| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੮. ਮਗ੍ਗਸਞ੍ਞਕਤ੍ਥੇਰਅਪਦਾਨવਣ੍ਣਨਾ
8. Maggasaññakattheraapadānavaṇṇanā
ਪਦੁਮੁਤ੍ਤਰਬੁਦ੍ਧਸ੍ਸਾਤਿਆਦਿਕਂ ਆਯਸ੍ਮਤੋ ਮਗ੍ਗਸਞ੍ਞਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤੋ ਓਰਂ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਹਿਮવਨ੍ਤੇ ਦੇવਪੁਤ੍ਤੋ ਹੁਤ੍વਾ ਨਿਬ੍ਬਤ੍ਤੋ ਅਰਞ੍ਞਂ ਗਨ੍ਤ੍વਾ ਮਗ੍ਗਮੂਲ਼੍ਹਾਨਂ ਮਗ੍ਗਂ ਗવੇਸਨ੍ਤਾਨਂ ਤਸ੍ਸ ਸਾવਕਾਨਂ ਭੋਜੇਤ੍વਾ ਮਗ੍ਗਂ ਆਚਿਕ੍ਖਿ। ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸਸਮ੍ਪਤ੍ਤਿਮਨੁਭવਿਤ੍વਾ ਉਪ੍ਪਨ੍ਨੁਪ੍ਪਨ੍ਨਭવੇ ਸਬ੍ਬਤ੍ਥ ਅਮੂਲ਼੍ਹੋ ਸਞ੍ਞવਾ ਅਹੋਸਿ। ਅਥ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਘਰਾવਾਸੇ ਅਨਲ੍ਲੀਨੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Padumuttarabuddhassātiādikaṃ āyasmato maggasaññakattherassa apadānaṃ. Ayampi purimabuddhesu katādhikāro tato oraṃ tattha tattha bhave vivaṭṭūpanissayāni puññāni upacinanto padumuttarassa bhagavato kāle himavante devaputto hutvā nibbatto araññaṃ gantvā maggamūḷhānaṃ maggaṃ gavesantānaṃ tassa sāvakānaṃ bhojetvā maggaṃ ācikkhi. So tena puññena devamanussasampattimanubhavitvā uppannuppannabhave sabbattha amūḷho saññavā ahosi. Atha imasmiṃ buddhuppāde kulagehe nibbatto viññutaṃ patto gharāvāse anallīno pabbajitvā nacirasseva arahā ahosi.
੬੬. ਸੋ ਅਪਰਭਾਗੇ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪਦੁਮੁਤ੍ਤਰਬੁਦ੍ਧਸ੍ਸਾਤਿਆਦਿਮਾਹ। ਸਾવਕਾ વਨਚਾਰਿਨੋਤਿ ਭਗવਤੋ વੁਤ੍ਤવਚਨਂ ਸਮ੍ਮਾ ਆਦਰੇਨ ਸੁਣਨ੍ਤੀਤਿ ਸਾવਕਾ, ਅਥ વਾ ਭਗવਤੋ ਦੇਸਨਾਨੁਸਾਰੇਨ ਞਾਣਂ ਪੇਸੇਤ੍વਾ ਸਦ੍ਧਮ੍ਮਂ ਸੁਣਨ੍ਤੀਤਿ ਸਾવਕਾ। વਨਚਾਰਿਨੋ વਨੇ વਿਚਰਣਕਾ ਸਾવਕਾ વਿਪ੍ਪਨਟ੍ਠਾ ਮਗ੍ਗਮੂਲ਼੍ਹਾ ਮਹਾਅਰਞ੍ਞੇ ਅਨ੍ਧਾવ ਚਕ੍ਖੁવਿਰਹਿਤਾવ ਅਨੁਸੁਯ੍ਯਰੇ વਿਚਰਨ੍ਤੀਤਿ ਸਮ੍ਬਨ੍ਧੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
66. So aparabhāge attano pubbakammaṃ saritvā somanassajāto pubbacaritāpadānaṃ pakāsento padumuttarabuddhassātiādimāha. Sāvakā vanacārinoti bhagavato vuttavacanaṃ sammā ādarena suṇantīti sāvakā, atha vā bhagavato desanānusārena ñāṇaṃ pesetvā saddhammaṃ suṇantīti sāvakā. Vanacārino vane vicaraṇakā sāvakā vippanaṭṭhā maggamūḷhā mahāaraññe andhāva cakkhuvirahitāva anusuyyare vicarantīti sambandho. Sesaṃ sabbattha uttānamevāti.
ਮਗ੍ਗਸਞ੍ਞਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Maggasaññakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੮. ਮਗ੍ਗਸਞ੍ਞਕਤ੍ਥੇਰਅਪਦਾਨਂ • 8. Maggasaññakattheraapadānaṃ
