| Library / Tipiṭaka / д̇ибидага • Tipiṭaka / д̇хаммабад̣̇абаал̣и • Dhammapadapāḷi |
20. маг̇г̇аваг̇г̇о
20. Maggavaggo
273.
273.
маг̇г̇аанадтан̇г̇иго сздто, сажжаанам̣ жад̇уро бад̣̇аа;
Maggānaṭṭhaṅgiko seṭṭho, saccānaṃ caturo padā;
вирааг̇о сздто д̇хаммаанам̣, д̣̇вибад̣̇аанан̃жа жагкумаа.
Virāgo seṭṭho dhammānaṃ, dvipadānañca cakkhumā.
274.
274.
зсзва 1 маг̇г̇о над̇т̇ан̃н̃о, д̣̇ассанасса висуд̣̇д̇хияаа;
Eseva 2 maggo natthañño, dassanassa visuddhiyā;
зд̇ан̃хи д̇умхз бадибаж̇ж̇ат̇а, маарассзд̇ам̣ бамоханам̣.
Etañhi tumhe paṭipajjatha, mārassetaṃ pamohanaṃ.
275.
275.
зд̇ан̃хи д̇умхз бадибаннаа, д̣̇угкассанд̇ам̣ гариссат̇а;
Etañhi tumhe paṭipannā, dukkhassantaṃ karissatha;
276.
276.
д̇умхзхи гижжамаад̇аббам̣, агкаад̇ааро д̇ат̇ааг̇ад̇аа;
Tumhehi kiccamātappaṃ, akkhātāro tathāgatā;
бадибаннаа бамогканд̇и, жхааяино маараб̣анд̇ханаа.
Paṭipannā pamokkhanti, jhāyino mārabandhanā.
277.
277.
‘‘саб̣б̣з сан̇каараа анижжаа’’д̇и, яад̣̇аа бан̃н̃ааяа бассад̇и;
‘‘Sabbe saṅkhārā aniccā’’ti, yadā paññāya passati;
ат̇а ниб̣б̣инд̣̇ад̇и д̣̇угкз, зса маг̇г̇о висуд̣̇д̇хияаа.
Atha nibbindati dukkhe, esa maggo visuddhiyā.
278.
278.
‘‘саб̣б̣з сан̇каараа д̣̇угкаа’’д̇и, яад̣̇аа бан̃н̃ааяа бассад̇и;
‘‘Sabbe saṅkhārā dukkhā’’ti, yadā paññāya passati;
ат̇а ниб̣б̣инд̣̇ад̇и д̣̇угкз, зса маг̇г̇о висуд̣̇д̇хияаа.
Atha nibbindati dukkhe, esa maggo visuddhiyā.
279.
279.
‘‘саб̣б̣з д̇хаммаа анад̇д̇аа’’д̇и, яад̣̇аа бан̃н̃ааяа бассад̇и;
‘‘Sabbe dhammā anattā’’ti, yadā paññāya passati;
ат̇а ниб̣б̣инд̣̇ад̇и д̣̇угкз, зса маг̇г̇о висуд̣̇д̇хияаа.
Atha nibbindati dukkhe, esa maggo visuddhiyā.
280.
280.
удтаанагааламхи анудтахаано, яуваа б̣алий ааласияам̣ убзд̇о;
Uṭṭhānakālamhi anuṭṭhahāno, yuvā balī ālasiyaṃ upeto;
сам̣саннасан̇габбамано 7 гусийд̇о, бан̃н̃ааяа маг̇г̇ам̣ аласо на винд̣̇ад̇и.
Saṃsannasaṅkappamano 8 kusīto, paññāya maggaṃ alaso na vindati.
281.
281.
ваажаанурагкий манасаа сусам̣вуд̇о, гааязна жа наагусалам̣ гаяираа 9;
Vācānurakkhī manasā susaṃvuto, kāyena ca nākusalaṃ kayirā 10;
зд̇з д̇аяо гаммабат̇з висод̇хаяз, аараад̇хаяз маг̇г̇амисиббавзд̣̇ид̇ам̣.
Ete tayo kammapathe visodhaye, ārādhaye maggamisippaveditaṃ.
282.
282.
яог̇аа вз ж̇ааяад̇ий 11 бхуури, аяог̇аа бхуурисан̇каяо;
Yogā ve jāyatī 12 bhūri, ayogā bhūrisaṅkhayo;
зд̇ам̣ д̣̇взд̇хаабат̇ам̣ н̃ад̇ваа, бхавааяа вибхавааяа жа;
Etaṃ dvedhāpathaṃ ñatvā, bhavāya vibhavāya ca;
д̇ат̇аад̇д̇аанам̣ нивзсзяяа, яат̇аа бхуури бавад̣дхад̇и.
Tathāttānaṃ niveseyya, yathā bhūri pavaḍḍhati.
283.
283.
ванам̣ чинд̣̇ат̇а маа ругкам̣, ванад̇о ж̇ааяад̇з бхаяам̣;
Vanaṃ chindatha mā rukkhaṃ, vanato jāyate bhayaṃ;
чзд̇ваа ванан̃жа ванат̇ан̃жа, ниб̣б̣анаа хот̇а бхигкаво.
Chetvā vanañca vanathañca, nibbanā hotha bhikkhavo.
284.
284.
яаава хи ванат̇о на чиж̇ж̇ад̇и, ан̣умад̇д̇оби нарасса наарису;
Yāva hi vanatho na chijjati, aṇumattopi narassa nārisu;
285.
285.
ужчинд̣̇а синзхамад̇д̇ано гумуд̣̇ам̣ саарад̣̇игам̣ва 17;
Ucchinda sinehamattano kumudaṃ sāradikaṃva 18;
санд̇имаг̇г̇амзва б̣руухаяа, ниб̣б̣аанам̣ суг̇ад̇зна д̣̇зсид̇ам̣.
Santimaggameva brūhaya, nibbānaṃ sugatena desitaṃ.
286.
286.
ид̇ха вассам̣ васиссаами, ид̇ха хзманд̇аг̇имхису;
Idha vassaṃ vasissāmi, idha hemantagimhisu;
ид̇и б̣аало вижинд̇зд̇и, анд̇арааяам̣ на б̣уж̇жхад̇и.
Iti bālo vicinteti, antarāyaṃ na bujjhati.
287.
287.
д̇ам̣ буд̇д̇абасусаммад̇д̇ам̣, б̣яаасад̇д̇аманасам̣ нарам̣;
Taṃ puttapasusammattaṃ, byāsattamanasaṃ naraṃ;
суд̇д̇ам̣ г̇аамам̣ махогхова, мажжу аад̣̇ааяа г̇ажчад̇и.
Suttaṃ gāmaṃ mahoghova, maccu ādāya gacchati.
288.
288.
на санд̇и буд̇д̇аа д̇аан̣ааяа, на бид̇аа нааби б̣анд̇хаваа;
Na santi puttā tāṇāya, na pitā nāpi bandhavā;
анд̇агзнаад̇хибаннасса, над̇т̇и н̃аад̇ийсу д̇аан̣ад̇аа.
Antakenādhipannassa, natthi ñātīsu tāṇatā.
289.
289.
зд̇амад̇т̇авасам̣ н̃ад̇ваа, бан̣д̣ид̇о сийласам̣вуд̇о;
Etamatthavasaṃ ñatvā, paṇḍito sīlasaṃvuto;
ниб̣б̣аанаг̇аманам̣ маг̇г̇ам̣, киббамзва висод̇хаяз.
Nibbānagamanaṃ maggaṃ, khippameva visodhaye.
маг̇г̇аваг̇г̇о вийсад̇имо нидтид̇о.
Maggavaggo vīsatimo niṭṭhito.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / д̇хаммабад̣̇а-адтагат̇аа • Dhammapada-aṭṭhakathā / 20. маг̇г̇аваг̇г̇о • 20. Maggavaggo
