| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৩. মাঘসুত্তং
3. Māghasuttaṃ
৮৪. সাৰত্থিনিদানং । অথ খো মাঘো দেৰপুত্তো অভিক্কন্তায রত্তিযা অভিক্কন্তৰণ্ণো কেৰলকপ্পং জেতৰনং ওভাসেত্ৰা যেন ভগৰা তেনুপসঙ্কমি; উপসঙ্কমিত্ৰা ভগৰন্তং অভিৰাদেত্ৰা একমন্তং অট্ঠাসি । একমন্তং ঠিতো খো মাঘো দেৰপুত্তো ভগৰন্তং গাথায অজ্ঝভাসি –
84. Sāvatthinidānaṃ . Atha kho māgho devaputto abhikkantāya rattiyā abhikkantavaṇṇo kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi . Ekamantaṃ ṭhito kho māgho devaputto bhagavantaṃ gāthāya ajjhabhāsi –
‘‘কিংসু ছেত্ৰা সুখং সেতি, কিংসু ছেত্ৰা ন সোচতি।
‘‘Kiṃsu chetvā sukhaṃ seti, kiṃsu chetvā na socati;
কিস্সস্সু একধম্মস্স, ৰধং রোচেসি গোতমা’’তি॥
Kissassu ekadhammassa, vadhaṃ rocesi gotamā’’ti.
‘‘কোধং ছেত্ৰা সুখং সেতি, কোধং ছেত্ৰা ন সোচতি।
‘‘Kodhaṃ chetvā sukhaṃ seti, kodhaṃ chetvā na socati;
কোধস্স ৰিসমূলস্স, মধুরগ্গস্স ৰত্রভূ।
Kodhassa visamūlassa, madhuraggassa vatrabhū;
ৰধং অরিযা পসংসন্তি, তঞ্হি ছেত্ৰা ন সোচতী’’তি॥
Vadhaṃ ariyā pasaṃsanti, tañhi chetvā na socatī’’ti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৩-৪. মাঘসুত্তাদিৰণ্ণনা • 3-4. Māghasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩. মঘসুত্তৰণ্ণনা • 3. Maghasuttavaṇṇanā
