| Library / Tipiṭaka / д̇ибидага • Tipiṭaka / махаанид̣̇д̣̇зса-адтагат̇аа • Mahāniddesa-aṭṭhakathā |
13. махааб̣яуухасуд̇д̇анид̣̇д̣̇зсаван̣н̣анаа
13. Mahābyūhasuttaniddesavaṇṇanā
130. д̇зрасамз махааб̣яуухасуд̇д̇анид̣̇д̣̇зсз яз гзжимз д̣̇идтибариб̣б̣асаанаад̇и ид̣̇амби ‘‘гим̣ ну ко имз д̣̇идтибариб̣б̣асаанаа вин̃н̃уунам̣ санд̇игаа нинд̣̇амзва лабханд̇и, уд̣̇ааху басам̣самбий’’д̇и уббаннажид̇д̇аанам̣ згажжаанам̣ д̣̇звад̇аанам̣ д̇амад̇т̇ам̣ аавигаад̇ум̣ буриманаязнзва ниммид̇аб̣уд̣̇д̇хзна ад̇д̇аанам̣ бужчаабзд̇ваа вуд̇д̇ам̣. д̇ад̇т̇а анваанаяанд̇ийд̇и ану аанаяанд̇и бунаббунам̣ аахаранд̇и.
130. Terasame mahābyūhasuttaniddese ye kecime diṭṭhiparibbasānāti idampi ‘‘kiṃ nu kho ime diṭṭhiparibbasānā viññūnaṃ santikā nindameva labhanti, udāhu pasaṃsampī’’ti uppannacittānaṃ ekaccānaṃ devatānaṃ tamatthaṃ āvikātuṃ purimanayeneva nimmitabuddhena attānaṃ pucchāpetvā vuttaṃ. Tattha anvānayantīti anu ānayanti punappunaṃ āharanti.
нинд̣̇амзва анвзнд̇ийд̇и г̇арахамзва убаг̇ажчанд̇и.
Nindameva anventīti garahameva upagacchanti.
131. ид̣̇аани яасмаа д̇з ‘‘ид̣̇амзва сажжа’’нд̇и вад̣̇анд̇ааби д̣̇идтиг̇ад̇игаваад̣̇ино гад̣̇аажи гад̇т̇ажи басам̣самби лабханд̇и, яам̣ зд̇ам̣ басам̣саасан̇каад̇ам̣ ваад̣̇апалам̣, д̇ам̣ аббам̣, рааг̇аад̣̇ийнам̣ самааяа самад̇т̇ам̣ на ход̇и, го бана ваад̣̇о д̣̇уд̇ияз нинд̣̇аапалз, д̇асмаа зд̇амад̇т̇ам̣ д̣̇ассзнд̇о имам̣ д̇аава виссаж̇ж̇анаг̇аат̇ам̣ ааха ‘‘аббан̃хи зд̇ам̣ на алам̣ самааяа, д̣̇увз виваад̣̇асса палаани б̣руумий’’д̇и. д̇ад̇т̇а д̣̇увз виваад̣̇асса палаанийд̇и нинд̣̇аа жа басам̣саа жа ж̇аяабарааж̇аяаад̣̇ийни ваа д̇ам̣сабхааг̇аани. зд̇амби д̣̇исваад̇и ‘‘нинд̣̇аа анидтаа зва, басам̣саа наалам̣ самааяаа’’д̇и зд̇амби виваад̣̇апалз аад̣̇ийнавам̣ д̣̇исваа. кзмаабхибассам̣ авиваад̣̇абхууминд̇и авиваад̣̇абхуумим̣ ниб̣б̣аанам̣ кзманд̇и бассамаано.
131. Idāni yasmā te ‘‘idameva sacca’’nti vadantāpi diṭṭhigatikavādino kadāci katthaci pasaṃsampi labhanti, yaṃ etaṃ pasaṃsāsaṅkhātaṃ vādaphalaṃ, taṃ appaṃ, rāgādīnaṃ samāya samatthaṃ na hoti, ko pana vādo dutiye nindāphale, tasmā etamatthaṃ dassento imaṃ tāva vissajjanagāthaṃ āha ‘‘appañhi etaṃ na alaṃ samāya, duve vivādassa phalāni brūmī’’ti. Tattha duve vivādassa phalānīti nindā ca pasaṃsā ca jayaparājayādīni vā taṃsabhāgāni. Etampi disvāti ‘‘nindā aniṭṭhā eva, pasaṃsā nālaṃ samāyā’’ti etampi vivādaphale ādīnavaṃ disvā. Khemābhipassaṃ avivādabhūminti avivādabhūmiṃ nibbānaṃ khemanti passamāno.
аббаганд̇и манд̣̇ам̣. барид̇д̇аганд̇и т̇огам̣. омаганд̇и хздтимагам̣. лаамаганд̇и баабагам̣. самааяаад̇и рааг̇аад̣̇ийнам̣ саманад̇т̇ааяа. убасамааяаад̇и убаруубари саманад̇т̇ааяа. вуубасамааяаад̇и саннисийд̣̇аабанад̇т̇ааяа. ниб̣б̣аанааяаад̇и амад̇амахааниб̣б̣аанад̇т̇ааяа. бадиниссаг̇г̇ааяаад̇и маг̇г̇зна гилзсаанам̣ ниссаж̇ж̇анад̇т̇ааяа. бадибассад̣̇д̇хияаад̇и палзна бадибассад̣̇д̇хаанам̣ ануббаж̇ж̇анад̇т̇ааяа наалам̣.
Appakanti mandaṃ. Parittakanti thokaṃ. Omakanti heṭṭhimakaṃ. Lāmakanti pāpakaṃ. Samāyāti rāgādīnaṃ samanatthāya. Upasamāyāti uparūpari samanatthāya. Vūpasamāyāti sannisīdāpanatthāya. Nibbānāyāti amatamahānibbānatthāya. Paṭinissaggāyāti maggena kilesānaṃ nissajjanatthāya. Paṭipassaddhiyāti phalena paṭipassaddhānaṃ anuppajjanatthāya nālaṃ.
132. зван̃хи авиваад̣̇амаано – яаа гаажимаад̇и г̇аат̇аа. д̇ад̇т̇а саммуд̇ияод̇и д̣̇идтияо. бут̇уж̇ж̇аад̇и бут̇уж̇ж̇анасамбхаваа. со убаяам̣ гимзяяаад̇и со убаг̇анд̇аб̣б̣адтзна убаяам̣ руубаад̣̇ийсу згамби д̇хаммам̣ гим̣ убзяяа, гзна ваа гааран̣зна убзяяа. д̣̇идтз суд̇з канд̇имагуб̣б̣амаанод̇и д̣̇идтасуд̇асуд̣̇д̇хийсу бзмам̣ агаронд̇о.
132. Evañhi avivādamāno – yā kācimāti gāthā. Tattha sammutiyoti diṭṭhiyo. Puthujjāti puthujjanasambhavā. Soupayaṃ kimeyyāti so upagantabbaṭṭhena upayaṃ rūpādīsu ekampi dhammaṃ kiṃ upeyya, kena vā kāraṇena upeyya. Diṭṭhe sute khantimakubbamānoti diṭṭhasutasuddhīsu pemaṃ akaronto.
бут̇уж̇ж̇анзхи ж̇анид̇аад̇и бут̇уж̇ж̇анзхи уббаад̣̇ид̇аа. саммуд̇ияод̇и д̣̇идтияо. бут̇у наанааж̇анзхи ж̇анид̇аа ваад̇и анзгавид̇хзхи д̣̇идтиг̇ад̇игзхи уббаад̣̇ид̇аа ваа. нзд̇ийд̇и на зд̇и. на убзд̇ийд̇и самийбам̣ на зд̇и. на убаг̇ажчад̇ийд̇и нивад̇д̇ад̇и. наабхинивисад̇ийд̇и бависид̇ваа наббад̇идтад̇и.
Puthujjanehi janitāti puthujjanehi uppāditā. Sammutiyoti diṭṭhiyo. Puthu nānājanehi janitā vāti anekavidhehi diṭṭhigatikehi uppāditā vā. Netīti na eti. Na upetīti samīpaṃ na eti. Na upagacchatīti nivattati. Nābhinivisatīti pavisitvā nappatiṭṭhati.
133. ид̇о б̣аахираа бана – сийлуд̇д̇амаад̇и г̇аат̇аа д̇ассад̇т̇о – сийлам̣язва ‘‘уд̇д̇ама’’нд̇и ман̃н̃амаанаа сийлуд̇д̇амаад̇и згз бхонд̇о сам̣яамамад̇д̇зна суд̣̇д̇хим̣ вад̣̇анд̇и, хад̇т̇ивад̇аад̣̇ин̃жа вад̇ам̣ самаад̣̇ааяа убадтид̇аасз. ид̇хзва д̣̇идтияам̣ асса сад̇т̇уно суд̣̇д̇хим̣ бхавуубанийд̇аа бхаваж̇жхосид̇аа самаанаа вад̣̇анд̇и, аби жа д̇з гусалаавад̣̇аанаа ‘‘гусалаа маяа’’нд̇и звам̣ваад̣̇аа.
133. Ito bāhirā pana – sīluttamāti gāthā tassattho – sīlaṃyeva ‘‘uttama’’nti maññamānā sīluttamāti eke bhonto saṃyamamattena suddhiṃ vadanti, hatthivatādiñca vataṃ samādāya upaṭṭhitāse. Idheva diṭṭhiyaṃ assa satthuno suddhiṃ bhavūpanītā bhavajjhositā samānā vadanti, api ca te kusalāvadānā ‘‘kusalā maya’’nti evaṃvādā.
134. звам̣ сийлуд̇д̇амзсу жа д̇зсу д̇ат̇аа бадибанно яо гожи – сажз жуд̇од̇и г̇аат̇аа. д̇ассад̇т̇о – сажз д̇ад̇о сийлавад̇ад̇о баравижчинд̣̇анзна ваа анабхисамбхун̣анд̇о ваа жуд̇о ход̇и, со д̇ам̣ сийлаб̣б̣ад̇агаммам̣ бун̃н̃аабхисан̇каараад̣̇игаммам̣ ваа вираад̇хаяид̇ваа взд̇хад̇ий. на гзвалан̃жа взд̇хад̇и , аби жа ко д̇ам̣ сийлаб̣б̣ад̇асуд̣̇д̇хим̣ баж̇аббад̇ий жа виббалабад̇и жа бад̇т̇аяад̇ий жа. гимива? сад̇т̇аава хийно бавасам̣ гхарамхаа, гхарамхаа бавасанд̇о сад̇т̇ад̇о хийно яат̇аа д̇ам̣ гхарам̣ ваа сад̇т̇ам̣ ваа бад̇т̇аяад̇ийд̇и.
134. Evaṃ sīluttamesu ca tesu tathā paṭipanno yo koci – sace cutoti gāthā. Tassattho – sace tato sīlavatato paravicchindanena vā anabhisambhuṇanto vā cuto hoti, so taṃ sīlabbatakammaṃ puññābhisaṅkhārādikammaṃ vā virādhayitvā vedhatī. Na kevalañca vedhati , api ca kho taṃ sīlabbatasuddhiṃ pajappatī ca vippalapati ca patthayatī ca. Kimiva? Satthāva hīno pavasaṃ gharamhā, gharamhā pavasanto satthato hīno yathā taṃ gharaṃ vā satthaṃ vā patthayatīti.
баравижчинд̣̇анааяа ваад̇и барзна ваарияамаано ваа. анабхисамбхун̣анд̇о ваад̇и д̇ам̣ бадибад̇д̇им̣ асамбаад̣̇знд̇о ваа.
Paravicchindanāya vāti parena vāriyamāno vā. Anabhisambhuṇanto vāti taṃ paṭipattiṃ asampādento vā.
ан̃н̃ааяа абарад̣̇д̇ход̇и ниб̣б̣аанзна барихийно маг̇г̇ад̇о ваа. д̇ам̣ ваа сад̇т̇ам̣ ануб̣анд̇хад̇ийд̇и д̇ам̣ ваа сад̇т̇ам̣ саб̣б̣ад̇т̇а бажчад̇о г̇ажчад̇и.
Aññāya aparaddhoti nibbānena parihīno maggato vā. Taṃ vā satthaṃ anubandhatīti taṃ vā satthaṃ sabbattha pacchato gacchati.
135. звам̣ бана сийлуд̇д̇амаанам̣ бавзд̇ханагааран̣ам̣ арияасааваго сийлаб̣б̣ад̇ам̣ вааби бахааяа саб̣б̣анд̇и г̇аат̇аа. д̇ад̇т̇а сааваж̇ж̇аанаваж̇ж̇анд̇и саб̣б̣аагусалам̣ логияагусалан̃жа. зд̇ам̣ суд̣̇д̇хим̣ асуд̣̇д̇хинд̇и абад̇т̇аяаанод̇и бан̃жагаамаг̇ун̣аад̣̇ибхзд̣̇ам̣ суд̣̇д̇хим̣ агусалаад̣̇ибхзд̣̇ам̣ асуд̣̇д̇хин̃жа абад̇т̇аяамаано. вирад̇о жарзд̇и суд̣̇д̇хияаа асуд̣̇д̇хияаа жа вирад̇о жарзяяа. санд̇и мануг̇г̇ахааяаад̇и д̣̇идтим̣ аг̇г̇ахзд̇ваа.
135. Evaṃ pana sīluttamānaṃ pavedhanakāraṇaṃ ariyasāvako sīlabbataṃ vāpi pahāya sabbanti gāthā. Tattha sāvajjānavajjanti sabbākusalaṃ lokiyakusalañca. Etaṃ suddhiṃ asuddhintiapatthayānoti pañcakāmaguṇādibhedaṃ suddhiṃ akusalādibhedaṃ asuddhiñca apatthayamāno. Virato careti suddhiyā asuddhiyā ca virato careyya. Santi manuggahāyāti diṭṭhiṃ aggahetvā.
ган̣хам̣ ган̣хавибааганд̇и агусалагаммам̣ агусалавибаагад̣̇ааяагам̣. суггам̣ суггавибааганд̇и логияагусалам̣ ад̇д̇анаа сад̣̇исам̣ суггавибаагад̣̇ааяагам̣.
Kaṇhaṃkaṇhavipākanti akusalakammaṃ akusalavipākadāyakaṃ. Sukkaṃ sukkavipākanti lokiyakusalaṃ attanā sadisaṃ sukkavipākadāyakaṃ.
нияаамаавагганд̇инд̇и маг̇г̇абависанам̣. сзгкаад̇и сад̇д̇а сзгкаа. аг̇г̇ад̇хамманд̇и уд̇д̇амад̇хаммам̣, арахад̇д̇апалам̣.
Niyāmāvakkantinti maggapavisanaṃ. Sekkhāti satta sekkhā. Aggadhammanti uttamadhammaṃ, arahattaphalaṃ.
136. звам̣ ид̇о б̣аахирагз сийлуд̇д̇амз сам̣яамзна висуд̣̇д̇хиваад̣̇з д̇зсан̃жа вибаагам̣ сийлаб̣б̣ад̇абахааяино арахад̇о жа бадибад̇д̇им̣ д̣̇ассзд̇ваа ид̣̇аани ан̃н̃ат̇ааби суд̣̇д̇хиваад̣̇з б̣аахирагз д̣̇ассзнд̇о ‘‘д̇амуубаниссааяаа’’д̇и г̇аат̇амааха. д̇ассад̇т̇о – санд̇ан̃н̃зби саман̣аб̣раахман̣аа, д̇з ж̇иг̇ужчид̇ам̣ амаранд̇абам̣ ваа д̣̇идтасуд̣̇д̇хиаад̣̇ийсу ваа ан̃н̃ад̇аран̃н̃ад̇арам̣ убаниссааяаагирияад̣̇идтияаа ваа уд̣̇д̇хам̣сараа худ̇ваа бхаваабхавзсу авийд̇ад̇ан̣хаа суд̣̇д̇хи’мануд̇т̇унанд̇и вад̣̇анд̇и гат̇знд̇ийд̇и.
136. Evaṃ ito bāhirake sīluttame saṃyamena visuddhivāde tesañca vipākaṃ sīlabbatapahāyino arahato ca paṭipattiṃ dassetvā idāni aññathāpi suddhivāde bāhirake dassento ‘‘tamūpanissāyā’’ti gāthamāha. Tassattho – santaññepi samaṇabrāhmaṇā, te jigucchitaṃ amarantapaṃ vā diṭṭhasuddhiādīsu vā aññataraññataraṃ upanissāyaakiriyadiṭṭhiyā vā uddhaṃsarā hutvā bhavābhavesu avītataṇhā suddhi’manutthunanti vadanti kathentīti.
д̇абож̇иг̇ужчаваад̣̇аад̇и гааяабийл̣анаад̣̇ид̇абзна баабахирийяанаваад̣̇аа. д̇абож̇иг̇ужчасаараад̇и д̇знзва д̇абзна хирийяанасаараванд̇о. уд̣̇д̇хам̣сарааваад̣̇аад̇и сам̣саарзна суд̣̇д̇хим̣ гат̇аяанд̇аа.
Tapojigucchavādāti kāyapīḷanāditapena pāpahirīyanavādā. Tapojigucchasārāti teneva tapena hirīyanasāravanto. Uddhaṃsarāvādāti saṃsārena suddhiṃ kathayantā.
137. звам̣ д̇зсам̣ авийд̇ад̇ан̣хаанам̣ суд̣̇д̇хим̣ ануд̇т̇унанд̇аанам̣ яоби суд̣̇д̇хиббад̇д̇амзва ад̇д̇аанам̣ ман̃н̃зяяа, д̇ассааби авийд̇ад̇ан̣хад̇д̇аа бхаваабхавзсу д̇ам̣ д̇ам̣ вад̇т̇ум̣ бад̇т̇аяамаанасса хи ж̇аббид̇аани бунаббунам̣ хонд̇иязваад̇и ад̇хиббааяо. д̇ан̣хаа хи аасзвид̇аа д̇ан̣хам̣ вад̣дхаяад̇зва, на гзвалан̃жа ж̇аббид̇аани, бавзд̇хид̇ам̣ вааби багаббид̇зсу, д̇ан̣хаад̣̇идтийхи жасса багаббид̇зсу вад̇т̇уусу бавзд̇хид̇амби ход̇ийд̇и вуд̇д̇ам̣ ход̇и. бхаваабхавзсу бана вийд̇ад̇ан̣хад̇д̇аа ааяад̇им̣ жуд̇уубабаад̇о ид̇ха яасса над̇т̇и, са гзна взд̇хзяяа гухим̣ ва ж̇аббзд̇и аяамзд̇иссаа г̇аат̇ааяа самб̣анд̇хо.
137. Evaṃ tesaṃ avītataṇhānaṃ suddhiṃ anutthunantānaṃ yopi suddhippattameva attānaṃ maññeyya, tassāpi avītataṇhattā bhavābhavesu taṃ taṃ vatthuṃ patthayamānassa hi jappitāni punappunaṃ hontiyevāti adhippāyo. Taṇhā hi āsevitā taṇhaṃ vaḍḍhayateva, na kevalañca jappitāni, pavedhitaṃ vāpi pakappitesu, taṇhādiṭṭhīhi cassa pakappitesu vatthūsu pavedhitampi hotīti vuttaṃ hoti. Bhavābhavesu pana vītataṇhattā āyatiṃ cutūpapāto idha yassa natthi, sa kena vedheyya kuhiṃ va jappeti ayametissā gāthāya sambandho.
ааг̇амананд̇и буна ааг̇аманам̣. г̇амананд̇и ид̇о ан̃н̃ад̇т̇а г̇аманам̣ . г̇аманааг̇амананд̇и ид̇о г̇анд̇ваа буна нивад̇д̇анам̣. гааланд̇и маран̣ам̣. г̇ад̇ийд̇и г̇аманавасзна г̇ад̇ияаа г̇анд̇аб̣б̣ам̣.
Āgamananti puna āgamanaṃ. Gamananti ito aññattha gamanaṃ . Gamanāgamananti ito gantvā puna nivattanaṃ. Kālanti maraṇaṃ. Gatīti gamanavasena gatiyā gantabbaṃ.
138. яамааху д̇хамманд̇и бужчааг̇аат̇аа.
138.Yamāhu dhammanti pucchāgāthā.
139. ид̣̇аани яасмаа згоби зд̇т̇а ваад̣̇о сажжо над̇т̇и, гзвалам̣ д̣̇идтимад̇д̇агзна хи д̇з вад̣̇анд̇и, д̇асмаа д̇амад̇т̇ам̣ д̣̇ассзнд̇о ‘‘сагам̣ хий’’д̇и имам̣ д̇аава виссаж̇ж̇анаг̇аат̇амааха. д̇ад̇т̇а саммуд̇инд̇и д̣̇идтим̣. аноманд̇и ануунам̣.
139. Idāni yasmā ekopi ettha vādo sacco natthi, kevalaṃ diṭṭhimattakena hi te vadanti, tasmā tamatthaṃ dassento ‘‘sakaṃ hī’’ti imaṃ tāva vissajjanagāthamāha. Tattha sammutinti diṭṭhiṃ. Anomanti anūnaṃ.
140. звамзд̇зсу сагам̣ д̇хаммам̣ барибун̣н̣ам̣ б̣рууванд̇зсу ан̃н̃асса д̇хаммам̣ бана хийнанд̇и вад̣̇анд̇зсу яасса гассажи – барасса жз вамбхаяид̇зна хийнод̇и г̇аат̇аа. д̇ассад̇т̇о – яад̣̇и барасса нинд̣̇ид̇агааран̣аа хийно бхавзяяа, на гожи д̇хаммзсу висзси аг̇г̇о бхавзяяа. гим̣гааран̣аа? бут̇уу хи ан̃н̃асса вад̣̇анд̇и д̇хаммам̣ нихийнад̇о саб̣б̣зва д̇з самхи д̣̇ал̣хам̣ вад̣̇аанаасагад̇хаммз д̣̇ал̣хаваад̣̇аа зва.
140. Evametesu sakaṃ dhammaṃ paripuṇṇaṃ brūvantesu aññassa dhammaṃ pana hīnanti vadantesu yassa kassaci – parassa ce vambhayitena hīnoti gāthā. Tassattho – yadi parassa ninditakāraṇā hīno bhaveyya, na koci dhammesu visesi aggo bhaveyya. Kiṃkāraṇā? Puthū hi aññassa vadanti dhammaṃ nihīnato sabbeva te samhi daḷhaṃ vadānāsakadhamme daḷhavādā eva.
вамбхаяид̇агааран̣аад̇и д̇хам̣сид̇агааран̣аа. г̇арахид̇агааран̣аад̇и лаамагагад̇агааран̣аа. убавад̣̇ид̇агааран̣аад̇и аггосид̇агааран̣аа. сагааяананд̇и сагамаг̇г̇ам̣.
Vambhayitakāraṇāti dhaṃsitakāraṇā. Garahitakāraṇāti lāmakakatakāraṇā. Upavaditakāraṇāti akkositakāraṇā. Sakāyananti sakamaggaṃ.
141. гин̃жа бхияяо – сад̣̇д̇хаммабууж̇аад̇и г̇аат̇аа. д̇ассад̇т̇о – д̇з жа д̇ид̇т̇ияаа яат̇аа басам̣санд̇и сагааяанаани, сад̣̇д̇хаммабууж̇ааби нзсам̣ д̇ат̇зва вад̇д̇ад̇и. д̇з хи ад̇ивияа сад̇т̇аараад̣̇ийни сад̇д̇аронд̇и. д̇ад̇т̇а яад̣̇и д̇з бамаан̣аа сияум̣, звам̣ санд̇з саб̣б̣зва ваад̣̇аа д̇ат̇ияаа бхавзяяум̣. гим̣гааран̣аа ? суд̣̇д̇хий хи нзсам̣ бажжад̇д̇амзва. на саа ан̃н̃ад̇т̇а сиж̇жхад̇и, нааби барамад̇т̇ад̇о. ад̇д̇ани д̣̇идтиг̇аахамад̇д̇амзва хи д̇ам̣ д̇зсам̣ барабажжаяанзяяаб̣уд̣̇д̇хийнам̣. бажжад̇д̇амзваад̇и баадзггамзва.
141. Kiñca bhiyyo – saddhammapūjāti gāthā. Tassattho – te ca titthiyā yathā pasaṃsanti sakāyanāni, saddhammapūjāpi nesaṃ tatheva vattati. Te hi ativiya satthārādīni sattaronti. Tattha yadi te pamāṇā siyuṃ, evaṃ sante sabbeva vādā tathiyā bhaveyyuṃ. Kiṃkāraṇā ? Suddhī hi nesaṃ paccattameva. Na sā aññattha sijjhati, nāpi paramatthato. Attani diṭṭhigāhamattameva hi taṃ tesaṃ parapaccayaneyyabuddhīnaṃ. Paccattamevāti pāṭekkameva.
142. яо бана вибарийд̇ад̇о б̣аахид̇абаабад̇д̇аа б̣раахман̣о, д̇асса на б̣раахман̣асса баранзяяамад̇т̇ийд̇и г̇аат̇аа. д̇ассад̇т̇о – б̣раахман̣асса хи ‘‘саб̣б̣з сан̇каараа анижжаа’’д̇иаад̣̇инаа наязна суд̣̇идтад̇д̇аа барзна нзд̇аб̣б̣ам̣ н̃аан̣ам̣ над̇т̇и. д̣̇идтид̇хаммзсу ‘‘ид̣̇амзва сажжа’’нд̇и нижчинид̇ваа сумаг̇г̇ахийд̇амби над̇т̇и. д̇ам̣гааран̣аа со д̣̇идтигалахаани ад̇игганд̇о, на хи со сздтад̇о бассад̇и д̇хаммаман̃н̃ам̣ ан̃н̃ад̇ра сад̇ибадтаанаад̣̇ийхи.
142. Yo pana viparītato bāhitapāpattā brāhmaṇo, tassa na brāhmaṇassa paraneyyamatthīti gāthā. Tassattho – brāhmaṇassa hi ‘‘sabbe saṅkhārā aniccā’’tiādinā nayena sudiṭṭhattā parena netabbaṃ ñāṇaṃ natthi. Diṭṭhidhammesu ‘‘idameva sacca’’nti nicchinitvā sumaggahītampi natthi. Taṃkāraṇā so diṭṭhikalahāni atikkanto, na hi so seṭṭhato passati dhammamaññaṃ aññatra satipaṭṭhānādīhi.
на баранзяяод̇и барзна нзд̇аб̣б̣о ж̇аанаабзд̇аб̣б̣о на ход̇и. на барабад̇д̇ияо на барабажжаяод̇и барзсам̣ бажжзд̇аб̣б̣о на ход̇и. на барабадиб̣ад̣̇д̇хаг̇ууд̇и барзсам̣ бадиб̣ад̣̇д̇хаг̇амано на ход̇и.
Na paraneyyoti parena netabbo jānāpetabbo na hoti. Na parapattiyo na parapaccayoti paresaṃ paccetabbo na hoti. Na parapaṭibaddhagūti paresaṃ paṭibaddhagamano na hoti.
143. ж̇аанаамийд̇и г̇аат̇ааяа самб̣анд̇хо ад̇т̇о жа – звам̣ д̇аава барамад̇т̇аб̣раахман̣о на хи сздтад̇о бассад̇и д̇хаммаман̃н̃ам̣, ан̃н̃з бана д̇ид̇т̇ияаа баражид̇д̇ан̃аан̣аад̣̇ийхи ж̇аананд̇ааби бассанд̇ааби ‘‘ж̇аанаами бассаами д̇ат̇зва зд̇а’’нд̇и звам̣ вад̣̇анд̇ааби жа д̣̇идтияаа суд̣̇д̇хим̣ бажжзнд̇и. гасмаа? яасмаа д̇зсу згоби ад̣̇агки жз ад̣̇д̣̇аса жзби д̇зна баражид̇д̇ан̃аан̣аад̣̇инаа яат̇аабхууд̇амад̇т̇ам̣, гин̃хи д̇умасса д̇зна д̇асса д̇зна д̣̇ассанзна гим̣ гад̇ам̣, гим̣ д̣̇угкабарин̃н̃аа саад̇хид̇аа, уд̣̇ааху самуд̣̇аяаббахаанаад̣̇ийнам̣ ан̃н̃ад̇арам̣, яад̇о саб̣б̣ат̇ааби ад̇иггамид̇ваа арияамаг̇г̇ам̣ д̇з д̇ид̇т̇ияаа ан̃н̃знзва вад̣̇анд̇и суд̣̇д̇хим̣, ад̇иггамид̇ваа ваа д̇з д̇ид̇т̇ияз б̣уд̣̇д̇хаад̣̇аяо ан̃н̃знзва вад̣̇анд̇и суд̣̇д̇хинд̇и.
143.Jānāmīti gāthāya sambandho attho ca – evaṃ tāva paramatthabrāhmaṇo na hi seṭṭhato passati dhammamaññaṃ, aññe pana titthiyā paracittañāṇādīhi jānantāpi passantāpi ‘‘jānāmi passāmi tatheva eta’’nti evaṃ vadantāpi ca diṭṭhiyā suddhiṃ paccenti. Kasmā? Yasmā tesu ekopi adakkhi ce addasa cepi tena paracittañāṇādinā yathābhūtamatthaṃ, kiñhi tumassa tena tassa tena dassanena kiṃ kataṃ, kiṃ dukkhapariññā sādhitā, udāhu samudayappahānādīnaṃ aññataraṃ, yato sabbathāpi atikkamitvā ariyamaggaṃ te titthiyā aññeneva vadanti suddhiṃ, atikkamitvā vā te titthiye buddhādayo aññeneva vadanti suddhinti.
144. бассам̣ народ̇и г̇аат̇ааяа самб̣анд̇хо ад̇т̇о жа – гин̃жа бхияяо? явааяам̣ баражид̇д̇ан̃аан̣аад̣̇ийхи ад̣̇д̣̇агки, со бассам̣ наро д̣̇агкад̇и наамаруубам̣, на д̇ад̇о барам̣, д̣̇исваана ваа н̃ассад̇и д̇аанимзва наамаруубаани нижжад̇о сукад̇о ваа, на ан̃н̃ат̇аа; со звам̣ бассанд̇о гаамам̣ б̣ахум̣ бассад̇у аббагам̣ ваа наамаруубам̣ нижжад̇о сукад̇о жа ат̇асса зваруубзна д̣̇ассанзна на хи д̇зна суд̣̇д̇хим̣ гусалаа вад̣̇анд̇и.
144.Passaṃ naroti gāthāya sambandho attho ca – kiñca bhiyyo? Yvāyaṃ paracittañāṇādīhi addakkhi, so passaṃ naro dakkhati nāmarūpaṃ, na tato paraṃ, disvāna vā ñassati tānimeva nāmarūpāni niccato sukhato vā, na aññathā; so evaṃ passanto kāmaṃ bahuṃ passatu appakaṃ vā nāmarūpaṃ niccato sukhato ca athassa evarūpena dassanena na hi tena suddhiṃ kusalā vadanti.
145. нивиссаваад̣̇ийд̇и г̇аат̇ааяа самб̣анд̇хо ад̇т̇о жа – д̇зна жа д̣̇ассанзна суд̣̇д̇хияаа асад̇ияааби яо ‘‘ж̇аанаами бассаами д̇ат̇зва зд̇а’’нд̇и звам̣ нивиссаваад̣̇ий, зд̇ам̣ ваа д̣̇ассанам̣ бадижжа д̣̇идтияаа суд̣̇д̇хим̣ бажжзнд̇о ‘‘ид̣̇амзва сажжа’’нд̇и звам̣ нивиссаваад̣̇ий, со суб̣б̣инаяо на ход̇и д̇ам̣ д̇ат̇аа багаббид̇ам̣ абхисан̇кад̇ам̣ д̣̇идтим̣ бурагкараано. со хи яам̣ сад̇т̇аараад̣̇им̣ ниссид̇о, д̇ад̇т̇зва субхам̣ вад̣̇аано суд̣̇д̇хим̣ вад̣̇о, ‘‘барисуд̣̇д̇хиваад̣̇о барисуд̣̇д̇хид̣̇ассано ваа аха’’нд̇и ад̇д̇аанам̣ ман̃н̃амаано д̇ад̇т̇а д̇ат̇ад̣̇д̣̇асаа со, д̇ад̇т̇а сагааяа д̣̇идтияаа авибарийд̇амзва со ад̣̇д̣̇аса. яат̇аа саа д̣̇идти бавад̇д̇ад̇и, д̇ат̇зва д̇ам̣ ад̣̇д̣̇аса, на ан̃н̃ат̇аа бассид̇ум̣ ижчад̇ийд̇и ад̇хиббааяо.
145.Nivissavādīti gāthāya sambandho attho ca – tena ca dassanena suddhiyā asatiyāpi yo ‘‘jānāmi passāmi tatheva eta’’nti evaṃ nivissavādī, etaṃ vā dassanaṃ paṭicca diṭṭhiyā suddhiṃ paccento ‘‘idameva sacca’’nti evaṃ nivissavādī, so subbinayo na hoti taṃ tathā pakappitaṃ abhisaṅkhataṃ diṭṭhiṃ purakkharāno. So hi yaṃ satthārādiṃ nissito, tattheva subhaṃ vadāno suddhiṃ vado, ‘‘parisuddhivādo parisuddhidassano vā aha’’nti attānaṃ maññamāno tattha tathaddasā so, tattha sakāya diṭṭhiyā aviparītameva so addasa. Yathā sā diṭṭhi pavattati, tatheva taṃ addasa, na aññathā passituṃ icchatīti adhippāyo.
нивиссаваад̣̇ийд̇и бад̇идтахид̇ваа гат̇знд̇о. д̣̇уб̣б̣инаяод̇и винзд̇ум̣ д̣̇угко. д̣̇уббан̃н̃аабаяод̇и н̃аабзд̇ум̣ жид̇д̇зна лаб̣бхаабзд̇ум̣ д̣̇угко. д̣̇унниж̇жхаабаяод̇и жид̇д̇зна виймам̣сид̇ваа г̇ахан̣ад̇т̇ам̣ бунаббунам̣ ниж̇жхаабаяид̇ум̣ д̣̇угко. д̣̇уббзгкаабаяод̇и игкаабаяид̇ум̣ д̣̇угко. д̣̇уббасаад̣̇аяод̇и жид̇д̇з басаад̣̇ам̣ уббаад̣̇зд̇ум̣ д̣̇угко.
Nivissavādīti patiṭṭhahitvā kathento. Dubbinayoti vinetuṃ dukkho. Duppaññāpayoti ñāpetuṃ cittena labbhāpetuṃ dukkho. Dunnijjhāpayoti cittena vīmaṃsitvā gahaṇatthaṃ punappunaṃ nijjhāpayituṃ dukkho. Duppekkhāpayoti ikkhāpayituṃ dukkho. Duppasādayoti citte pasādaṃ uppādetuṃ dukkho.
аббассийд̇и н̃аан̣зна бадивзд̇хам̣ баабун̣и. бадивиж̇жхийд̇и жид̇д̇зна аваб̣од̇хам̣ баабун̣и.
Appassīti ñāṇena paṭivedhaṃ pāpuṇi. Paṭivijjhīti cittena avabodhaṃ pāpuṇi.
146. звам̣ багаббид̇ам̣ д̣̇идтим̣ бурагкараанзсу д̇ид̇т̇иязсу – на б̣раахман̣о габбамубзд̇и сан̇каад̇и г̇аат̇аа. д̇ад̇т̇а сан̇каад̇и сан̇кааяа, ж̇аанид̇ваад̇и ад̇т̇о. наби н̃аан̣аб̣анд̇хууд̇и самаабад̇д̇ин̃аан̣аад̣̇инаа агад̇ад̇ан̣хаад̣̇идтиб̣анд̇ху. д̇ад̇т̇а виг̇г̇ахо – нааби асса н̃аан̣зна гад̇о б̣анд̇ху ад̇т̇ийд̇и наби н̃аан̣аб̣анд̇ху. саммуд̇ияод̇и д̣̇идтисаммуд̇ияо. бут̇уж̇ж̇аад̇и бут̇уж̇ж̇анасамбхаваа. уг̇г̇ахан̣анд̇и ман̃н̃зд̇и уг̇г̇ахан̣анд̇и ан̃н̃з, ан̃н̃з д̇аа саммуд̇ияо уг̇г̇ан̣ханд̇ийд̇и вуд̇д̇ам̣ ход̇и.
146. Evaṃ pakappitaṃ diṭṭhiṃ purakkharānesu titthiyesu – na brāhmaṇo kappamupeti saṅkhāti gāthā. Tattha saṅkhāti saṅkhāya, jānitvāti attho. Napi ñāṇabandhūti samāpattiñāṇādinā akatataṇhādiṭṭhibandhu. Tattha viggaho – nāpi assa ñāṇena kato bandhu atthīti napi ñāṇabandhu. Sammutiyoti diṭṭhisammutiyo. Puthujjāti puthujjanasambhavā. Uggahaṇanti maññeti uggahaṇanti aññe, aññe tā sammutiyo uggaṇhantīti vuttaṃ hoti.
убзгкад̇ийд̇и убабад̇д̇ид̇о абагкабад̇ид̇о худ̇ваа бассад̇и.
Upekkhatīti upapattito apakkhapatito hutvā passati.
147. гин̃жа бхияяо – виссаж̇ж̇а г̇ант̇аанийд̇и г̇аат̇аа. д̇ад̇т̇а ануг̇г̇аход̇и уг̇г̇ахан̣авирахид̇о, соби наасса уг̇г̇аход̇и ануг̇г̇ахо. на ваа уг̇г̇ан̣хаад̇ийд̇и ануг̇г̇ахо.
147. Kiñca bhiyyo – vissajja ganthānīti gāthā. Tattha anuggahoti uggahaṇavirahito, sopi nāssa uggahoti anuggaho. Na vā uggaṇhātīti anuggaho.
г̇ант̇з воссаж̇ж̇ид̇ваад̇и абхиж̇жхаад̣̇игз г̇ант̇з жаж̇ид̇ваа. виссаж̇ж̇аад̇и буна анаад̣̇ияанавасзна ж̇ахид̇ваа. г̇ад̇хид̇зд̇и гхадид̇з. г̇ант̇ид̇зд̇и суд̇д̇зна сан̇г̇ахид̇з вияа г̇ант̇ид̇з. б̣анд̇хзд̇и судту б̣анд̇хз. виб̣анд̇хзд̇и вивид̇хаа б̣анд̇хз. балиб̣уд̣̇д̇хзд̇и саманд̇ад̇о б̣анд̇ханзна б̣анд̇хз. б̣анд̇ханзд̇и гилзсаб̣анд̇ханз. подаяид̇ваад̇и бабподзд̇ваа. сажжам̣ виссаж̇ж̇ам̣ гаронд̇ийд̇и висан̇карид̇ваа абарибхог̇ам̣ гаронд̇и. вигобзнд̇ийд̇и жун̣н̣авижун̣н̣ам̣ гаронд̇и.
Ganthe vossajjitvāti abhijjhādike ganthe cajitvā. Vissajjāti puna anādiyanavasena jahitvā. Gadhiteti ghaṭite. Ganthiteti suttena saṅgahite viya ganthite. Bandheti suṭṭhu bandhe. Vibandheti vividhā bandhe. Palibuddheti samantato bandhanena bandhe. Bandhaneti kilesabandhane. Phoṭayitvāti papphoṭetvā. Saccaṃ vissajjaṃ karontīti visaṅkharitvā aparibhogaṃ karonti. Vikopentīti cuṇṇavicuṇṇaṃ karonti.
148. гин̃жа бхияяо – со зваруубо – буб̣б̣аасавзд̇и г̇аат̇аа. д̇ад̇т̇а буб̣б̣аасавзд̇и ад̇ийд̇аруубаад̣̇ийни аараб̣бха уббаж̇ж̇анад̇хаммагилзсз . навзд̇и бажжуббаннаруубаад̣̇ийни аараб̣бха уббаж̇ж̇анад̇хаммз. на чанд̣̇аг̇ууд̇и чанд̣̇аад̣̇ивасзна на г̇ажчад̇и. анад̇д̇аг̇арахийд̇и гад̇аагад̇авасзна ад̇д̇аанам̣ аг̇араханд̇о.
148. Kiñca bhiyyo – so evarūpo – pubbāsaveti gāthā. Tattha pubbāsaveti atītarūpādīni ārabbha uppajjanadhammakilese . Naveti paccuppannarūpādīni ārabbha uppajjanadhamme. Na chandagūti chandādivasena na gacchati. Anattagarahīti katākatavasena attānaṃ agarahanto.
149. звам̣ анад̇д̇аг̇арахий жа – са саб̣б̣ад̇хаммзсууд̇и г̇аат̇аа. д̇ад̇т̇а саб̣б̣ад̇хаммзсууд̇и д̣̇ваасадтид̣̇идтид̇хаммзсу ‘‘яам̣ гин̃жи д̣̇идтам̣ ваа’’д̇и звам̣бабхзд̣̇зсу. баннабхаарод̇и бад̇ид̇абхааро. на габбзд̇ийд̇и на габбияо, д̣̇увид̇хамби габбам̣ на гарод̇ийд̇и ад̇т̇о. нуубарад̇од̇и бут̇уж̇ж̇анагаляаан̣агасзгкаа вияа убарад̇исаман̇г̇ийби но ход̇и. на бад̇т̇ияод̇и нид̇д̇ан̣хо. д̇ан̣хаа хи бад̇т̇аяад̇ийд̇и бад̇т̇ияаа, наасса бад̇т̇ияаад̇и на бад̇т̇ияо. ид̇о баран̃жа хздтаа жа д̇ад̇т̇а д̇ад̇т̇а вуд̇д̇анаяад̇д̇аа уд̇д̇аанад̇т̇амзва. звам̣ арахад̇д̇анигуудзнзва д̣̇зсанам̣ нидтаабзси, д̣̇зсанаабарияосаанз бураабхзд̣̇асуд̇д̇з (махаани. 83) вуд̇д̇асад̣̇исо зва абхисамаяо ахосийд̇и.
149. Evaṃ anattagarahī ca – sa sabbadhammesūti gāthā. Tattha sabbadhammesūti dvāsaṭṭhidiṭṭhidhammesu ‘‘yaṃ kiñci diṭṭhaṃ vā’’ti evaṃpabhedesu. Pannabhāroti patitabhāro. Na kappetīti na kappiyo, duvidhampi kappaṃ na karotīti attho. Nūparatoti puthujjanakalyāṇakasekkhā viya uparatisamaṅgīpi no hoti. Na patthiyoti nittaṇho. Taṇhā hi patthayatīti patthiyā, nāssa patthiyāti na patthiyo. Ito parañca heṭṭhā ca tattha tattha vuttanayattā uttānatthameva. Evaṃ arahattanikūṭeneva desanaṃ niṭṭhāpesi, desanāpariyosāne purābhedasutte (mahāni. 83) vuttasadiso eva abhisamayo ahosīti.
сад̣̇д̇хаммаббаж̇ж̇од̇игааяа махаанид̣̇д̣̇зсадтагат̇ааяа
Saddhammappajjotikāya mahāniddesaṭṭhakathāya
махааб̣яуухасуд̇д̇анид̣̇д̣̇зсаван̣н̣анаа нидтид̇аа.
Mahābyūhasuttaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / махаанид̣̇д̣̇зсабаал̣и • Mahāniddesapāḷi / 13. махаавияуухасуд̇д̇анид̣̇д̣̇зсо • 13. Mahāviyūhasuttaniddeso
