| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
3. මාඝසුත්‌තං
3. Māghasuttaṃ
84. සාවත්‌ථිනිදානං . අථ ඛො මාඝො දෙවපුත්‌තො අභික්‌කන්‌තාය රත්‌තියා අභික්‌කන්‌තවණ්‌ණො කෙවලකප්‌පං ජෙතවනං ඔභාසෙත්‌වා යෙන භගවා තෙනුපසඞ්‌කමි; උපසඞ්‌කමිත්‌වා භගවන්‌තං අභිවාදෙත්‌වා එකමන්‌තං අට්‌ඨාසි . එකමන්‌තං ඨිතො ඛො මාඝො දෙවපුත්‌තො භගවන්‌තං ගාථාය අජ්‌ඣභාසි –
84. Sāvatthinidānaṃ . Atha kho māgho devaputto abhikkantāya rattiyā abhikkantavaṇṇo kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi . Ekamantaṃ ṭhito kho māgho devaputto bhagavantaṃ gāthāya ajjhabhāsi –
‘‘කිංසු ඡෙත්‌වා සුඛං සෙති, කිංසු ඡෙත්‌වා න සොචති;
‘‘Kiṃsu chetvā sukhaṃ seti, kiṃsu chetvā na socati;
කිස්‌සස්‌සු එකධම්‌මස්‌ස, වධං රොචෙසි ගොතමා’’ති.
Kissassu ekadhammassa, vadhaṃ rocesi gotamā’’ti.
‘‘කොධං ඡෙත්‌වා සුඛං සෙති, කොධං ඡෙත්‌වා න සොචති;
‘‘Kodhaṃ chetvā sukhaṃ seti, kodhaṃ chetvā na socati;
කොධස්‌ස විසමූලස්‌ස, මධුරග්‌ගස්‌ස වත්‍රභූ;
Kodhassa visamūlassa, madhuraggassa vatrabhū;
වධං අරියා පසංසන්‌ති, තඤ්‌හි ඡෙත්‌වා න සොචතී’’ති.
Vadhaṃ ariyā pasaṃsanti, tañhi chetvā na socatī’’ti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 3-4. මාඝසුත්‌තාදිවණ්‌ණනා • 3-4. Māghasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 3. මඝසුත්‌තවණ්‌ණනා • 3. Maghasuttavaṇṇanā
