| Library / Tipiṭaka / ติปิฎก • Tipiṭaka / สุตฺตนิปาตปาฬิ • Suttanipātapāḷi |
๑๓. มหาพฺยูหสุตฺตํ
13. Mahābyūhasuttaṃ
๙๐๑.
901.
เย เกจิเม ทิฎฺฐิปริพฺพสานา, อิทเมว สจฺจนฺติ วิวาทยนฺติ 1;
Ye kecime diṭṭhiparibbasānā, idameva saccanti vivādayanti 2;
สเพฺพว เต นินฺทมนฺวานยนฺติ, อโถ ปสํสมฺปิ ลภนฺติ ตตฺถฯ
Sabbeva te nindamanvānayanti, atho pasaṃsampi labhanti tattha.
๙๐๒.
902.
อปฺปญฺหิ เอตํ น อลํ สมาย, ทุเว วิวาทสฺส ผลานิ พฺรูมิ;
Appañhi etaṃ na alaṃ samāya, duve vivādassa phalāni brūmi;
เอตมฺปิ ทิสฺวา น วิวาทเยถ, เขมาภิปสฺสํ อวิวาทภูมิํฯ
Etampi disvā na vivādayetha, khemābhipassaṃ avivādabhūmiṃ.
๙๐๓.
903.
ยา กาจิมา สมฺมุติโย ปุถุชฺชา, สพฺพาว เอตา น อุเปติ วิทฺวา;
Yā kācimā sammutiyo puthujjā, sabbāva etā na upeti vidvā;
อนูปโย โส อุปยํ กิเมยฺย, ทิเฎฺฐ สุเต ขนฺติมกุพฺพมาโนฯ
Anūpayo so upayaṃ kimeyya, diṭṭhe sute khantimakubbamāno.
๙๐๔.
904.
สีลุตฺตมา สญฺญเมนาหุ สุทฺธิํ, วตํ สมาทาย อุปฎฺฐิตาเส;
Sīluttamā saññamenāhu suddhiṃ, vataṃ samādāya upaṭṭhitāse;
อิเธว สิเกฺขม อถสฺส สุทฺธิํ, ภวูปนีตา กุสลา วทานาฯ
Idheva sikkhema athassa suddhiṃ, bhavūpanītā kusalā vadānā.
๙๐๕.
905.
สเจ จุโต สีลวตโต โหติ, ปเวธตี 3 กมฺม วิราธยิตฺวา;
Sace cuto sīlavatato hoti, pavedhatī 4 kamma virādhayitvā;
ปชปฺปตี ปตฺถยตี จ สุทฺธิํ, สตฺถาว หีโน ปวสํ ฆรมฺหาฯ
Pajappatī patthayatī ca suddhiṃ, satthāva hīno pavasaṃ gharamhā.
๙๐๖.
906.
สีลพฺพตํ วาปิ ปหาย สพฺพํ, กมฺมญฺจ สาวชฺชนวชฺชเมตํ;
Sīlabbataṃ vāpi pahāya sabbaṃ, kammañca sāvajjanavajjametaṃ;
สุทฺธิํ อสุทฺธินฺติ อปตฺถยาโน, วิรโต จเร สนฺติมนุคฺคหายฯ
Suddhiṃ asuddhinti apatthayāno, virato care santimanuggahāya.
๙๐๗.
907.
ตมูปนิสฺสาย ชิคุจฺฉิตํ วา, อถวาปิ ทิฎฺฐํ ว สุตํ มุตํ วา;
Tamūpanissāya jigucchitaṃ vā, athavāpi diṭṭhaṃ va sutaṃ mutaṃ vā;
อุทฺธํสรา สุทฺธิมนุตฺถุนนฺติ, อวีตตณฺหาเส ภวาภเวสุฯ
Uddhaṃsarā suddhimanutthunanti, avītataṇhāse bhavābhavesu.
๙๐๘.
908.
ปตฺถยมานสฺส หิ ชปฺปิตานิ, ปเวธิตํ วาปิ ปกปฺปิเตสุ;
Patthayamānassa hi jappitāni, pavedhitaṃ vāpi pakappitesu;
จุตูปปาโต อิธ ยสฺส นตฺถิ, ส เกน เวเธยฺย กุหิํว ชเปฺป 5ฯ
Cutūpapāto idha yassa natthi, sa kena vedheyya kuhiṃva jappe 6.
๙๐๙.
909.
ยมาหุ ธมฺมํ ปรมนฺติ เอเก, ตเมว หีนนฺติ ปนาหุ อเญฺญ;
Yamāhu dhammaṃ paramanti eke, tameva hīnanti panāhu aññe;
สโจฺจ นุ วาโท กตโม อิเมสํ, สเพฺพว หีเม กุสลา วทานาฯ
Sacco nu vādo katamo imesaṃ, sabbeva hīme kusalā vadānā.
๙๑๐.
910.
สกญฺหิ ธมฺมํ ปริปุณฺณมาหุ, อญฺญสฺส ธมฺมํ ปน หีนมาหุ;
Sakañhi dhammaṃ paripuṇṇamāhu, aññassa dhammaṃ pana hīnamāhu;
เอวมฺปิ วิคฺคยฺห วิวาทยนฺติ, สกํ สกํ สมฺมุติมาหุ สจฺจํฯ
Evampi viggayha vivādayanti, sakaṃ sakaṃ sammutimāhu saccaṃ.
๙๑๑.
911.
ปรสฺส เจ วมฺภยิเตน หีโน, น โกจิ ธเมฺมสุ วิเสสิ อสฺส;
Parassa ce vambhayitena hīno, na koci dhammesu visesi assa;
ปุถู หิ อญฺญสฺส วทนฺติ ธมฺมํ, นิหีนโต สมฺหิ ทฬฺหํ วทานาฯ
Puthū hi aññassa vadanti dhammaṃ, nihīnato samhi daḷhaṃ vadānā.
๙๑๒.
912.
สทฺธมฺมปูชาปิ เนสํ ตเถว, ยถา ปสํสนฺติ สกายนานิ;
Saddhammapūjāpi nesaṃ tatheva, yathā pasaṃsanti sakāyanāni;
๙๑๓.
913.
น พฺราหฺมณสฺส ปรเนยฺยมตฺถิ, ธเมฺมสุ นิเจฺฉยฺย สมุคฺคหีตํ;
Na brāhmaṇassa paraneyyamatthi, dhammesu niccheyya samuggahītaṃ;
ตสฺมา วิวาทานิ อุปาติวโตฺต, น หิ เสฎฺฐโต ปสฺสติ ธมฺมมญฺญํฯ
Tasmā vivādāni upātivatto, na hi seṭṭhato passati dhammamaññaṃ.
๙๑๔.
914.
ชานามิ ปสฺสามิ ตเถว เอตํ, ทิฎฺฐิยา เอเก ปเจฺจนฺติ สุทฺธิํ;
Jānāmi passāmi tatheva etaṃ, diṭṭhiyā eke paccenti suddhiṃ;
อทฺทกฺขิ เจ กิญฺหิ ตุมสฺส เตน, อติสิตฺวา อเญฺญน วทนฺติ สุทฺธิํฯ
Addakkhi ce kiñhi tumassa tena, atisitvā aññena vadanti suddhiṃ.
๙๑๕.
915.
ปสฺสํ นโร ทกฺขติ 11 นามรูปํ, ทิสฺวาน วา ญสฺสติ ตานิเมว;
Passaṃ naro dakkhati 12 nāmarūpaṃ, disvāna vā ñassati tānimeva;
กามํ พหุํ ปสฺสตุ อปฺปกํ วา, น หิ เตน สุทฺธิํ กุสลา วทนฺติฯ
Kāmaṃ bahuṃ passatu appakaṃ vā, na hi tena suddhiṃ kusalā vadanti.
๙๑๖.
916.
นิวิสฺสวาที น หิ สุพฺพินาโย, ปกปฺปิตํ ทิฎฺฐิ ปุเรกฺขราโน;
Nivissavādī na hi subbināyo, pakappitaṃ diṭṭhi purekkharāno;
ยํ นิสฺสิโต ตตฺถ สุภํ วทาโน, สุทฺธิํวโท ตตฺถ ตถทฺทสา โสฯ
Yaṃ nissito tattha subhaṃ vadāno, suddhiṃvado tattha tathaddasā so.
๙๑๗.
917.
น พฺราหฺมโณ กปฺปมุเปติ สงฺขา 13, น ทิฎฺฐิสารี นปิ ญาณพนฺธุ;
Na brāhmaṇo kappamupeti saṅkhā 14, na diṭṭhisārī napi ñāṇabandhu;
ญตฺวา จ โส สมฺมุติโย 15 ปุถุชฺชา, อุเปกฺขตี อุคฺคหณนฺติ มเญฺญฯ
Ñatvā ca so sammutiyo 16 puthujjā, upekkhatī uggahaṇanti maññe.
๙๑๘.
918.
วิสฺสชฺช คนฺถานิ มุนีธ โลเก, วิวาทชาเตสุ น วคฺคสารี;
Vissajja ganthāni munīdha loke, vivādajātesu na vaggasārī;
สโนฺต อสเนฺตสุ อุเปกฺขโก โส, อนุคฺคโห อุคฺคหณนฺติ มเญฺญฯ
Santo asantesu upekkhako so, anuggaho uggahaṇanti maññe.
๙๑๙.
919.
ปุพฺพาสเว หิตฺวา นเว อกุพฺพํ, น ฉนฺทคู โนปิ นิวิสฺสวาที;
Pubbāsave hitvā nave akubbaṃ, na chandagū nopi nivissavādī;
ส วิปฺปมุโตฺต ทิฎฺฐิคเตหิ ธีโร, น ลิมฺปติ 17 โลเก อนตฺตครหีฯ
Sa vippamutto diṭṭhigatehi dhīro, na limpati 18 loke anattagarahī.
๙๒๐.
920.
ส สพฺพธเมฺมสุ วิเสนิภูโต, ยํ กิญฺจิ ทิฎฺฐํ ว สุตํ มุตํ วา;
Sa sabbadhammesu visenibhūto, yaṃ kiñci diṭṭhaṃ va sutaṃ mutaṃ vā;
ส ปนฺนภาโร มุนิ วิปฺปมุโตฺต, น กปฺปิโย นูปรโต น ปตฺถิโยติฯ
Sa pannabhāro muni vippamutto, na kappiyo nūparato na patthiyoti.
มหาพฺยูหสุตฺตํ เตรสมํ นิฎฺฐิตํฯ
Mahābyūhasuttaṃ terasamaṃ niṭṭhitaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / สุตฺตนิปาต-อฎฺฐกถา • Suttanipāta-aṭṭhakathā / ๑๓. มหาพฺยูหสุตฺตวณฺณนา • 13. Mahābyūhasuttavaṇṇanā
