| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
3. магхад̣̇звасуд̇д̇аван̣н̣анаа
3. Maghadevasuttavaṇṇanā
308. звам̣ мз суд̇анд̇и магхад̣̇звасуд̇д̇ам̣. д̇ад̇т̇а магхад̣̇зваамб̣аванзд̇и буб̣б̣з магхад̣̇зво наама рааж̇аа д̇ам̣ амб̣аванам̣ робзси. д̇зсу ругкзсу балуж̇ж̇амаанзсу абарабхааг̇з ан̃н̃зби рааж̇аано робзсум̣язва. д̇ам̣ бана батамавохааравасзна магхад̣̇звамб̣авананд̇зва сан̇кам̣ г̇ад̇ам̣. сид̇ам̣ баад̇ваагаасийд̇и сааяанхасамаяз вихааражааригам̣ жарамаано раман̣ийяам̣ бхуумибхааг̇ам̣ д̣̇исваа – ‘‘васид̇абуб̣б̣ам̣ ну ко мз имасмим̣ огаасз’’д̇и ааваж̇ж̇анд̇о – ‘‘буб̣б̣з ахам̣ магхад̣̇зво наама рааж̇аа худ̇ваа имам̣ амб̣аванам̣ робзсим̣, зд̇т̇зва баб̣б̣аж̇ид̇ваа жад̇д̇ааро б̣рахмавихаарз бхаавзд̇ваа б̣рахмалогз ниб̣б̣ад̇д̇им̣. д̇ам̣ ко банзд̇ам̣ гааран̣ам̣ бхигкусан̇гхасса абаагадам̣, баагадам̣ гариссаамий’’д̇и аг̇г̇аг̇г̇ад̣̇анд̇з д̣̇ассзнд̇о сид̇ам̣ баад̇у агааси.
308.Evaṃme sutanti maghadevasuttaṃ. Tattha maghadevaambavaneti pubbe maghadevo nāma rājā taṃ ambavanaṃ ropesi. Tesu rukkhesu palujjamānesu aparabhāge aññepi rājāno ropesuṃyeva. Taṃ pana paṭhamavohāravasena maghadevambavananteva saṅkhaṃ gataṃ. Sitaṃ pātvākāsīti sāyanhasamaye vihāracārikaṃ caramāno ramaṇīyaṃ bhūmibhāgaṃ disvā – ‘‘vasitapubbaṃ nu kho me imasmiṃ okāse’’ti āvajjanto – ‘‘pubbe ahaṃ maghadevo nāma rājā hutvā imaṃ ambavanaṃ ropesiṃ, ettheva pabbajitvā cattāro brahmavihāre bhāvetvā brahmaloke nibbattiṃ. Taṃ kho panetaṃ kāraṇaṃ bhikkhusaṅghassa apākaṭaṃ, pākaṭaṃ karissāmī’’ti aggaggadante dassento sitaṃ pātu akāsi.
д̇хаммо асса ад̇т̇ийд̇и д̇хаммиго. д̇хаммзна рааж̇аа ж̇аад̇од̇и д̇хаммарааж̇аа. д̇хаммз тид̇од̇и д̣̇асагусалагаммабат̇ад̇хаммз тид̇о. д̇хаммам̣ жарад̇ийд̇и самам̣ жарад̇и . д̇ад̇ра б̣раахман̣аг̇ахабад̇игзсууд̇и яоби со буб̣б̣арааж̇уухи б̣раахман̣аанам̣ д̣̇иннабарихааро, д̇ам̣ ахаабзд̇ваа багад̇инияаамзнзва ад̣̇ааси, д̇ат̇аа г̇ахабад̇игаанам̣. д̇ам̣ санд̇хааязд̇ам̣ вуд̇д̇ам̣. багкассаад̇и иминаа баадихааригабагкоби сан̇г̇ахид̇о. адтамийубосат̇асса хи бажжуг̇г̇аманаануг̇г̇аманавасзна сад̇д̇амияан̃жа навамияан̃жа, жаад̇уд̣̇д̣̇асабаннарасаанам̣ бажжуг̇г̇аманаануг̇г̇аманавасзна д̇зрасияан̃жа баадибад̣̇з жаад̇и имз д̣̇ивасаа баадихааригабагкаад̇и взд̣̇ид̇аб̣б̣аа. д̇зсуби убосат̇ам̣ убаваси.
Dhammo assa atthīti dhammiko. Dhammena rājā jātoti dhammarājā. Dhamme ṭhitoti dasakusalakammapathadhamme ṭhito. Dhammaṃ caratīti samaṃ carati . Tatra brāhmaṇagahapatikesūti yopi so pubbarājūhi brāhmaṇānaṃ dinnaparihāro, taṃ ahāpetvā pakatiniyāmeneva adāsi, tathā gahapatikānaṃ. Taṃ sandhāyetaṃ vuttaṃ. Pakkhassāti iminā pāṭihārikapakkhopi saṅgahito. Aṭṭhamīuposathassa hi paccuggamanānuggamanavasena sattamiyañca navamiyañca, cātuddasapannarasānaṃ paccuggamanānuggamanavasena terasiyañca pāṭipade cāti ime divasā pāṭihārikapakkhāti veditabbā. Tesupi uposathaṃ upavasi.
309. д̣̇звад̣̇ууд̇аад̇и д̣̇звод̇и мажжу, д̇асса д̣̇ууд̇аад̇и д̣̇звад̣̇ууд̇аа. сирасмин̃хи балид̇зсу баад̇убхууд̇зсу мажжурааж̇асса санд̇игз тид̇о вияа ход̇и, д̇асмаа балид̇аани мажжуд̣̇звасса д̣̇ууд̇аад̇и вужжанд̇и. д̣̇зваа вияа д̣̇ууд̇аад̇иби д̣̇звад̣̇ууд̇аа. яат̇аа хи алан̇гад̇абадияад̇д̇ааяа д̣̇звад̇ааяа аагаасз тад̇ваа ‘‘асугад̣̇ивасз мариссад̇ий’’д̇и вуд̇д̇з д̇ам̣ д̇ат̇зва ход̇и, звам̣ сирасмим̣ балид̇зсу баад̇убхууд̇зсу д̣̇звад̇ааб̣яаагаран̣асад̣̇исамзва ход̇и. д̇асмаа балид̇аани д̣̇звасад̣̇исаа д̣̇ууд̇аад̇и вужжанд̇и. висуд̣̇д̇хид̣̇зваанам̣ д̣̇ууд̇аад̇иби д̣̇звад̣̇ууд̇аа. саб̣б̣аб̣од̇хисад̇д̇аа хи ж̇ин̣н̣аб̣яаад̇хид̇амад̇абаб̣б̣аж̇ид̇з д̣̇исваава сам̣взг̇амаабаж̇ж̇ид̇ваа нигкамма баб̣б̣аж̇анд̇и. яат̇ааха –
309.Devadūtāti devoti maccu, tassa dūtāti devadūtā. Sirasmiñhi palitesu pātubhūtesu maccurājassa santike ṭhito viya hoti, tasmā palitāni maccudevassa dūtāti vuccanti. Devā viya dūtātipi devadūtā. Yathā hi alaṅkatapaṭiyattāya devatāya ākāse ṭhatvā ‘‘asukadivase marissatī’’ti vutte taṃ tatheva hoti, evaṃ sirasmiṃ palitesu pātubhūtesu devatābyākaraṇasadisameva hoti. Tasmā palitāni devasadisā dūtāti vuccanti. Visuddhidevānaṃ dūtātipi devadūtā. Sabbabodhisattā hi jiṇṇabyādhitamatapabbajite disvāva saṃvegamāpajjitvā nikkhamma pabbajanti. Yathāha –
‘‘ж̇ин̣н̣ан̃жа д̣̇исваа д̣̇укид̇ан̃жа б̣яаад̇хид̇ам̣,
‘‘Jiṇṇañca disvā dukhitañca byādhitaṃ,
мад̇ан̃жа д̣̇исваа г̇ад̇амааяусан̇каяам̣;
Matañca disvā gatamāyusaṅkhayaṃ;
гаасааяавад̇т̇ам̣ баб̣б̣аж̇ид̇ан̃жа д̣̇исваа,
Kāsāyavatthaṃ pabbajitañca disvā,
д̇асмаа ахам̣ баб̣б̣аж̇ид̇омхи рааж̇аа’’д̇и.
Tasmā ahaṃ pabbajitomhi rājā’’ti.
иминаа барияааязна балид̇аани висуд̣̇д̇хид̣̇зваанам̣ д̣̇ууд̇ад̇д̇аа д̣̇звад̣̇ууд̇аад̇и вужжанд̇и.
Iminā pariyāyena palitāni visuddhidevānaṃ dūtattā devadūtāti vuccanti.
габбагасса г̇аамаварам̣ д̣̇ад̇ваад̇и сад̇асахассудтаанагам̣ ж̇здтагаг̇аамам̣ д̣̇ад̇ваа. гасмаа ад̣̇ааси? сам̣виг̇г̇амаанасад̇д̇аа. д̇асса хи ан̃ж̇алисмим̣ табид̇аани балид̇аани д̣̇исваава сам̣взг̇о уббаж̇ж̇ад̇и. ан̃н̃аани жад̇ураасийд̇ивассасахассаани ааяу ад̇т̇и, звам̣ санд̇зби мажжурааж̇асса санд̇игз тид̇ам̣ вияа ад̇д̇аанам̣ ман̃н̃амаано сам̣виг̇г̇о баб̣б̣аж̇ж̇ам̣ рожзд̇и. д̇зна вуд̇д̇ам̣ –
Kappakassa gāmavaraṃ datvāti satasahassuṭṭhānakaṃ jeṭṭhakagāmaṃ datvā. Kasmā adāsi? Saṃviggamānasattā. Tassa hi añjalismiṃ ṭhapitāni palitāni disvāva saṃvego uppajjati. Aññāni caturāsītivassasahassāni āyu atthi, evaṃ santepi maccurājassa santike ṭhitaṃ viya attānaṃ maññamāno saṃviggo pabbajjaṃ roceti. Tena vuttaṃ –
‘‘сирз д̣̇исваана балид̇ам̣, магхад̣̇зво д̣̇исамбад̇и;
‘‘Sire disvāna palitaṃ, maghadevo disampati;
сам̣взг̇ам̣ алабхий д̇хийро, баб̣б̣аж̇ж̇ам̣ самарожаяий’’д̇и.
Saṃvegaṃ alabhī dhīro, pabbajjaṃ samarocayī’’ti.
абарамби вуд̇д̇ам̣ –
Aparampi vuttaṃ –
‘‘уд̇д̇аман̇г̇арухаа маяхам̣, имз ж̇аад̇аа ваяохараа;
‘‘Uttamaṅgaruhā mayhaṃ, ime jātā vayoharā;
баад̇убхууд̇аа д̣̇звад̣̇ууд̇аа, баб̣б̣аж̇ж̇аасамаяо мамаа’’д̇и.
Pātubhūtā devadūtā, pabbajjāsamayo mamā’’ti.
бурисаяуг̇зд̇и вам̣сасамбхавз бурисз. гзсамассум̣ охаарзд̇ваад̇и д̇аабасабаб̣б̣аж̇ж̇ам̣ баб̣б̣аж̇анд̇ааби хи батамам̣ гзсамассум̣ охаарзд̇ваа баб̣б̣аж̇анд̇и, д̇ад̇о бадтааяа вад̣дхид̇з гзсз б̣анд̇хид̇ваа ж̇адаагалаабад̇хараа худ̇ваа вижаранд̇и. б̣од̇хисад̇д̇оби д̇аабасабаб̣б̣аж̇ж̇ам̣ баб̣б̣аж̇и. баб̣б̣аж̇ид̇о бана анзсанам̣ анануяун̃ж̇ид̇ваа рааж̇аг̇зхад̇о аахадабхигкааяа яаабзнд̇о б̣рахмавихаарам̣ бхаавзси. д̇асмаа со мзд̇д̇аасахаг̇ад̇знаад̇иаад̣̇и вуд̇д̇ам̣.
Purisayugeti vaṃsasambhave purise. Kesamassuṃ ohāretvāti tāpasapabbajjaṃ pabbajantāpi hi paṭhamaṃ kesamassuṃ ohāretvā pabbajanti, tato paṭṭhāya vaḍḍhite kese bandhitvā jaṭākalāpadharā hutvā vicaranti. Bodhisattopi tāpasapabbajjaṃ pabbaji. Pabbajito pana anesanaṃ ananuyuñjitvā rājagehato āhaṭabhikkhāya yāpento brahmavihāraṃ bhāvesi. Tasmā so mettāsahagatenātiādi vuttaṃ.
гумаарагийл̣ид̇ам̣ гийл̣ийд̇и ан̇гзна ан̇гам̣ барихарияамаано гийл̣и. маалаагалаабам̣ вияа хи нам̣ угкибид̇ваава вижарим̣су. ран̃н̃о магхад̣̇звасса буд̇д̇о…бз… баб̣б̣аж̇ийд̇и имасса баб̣б̣аж̇ид̇ад̣̇ивасз бан̃жа ман̇г̇алаани ахзсум̣. магхад̣̇зваран̃н̃о мад̇агабхад̇д̇ам̣, д̇асса ран̃н̃о баб̣б̣аж̇ид̇аман̇г̇алам̣, д̇асса буд̇д̇асса чад̇д̇уссаабанаман̇г̇алам̣, д̇асса буд̇д̇асса убараж̇ж̇аман̇г̇алам̣, д̇асса буд̇д̇асса наамагаран̣аман̇г̇аланд̇и згасмим̣язва самаяз бан̃жа ман̇г̇алаани ахзсум̣, сагалаж̇амб̣уд̣̇ийбад̇алз уннан̇г̇аламахоси.
Kumārakīḷitaṃ kīḷīti aṅkena aṅkaṃ parihariyamāno kīḷi. Mālākalāpaṃ viya hi naṃ ukkhipitvāva vicariṃsu. Rañño maghadevassa putto…pe… pabbajīti imassa pabbajitadivase pañca maṅgalāni ahesuṃ. Maghadevarañño matakabhattaṃ, tassa rañño pabbajitamaṅgalaṃ, tassa puttassa chattussāpanamaṅgalaṃ, tassa puttassa uparajjamaṅgalaṃ, tassa puttassa nāmakaraṇamaṅgalanti ekasmiṃyeva samaye pañca maṅgalāni ahesuṃ, sakalajambudīpatale unnaṅgalamahosi.
311. буд̇д̇абабуд̇д̇агаад̇и буд̇д̇аа жа буд̇д̇абуд̇д̇аа жаад̇и звам̣ бавад̇д̇аа д̇асса барамбараа. бажчимаго ахосийд̇и баб̣б̣аж̇ж̇аабажчимаго ахоси. б̣од̇хисад̇д̇о гира б̣рахмалогз ниб̣б̣ад̇д̇о – ‘‘бавад̇д̇ад̇и ну ко д̇ам̣ маяаа мануссалогз нихад̇ам̣ галяаан̣авад̇д̇а’’нд̇и ааваж̇ж̇анд̇о ад̣̇д̣̇аса – ‘‘зд̇д̇агам̣ ад̣̇д̇хаанам̣ бавад̇д̇ад̇и, ид̣̇аани на бавад̇д̇иссад̇ий’’д̇и. на ко банаахам̣ маяхам̣ бавзн̣ияаа ужчиж̇ж̇ид̇ум̣ д̣̇ассаамийд̇и ад̇д̇ано вам̣сз ж̇аад̇аран̃н̃оязва аг̇г̇амахзсияаа гужчисмим̣ бадисанд̇хим̣ г̇ахзд̇ваа ад̇д̇ано вам̣сасса нзмим̣ гхадзнд̇о вияа ниб̣б̣ад̇д̇о, д̇знзвасса нимийд̇и наамам̣ ахоси. ид̇и со баб̣б̣аж̇ид̇арааж̇уунам̣ саб̣б̣абажчимаго худ̇ваа баб̣б̣аж̇ид̇од̇и баб̣б̣аж̇ж̇аабажчимаго ахоси. г̇ун̣зхи бана ад̇ирзгад̇аро. д̇асса хи саб̣б̣арааж̇уухи ад̇ирзгад̇араа д̣̇вз г̇ун̣аа ахзсум̣ . жад̇уусу д̣̇ваарзсу сад̇асахассам̣ сад̇асахассам̣ виссаж̇ж̇зд̇ваа д̣̇звасигам̣ д̣̇аанам̣ ад̣̇ааси, анубосат̇игасса жа д̣̇ассанам̣ ниваарзси. анубосат̇игзсу хи рааж̇аанам̣ бассиссаамаад̇и г̇ад̇зсу д̣̇оваариго бужчад̇и ‘‘д̇умхз убосат̇игаа но ваа’’д̇и. яз анубосат̇игаа хонд̇и, д̇з ниваарзд̇и ‘‘анубосат̇игаанам̣ рааж̇аа д̣̇ассанам̣ на д̣̇зд̇ий’’д̇и. ‘‘маяам̣ ж̇анабад̣̇аваасино гаалз бхож̇анам̣ гухим̣ лабхиссаамаа’’д̇иби д̇ад̇т̇а важаногаасо над̇т̇и. жад̇уусу хи д̣̇ваарзсу рааж̇ан̇г̇ан̣з жа анзгаани бхад̇д̇ажаадисахассаани бадияад̇д̇аанзва хонд̇и. д̇асмаа махааж̇ано ижчид̇ижчид̇адтаанз массум̣ гаарзд̇ваа нхааяид̇ваа вад̇т̇аани баривад̇д̇зд̇ваа яат̇ааружид̇ам̣ бхож̇анам̣ бхун̃ж̇ид̇ваа убосат̇ан̇г̇аани ад̇хидтааяа ран̃н̃о г̇зхад̣̇ваарам̣ г̇ажчад̇и. д̣̇овааригзна ‘‘убосат̇игаа д̇умхз’’д̇и бужчид̇абужчид̇аа ‘‘аама аамаа’’д̇и вад̣̇анд̇и. д̇зна хи ааг̇ажчат̇аад̇и бавзсзд̇ваа ран̃н̃о д̣̇ассзд̇и. ид̇и имзхи д̣̇вийхи г̇ун̣зхи ад̇ирзгад̇аро ахоси.
311.Puttapaputtakāti puttā ca puttaputtā cāti evaṃ pavattā tassa paramparā. Pacchimako ahosīti pabbajjāpacchimako ahosi. Bodhisatto kira brahmaloke nibbatto – ‘‘pavattati nu kho taṃ mayā manussaloke nihataṃ kalyāṇavatta’’nti āvajjanto addasa – ‘‘ettakaṃ addhānaṃ pavattati, idāni na pavattissatī’’ti. Na kho panāhaṃ mayhaṃ paveṇiyā ucchijjituṃ dassāmīti attano vaṃse jātaraññoyeva aggamahesiyā kucchismiṃ paṭisandhiṃ gahetvā attano vaṃsassa nemiṃ ghaṭento viya nibbatto, tenevassa nimīti nāmaṃ ahosi. Iti so pabbajitarājūnaṃ sabbapacchimako hutvā pabbajitoti pabbajjāpacchimako ahosi. Guṇehi pana atirekataro. Tassa hi sabbarājūhi atirekatarā dve guṇā ahesuṃ . Catūsu dvāresu satasahassaṃ satasahassaṃ vissajjetvā devasikaṃ dānaṃ adāsi, anuposathikassa ca dassanaṃ nivāresi. Anuposathikesu hi rājānaṃ passissāmāti gatesu dovāriko pucchati ‘‘tumhe uposathikā no vā’’ti. Ye anuposathikā honti, te nivāreti ‘‘anuposathikānaṃ rājā dassanaṃ na detī’’ti. ‘‘Mayaṃ janapadavāsino kāle bhojanaṃ kuhiṃ labhissāmā’’tipi tattha vacanokāso natthi. Catūsu hi dvāresu rājaṅgaṇe ca anekāni bhattacāṭisahassāni paṭiyattāneva honti. Tasmā mahājano icchiticchitaṭṭhāne massuṃ kāretvā nhāyitvā vatthāni parivattetvā yathārucitaṃ bhojanaṃ bhuñjitvā uposathaṅgāni adhiṭṭhāya rañño gehadvāraṃ gacchati. Dovārikena ‘‘uposathikā tumhe’’ti pucchitapucchitā ‘‘āma āmā’’ti vadanti. Tena hi āgacchathāti pavesetvā rañño dasseti. Iti imehi dvīhi guṇehi atirekataro ahosi.
312. д̣̇зваанам̣ д̇аавад̇им̣саананд̇и д̇аавад̇им̣сабхаванз ниб̣б̣ад̇д̇ад̣̇зваанам̣. д̇з гира д̣̇зваа вид̣̇зхарадтз мит̇иланаг̇араваасино ран̃н̃о оваад̣̇з тад̇ваа бан̃жа сийлаани рагкид̇ваа убосат̇агаммам̣ гад̇ваа д̇ад̇т̇а ниб̣б̣ад̇д̇аа ран̃н̃о г̇ун̣агат̇ам̣ гат̇знд̇и. д̇з санд̇хааяа вуд̇д̇ам̣ ‘‘д̣̇зваанам̣ д̇аавад̇им̣саана’’нд̇и.
312.Devānaṃ tāvatiṃsānanti tāvatiṃsabhavane nibbattadevānaṃ. Te kira devā videharaṭṭhe mithilanagaravāsino rañño ovāde ṭhatvā pañca sīlāni rakkhitvā uposathakammaṃ katvā tattha nibbattā rañño guṇakathaṃ kathenti. Te sandhāya vuttaṃ ‘‘devānaṃ tāvatiṃsāna’’nti.
нисинно ход̇ийд̇и баасаад̣̇аварасса убариг̇ад̇о д̣̇аанан̃жа сийлан̃жа убабаригкамаано нисинно ход̇и. звам̣ гирасса ахоси – ‘‘д̣̇аанам̣ ну ко маханд̇ам̣ уд̣̇ааху сийлам̣, яад̣̇и д̣̇аанам̣ маханд̇ам̣, аж̇жход̇т̇арид̇ваа д̣̇аанамзва д̣̇ассаами. ат̇а сийлам̣, сийламзва бууриссаамий’’д̇и. д̇асса ‘‘ид̣̇ам̣ маханд̇ам̣ ид̣̇ам̣ маханд̇а’’нд̇и нижчид̇ум̣ асаггонд̇ассзва сагго г̇анд̇ваа бурад̇о баад̇урахоси. д̇зна вуд̇д̇ам̣ ат̇а ко, аананд̣̇а,…бз… саммукз баад̇урахосийд̇и. звам̣ гирасса ахоси – ‘‘ран̃н̃о ган̇каа уббаннаа, д̇асса ган̇кажчзд̣̇анад̇т̇ам̣ бан̃хан̃жа гат̇зссаами, ид̇хааг̇аманад̇т̇ааяа бадин̃н̃ан̃жа г̇ан̣хиссаамий’’д̇и . д̇асмаа г̇анд̇ваа саммукз баад̇урахоси. рааж̇аа ад̣̇идтабуб̣б̣ам̣ руубам̣ д̣̇исваа бхийд̇о ахоси ломахадтаж̇аад̇о. ат̇а нам̣ сагго – ‘‘маа бхааяи, махаарааж̇а, виссад̇т̇о бан̃хам̣ бужча, ган̇кам̣ д̇з бадивинод̣̇зссаамий’’д̇и ааха.
Nisinnohotīti pāsādavarassa uparigato dānañca sīlañca upaparikkhamāno nisinno hoti. Evaṃ kirassa ahosi – ‘‘dānaṃ nu kho mahantaṃ udāhu sīlaṃ, yadi dānaṃ mahantaṃ, ajjhottharitvā dānameva dassāmi. Atha sīlaṃ, sīlameva pūrissāmī’’ti. Tassa ‘‘idaṃ mahantaṃ idaṃ mahanta’’nti nicchituṃ asakkontasseva sakko gantvā purato pāturahosi. Tena vuttaṃ atha kho, ānanda,…pe… sammukhe pāturahosīti. Evaṃ kirassa ahosi – ‘‘rañño kaṅkhā uppannā, tassa kaṅkhacchedanatthaṃ pañhañca kathessāmi, idhāgamanatthāya paṭiññañca gaṇhissāmī’’ti . Tasmā gantvā sammukhe pāturahosi. Rājā adiṭṭhapubbaṃ rūpaṃ disvā bhīto ahosi lomahaṭṭhajāto. Atha naṃ sakko – ‘‘mā bhāyi, mahārāja, vissattho pañhaṃ puccha, kaṅkhaṃ te paṭivinodessāmī’’ti āha.
рааж̇аа –
Rājā –
‘‘бужчаами д̇ам̣ махаарааж̇а, саб̣б̣абхууд̇аанамиссара;
‘‘Pucchāmi taṃ mahārāja, sabbabhūtānamissara;
д̣̇аанам̣ ваа б̣рахмажарияам̣ ваа, гад̇амам̣ су махабпала’’нд̇и. –
Dānaṃ vā brahmacariyaṃ vā, katamaṃ su mahapphala’’nti. –
бан̃хам̣ бужчи. сагго – ‘‘д̣̇аанам̣ наама гим̣, сийламзва г̇ун̣ависидтад̇ааяа маханд̇ам̣. ахан̃хи буб̣б̣з, махаарааж̇а, д̣̇асавассасахассаани д̣̇асаннам̣ ж̇адиласахассаанам̣ д̣̇аанам̣ д̣̇ад̇ваа бзд̇д̇ивисаяад̇о на муд̇д̇о, сийлаванд̇аа бана маяхам̣ д̣̇аанам̣ бхун̃ж̇ид̇ваа б̣рахмалогз ниб̣б̣ад̇д̇аа’’д̇и вад̇ваа имаа г̇аат̇аа авожа –
Pañhaṃ pucchi. Sakko – ‘‘dānaṃ nāma kiṃ, sīlameva guṇavisiṭṭhatāya mahantaṃ. Ahañhi pubbe, mahārāja, dasavassasahassāni dasannaṃ jaṭilasahassānaṃ dānaṃ datvā pettivisayato na mutto, sīlavantā pana mayhaṃ dānaṃ bhuñjitvā brahmaloke nibbattā’’ti vatvā imā gāthā avoca –
‘‘хийнзна б̣рахмажариязна, кад̇д̇ияз убабаж̇ж̇ад̇и;
‘‘Hīnena brahmacariyena, khattiye upapajjati;
маж̇жхимзна жа д̣̇звад̇д̇ам̣, уд̇д̇амзна висуж̇жхад̇и.
Majjhimena ca devattaṃ, uttamena visujjhati.
на хзд̇з сулабхаа гааяаа, яаажаяог̇зна гзнажи;
Na hete sulabhā kāyā, yācayogena kenaci;
яз гааяз убабаж̇ж̇анд̇и, анааг̇аараа д̇абассино’’д̇и. (ж̇аа. 2.22.429-430);
Ye kāye upapajjanti, anāgārā tapassino’’ti. (jā. 2.22.429-430);
звам̣ ран̃н̃о ган̇кам̣ винод̣̇зд̇ваа д̣̇звалогаг̇аманааяа бадин̃н̃ааг̇ахан̣ад̇т̇ам̣ лаабхаа д̇з махаарааж̇аад̇иаад̣̇имааха. д̇ад̇т̇а авигамбамаанод̇и абхааяамаано. ад̇хиваасзсийд̇и ахам̣ махааж̇анам̣ гусалам̣ самаад̣̇абзми, бун̃н̃аванд̇аанам̣ бана васанадтаанам̣ д̣̇исваа ааг̇ад̇зна мануссабат̇з сукам̣ гат̇зд̇ум̣ ход̇ийд̇и ад̇хиваасзси.
Evaṃ rañño kaṅkhaṃ vinodetvā devalokagamanāya paṭiññāgahaṇatthaṃ lābhā te mahārājātiādimāha. Tattha avikampamānoti abhāyamāno. Adhivāsesīti ahaṃ mahājanaṃ kusalaṃ samādapemi, puññavantānaṃ pana vasanaṭṭhānaṃ disvā āgatena manussapathe sukhaṃ kathetuṃ hotīti adhivāsesi.
313. звам̣ бхад̣̇д̣̇анд̇аваад̇и звам̣ ход̇у бхад̣̇д̣̇агам̣ д̇ава важананд̇и вад̇ваа. яож̇зд̇ваад̇и згасмим̣язва яуг̇з сахассаассааж̇аанийяз яож̇зд̇ваа. д̇зсам̣ бана баадиязггам̣ яож̇анагижжам̣ над̇т̇и, манам̣ ааг̇амма яуд̇д̇ааязва хонд̇и. со бана д̣̇иб̣б̣арат̇о д̣̇ияад̣дхаяож̇анасад̇иго ход̇и, над̣̇д̇хид̇о бадтааяа рат̇асийсам̣ бан̃н̃аасаяож̇анаани, агкаб̣анд̇хо бан̣н̣аасаяож̇анаани, агкаб̣анд̇хад̇о бадтааяа бажчаабхааг̇о бан̣н̣аасаяож̇анаани, саб̣б̣о сад̇д̇аван̣н̣арад̇анамаяо. д̣̇звалого наама уд̣̇д̇хам̣, мануссалого ад̇хо, д̇асмаа хздтаамукам̣ рат̇ам̣ бзсзсийд̇и на саллагкзд̇аб̣б̣ам̣. яат̇аа бана багад̇имаг̇г̇ам̣ бзсзд̇и, звамзва мануссаанам̣ сааяамаасабхад̇д̇з нидтид̇з жанд̣̇зна сад̣̇д̇хим̣ яуг̇анад̣̇д̇хам̣ гад̇ваа бзсзси, яамагажанд̣̇аа удтид̇аа вияа ахзсум̣. махааж̇ано д̣̇исваа ‘‘яамагажанд̣̇аа уг̇г̇ад̇аа’’д̇и ааха. ааг̇ажчанд̇з ааг̇ажчанд̇з на яамагажанд̣̇аа, згам̣ вимаанам̣, на вимаанам̣, зго рат̇од̇и. рат̇оби ааг̇ажчанд̇о ааг̇ажчанд̇о багад̇ират̇аббамаан̣ова, ассааби багад̇иассаббамаан̣аава ахзсум̣. звам̣ рат̇ам̣ аахарид̇ваа ран̃н̃о баасаад̣̇ам̣ бад̣̇агкин̣ам̣ гад̇ваа баажийнасийхабан̃ж̇арадтаанз рат̇ам̣ нивад̇д̇зд̇ваа ааг̇ад̇амаг̇г̇аабхимукам̣ гад̇ваа сийхабан̃ж̇арз тад̇ваава аароханасаж̇ж̇ам̣ табзси.
313.Evaṃ bhaddantavāti evaṃ hotu bhaddakaṃ tava vacananti vatvā. Yojetvāti ekasmiṃyeva yuge sahassaassājānīye yojetvā. Tesaṃ pana pāṭiyekkaṃ yojanakiccaṃ natthi, manaṃ āgamma yuttāyeva honti. So pana dibbaratho diyaḍḍhayojanasatiko hoti, naddhito paṭṭhāya rathasīsaṃ paññāsayojanāni, akkhabandho paṇṇāsayojanāni, akkhabandhato paṭṭhāya pacchābhāgo paṇṇāsayojanāni, sabbo sattavaṇṇaratanamayo. Devaloko nāma uddhaṃ, manussaloko adho, tasmā heṭṭhāmukhaṃ rathaṃ pesesīti na sallakkhetabbaṃ. Yathā pana pakatimaggaṃ peseti, evameva manussānaṃ sāyamāsabhatte niṭṭhite candena saddhiṃ yuganaddhaṃ katvā pesesi, yamakacandā uṭṭhitā viya ahesuṃ. Mahājano disvā ‘‘yamakacandā uggatā’’ti āha. Āgacchante āgacchante na yamakacandā, ekaṃ vimānaṃ, na vimānaṃ, eko rathoti. Rathopi āgacchanto āgacchanto pakatirathappamāṇova, assāpi pakatiassappamāṇāva ahesuṃ. Evaṃ rathaṃ āharitvā rañño pāsādaṃ padakkhiṇaṃ katvā pācīnasīhapañjaraṭṭhāne rathaṃ nivattetvā āgatamaggābhimukhaṃ katvā sīhapañjare ṭhatvāva ārohanasajjaṃ ṭhapesi.
абхируха махаарааж̇аад̇и рааж̇аа – ‘‘д̣̇иб̣б̣аяаанам̣ мз лад̣̇д̇ха’’нд̇и на д̇аавад̣̇зва абхирухи, нааг̇араанам̣ бана оваад̣̇ам̣ ад̣̇ааси ‘‘бассат̇а д̇аад̇аа, яам̣ мз саггзна д̣̇зваран̃н̃аа д̣̇иб̣б̣арат̇о бзсид̇о, со жа ко на ж̇аад̇иг̇од̇д̇ам̣ ваа гулаббад̣̇зсам̣ ваа бадижжа бзсид̇о, маяхам̣ бана сийлаажаараг̇ун̣з басийд̣̇ид̇ваа бзсид̇о. сажз д̇умхзби сийлам̣ рагкиссат̇а, д̇умхаагамби бзсзссад̇и, звам̣ рагкид̇ум̣ яуд̇д̇ам̣ наамзд̇ам̣ сийлам̣. наахам̣ д̣̇звалогам̣ г̇анд̇ваа жирааяиссаами, аббамад̇д̇аа хот̇аа’’д̇и махааж̇анам̣ овад̣̇ид̇ваа бан̃жасу сийлзсу бад̇идтаабзд̇ваа рат̇ам̣ абхирухи. д̇ад̇о маад̇али сан̇г̇аахаго ‘‘ахамби махаарааж̇асса мамаанужчавигам̣ гариссаамий’’д̇и аагаасамхи д̣̇вз маг̇г̇з д̣̇ассзд̇ваа абижа махаарааж̇аад̇иаад̣̇имааха.
Abhiruha mahārājāti rājā – ‘‘dibbayānaṃ me laddha’’nti na tāvadeva abhiruhi, nāgarānaṃ pana ovādaṃ adāsi ‘‘passatha tātā, yaṃ me sakkena devaraññā dibbaratho pesito, so ca kho na jātigottaṃ vā kulappadesaṃ vā paṭicca pesito, mayhaṃ pana sīlācāraguṇe pasīditvā pesito. Sace tumhepi sīlaṃ rakkhissatha, tumhākampi pesessati, evaṃ rakkhituṃ yuttaṃ nāmetaṃ sīlaṃ. Nāhaṃ devalokaṃ gantvā cirāyissāmi, appamattā hothā’’ti mahājanaṃ ovaditvā pañcasu sīlesu patiṭṭhāpetvā rathaṃ abhiruhi. Tato mātali saṅgāhako ‘‘ahampi mahārājassa mamānucchavikaṃ karissāmī’’ti ākāsamhi dve magge dassetvā apica mahārājātiādimāha.
д̇ад̇т̇а гад̇амзнаад̇и, махаарааж̇а, имзсу маг̇г̇зсу зго нираяам̣ г̇ажчад̇и, зго д̣̇звалогам̣, д̇зсу д̇ам̣ гад̇амзна нзми. язнаад̇и язна маг̇г̇зна г̇анд̇ваа яад̇т̇а баабагамманд̇аа баабагаанам̣ гаммаанам̣ вибаагам̣ бадисам̣взд̣̇ияанд̇и, д̇ам̣ таанам̣ саггаа ход̇и бассид̇унд̇и ад̇т̇о. д̣̇уд̇ияабад̣̇зби зсзва наяо. ж̇аад̇агзби –
Tattha katamenāti, mahārāja, imesu maggesu eko nirayaṃ gacchati, eko devalokaṃ, tesu taṃ katamena nemi. Yenāti yena maggena gantvā yattha pāpakammantā pāpakānaṃ kammānaṃ vipākaṃ paṭisaṃvediyanti, taṃ ṭhānaṃ sakkā hoti passitunti attho. Dutiyapadepi eseva nayo. Jātakepi –
‘‘гзна д̇ам̣ нзми маг̇г̇зна, рааж̇асздта д̣̇исамбад̇и;
‘‘Kena taṃ nemi maggena, rājaseṭṭha disampati;
язна ваа баабагамманд̇аа, бун̃н̃агаммаа жа яз нараа’’д̇и. (ж̇аа. 2.22.450) –
Yena vā pāpakammantā, puññakammā ca ye narā’’ti. (jā. 2.22.450) –
г̇аат̇ааяа аяамзвад̇т̇о. д̇знзвааха –
Gāthāya ayamevattho. Tenevāha –
‘‘нираяз д̇аава бассаами, ааваасз баабагамминам̣;
‘‘Niraye tāva passāmi, āvāse pāpakamminaṃ;
таанаани луд̣̇д̣̇агаммаанам̣, д̣̇уссийлаанан̃жа яаа г̇ад̇ий’’д̇и. (ж̇аа. 2.22.451);
Ṭhānāni luddakammānaṃ, dussīlānañca yā gatī’’ti. (jā. 2.22.451);
убхаязнзва мам̣ маад̇али нзхийд̇и маад̇али д̣̇вийхи маг̇г̇зхи мам̣ нзхи, ахам̣ нираяам̣ бассид̇угаамо д̣̇звалогамбийд̇и. батамам̣ гад̇амзна нзмийд̇и. батамам̣ нираяамаг̇г̇зна нзхийд̇и. д̇ад̇о маад̇али ад̇д̇ано аанубхаавзна рааж̇аанам̣ бан̃жад̣̇аса махаанираяз д̣̇ассзси. вид̇т̇аарагат̇аа банзд̇т̇а –
Ubhayeneva maṃ mātali nehīti mātali dvīhi maggehi maṃ nehi, ahaṃ nirayaṃ passitukāmo devalokampīti. Paṭhamaṃ katamena nemīti. Paṭhamaṃ nirayamaggena nehīti. Tato mātali attano ānubhāvena rājānaṃ pañcadasa mahāniraye dassesi. Vitthārakathā panettha –
‘‘д̣̇ассзси маад̇али ран̃н̃о, д̣̇уг̇г̇ам̣ взд̇аран̣им̣ над̣̇им̣;
‘‘Dassesi mātali rañño, duggaṃ vetaraṇiṃ nadiṃ;
гут̇ид̇ам̣ каарасам̣яуд̇д̇ам̣, д̇ад̇д̇ам̣ аг̇г̇исикуубама’’нд̇и. (ж̇аа. 2.22.452) –
Kuthitaṃ khārasaṃyuttaṃ, tattaṃ aggisikhūpama’’nti. (jā. 2.22.452) –
ж̇аад̇агз вуд̇д̇анаязна взд̣̇ид̇аб̣б̣аа. нираяам̣ д̣̇ассзд̇ваа рат̇ам̣ нивад̇д̇зд̇ваа д̣̇звалогаабхимукам̣ г̇анд̇ваа б̣ийран̣ийд̣̇звад̇хийд̇ааяа сон̣ад̣̇иннад̣̇звабуд̇д̇асса г̇ан̣ад̣̇звабуд̇д̇аанан̃жа вимаанаани д̣̇ассзнд̇о д̣̇звалогам̣ нзси. д̇ад̇рааби вид̇т̇аарагат̇аа –
Jātake vuttanayena veditabbā. Nirayaṃ dassetvā rathaṃ nivattetvā devalokābhimukhaṃ gantvā bīraṇīdevadhītāya soṇadinnadevaputtassa gaṇadevaputtānañca vimānāni dassento devalokaṃ nesi. Tatrāpi vitthārakathā –
‘‘яад̣̇и д̇з суд̇аа б̣ийран̣ий ж̇ийвалогз,
‘‘Yadi te sutā bīraṇī jīvaloke,
аамааяад̣̇аасий аху б̣раахман̣асса;
Āmāyadāsī ahu brāhmaṇassa;
саа бад̇д̇агаалз ад̇ит̇им̣ вид̣̇ид̇ваа,
Sā pattakāle atithiṃ viditvā,
маад̇аава буд̇д̇ам̣ сагимаабхинанд̣̇ий;
Mātāva puttaṃ sakimābhinandī;
сам̣яамаа сам̣вибхааг̇аа жа,
Saṃyamā saṃvibhāgā ca,
саа вимаанасми мод̣̇ад̇ий’’д̇и. (ж̇аа. 2.22.507) –
Sā vimānasmi modatī’’ti. (jā. 2.22.507) –
ж̇аад̇агз вуд̇д̇анаязнзва взд̣̇ид̇аб̣б̣аа.
Jātake vuttanayeneva veditabbā.
звам̣ г̇ажчад̇о бана д̇асса рат̇анзми ваддияаа жид̇д̇агуудад̣̇ваарагодтагасса уммаарз бахад̇амад̇д̇зва д̣̇званаг̇арз голаахалам̣ ахоси. саггам̣ д̣̇зварааж̇аанам̣ згагам̣язва охааяа д̣̇звасан̇гхо махаасад̇д̇ам̣ бажжуг̇г̇аманамагааси, д̇ам̣ д̣̇звад̇аанам̣ аад̣̇арам̣ д̣̇исваа сагго жид̇д̇ам̣ санд̇хаарзд̇ум̣ асаггонд̇о – ‘‘абхирама, махаарааж̇а, д̣̇звзсу д̣̇зваанубхаавзнаа’’д̇и ааха. звам̣ гирасса ахоси – ‘‘аяам̣ рааж̇аа аж̇ж̇а ааг̇анд̇ваа згад̣̇ивасзнзва д̣̇зваг̇ан̣ам̣ ад̇д̇ано абхимукамагааси. сажз згам̣ д̣̇вз д̣̇ивасз васиссад̇и, на мам̣ д̣̇зваа ологзссанд̇ий’’д̇и. со усууяамаано, ‘‘махаарааж̇а, д̇уяхам̣ имасмим̣ д̣̇звалогз васид̇ум̣ бун̃н̃ам̣ над̇т̇и, ан̃н̃зсам̣ бун̃н̃зна васаахий’’д̇и иминаа ад̇хиббааязна звамааха. б̣од̇хисад̇д̇о – ‘‘наасагки ж̇арасагго манам̣ санд̇хаарзд̇ум̣, барам̣ ниссааяа лад̣̇д̇хам̣ ко бана яаажид̇ваа лад̣̇д̇хабхан̣д̣агам̣ вияа ход̇ий’’д̇и бадигкибанд̇о алам̣ маарисаад̇иаад̣̇имааха. ж̇аад̇агзби вуд̇д̇ам̣ –
Evaṃ gacchato pana tassa rathanemi vaṭṭiyā cittakūṭadvārakoṭṭhakassa ummāre pahatamatteva devanagare kolāhalaṃ ahosi. Sakkaṃ devarājānaṃ ekakaṃyeva ohāya devasaṅgho mahāsattaṃ paccuggamanamakāsi, taṃ devatānaṃ ādaraṃ disvā sakko cittaṃ sandhāretuṃ asakkonto – ‘‘abhirama, mahārāja, devesu devānubhāvenā’’ti āha. Evaṃ kirassa ahosi – ‘‘ayaṃ rājā ajja āgantvā ekadivaseneva devagaṇaṃ attano abhimukhamakāsi. Sace ekaṃ dve divase vasissati, na maṃ devā olokessantī’’ti. So usūyamāno, ‘‘mahārāja, tuyhaṃ imasmiṃ devaloke vasituṃ puññaṃ natthi, aññesaṃ puññena vasāhī’’ti iminā adhippāyena evamāha. Bodhisatto – ‘‘nāsakkhi jarasakko manaṃ sandhāretuṃ, paraṃ nissāya laddhaṃ kho pana yācitvā laddhabhaṇḍakaṃ viya hotī’’ti paṭikkhipanto alaṃ mārisātiādimāha. Jātakepi vuttaṃ –
‘‘яат̇аа яаажид̇агам̣ яаанам̣, яат̇аа яаажид̇агам̣ д̇ханам̣;
‘‘Yathā yācitakaṃ yānaṃ, yathā yācitakaṃ dhanaṃ;
звам̣самбад̣̇амзвз д̇ам̣, яам̣ барад̇о д̣̇аанабажжаяаа;
Evaṃsampadameve taṃ, yaṃ parato dānapaccayā;
на жаахамзд̇амижчаами, яам̣ барад̇о д̣̇аанабажжаяаа’’д̇и. (ж̇аа. 2.22.585-586) –
Na cāhametamicchāmi, yaṃ parato dānapaccayā’’ti. (jā. 2.22.585-586) –
саб̣б̣ам̣ вад̇д̇аб̣б̣ам̣. б̣од̇хисад̇д̇о бана мануссад̇д̇абхаавзна гад̇иваарз д̣̇звалогам̣ г̇ад̇од̇и. жад̇д̇ааро – манд̇хаад̇урааж̇агаалз саад̇хинарааж̇агаалз г̇уд̇д̇илавийн̣ааваад̣̇агагаалз нимимахаарааж̇агаалзд̇и. со манд̇хаад̇угаалз д̣̇звалогз асан̇кязяяам̣ гаалам̣ васи, д̇асмин̃хи васамаанзязва чад̇д̇им̣са саггаа жавим̣су. саад̇хинарааж̇агаалз сад̇д̇аахам̣ васи, мануссаг̇ан̣анааяа сад̇д̇а вассасад̇аани хонд̇и. г̇уд̇д̇илавийн̣ааваад̣̇агагаалз жа нимирааж̇агаалз жа мухуд̇д̇амад̇д̇ам̣ васи, мануссаг̇ан̣анааяа сад̇д̇а д̣̇ивасаани хонд̇и.
Sabbaṃ vattabbaṃ. Bodhisatto pana manussattabhāvena kativāre devalokaṃ gatoti. Cattāro – mandhāturājakāle sādhinarājakāle guttilavīṇāvādakakāle nimimahārājakāleti. So mandhātukāle devaloke asaṅkhyeyyaṃ kālaṃ vasi, tasmiñhi vasamāneyeva chattiṃsa sakkā caviṃsu. Sādhinarājakāle sattāhaṃ vasi, manussagaṇanāya satta vassasatāni honti. Guttilavīṇāvādakakāle ca nimirājakāle ca muhuttamattaṃ vasi, manussagaṇanāya satta divasāni honti.
314. д̇ад̇т̇зва мит̇илам̣ бадинзсийд̇и бадинзд̇ваа багад̇исириг̇аб̣бхзязва бад̇идтаабзси.
314.Tatthevamithilaṃ paṭinesīti paṭinetvā pakatisirigabbheyeva patiṭṭhāpesi.
315. гал̣аараж̇анагод̇и д̇асса наамам̣. гал̣аарад̣̇анд̇ад̇ааяа бана гал̣аараж̇анагод̇и вуд̇д̇о. на со аг̇аарасмаа анаг̇аарияам̣ баб̣б̣аж̇ийд̇и зд̇д̇агамад̇д̇амзва на агааси, сзсам̣ саб̣б̣ам̣ баагад̇игамзва ахоси.
315.Kaḷārajanakoti tassa nāmaṃ. Kaḷāradantatāya pana kaḷārajanakoti vutto. Na so agārasmā anagāriyaṃ pabbajīti ettakamattameva na akāsi, sesaṃ sabbaṃ pākatikameva ahosi.
316. самужчзд̣̇о ход̇ийд̇и зд̇т̇а галяаан̣авад̇д̇ам̣ го самужчинд̣̇ад̇и, гзна самужчиннам̣, го бавад̇д̇зд̇и, гзна бавад̇д̇ид̇ам̣ наама ход̇ийд̇и аяам̣ вибхааг̇о взд̣̇ид̇аб̣б̣о. д̇ад̇т̇а сийлаваа бхигку ‘‘на саггаа маяаа арахад̇д̇ам̣ лад̣̇д̇ху’’нд̇и вийрияам̣ агаронд̇о самужчинд̣̇ад̇и. д̣̇уссийлзна самужчиннам̣ наама ход̇и. сад̇д̇а сзкаа бавад̇д̇знд̇и. кийн̣аасавзна бавад̇д̇ид̇ам̣ наама ход̇и. сзсам̣ саб̣б̣ад̇т̇а уд̇д̇аанамзваад̇и.
316.Samucchedo hotīti ettha kalyāṇavattaṃ ko samucchindati, kena samucchinnaṃ, ko pavatteti, kena pavattitaṃ nāma hotīti ayaṃ vibhāgo veditabbo. Tattha sīlavā bhikkhu ‘‘na sakkā mayā arahattaṃ laddhu’’nti vīriyaṃ akaronto samucchindati. Dussīlena samucchinnaṃ nāma hoti. Satta sekhā pavattenti. Khīṇāsavena pavattitaṃ nāma hoti. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
магхад̣̇звасуд̇д̇аван̣н̣анаа нидтид̇аа.
Maghadevasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 3. магхад̣̇звасуд̇д̇ам̣ • 3. Maghadevasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 3. магхад̣̇звасуд̇д̇аван̣н̣анаа • 3. Maghadevasuttavaṇṇanā
