| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
8. маг̇г̇асан̃н̃агад̇т̇зраабад̣̇аанаван̣н̣анаа
8. Maggasaññakattheraapadānavaṇṇanā
бад̣̇умуд̇д̇араб̣уд̣̇д̇хассаад̇иаад̣̇игам̣ ааяасмад̇о маг̇г̇асан̃н̃агад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇о орам̣ д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз химаванд̇з д̣̇звабуд̇д̇о худ̇ваа ниб̣б̣ад̇д̇о аран̃н̃ам̣ г̇анд̇ваа маг̇г̇амуул̣хаанам̣ маг̇г̇ам̣ г̇авзсанд̇аанам̣ д̇асса саавагаанам̣ бхож̇зд̇ваа маг̇г̇ам̣ аажигки. со д̇зна бун̃н̃зна д̣̇звамануссасамбад̇д̇иманубхавид̇ваа уббаннуббаннабхавз саб̣б̣ад̇т̇а амуул̣хо сан̃н̃аваа ахоси. ат̇а имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вин̃н̃уд̇ам̣ бад̇д̇о гхарааваасз аналлийно баб̣б̣аж̇ид̇ваа нажирассзва арахаа ахоси.
Padumuttarabuddhassātiādikaṃ āyasmato maggasaññakattherassa apadānaṃ. Ayampi purimabuddhesu katādhikāro tato oraṃ tattha tattha bhave vivaṭṭūpanissayāni puññāni upacinanto padumuttarassa bhagavato kāle himavante devaputto hutvā nibbatto araññaṃ gantvā maggamūḷhānaṃ maggaṃ gavesantānaṃ tassa sāvakānaṃ bhojetvā maggaṃ ācikkhi. So tena puññena devamanussasampattimanubhavitvā uppannuppannabhave sabbattha amūḷho saññavā ahosi. Atha imasmiṃ buddhuppāde kulagehe nibbatto viññutaṃ patto gharāvāse anallīno pabbajitvā nacirasseva arahā ahosi.
66. со абарабхааг̇з ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о бад̣̇умуд̇д̇араб̣уд̣̇д̇хассаад̇иаад̣̇имааха. саавагаа ванажааринод̇и бхаг̇авад̇о вуд̇д̇аважанам̣ саммаа аад̣̇арзна сун̣анд̇ийд̇и саавагаа, ат̇а ваа бхаг̇авад̇о д̣̇зсанаанусаарзна н̃аан̣ам̣ бзсзд̇ваа сад̣̇д̇хаммам̣ сун̣анд̇ийд̇и саавагаа. ванажаарино ванз вижаран̣агаа саавагаа виббанадтаа маг̇г̇амуул̣хаа махаааран̃н̃з анд̇хаава жагкувирахид̇аава анусуяяарз вижаранд̇ийд̇и самб̣анд̇хо. сзсам̣ саб̣б̣ад̇т̇а уд̇д̇аанамзваад̇и.
66. So aparabhāge attano pubbakammaṃ saritvā somanassajāto pubbacaritāpadānaṃ pakāsento padumuttarabuddhassātiādimāha. Sāvakā vanacārinoti bhagavato vuttavacanaṃ sammā ādarena suṇantīti sāvakā, atha vā bhagavato desanānusārena ñāṇaṃ pesetvā saddhammaṃ suṇantīti sāvakā. Vanacārino vane vicaraṇakā sāvakā vippanaṭṭhā maggamūḷhā mahāaraññe andhāva cakkhuvirahitāva anusuyyare vicarantīti sambandho. Sesaṃ sabbattha uttānamevāti.
маг̇г̇асан̃н̃агад̇т̇зраабад̣̇аанаван̣н̣анаа самад̇д̇аа.
Maggasaññakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 8. маг̇г̇асан̃н̃агад̇т̇зраабад̣̇аанам̣ • 8. Maggasaññakattheraapadānaṃ
