| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
3. магхад̣̇звасуд̇д̇аван̣н̣анаа
3. Maghadevasuttavaṇṇanā
308. буб̣б̣з магхад̣̇зво наама рааж̇аад̇и ад̇ийд̇агаалз имасмим̣язва габбз анзгавассасахассааяугзсу мануссзсу бадибаадияаа уббаннаанам̣ жад̇ураасийд̇исахассаанам̣ жаггавад̇д̇ирааж̇уунам̣ аад̣̇ибурисо магхад̣̇звод̇и звам̣наамо рааж̇аа.
308.Pubbemaghadevo nāma rājāti atītakāle imasmiṃyeva kappe anekavassasahassāyukesu manussesu paṭipāṭiyā uppannānaṃ caturāsītisahassānaṃ cakkavattirājūnaṃ ādipuriso maghadevoti evaṃnāmo rājā.
д̇хаммод̇и рааж̇ад̇хаммод̇и логигаа вад̣̇анд̇и. махааб̣од̇хинид̇хаанабаарамид̇аасан̇каад̇о бана д̇хаммо ад̇т̇ийд̇и д̇хаммиго. д̇хаммзнаад̇и н̃ааязна. д̇ад̣̇аа б̣рахмавихаараад̣̇ибхааванаад̇хаммасса ран̃н̃о анад̇хиг̇ад̇ад̇д̇аа д̇ассаби ваа анабхиж̇жхаад̣̇ийхи самаанаяог̇агкамад̇д̇аа вуд̇д̇ам̣ ‘‘д̣̇асагусалагаммабат̇з тид̇о’’д̇и. д̇хамманд̇и д̇хаммад̇о анабзд̇ам̣. д̇ат̇аа хи жа со багкабаад̇аабхаавад̇о ‘‘само’’д̇и вужжад̇ийд̇и ааха ‘‘самам̣ жарад̇ий’’д̇и. багад̇инияаамзнзваад̇и бавзн̣ияаа ааг̇ад̇анияаамзнзва. яасмаа ниг̇амаж̇анабад̣̇зсу язбхуяязна г̇ахабад̇ийнам̣ сан̇г̇ахо, д̇асмаа адтагат̇ааяам̣ ‘‘г̇ахабад̇игаана’’нд̇взва вуд̇д̇ам̣. баал̣ияам̣ бана ан̃н̃амзва нааг̇аражаарид̇д̇ам̣, ан̃н̃ам̣ нзг̇амаж̇анабад̣̇ажаарид̇д̇анд̇и д̇з висум̣ г̇ахид̇аа ‘‘нзг̇амзсу жзва ж̇анабад̣̇зсу жаа’’д̇и. бажжуг̇г̇амананиг̇г̇аманавасзна убосат̇асса бадихаран̣ам̣ баадихаарияо, со зва баадихаариго, багко. имз д̣̇ивасаад̇и имз жад̇д̇ааро д̣̇ивасаа.
Dhammoti rājadhammoti lokikā vadanti. Mahābodhinidhānapāramitāsaṅkhāto pana dhammo atthīti dhammiko. Dhammenāti ñāyena. Tadā brahmavihārādibhāvanādhammassa rañño anadhigatattā tassapi vā anabhijjhādīhi samānayogakkhamattā vuttaṃ ‘‘dasakusalakammapathe ṭhito’’ti. Dhammanti dhammato anapetaṃ. Tathā hi ca so pakkhapātābhāvato ‘‘samo’’ti vuccatīti āha ‘‘samaṃ caratī’’ti. Pakatiniyāmenevāti paveṇiyā āgataniyāmeneva. Yasmā nigamajanapadesu yebhuyyena gahapatīnaṃ saṅgaho, tasmā aṭṭhakathāyaṃ ‘‘gahapatikāna’’ntveva vuttaṃ. Pāḷiyaṃ pana aññameva nāgaracārittaṃ, aññaṃ negamajanapadacārittanti te visuṃ gahitā ‘‘negamesu ceva janapadesu cā’’ti. Paccuggamananiggamanavasena uposathassa paṭiharaṇaṃ pāṭihāriyo, so eva pāṭihāriko, pakkho. Ime divasāti ime cattāro divasā.
309. д̣̇звод̇и мажжу абхибхаванадтзна. яат̇аа хи д̣̇зво багад̇исад̇д̇з абхибхавад̇и, звам̣ мажжу сад̇д̇з абхибхавад̇и. ‘‘ахам̣ асугам̣ мад̣̇д̣̇ид̇ум̣ ааг̇амиссаами, д̇вам̣ д̇асса гзсз г̇ахзд̇ваа маа виссаж̇ж̇зхий’’д̇и мажжуд̣̇звасса аан̣аагараа д̣̇ууд̇аа вияаад̇и д̣̇ууд̇аад̇и вужжанд̇и. алан̇гад̇абадияад̇д̇ааяаад̇и ид̣̇ам̣ ад̇д̇ано д̣̇иб̣б̣аанубхаавам̣ аавигад̇ваа тид̇ааяаад̇и д̣̇ассзд̇ум̣ вуд̇д̇ам̣. д̣̇звад̇ааб̣яаагаран̣асад̣̇исамзва ход̇и на жирзнзва маран̣асамбхавад̇о. висуд̣̇д̇хид̣̇зваананд̇и кийн̣аасаваб̣рахмаанам̣. д̇з хи жаримабхавз б̣од̇хисад̇д̇аанам̣ ж̇ин̣н̣аад̣̇игз д̣̇ассзнд̇и.
309.Devoti maccu abhibhavanaṭṭhena. Yathā hi devo pakatisatte abhibhavati, evaṃ maccu satte abhibhavati. ‘‘Ahaṃ asukaṃ maddituṃ āgamissāmi, tvaṃ tassa kese gahetvā mā vissajjehī’’ti maccudevassa āṇākarā dūtā viyāti dūtāti vuccanti. Alaṅkatapaṭiyattāyāti idaṃ attano dibbānubhāvaṃ āvikatvā ṭhitāyāti dassetuṃ vuttaṃ. Devatābyākaraṇasadisameva hoti na cireneva maraṇasambhavato. Visuddhidevānanti khīṇāsavabrahmānaṃ. Te hi carimabhave bodhisattānaṃ jiṇṇādike dassenti.
д̣̇укид̇ан̃жа б̣яаад̇хид̇анд̇и б̣яаад̇хибхаавзна сан̃ж̇аад̇ад̣̇угканд̇и ад̇т̇о. анд̇имабхавигаб̣од̇хисад̇д̇аанам̣ висуд̣̇д̇хид̣̇звзхи убадтаабид̇абхаавам̣ убаад̣̇ааяа д̇ад̣̇ан̃н̃зсам̣ д̇зхи анубадтаабид̇аанамби бан̣д̣ид̇аанам̣ д̇ат̇аа вохарид̇аб̣б̣ад̇аа барияааяасид̣̇д̇хаад̇и ааха ‘‘иминаа барияааязнаа’’д̇и.
Dukhitañca byādhitanti byādhibhāvena sañjātadukkhanti attho. Antimabhavikabodhisattānaṃ visuddhidevehi upaṭṭhāpitabhāvaṃ upādāya tadaññesaṃ tehi anupaṭṭhāpitānampi paṇḍitānaṃ tathā voharitabbatā pariyāyasiddhāti āha ‘‘iminā pariyāyenā’’ti.
д̣̇исамбад̇ийд̇и вибхад̇д̇иалобзна нид̣̇д̣̇зсо, д̣̇исаасийсзна д̣̇зсаа вуд̇д̇аад̇и д̣̇зсаанам̣ ад̇хибад̇ирааж̇аад̇и ад̇т̇о. уд̇д̇аман̇г̇з сираси руханд̇ийд̇и уд̇д̇аман̇г̇арухаа, гзсаа. д̇з банзд̇т̇а яасмаа балид̇ад̇д̇аа ависзсад̇о саб̣б̣абажчимаваяасанд̣̇ассагаа хонд̇и, д̇асмаа ‘‘ваяохараа’’д̇и вуд̇д̇аа.
Disampatīti vibhattialopena niddeso, disāsīsena desā vuttāti desānaṃ adhipatirājāti attho. Uttamaṅge sirasi ruhantīti uttamaṅgaruhā, kesā. Te panettha yasmā palitattā avisesato sabbapacchimavayasandassakā honti, tasmā ‘‘vayoharā’’ti vuttā.
бурисаяуг̇о яасмаа д̇асмим̣ вам̣сз сан̃ж̇аад̇абурисадтид̇ияаа барижчинно, д̇асмаа ааха ‘‘вам̣сасамбхавз бурисз’’д̇и. рааж̇аг̇зхад̇о аахадабхигкааяа яаабзнд̇од̇и иминаа гумаарагабаб̣б̣аж̇ж̇ааяа убаг̇ад̇абхаавам̣ д̣̇ассзд̇и.
Purisayugo yasmā tasmiṃ vaṃse sañjātapurisaṭṭhitiyā paricchinno, tasmā āha ‘‘vaṃsasambhave purise’’ti. Rājagehato āhaṭabhikkhāya yāpentoti iminā kumārakapabbajjāya upagatabhāvaṃ dasseti.
барихарияамаановаад̇и ан̃н̃зна ан̃н̃зна барихарияамаано вияа взлааяа взлааяа д̇зна махад̇аа бариж̇анзна убадтияамаано гумаарагийл̣ам̣ гийл̣ийд̇и ад̇т̇о. гзжи бана ‘‘барихарияамаано зваа’’д̇и авад̇хааран̣авасзна ад̇т̇ам̣ вад̣̇анд̇и, д̇ат̇аа сад̇и жад̇ураасийд̇ивассасахассаани т̇ан̃н̃абааяий д̇арун̣ад̣̇аараго ахосийд̇и аабаж̇ж̇ад̇ийд̇и д̇ад̣̇аяуд̇д̇ам̣. гумаарагаалам̣ вад̇ваа д̇ад̣̇ананд̇арам̣ обараж̇ж̇аважанад̇о вируд̣̇д̇хан̃жзд̇ам̣. (бан̃жаман̇г̇алаважанзна уннан̇г̇аламан̇г̇алаугганд̇анаман̇г̇алагаммахааяаман̇г̇алад̣̇уссаман̇г̇алаани самубаг̇ад̇аани зва ахзсунд̇и д̣̇адтаб̣б̣ам̣).
Parihariyamānovāti aññena aññena parihariyamāno viya velāya velāya tena mahatā parijanena upaṭṭhiyamāno kumārakīḷaṃ kīḷīti attho. Keci pana ‘‘parihariyamāno evā’’ti avadhāraṇavasena atthaṃ vadanti, tathā sati caturāsītivassasahassāni thaññapāyī taruṇadārako ahosīti āpajjatīti tadayuttaṃ. Kumārakālaṃ vatvā tadanantaraṃ oparajjavacanato viruddhañcetaṃ. (Pañcamaṅgalavacanena unnaṅgalamaṅgalaukkantanamaṅgalakammahāyamaṅgaladussamaṅgalāni samupagatāni eva ahesunti daṭṭhabbaṃ).
311. савам̣савасзна ааг̇ад̇аа буд̇д̇анад̇д̇уаад̣̇аяо буд̇д̇аа жа бабуд̇д̇аа жа зд̇иссаад̇и буд̇д̇абабуд̇д̇агаа барамбараа. нихад̇анд̇и нихид̇ам̣ табид̇ам̣, бавад̇д̇ид̇анд̇и ад̇т̇о. нихад̇анд̇и ваа сад̇ад̇ам̣ бад̇идтид̇абхаавзна вал̣ан̃ж̇ид̇анд̇и ад̇т̇о. д̇знааха ‘‘галяаан̣авад̇д̇а’’нд̇и. ад̇ирзгад̇араа д̣̇вз г̇ун̣аад̇и махаасад̇д̇асса магхад̣̇звагаалад̇о ад̇ирзгад̇араа д̣̇вз г̇ун̣аа ид̇арарааж̇уухи бана ад̇ирзгад̇араа анзгасад̇асахассаббабхзд̣̇аа зва г̇ун̣аа ахзсунд̇и.
311. Savaṃsavasena āgatā puttanattuādayo puttā ca paputtā ca etissāti puttapaputtakā paramparā. Nihatanti nihitaṃ ṭhapitaṃ, pavattitanti attho. Nihatanti vā satataṃ patiṭṭhitabhāvena vaḷañjitanti attho. Tenāha ‘‘kalyāṇavatta’’nti. Atirekatarā dve guṇāti mahāsattassa maghadevakālato atirekatarā dve guṇā itararājūhi pana atirekatarā anekasatasahassappabhedā eva guṇā ahesunti.
312. д̇зд̇д̇им̣са сахабун̃н̃агаарино зд̇т̇а ниб̣б̣ад̇д̇аад̇и д̇ам̣сахажарид̇адтаанам̣ д̇зд̇д̇им̣сам̣, д̇ад̣̇зва д̇аавад̇им̣сам̣, д̇ам̣ниваасо зд̇зсанд̇и д̇аавад̇им̣саа. ниваасабхааво жа д̇зсам̣ д̇ад̇т̇а ниб̣б̣ад̇д̇анабуб̣б̣агод̇и ааха – ‘‘д̣̇зваанам̣ д̇аавад̇им̣саананд̇и д̇аавад̇им̣сабхаванз ниб̣б̣ад̇д̇ад̣̇зваана’’нд̇и. ран̃н̃од̇и нимимахаарааж̇асса. оваад̣̇з тад̇ваад̇и ‘‘сийлам̣ арагканд̇о мама санд̇игам̣ маа ааг̇ажчад̇уу’’д̇и ниг̇г̇ан̣ханавасзнаби, ‘‘зганд̇ад̇о мама виж̇ид̇з васанд̇зна сийлам̣ рагкид̇аб̣б̣а’’нд̇и звам̣ бавад̇д̇ид̇аоваад̣̇авасзнаби оваад̣̇з тад̇ваа.
312. Tettiṃsa sahapuññakārino ettha nibbattāti taṃsahacaritaṭṭhānaṃ tettiṃsaṃ, tadeva tāvatiṃsaṃ, taṃnivāso etesanti tāvatiṃsā. Nivāsabhāvo ca tesaṃ tattha nibbattanapubbakoti āha – ‘‘devānaṃ tāvatiṃsānanti tāvatiṃsabhavane nibbattadevāna’’nti. Raññoti nimimahārājassa. Ovāde ṭhatvāti ‘‘sīlaṃ arakkhanto mama santikaṃ mā āgacchatū’’ti niggaṇhanavasenapi, ‘‘ekantato mama vijite vasantena sīlaṃ rakkhitabba’’nti evaṃ pavattitaovādavasenapi ovāde ṭhatvā.
ат̇а нанд̇и махааж̇уд̇игам̣ махаавибпаарам̣ махаанубхаавам̣ нимирааж̇аанам̣. ‘‘саггохамасми д̣̇звинд̣̇о, д̇ава санд̇игамааг̇ад̇о’’д̇и ад̇д̇ано саггабхаавам̣ бавзд̣̇зд̇ваа ‘‘ган̇кам̣ д̇з бадивинод̣̇зссаамий’’д̇и ааха. д̇знааха ‘‘саб̣б̣абхууд̇аанамиссараа’’д̇иаад̣̇и.
Athananti mahājutikaṃ mahāvipphāraṃ mahānubhāvaṃ nimirājānaṃ. ‘‘Sakkohamasmi devindo, tava santikamāgato’’ti attano sakkabhāvaṃ pavedetvā ‘‘kaṅkhaṃ te paṭivinodessāmī’’ti āha. Tenāha ‘‘sabbabhūtānamissarā’’tiādi.
сийлам̣ убаад̣̇ааяа омагад̇ааяа ‘‘ги’’нд̇и хийл̣знд̇о вад̣̇ад̇и. г̇ун̣ависидтад̇ааяаад̇и лаабхаяасаад̣̇ийнан̃жзва бияаманаабад̇аад̣̇ийнан̃жа аасавагкаяабарияосаанаанам̣ нимид̇д̇абхаавзна уд̇д̇амаг̇ун̣ад̇ааяа. д̇ад̣̇аа сагго ануруд̣̇д̇хад̇т̇зро, со ад̇д̇ано буримаж̇аад̇ияам̣ бажжагкасид̣̇д̇хам̣ва д̣̇аанад̇о сийлам̣ маханд̇ам̣ вибхаавзнд̇о ‘‘ахан̃хий’’д̇иаад̣̇имааха. д̇ад̇т̇а ад̇д̇анаа васияамаанам̣ гаамааважарад̣̇звалогам̣ санд̇хааяа ‘‘бзд̇д̇ивисаяад̇о’’д̇и вуд̇д̇ам̣. д̇асса хи габбасад̇асахассам̣ виваддаж̇жхаасаяасса буурид̇абаарамисса д̣̇звалого бзд̇алого вияа убадтааси. д̇знзвааха ‘‘ажчарааг̇ан̣асан̇гхудтам̣, бисаажаг̇ан̣асзвид̇а’’нд̇и (сам̣. ни. 1.46).
Sīlaṃ upādāya omakatāya ‘‘ki’’nti hīḷento vadati. Guṇavisiṭṭhatāyāti lābhayasādīnañceva piyamanāpatādīnañca āsavakkhayapariyosānānaṃ nimittabhāvena uttamaguṇatāya. Tadā sakko anuruddhatthero, so attano purimajātiyaṃ paccakkhasiddhaṃva dānato sīlaṃ mahantaṃ vibhāvento ‘‘ahañhī’’tiādimāha. Tattha attanā vasiyamānaṃ kāmāvacaradevalokaṃ sandhāya ‘‘pettivisayato’’ti vuttaṃ. Tassa hi kappasatasahassaṃ vivaṭṭajjhāsayassa pūritapāramissa devaloko petaloko viya upaṭṭhāsi. Tenevāha ‘‘accharāgaṇasaṅghuṭṭhaṃ, pisācagaṇasevita’’nti (saṃ. ni. 1.46).
кад̇д̇иязд̇и кад̇д̇ияаж̇аад̇ияам̣. висуж̇жхад̇ийд̇и б̣рахмалогуубабад̇д̇им̣ санд̇хааяа вад̣̇ад̇и гаамасам̣гилзсависуж̇жханад̇о. гааяаад̇и жа б̣рахмагааяамааха.
Khattiyeti khattiyajātiyaṃ. Visujjhatīti brahmalokūpapattiṃ sandhāya vadati kāmasaṃkilesavisujjhanato. Kāyāti ca brahmakāyamāha.
имасса мама ад̣̇идтабуб̣б̣аруубам̣ д̣̇исваа ‘‘ахуд̣̇зва бхаяа’’нд̇и жинд̇зд̇ваа ааха ‘‘авигамбамаано’’д̇и. бхааяанд̇о хи жид̇д̇асса ан̃н̃ат̇ад̇д̇зна гааяасса жа чамбхид̇ад̇д̇зна вигамбад̇и наама. д̇знааха ‘‘абхааяамаано’’д̇и. сукам̣ гат̇зд̇ум̣ ход̇ийд̇и бун̃н̃апалам̣ гат̇зд̇ум̣ сукам̣ ход̇и.
Imassa mama adiṭṭhapubbarūpaṃ disvā ‘‘ahudeva bhaya’’nti cintetvā āha ‘‘avikampamāno’’ti. Bhāyanto hi cittassa aññathattena kāyassa ca chambhitattena vikampati nāma. Tenāha ‘‘abhāyamāno’’ti. Sukhaṃ kathetuṃ hotīti puññaphalaṃ kathetuṃ sukhaṃ hoti.
313. манам̣ ааг̇амма яуд̇д̇ааязва хонд̇ийд̇и маад̇алисса саггассзва жид̇д̇ам̣ ж̇аанид̇ваа яуд̇д̇аа вияа хонд̇и, рат̇з яуд̇д̇аааж̇аанийяагижжам̣ гаронд̇и д̣̇звабуд̇д̇аа. звам̣ д̇аад̣̇исз гаалз д̇ат̇аа бадибаж̇ж̇анд̇и, яат̇аа зрааван̣о д̣̇звабуд̇д̇о хад̇т̇игижжам̣. над̣̇д̇хид̇о бадтааяаад̇и рат̇абан̃ж̇арабарияанд̇зна агкасса самб̣анд̇хадтаанам̣ над̣̇д̇хий, д̇ад̇о бадтааяа. агко б̣аж̇жхад̇и зд̇т̇аад̇и агкаб̣ад̣̇д̇хо, агкзна рат̇асса б̣ад̣̇д̇хадтаанам̣. яат̇аа д̣̇звалогад̇о яаава жанд̣̇аман̣д̣аласса г̇аманавийт̇и, д̇аава ад̇д̇ано аанубхаавзна хздтаамукамзва рат̇ам̣ бзсзси, звам̣ жанд̣̇аман̣д̣аласса г̇аманавийт̇ид̇о яаава ран̃н̃о баасаад̣̇о, д̇аава д̇ат̇зва бзсзси. д̣̇вз маг̇г̇з д̣̇ассзд̇ваад̇и бад̇од̣̇аладтияаа аагаасам̣ виликанд̇о вияа ад̇д̇ано аанубхаавзна нираяаг̇аамий д̣̇звалогаг̇аамий жаад̇и д̣̇вз маг̇г̇з д̣̇ассзд̇ваа. гад̇амзнаад̇иаад̣̇и д̣̇зсанаамад̇д̇ам̣, яат̇аа д̇зна рат̇зна г̇ажчанд̇асса нираяо д̣̇звалого жа баагадаа хонд̇и, д̇ат̇аа гаран̣ам̣ ад̇хиббзд̇ам̣.
313.Manaṃ āgamma yuttāyeva hontīti mātalissa sakkasseva cittaṃ jānitvā yuttā viya honti, rathe yuttaājānīyakiccaṃ karonti devaputtā. Evaṃ tādise kāle tathā paṭipajjanti, yathā erāvaṇo devaputto hatthikiccaṃ. Naddhito paṭṭhāyāti rathapañjarapariyantena akkhassa sambandhaṭṭhānaṃ naddhī, tato paṭṭhāya. Akkho bajjhati etthāti akkhabaddho, akkhena rathassa baddhaṭṭhānaṃ. Yathā devalokato yāva candamaṇḍalassa gamanavīthi, tāva attano ānubhāvena heṭṭhāmukhameva rathaṃ pesesi, evaṃ candamaṇḍalassa gamanavīthito yāva rañño pāsādo, tāva tatheva pesesi. Dve magge dassetvāti patodalaṭṭhiyā ākāsaṃ vilikhanto viya attano ānubhāvena nirayagāmī devalokagāmī cāti dve magge dassetvā. Katamenātiādi desanāmattaṃ, yathā tena rathena gacchantassa nirayo devaloko ca pākaṭā honti, tathā karaṇaṃ adhippetaṃ.
вуд̇д̇агааран̣амзва санд̇хааяааха махаасад̇д̇о ‘‘убхаязнзва мам̣ маад̇али нзхий’’д̇и. д̣̇уг̇г̇анд̇и д̣̇уг̇г̇амам̣. взд̇д̇аран̣инд̇и звам̣наамагам̣ нираяам̣. гут̇ид̇анд̇и баггут̇ид̇ам̣ нибаггад̇зласад̣̇исаж̇аалам̣. каарасам̣яуд̇д̇анд̇и каарод̣̇агасад̣̇исам̣.
Vuttakāraṇameva sandhāyāha mahāsatto ‘‘ubhayeneva maṃ mātali nehī’’ti. Dugganti duggamaṃ. Vettaraṇinti evaṃnāmakaṃ nirayaṃ. Kuthitanti pakkuthitaṃ nipakkatelasadisajālaṃ. Khārasaṃyuttanti khārodakasadisaṃ.
рат̇ам̣ нивад̇д̇зд̇ваад̇и нираяаабхимукад̇о нивад̇д̇зд̇ваа. б̣ийран̣ийд̣̇звад̇хийд̇ааяаад̇и ‘‘б̣ийран̣ий’’д̇и звам̣наамигааяа ажчарааяа. сон̣ад̣̇иннад̣̇звабуд̇д̇ассаад̇и ‘‘сон̣ад̣̇инно’’д̇и звам̣наамагасса д̣̇звабуд̇д̇асса. г̇ан̣ад̣̇звабуд̇д̇аананд̇и г̇ан̣авасзна бун̃н̃ам̣ гад̇ваа г̇ан̣авасзнзва ниб̣б̣ад̇д̇ад̣̇звабуд̇д̇аанам̣.
Rathaṃ nivattetvāti nirayābhimukhato nivattetvā. Bīraṇīdevadhītāyāti ‘‘bīraṇī’’ti evaṃnāmikāya accharāya. Soṇadinnadevaputtassāti ‘‘soṇadinno’’ti evaṃnāmakassa devaputtassa. Gaṇadevaputtānanti gaṇavasena puññaṃ katvā gaṇavaseneva nibbattadevaputtānaṃ.
бад̇д̇агаалзд̇и убагадтааяа взлааяа. ад̇ит̇инд̇и бажжзгасамб̣уд̣̇д̇хам̣. гассабасса бхаг̇авад̇о саасанз згам̣ кийн̣аасавад̇т̇зранд̇иби вад̣̇анд̇и. маад̇аава буд̇д̇ам̣ сагимаабхинанд̣̇ийд̇и яат̇аа баваасад̇о ааг̇ад̇ам̣ буд̇д̇ам̣ маад̇аа сагим̣ згаваарам̣ ааг̇ад̇агаалз абхинанд̣̇ад̇и, д̇ат̇аа нижжагаалз абхинанд̣̇и саггажжам̣ баривиси. сам̣яамаа сам̣вибхааг̇аад̇и сийласам̣яамаа сам̣вибхааг̇асийлаа. ж̇аад̇агзд̇и нимиж̇аад̇агз.
Pattakāleti upakaṭṭhāya velāya. Atithinti paccekasambuddhaṃ. Kassapassa bhagavato sāsane ekaṃ khīṇāsavattherantipi vadanti. Mātāva puttaṃ sakimābhinandīti yathā pavāsato āgataṃ puttaṃ mātā sakiṃ ekavāraṃ āgatakāle abhinandati, tathā niccakāle abhinandi sakkaccaṃ parivisi. Saṃyamā saṃvibhāgāti sīlasaṃyamā saṃvibhāgasīlā. Jātaketi nimijātake.
жид̇д̇агууданд̇и д̣̇званаг̇арасса д̣̇агкин̣ад̣̇исааяа д̣̇ваарагодтагам̣. сагго жид̇д̇ам̣ санд̇хаарзд̇ум̣ асаггонд̇од̇и махаасад̇д̇з бавад̇д̇ам̣ д̣̇звад̇аанам̣ саггаарасаммаанам̣ бадижжа уббаннам̣ ад̇д̇ано усууяажид̇д̇ам̣ б̣ахи анаавигад̇ваа аб̣бханд̇арзязва жа нам̣ табзд̇ум̣ асаггонд̇о. ан̃н̃зсам̣ бун̃н̃зна васаахийд̇и саггасса махаасад̇д̇ам̣ росзд̇угаамад̇ааяа аараад̇ханам̣ нид̣̇ассзд̇и. бураан̣асагго д̣̇ийгхааяуго, д̇ам̣ убаад̣̇ааяа ж̇арааж̇ин̣н̣ам̣ вияа гад̇ваа ‘‘ж̇арасагго’’д̇и вуд̇д̇ам̣.
Cittakūṭanti devanagarassa dakkhiṇadisāya dvārakoṭṭhakaṃ. Sakko cittaṃ sandhāretuṃ asakkontoti mahāsatte pavattaṃ devatānaṃ sakkārasammānaṃ paṭicca uppannaṃ attano usūyacittaṃ bahi anāvikatvā abbhantareyeva ca naṃ ṭhapetuṃ asakkonto. Aññesaṃ puññena vasāhīti sakkassa mahāsattaṃ rosetukāmatāya ārādhanaṃ nidasseti. Purāṇasakko dīghāyuko, taṃ upādāya jarājiṇṇaṃ viya katvā ‘‘jarasakko’’ti vuttaṃ.
315. сзсам̣ саб̣б̣анд̇и баб̣б̣аж̇ж̇убаг̇аманаа сзсам̣ ад̇д̇ано вам̣сз бораан̣арааж̇уунам̣ рааж̇ажаарид̇д̇ам̣. баагад̇иганд̇и буна сабхаавад̇д̇амзва г̇ад̇о ахоси, абаб̣б̣аж̇ид̇абхаававажанзнзвасса б̣рахмавихаарабхааванаад̣̇ийнам̣ баб̣б̣аж̇ж̇ааг̇ун̣аанам̣ абхааво д̣̇ийбид̇о ход̇и.
315.Sesaṃ sabbanti pabbajjupagamanā sesaṃ attano vaṃse porāṇarājūnaṃ rājacārittaṃ. Pākatikanti puna sabhāvattameva gato ahosi, apabbajitabhāvavacanenevassa brahmavihārabhāvanādīnaṃ pabbajjāguṇānaṃ abhāvo dīpito hoti.
316. вийрияам̣ агаронд̇о самужчинд̣̇ад̇и, на д̇аава самужчиннам̣, галяаан̣амид̇д̇асам̣саг̇г̇аад̣̇ибажжаяасамавааяз сад̇и сийлавад̇ам̣ галяаан̣авад̇д̇ам̣ бавад̇д̇зд̇ум̣ саггод̇и . д̣̇уссийлзна самужчиннам̣ наама ход̇и д̇асса д̇ад̇т̇а нираасабхаавзна бадибад̇д̇ияаа зва асамбхавад̇о. сад̇д̇а сзкаа бавад̇д̇знд̇и галяаан̣авад̇д̇асса абаринидтид̇агижжад̇д̇аа. кийн̣аасавзна бавад̇д̇ид̇ам̣ наама баринидтид̇агижжад̇д̇аа. сзсам̣ сувин̃н̃зяяамзва.
316.Vīriyaṃ akaronto samucchindati, na tāva samucchinnaṃ, kalyāṇamittasaṃsaggādipaccayasamavāye sati sīlavataṃ kalyāṇavattaṃ pavattetuṃ sakkoti . Dussīlena samucchinnaṃ nāma hoti tassa tattha nirāsabhāvena paṭipattiyā eva asambhavato. Satta sekhā pavattenti kalyāṇavattassa apariniṭṭhitakiccattā. Khīṇāsavena pavattitaṃ nāma pariniṭṭhitakiccattā. Sesaṃ suviññeyyameva.
магхад̣̇звасуд̇д̇аван̣н̣анааяа лийнад̇т̇аббагаасанаа самад̇д̇аа.
Maghadevasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 3. магхад̣̇звасуд̇д̇ам̣ • 3. Maghadevasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 3. магхад̣̇звасуд̇д̇аван̣н̣анаа • 3. Maghadevasuttavaṇṇanā
