគ្គាធិបតិ ធម្មោ មគ្គហេតុកស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)
Maggādhipati dhammo maggahetukassa dhammassa sahajātapaccayena paccayo… upanissayapaccayena paccayo. (3)
មគ្គាធិបតិ ធម្មោ មគ្គារម្មណស្ស ច មគ្គាធិបតិស្ស ច ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៤)
Maggādhipati dhammo maggārammaṇassa ca maggādhipatissa ca dhammassa sahajātapaccayena paccayo… upanissayapaccayena paccayo. (4)
មគ្គាធិបតិ ធម្មោ មគ្គហេតុកស្ស ច មគ្គាធិបតិស្ស ច ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៥)
Maggādhipati dhammo maggahetukassa ca maggādhipatissa ca dhammassa sahajātapaccayena paccayo… upanissayapaccayena paccayo. (5)
៥២. មគ្គារម្មណោ ច មគ្គាធិបតិ ច ធម្មា មគ្គារម្មណស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (១)
52. Maggārammaṇo ca maggādhipati ca dhammā maggārammaṇassa dhammassa sahajātapaccayena paccayo… upanissayapaccayena paccayo. (1)
មគ្គារម្មណោ ច មគ្គាធិបតិ ច ធម្មា មគ្គាធិបតិស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (២)
Maggārammaṇo ca maggādhipati ca dhammā maggādhipatissa dhammassa sahajātapaccayena paccayo… upanissayapaccayena paccayo. (2)
មគ្គារម្មណោ ច មគ្គាធិបតិ ច ធម្មា មគ្គារម្មណស្ស ច មគ្គាធិបតិស្ស ច ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)
Maggārammaṇo ca maggādhipati ca dhammā maggārammaṇassa ca maggādhipatissa ca dhammassa sahajātapaccayena paccayo… upanissayapaccayena paccayo. (3)
៥៣. មគ្គហេតុកោ ច មគ្គាធិបតិ ច ធម្មា មគ្គារម្មណស្ស ធម្មស្ស អារម្មណបច្ចយេន បច្ចយោ… ឧបនិស្សយបច្ចយេន បច្ចយោ។ (១)
53. Maggahetuko ca maggādhipati ca dhammā maggārammaṇassa dhammassa ārammaṇapaccayena paccayo… upanissayapaccayena paccayo. (1)
មគ្គហេតុកោ ច មគ្គាធិបតិ ច ធម្មា មគ្គហេតុកស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (២)
Maggahetuko ca maggādhipati ca dhammā maggahetukassa dhammassa sahajātapaccayena paccayo… upanissayapaccayena paccayo. (2)
មគ្គហេតុកោ ច មគ្គាធិបតិ ច ធម្មា មគ្គាធិបតិស្ស ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៣)
Maggahetuko ca maggādhipati ca dhammā maggādhipatissa dhammassa sahajātapaccayena paccayo… upanissayapaccayena paccayo. (3)
មគ្គហេតុកោ ច មគ្គាធិបតិ ច ធម្មា មគ្គារម្មណស្ស ច មគ្គាធិបតិស្ស ច ធម្មស្ស ឧបនិស្សយបច្ចយេន បច្ចយោ។ (៤)
Maggahetuko ca maggādhipati ca dhammā maggārammaṇassa ca maggādhipatissa ca dhammassa upanissayapaccayena paccayo. (4)
មគ្គហេតុកោ ច មគ្គាធិបតិ ច ធម្មា មគ្គហេតុកស្ស ច មគ្គាធិបតិស្ស ច ធម្មស្ស សហជាតបច្ចយេន បច្ចយោ… ឧបនិស្សយបច្ចយេន បច្ចយោ។ (៥)
Maggahetuko ca maggādhipati ca dhammā maggahetukassa ca maggādhipatissa ca dhammassa sahajātapaccayena paccayo… upanissayapaccayena paccayo. (5)
២. បច្ចយបច្ចនីយំ
2. Paccayapaccanīyaṃ
២. សង្ខ្យាវារោ
2. Saṅkhyāvāro
សុទ្ធំ
Suddhaṃ
៥៤. នហេតុយា ឯកវីស, នអារម្មណេ សត្តរស (នអារម្មណេ គហិតេ បកតារម្មណម្បិ ឧបនិស្សយារម្មណម្បិ ទ្វេបិ ឆិជ្ជន្តិ), នអធិបតិយា ឯកវីស, នអនន្តរេ នសមនន្តរេ នសហជាតេ នអញ្ញមញ្ញេ ននិស្សយេ នឧបនិស្សយេ នបុរេជាតេ នបច្ឆាជាតេ នអាសេវនេ នកម្មេ នវិបាកេ នអាហារេ នឥន្ទ្រិយេ នឈានេ នមគ្គេ នសម្បយុត្តេ នវិប្បយុត្តេ នោអត្ថិយា នោនត្ថិយា នោវិគតេ នោអវិគតេ ឯកវីស (ឯវំ គណេតព្ពំ)។
54. Nahetuyā ekavīsa, naārammaṇe sattarasa (naārammaṇe gahite pakatārammaṇampi upanissayārammaṇampi dvepi chijjanti), naadhipatiyā ekavīsa, naanantare nasamanantare nasahajāte naaññamaññe nanissaye naupanissaye napurejāte napacchājāte naāsevane nakamme navipāke naāhāre naindriye najhāne namagge nasampayutte navippayutte noatthiyā nonatthiyā novigate noavigate ekavīsa (evaṃ gaṇetabbaṃ).
បច្ចនីយំ។
Paccanīyaṃ.
៣. បច្ចយានុលោមបច្ចនីយំ
3. Paccayānulomapaccanīyaṃ
ហេតុទុកំ
Hetudukaṃ
៥៥. ហេតុបច្ចយា នអារម្មណេ សត្តរស, នអធិបតិយា នអនន្តរេ នសមនន្តរេ នឧបនិស្សយេ នបុរេជាតេ នបច្ឆាជាតេ នអាសេវនេ នកម្មេ នវិបាកេ នអាហារេ នឥន្ទ្រិយេ នឈានេ នមគ្គេ នវិប្បយុត្តេ នោនត្ថិយា នោវិគតេ សត្តរស (ឯវំ គណេតព្ពំ)។
55. Hetupaccayā naārammaṇe sattarasa, naadhipatiyā naanantare nasamanantare naupanissaye napurejāte napacchājāte naāsevane nakamme navipāke naāhāre naindriye najhāne namagge navippayutte nonatthiyā novigate sattarasa (evaṃ gaṇetabbaṃ).
អនុលោមបច្ចនីយំ។
Anulomapaccanīyaṃ.
៤. បច្ចយបច្ចនីយានុលោមំ
4. Paccayapaccanīyānulomaṃ
នហេតុទុកំ
Nahetudukaṃ
៥៦. នហេតុបច្ចយា អារម្មណេ នវ, អធិបតិយា ឯកវីស, អនន្តរេ នវ, សមនន្តរេ នវ, សហជាតេ សត្តរស, អញ្ញមញ្ញេ សត្តរស, និស្សយេ សត្តរស, ឧបនិស្សយេ ឯកវីស, អាសេវនេ នវ, កម្មេ សត្តរស, អាហារេ សត្តរស, ឥន្ទ្រិយេ ឈានេ មគ្គេ សម្បយុត្តេ សត្តរស, អត្ថិយា សត្តរស, នត្ថិយា នវ, វិគតេ នវ, អវិគតេ សត្តរស (ឯវំ គណេតព្ពំ)។
56. Nahetupaccayā ārammaṇe nava, adhipatiyā ekavīsa, anantare nava, samanantare nava, sahajāte sattarasa, aññamaññe sattarasa, nissaye sattarasa, upanissaye ekavīsa, āsevane nava, kamme sattarasa, āhāre sattarasa, indriye jhāne magge sampayutte sattarasa, atthiyā sattarasa, natthiyā nava, vigate nava, avigate sattarasa (evaṃ gaṇetabbaṃ).
បច្ចនីយានុលោមំ។
Paccanīyānulomaṃ.
មគ្គារម្មណត្តិកំ និដ្ឋិតំ។
Maggārammaṇattikaṃ niṭṭhitaṃ.
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៥-២២. សង្កិលិដ្ឋត្តិកាទិវណ្ណនា • 5-22. Saṅkiliṭṭhattikādivaṇṇanā
