| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
7. махаажад̇д̇аарийсагасуд̇д̇ам̣
7. Mahācattārīsakasuttaṃ
136. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘арияам̣ во, бхигкавз, саммаасамаад̇хим̣ д̣̇зсзссаами саубанисам̣ сабаригкаарам̣. д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
136. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘ariyaṃ vo, bhikkhave, sammāsamādhiṃ desessāmi saupanisaṃ saparikkhāraṃ. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
‘‘гад̇амо жа, бхигкавз, арияо саммаасамаад̇хи саубанисо сабаригкааро? сзяяат̇ид̣̇ам̣ – саммаад̣̇идти, саммаасан̇габбо, саммааваажаа, саммаагамманд̇о, саммааааж̇ийво, саммаавааяаамо, саммаасад̇и; яаа ко, бхигкавз, имзхи сад̇д̇ахан̇г̇зхи жид̇д̇асса згаг̇г̇ад̇аа баригкад̇аа – аяам̣ вужжад̇и, бхигкавз, арияо саммаасамаад̇хи саубанисо ид̇иби, сабаригкааро ид̇иби. д̇ад̇ра, бхигкавз, саммаад̣̇идти буб̣б̣ан̇г̇амаа ход̇и. гат̇ан̃жа, бхигкавз, саммаад̣̇идти буб̣б̣ан̇г̇амаа ход̇и? мижчаад̣̇идтим̣ ‘мижчаад̣̇идтий’д̇и баж̇аанаад̇и, саммаад̣̇идтим̣ ‘саммаад̣̇идтий’д̇и баж̇аанаад̇и – саасса ход̇и саммаад̣̇идти.
‘‘Katamo ca, bhikkhave, ariyo sammāsamādhi saupaniso saparikkhāro? Seyyathidaṃ – sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati; yā kho, bhikkhave, imehi sattahaṅgehi cittassa ekaggatā parikkhatā – ayaṃ vuccati, bhikkhave, ariyo sammāsamādhi saupaniso itipi, saparikkhāro itipi. Tatra, bhikkhave, sammādiṭṭhi pubbaṅgamā hoti. Kathañca, bhikkhave, sammādiṭṭhi pubbaṅgamā hoti? Micchādiṭṭhiṃ ‘micchādiṭṭhī’ti pajānāti, sammādiṭṭhiṃ ‘sammādiṭṭhī’ti pajānāti – sāssa hoti sammādiṭṭhi.
‘‘гад̇амаа жа, бхигкавз, мижчаад̣̇идти? ‘над̇т̇и д̣̇иннам̣, над̇т̇и яидтам̣, над̇т̇и худ̇ам̣, над̇т̇и сугад̇ад̣̇уггадаанам̣ гаммаанам̣ палам̣ вибааго, над̇т̇и аяам̣ лого, над̇т̇и баро лого, над̇т̇и маад̇аа, над̇т̇и бид̇аа, над̇т̇и сад̇д̇аа обабаад̇игаа, над̇т̇и логз саман̣аб̣раахман̣аа саммаг̇г̇ад̇аа саммаабадибаннаа яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ий’д̇и – аяам̣, бхигкавз, мижчаад̣̇идти.
‘‘Katamā ca, bhikkhave, micchādiṭṭhi? ‘Natthi dinnaṃ, natthi yiṭṭhaṃ, natthi hutaṃ, natthi sukatadukkaṭānaṃ kammānaṃ phalaṃ vipāko, natthi ayaṃ loko, natthi paro loko, natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedentī’ti – ayaṃ, bhikkhave, micchādiṭṭhi.
‘‘гад̇амаа жа, бхигкавз, саммаад̣̇идти? саммаад̣̇идтим̣бахам̣ 1, бхигкавз, д̣̇вааяам̣ 2 вад̣̇аами – ад̇т̇и, бхигкавз, саммаад̣̇идти саасаваа бун̃н̃абхааг̇ияаа убад̇хивзбаггаа; ад̇т̇и, бхигкавз, саммаад̣̇идти арияаа анаасаваа логуд̇д̇араа маг̇г̇ан̇г̇аа. гад̇амаа жа, бхигкавз, саммаад̣̇идти саасаваа бун̃н̃абхааг̇ияаа убад̇хивзбаггаа ? ‘ад̇т̇и д̣̇иннам̣, ад̇т̇и яидтам̣, ад̇т̇и худ̇ам̣, ад̇т̇и сугад̇ад̣̇уггадаанам̣ гаммаанам̣ палам̣ вибааго, ад̇т̇и аяам̣ лого, ад̇т̇и баро лого, ад̇т̇и маад̇аа, ад̇т̇и бид̇аа, ад̇т̇и сад̇д̇аа обабаад̇игаа, ад̇т̇и логз саман̣аб̣раахман̣аа саммаг̇г̇ад̇аа саммаабадибаннаа яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ий’д̇и – аяам̣, бхигкавз, саммаад̣̇идти саасаваа бун̃н̃абхааг̇ияаа убад̇хивзбаггаа.
‘‘Katamā ca, bhikkhave, sammādiṭṭhi? Sammādiṭṭhiṃpahaṃ 3, bhikkhave, dvāyaṃ 4 vadāmi – atthi, bhikkhave, sammādiṭṭhi sāsavā puññabhāgiyā upadhivepakkā; atthi, bhikkhave, sammādiṭṭhi ariyā anāsavā lokuttarā maggaṅgā. Katamā ca, bhikkhave, sammādiṭṭhi sāsavā puññabhāgiyā upadhivepakkā ? ‘Atthi dinnaṃ, atthi yiṭṭhaṃ, atthi hutaṃ, atthi sukatadukkaṭānaṃ kammānaṃ phalaṃ vipāko, atthi ayaṃ loko, atthi paro loko, atthi mātā, atthi pitā, atthi sattā opapātikā, atthi loke samaṇabrāhmaṇā sammaggatā sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedentī’ti – ayaṃ, bhikkhave, sammādiṭṭhi sāsavā puññabhāgiyā upadhivepakkā.
‘‘гад̇амаа жа, бхигкавз, саммаад̣̇идти арияаа анаасаваа логуд̇д̇араа маг̇г̇ан̇г̇аа? яаа ко, бхигкавз, арияажид̇д̇асса анаасаважид̇д̇асса арияамаг̇г̇асаман̇г̇ино арияамаг̇г̇ам̣ бхааваяад̇о бан̃н̃аа бан̃н̃инд̣̇рияам̣ бан̃н̃ааб̣алам̣ д̇хаммавижаяасамб̣ож̇жхан̇г̇о саммаад̣̇идти маг̇г̇ан̇г̇ам̣ 5 – аяам̣ вужжад̇и, бхигкавз, саммаад̣̇идти арияаа анаасаваа логуд̇д̇араа маг̇г̇ан̇г̇аа. со мижчаад̣̇идтияаа бахаанааяа вааяамад̇и, саммаад̣̇идтияаа, убасамбад̣̇ааяа, сваасса 6 ход̇и саммаавааяаамо. со сад̇о мижчаад̣̇идтим̣ баж̇ахад̇и, сад̇о саммаад̣̇идтим̣ убасамбаж̇ж̇а вихарад̇и, саасса 7 ход̇и саммаасад̇и. ид̇ияимз 8 д̇аяо д̇хаммаа саммаад̣̇идтим̣ анубарид̇хааванд̇и анубаривад̇д̇анд̇и, сзяяат̇ид̣̇ам̣ – саммаад̣̇идти, саммаавааяаамо, саммаасад̇и.
‘‘Katamā ca, bhikkhave, sammādiṭṭhi ariyā anāsavā lokuttarā maggaṅgā? Yā kho, bhikkhave, ariyacittassa anāsavacittassa ariyamaggasamaṅgino ariyamaggaṃ bhāvayato paññā paññindriyaṃ paññābalaṃ dhammavicayasambojjhaṅgo sammādiṭṭhi maggaṅgaṃ 9 – ayaṃ vuccati, bhikkhave, sammādiṭṭhi ariyā anāsavā lokuttarā maggaṅgā. So micchādiṭṭhiyā pahānāya vāyamati, sammādiṭṭhiyā, upasampadāya, svāssa 10 hoti sammāvāyāmo. So sato micchādiṭṭhiṃ pajahati, sato sammādiṭṭhiṃ upasampajja viharati, sāssa 11 hoti sammāsati. Itiyime 12 tayo dhammā sammādiṭṭhiṃ anuparidhāvanti anuparivattanti, seyyathidaṃ – sammādiṭṭhi, sammāvāyāmo, sammāsati.
137. ‘‘д̇ад̇ра, бхигкавз, саммаад̣̇идти буб̣б̣ан̇г̇амаа ход̇и. гат̇ан̃жа, бхигкавз, саммаад̣̇идти буб̣б̣ан̇г̇амаа ход̇и? мижчаасан̇габбам̣ ‘мижчаасан̇габбо’д̇и баж̇аанаад̇и, саммаасан̇габбам̣ ‘саммаасан̇габбо’д̇и баж̇аанаад̇и, саасса ход̇и саммаад̣̇идти .
137. ‘‘Tatra, bhikkhave, sammādiṭṭhi pubbaṅgamā hoti. Kathañca, bhikkhave, sammādiṭṭhi pubbaṅgamā hoti? Micchāsaṅkappaṃ ‘micchāsaṅkappo’ti pajānāti, sammāsaṅkappaṃ ‘sammāsaṅkappo’ti pajānāti, sāssa hoti sammādiṭṭhi .
‘‘гад̇амо жа, бхигкавз, мижчаасан̇габбо? гаамасан̇габбо, б̣яаабаад̣̇асан̇габбо, вихим̣саасан̇габбо – аяам̣, бхигкавз, мижчаасан̇габбо.
‘‘Katamo ca, bhikkhave, micchāsaṅkappo? Kāmasaṅkappo, byāpādasaṅkappo, vihiṃsāsaṅkappo – ayaṃ, bhikkhave, micchāsaṅkappo.
‘‘гад̇амо жа, бхигкавз, саммаасан̇габбо? саммаасан̇габбам̣бахам̣, бхигкавз, д̣̇вааяам̣ вад̣̇аами – ад̇т̇и, бхигкавз, саммаасан̇габбо саасаво бун̃н̃абхааг̇ияо убад̇хивзбагго; ад̇т̇и, бхигкавз, саммаасан̇габбо арияо анаасаво логуд̇д̇аро маг̇г̇ан̇г̇о. гад̇амо жа, бхигкавз, саммаасан̇габбо саасаво бун̃н̃абхааг̇ияо убад̇хивзбагго? нзгкаммасан̇габбо, аб̣яаабаад̣̇асан̇габбо, авихим̣саасан̇габбо – ‘аяам̣, бхигкавз, саммаасан̇габбо саасаво бун̃н̃абхааг̇ияо убад̇хивзбагго’’’.
‘‘Katamo ca, bhikkhave, sammāsaṅkappo? Sammāsaṅkappaṃpahaṃ, bhikkhave, dvāyaṃ vadāmi – atthi, bhikkhave, sammāsaṅkappo sāsavo puññabhāgiyo upadhivepakko; atthi, bhikkhave, sammāsaṅkappo ariyo anāsavo lokuttaro maggaṅgo. Katamo ca, bhikkhave, sammāsaṅkappo sāsavo puññabhāgiyo upadhivepakko? Nekkhammasaṅkappo, abyāpādasaṅkappo, avihiṃsāsaṅkappo – ‘ayaṃ, bhikkhave, sammāsaṅkappo sāsavo puññabhāgiyo upadhivepakko’’’.
‘‘гад̇амо жа, бхигкавз, саммаасан̇габбо арияо анаасаво логуд̇д̇аро маг̇г̇ан̇г̇о? яо ко, бхигкавз, арияажид̇д̇асса анаасаважид̇д̇асса арияамаг̇г̇асаман̇г̇ино арияамаг̇г̇ам̣ бхааваяад̇о д̇агго вид̇агго сан̇габбо аббанаа б̣яаббанаа жзд̇асо абхиниробанаа важийсан̇кааро – аяам̣, бхигкавз, саммаасан̇габбо арияо анаасаво логуд̇д̇аро маг̇г̇ан̇г̇о. со мижчаасан̇габбасса бахаанааяа вааяамад̇и, саммаасан̇габбасса убасамбад̣̇ааяа, сваасса ход̇и саммаавааяаамо. со сад̇о мижчаасан̇габбам̣ баж̇ахад̇и, сад̇о саммаасан̇габбам̣ убасамбаж̇ж̇а вихарад̇и; саасса ход̇и саммаасад̇и. ид̇ияимз д̇аяо д̇хаммаа саммаасан̇габбам̣ анубарид̇хааванд̇и анубаривад̇д̇анд̇и, сзяяат̇ид̣̇ам̣ – саммаад̣̇идти, саммаавааяаамо, саммаасад̇и.
‘‘Katamo ca, bhikkhave, sammāsaṅkappo ariyo anāsavo lokuttaro maggaṅgo? Yo kho, bhikkhave, ariyacittassa anāsavacittassa ariyamaggasamaṅgino ariyamaggaṃ bhāvayato takko vitakko saṅkappo appanā byappanā cetaso abhiniropanā vacīsaṅkhāro – ayaṃ, bhikkhave, sammāsaṅkappo ariyo anāsavo lokuttaro maggaṅgo. So micchāsaṅkappassa pahānāya vāyamati, sammāsaṅkappassa upasampadāya, svāssa hoti sammāvāyāmo. So sato micchāsaṅkappaṃ pajahati, sato sammāsaṅkappaṃ upasampajja viharati; sāssa hoti sammāsati. Itiyime tayo dhammā sammāsaṅkappaṃ anuparidhāvanti anuparivattanti, seyyathidaṃ – sammādiṭṭhi, sammāvāyāmo, sammāsati.
138. ‘‘д̇ад̇ра, бхигкавз, саммаад̣̇идти буб̣б̣ан̇г̇амаа ход̇и. гат̇ан̃жа, бхигкавз, саммаад̣̇идти буб̣б̣ан̇г̇амаа ход̇и? мижчааваажам̣ ‘мижчааваажаа’д̇и баж̇аанаад̇и, саммааваажам̣ ‘саммааваажаа’д̇и баж̇аанаад̇и; саасса ход̇и саммаад̣̇идти. гад̇амаа жа, бхигкавз, мижчааваажаа? мусааваад̣̇о, бисун̣аа ваажаа, парусаа ваажаа, сампаббалаабо – аяам̣, бхигкавз, мижчааваажаа. гад̇амаа жа, бхигкавз, саммааваажаа? саммааваажам̣бахам̣, бхигкавз, д̣̇вааяам̣ вад̣̇аами – ад̇т̇и, бхигкавз, саммааваажаа саасаваа бун̃н̃абхааг̇ияаа убад̇хивзбаггаа; ад̇т̇и, бхигкавз , саммааваажаа арияаа анаасаваа логуд̇д̇араа маг̇г̇ан̇г̇аа. гад̇амаа жа, бхигкавз, саммааваажаа саасаваа бун̃н̃абхааг̇ияаа убад̇хивзбаггаа? мусааваад̣̇аа взраман̣ий, бисун̣ааяа ваажааяа взраман̣ий, парусааяа ваажааяа взраман̣ий, сампаббалаабаа взраман̣ий – аяам̣, бхигкавз, саммааваажаа саасаваа бун̃н̃абхааг̇ияаа убад̇хивзбаггаа. гад̇амаа жа, бхигкавз, саммааваажаа арияаа анаасаваа логуд̇д̇араа маг̇г̇ан̇г̇аа? яаа ко, бхигкавз, арияажид̇д̇асса анаасаважид̇д̇асса арияамаг̇г̇асаман̇г̇ино арияамаг̇г̇ам̣ бхааваяад̇о жад̇уухи важийд̣̇ужжарид̇зхи аарад̇и вирад̇и бадивирад̇и взраман̣ий – аяам̣, бхигкавз, саммааваажаа арияаа анаасаваа логуд̇д̇араа маг̇г̇ан̇г̇аа. со мижчааваажааяа бахаанааяа вааяамад̇и, саммааваажааяа убасамбад̣̇ааяа; сваасса ход̇и саммаавааяаамо. со сад̇о мижчааваажам̣ баж̇ахад̇и, сад̇о саммааваажам̣ убасамбаж̇ж̇а вихарад̇и; саасса ход̇и саммаасад̇и. ид̇ияимз д̇аяо д̇хаммаа саммааваажам̣ анубарид̇хааванд̇и анубаривад̇д̇анд̇и, сзяяат̇ид̣̇ам̣ – саммаад̣̇идти, саммаавааяаамо, саммаасад̇и.
138. ‘‘Tatra, bhikkhave, sammādiṭṭhi pubbaṅgamā hoti. Kathañca, bhikkhave, sammādiṭṭhi pubbaṅgamā hoti? Micchāvācaṃ ‘micchāvācā’ti pajānāti, sammāvācaṃ ‘sammāvācā’ti pajānāti; sāssa hoti sammādiṭṭhi. Katamā ca, bhikkhave, micchāvācā? Musāvādo, pisuṇā vācā, pharusā vācā, samphappalāpo – ayaṃ, bhikkhave, micchāvācā. Katamā ca, bhikkhave, sammāvācā? Sammāvācaṃpahaṃ, bhikkhave, dvāyaṃ vadāmi – atthi, bhikkhave, sammāvācā sāsavā puññabhāgiyā upadhivepakkā; atthi, bhikkhave , sammāvācā ariyā anāsavā lokuttarā maggaṅgā. Katamā ca, bhikkhave, sammāvācā sāsavā puññabhāgiyā upadhivepakkā? Musāvādā veramaṇī, pisuṇāya vācāya veramaṇī, pharusāya vācāya veramaṇī, samphappalāpā veramaṇī – ayaṃ, bhikkhave, sammāvācā sāsavā puññabhāgiyā upadhivepakkā. Katamā ca, bhikkhave, sammāvācā ariyā anāsavā lokuttarā maggaṅgā? Yā kho, bhikkhave, ariyacittassa anāsavacittassa ariyamaggasamaṅgino ariyamaggaṃ bhāvayato catūhi vacīduccaritehi ārati virati paṭivirati veramaṇī – ayaṃ, bhikkhave, sammāvācā ariyā anāsavā lokuttarā maggaṅgā. So micchāvācāya pahānāya vāyamati, sammāvācāya upasampadāya; svāssa hoti sammāvāyāmo. So sato micchāvācaṃ pajahati, sato sammāvācaṃ upasampajja viharati; sāssa hoti sammāsati. Itiyime tayo dhammā sammāvācaṃ anuparidhāvanti anuparivattanti, seyyathidaṃ – sammādiṭṭhi, sammāvāyāmo, sammāsati.
139. ‘‘д̇ад̇ра, бхигкавз, саммаад̣̇идти буб̣б̣ан̇г̇амаа ход̇и. гат̇ан̃жа, бхигкавз, саммаад̣̇идти буб̣б̣ан̇г̇амаа ход̇и? мижчаагамманд̇ам̣ ‘мижчаагамманд̇о’д̇и баж̇аанаад̇и, саммаагамманд̇ам̣ ‘саммаагамманд̇о’д̇и баж̇аанаад̇и ; саасса ход̇и саммаад̣̇идти. гад̇амо жа, бхигкавз, мижчаагамманд̇о? баан̣аад̇ибаад̇о, ад̣̇иннаад̣̇аанам̣, гаамзсумижчаажааро – аяам̣, бхигкавз, мижчаагамманд̇о. гад̇амо жа, бхигкавз, саммаагамманд̇о? саммаагамманд̇ам̣бахам̣, бхигкавз , д̣̇вааяам̣ вад̣̇аами – ад̇т̇и, бхигкавз, саммаагамманд̇о саасаво бун̃н̃абхааг̇ияо убад̇хивзбагго; ад̇т̇и, бхигкавз, саммаагамманд̇о арияо анаасаво логуд̇д̇аро маг̇г̇ан̇г̇о. гад̇амо жа, бхигкавз, саммаагамманд̇о саасаво бун̃н̃абхааг̇ияо убад̇хивзбагго? баан̣аад̇ибаад̇аа взраман̣ий, ад̣̇иннаад̣̇аанаа взраман̣ий, гаамзсумижчаажаараа взраман̣ий – аяам̣, бхигкавз, саммаагамманд̇о саасаво бун̃н̃абхааг̇ияо убад̇хивзбагго. гад̇амо жа, бхигкавз, саммаагамманд̇о арияо анаасаво логуд̇д̇аро маг̇г̇ан̇г̇о? яаа ко, бхигкавз, арияажид̇д̇асса анаасаважид̇д̇асса арияамаг̇г̇асаман̇г̇ино арияамаг̇г̇ам̣ бхааваяад̇о д̇ийхи гааяад̣̇ужжарид̇зхи аарад̇и вирад̇и бадивирад̇и взраман̣ий – аяам̣, бхигкавз, саммаагамманд̇о арияо анаасаво логуд̇д̇аро маг̇г̇ан̇г̇о. со мижчаагамманд̇асса бахаанааяа вааяамад̇и, саммаагамманд̇асса убасамбад̣̇ааяа; сваасса ход̇и саммаавааяаамо. со сад̇о мижчаагамманд̇ам̣ баж̇ахад̇и, сад̇о саммаагамманд̇ам̣ убасамбаж̇ж̇а вихарад̇и; саасса ход̇и саммаасад̇и. ид̇ияимз д̇аяо д̇хаммаа саммаагамманд̇ам̣ анубарид̇хааванд̇и анубаривад̇д̇анд̇и, сзяяат̇ид̣̇ам̣ – саммаад̣̇идти, саммаавааяаамо, саммаасад̇и.
139. ‘‘Tatra, bhikkhave, sammādiṭṭhi pubbaṅgamā hoti. Kathañca, bhikkhave, sammādiṭṭhi pubbaṅgamā hoti? Micchākammantaṃ ‘micchākammanto’ti pajānāti, sammākammantaṃ ‘sammākammanto’ti pajānāti ; sāssa hoti sammādiṭṭhi. Katamo ca, bhikkhave, micchākammanto? Pāṇātipāto, adinnādānaṃ, kāmesumicchācāro – ayaṃ, bhikkhave, micchākammanto. Katamo ca, bhikkhave, sammākammanto? Sammākammantaṃpahaṃ, bhikkhave , dvāyaṃ vadāmi – atthi, bhikkhave, sammākammanto sāsavo puññabhāgiyo upadhivepakko; atthi, bhikkhave, sammākammanto ariyo anāsavo lokuttaro maggaṅgo. Katamo ca, bhikkhave, sammākammanto sāsavo puññabhāgiyo upadhivepakko? Pāṇātipātā veramaṇī, adinnādānā veramaṇī, kāmesumicchācārā veramaṇī – ayaṃ, bhikkhave, sammākammanto sāsavo puññabhāgiyo upadhivepakko. Katamo ca, bhikkhave, sammākammanto ariyo anāsavo lokuttaro maggaṅgo? Yā kho, bhikkhave, ariyacittassa anāsavacittassa ariyamaggasamaṅgino ariyamaggaṃ bhāvayato tīhi kāyaduccaritehi ārati virati paṭivirati veramaṇī – ayaṃ, bhikkhave, sammākammanto ariyo anāsavo lokuttaro maggaṅgo. So micchākammantassa pahānāya vāyamati, sammākammantassa upasampadāya; svāssa hoti sammāvāyāmo. So sato micchākammantaṃ pajahati, sato sammākammantaṃ upasampajja viharati; sāssa hoti sammāsati. Itiyime tayo dhammā sammākammantaṃ anuparidhāvanti anuparivattanti, seyyathidaṃ – sammādiṭṭhi, sammāvāyāmo, sammāsati.
140. ‘‘д̇ад̇ра, бхигкавз, саммаад̣̇идти буб̣б̣ан̇г̇амаа ход̇и. гат̇ан̃жа, бхигкавз, саммаад̣̇идти буб̣б̣ан̇г̇амаа ход̇и? мижчааааж̇ийвам̣ ‘мижчааааж̇ийво’д̇и баж̇аанаад̇и, саммааааж̇ийвам̣ ‘саммааааж̇ийво’д̇и баж̇аанаад̇и; саасса ход̇и саммаад̣̇идти. гад̇амо жа, бхигкавз, мижчааааж̇ийво? гуханаа, лабанаа, нзмид̇д̇игад̇аа, ниббзсигад̇аа, лаабхзна лаабхам̣ ниж̇иг̇ийсанад̇аа 13 – аяам̣, бхигкавз, мижчааааж̇ийво. гад̇амо жа, бхигкавз, саммааааж̇ийво? саммааааж̇ийвам̣бахам̣, бхигкавз , д̣̇вааяам̣ вад̣̇аами – ад̇т̇и, бхигкавз, саммааааж̇ийво саасаво бун̃н̃абхааг̇ияо убад̇хивзбагго; ад̇т̇и, бхигкавз, саммааааж̇ийво арияо анаасаво логуд̇д̇аро маг̇г̇ан̇г̇о. гад̇амо жа, бхигкавз, саммааааж̇ийво саасаво бун̃н̃абхааг̇ияо убад̇хивзбагго? ид̇ха, бхигкавз, арияасааваго мижчааааж̇ийвам̣ бахааяа саммааааж̇ийвзна ж̇ийвигам̣ габбзд̇и – аяам̣, бхигкавз, саммааааж̇ийво саасаво бун̃н̃абхааг̇ияо убад̇хивзбагго. гад̇амо жа, бхигкавз, саммааааж̇ийво арияо анаасаво логуд̇д̇аро маг̇г̇ан̇г̇о? яаа ко, бхигкавз, арияажид̇д̇асса анаасаважид̇д̇асса арияамаг̇г̇асаман̇г̇ино арияамаг̇г̇ам̣ бхааваяад̇о мижчааааж̇ийваа аарад̇и вирад̇и бадивирад̇и взраман̣ий – аяам̣, бхигкавз, саммааааж̇ийво арияо анаасаво логуд̇д̇аро маг̇г̇ан̇г̇о. со мижчааааж̇ийвасса бахаанааяа вааяамад̇и, саммааааж̇ийвасса убасамбад̣̇ааяа ; сваасса ход̇и саммаавааяаамо. со сад̇о мижчааааж̇ийвам̣ баж̇ахад̇и, сад̇о саммааааж̇ийвам̣ убасамбаж̇ж̇а вихарад̇и; саасса ход̇и саммаасад̇и. ид̇ияимз д̇аяо д̇хаммаа саммааааж̇ийвам̣ анубарид̇хааванд̇и анубаривад̇д̇анд̇и, сзяяат̇ид̣̇ам̣ – саммаад̣̇идти, саммаавааяаамо, саммаасад̇и.
140. ‘‘Tatra, bhikkhave, sammādiṭṭhi pubbaṅgamā hoti. Kathañca, bhikkhave, sammādiṭṭhi pubbaṅgamā hoti? Micchāājīvaṃ ‘micchāājīvo’ti pajānāti, sammāājīvaṃ ‘sammāājīvo’ti pajānāti; sāssa hoti sammādiṭṭhi. Katamo ca, bhikkhave, micchāājīvo? Kuhanā, lapanā, nemittikatā, nippesikatā, lābhena lābhaṃ nijigīsanatā 14 – ayaṃ, bhikkhave, micchāājīvo. Katamo ca, bhikkhave, sammāājīvo? Sammāājīvaṃpahaṃ, bhikkhave , dvāyaṃ vadāmi – atthi, bhikkhave, sammāājīvo sāsavo puññabhāgiyo upadhivepakko; atthi, bhikkhave, sammāājīvo ariyo anāsavo lokuttaro maggaṅgo. Katamo ca, bhikkhave, sammāājīvo sāsavo puññabhāgiyo upadhivepakko? Idha, bhikkhave, ariyasāvako micchāājīvaṃ pahāya sammāājīvena jīvikaṃ kappeti – ayaṃ, bhikkhave, sammāājīvo sāsavo puññabhāgiyo upadhivepakko. Katamo ca, bhikkhave, sammāājīvo ariyo anāsavo lokuttaro maggaṅgo? Yā kho, bhikkhave, ariyacittassa anāsavacittassa ariyamaggasamaṅgino ariyamaggaṃ bhāvayato micchāājīvā ārati virati paṭivirati veramaṇī – ayaṃ, bhikkhave, sammāājīvo ariyo anāsavo lokuttaro maggaṅgo. So micchāājīvassa pahānāya vāyamati, sammāājīvassa upasampadāya ; svāssa hoti sammāvāyāmo. So sato micchāājīvaṃ pajahati, sato sammāājīvaṃ upasampajja viharati; sāssa hoti sammāsati. Itiyime tayo dhammā sammāājīvaṃ anuparidhāvanti anuparivattanti, seyyathidaṃ – sammādiṭṭhi, sammāvāyāmo, sammāsati.
141. ‘‘д̇ад̇ра, бхигкавз, саммаад̣̇идти буб̣б̣ан̇г̇амаа ход̇и. гат̇ан̃жа, бхигкавз, саммаад̣̇идти буб̣б̣ан̇г̇амаа ход̇и? саммаад̣̇идтисса , бхигкавз, саммаасан̇габбо баход̇и, саммаасан̇габбасса саммааваажаа баход̇и, саммааваажасса саммаагамманд̇о баход̇и, саммаагамманд̇асса саммааааж̇ийво баход̇и, саммааааж̇ийвасса саммаавааяаамо баход̇и, саммаавааяаамасса саммаасад̇и баход̇и, саммаасад̇исса саммаасамаад̇хи баход̇и, саммаасамаад̇хисса саммаан̃аан̣ам̣ баход̇и, саммаан̃аан̣асса саммаавимуд̇д̇и баход̇и. ид̇и ко, бхигкавз, адтан̇г̇асаманнааг̇ад̇о сзгко 15, д̣̇асан̇г̇асаманнааг̇ад̇о арахаа ход̇и. (д̇ад̇раби саммаан̃аан̣зна анзгз баабагаа агусалаа д̇хаммаа виг̇ад̇аа бхааванаабаарибуурим̣ г̇ажчанд̇и).
141. ‘‘Tatra, bhikkhave, sammādiṭṭhi pubbaṅgamā hoti. Kathañca, bhikkhave, sammādiṭṭhi pubbaṅgamā hoti? Sammādiṭṭhissa , bhikkhave, sammāsaṅkappo pahoti, sammāsaṅkappassa sammāvācā pahoti, sammāvācassa sammākammanto pahoti, sammākammantassa sammāājīvo pahoti, sammāājīvassa sammāvāyāmo pahoti, sammāvāyāmassa sammāsati pahoti, sammāsatissa sammāsamādhi pahoti, sammāsamādhissa sammāñāṇaṃ pahoti, sammāñāṇassa sammāvimutti pahoti. Iti kho, bhikkhave, aṭṭhaṅgasamannāgato sekkho 16, dasaṅgasamannāgato arahā hoti. (Tatrapi sammāñāṇena aneke pāpakā akusalā dhammā vigatā bhāvanāpāripūriṃ gacchanti).
142. ‘‘д̇ад̇ра, бхигкавз, саммаад̣̇идти буб̣б̣ан̇г̇амаа ход̇и. гат̇ан̃жа, бхигкавз, саммаад̣̇идти буб̣б̣ан̇г̇амаа ход̇и? саммаад̣̇идтисса, бхигкавз, мижчаад̣̇идти ниж̇ж̇ин̣н̣аа ход̇и. яз жа мижчаад̣̇идтибажжаяаа анзгз баабагаа агусалаа д̇хаммаа самбхаванд̇и д̇з жасса ниж̇ж̇ин̣н̣аа хонд̇и. саммаад̣̇идтибажжаяаа анзгз гусалаа д̇хаммаа бхааванаабаарибуурим̣ г̇ажчанд̇и. саммаасан̇габбасса, бхигкавз, мижчаасан̇габбо ниж̇ж̇ин̣н̣о ход̇и…бз… саммааваажасса, бхигкавз, мижчааваажаа ниж̇ж̇ин̣н̣аа ход̇и… саммаагамманд̇асса, бхигкавз, мижчаагамманд̇о ниж̇ж̇ин̣н̣о ход̇и… саммааааж̇ийвасса, бхигкавз, мижчааааж̇ийво ниж̇ж̇ин̣н̣о ход̇и… саммаавааяаамасса , бхигкавз , мижчаавааяаамо ниж̇ж̇ин̣н̣о ход̇и… саммаасад̇исса, бхигкавз, мижчаасад̇и ниж̇ж̇ин̣н̣аа ход̇и… саммаасамаад̇хисса, бхигкавз, мижчаасамаад̇хи ниж̇ж̇ин̣н̣о ход̇и… саммаан̃аан̣асса, бхигкавз, мижчаан̃аан̣ам̣ ниж̇ж̇ин̣н̣ам̣ ход̇и… саммаавимуд̇д̇асса, бхигкавз, мижчаавимуд̇д̇и ниж̇ж̇ин̣н̣аа ход̇и. яз жа мижчаавимуд̇д̇ибажжаяаа анзгз баабагаа агусалаа д̇хаммаа самбхаванд̇и д̇з жасса ниж̇ж̇ин̣н̣аа хонд̇и. саммаавимуд̇д̇ибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇и.
142. ‘‘Tatra, bhikkhave, sammādiṭṭhi pubbaṅgamā hoti. Kathañca, bhikkhave, sammādiṭṭhi pubbaṅgamā hoti? Sammādiṭṭhissa, bhikkhave, micchādiṭṭhi nijjiṇṇā hoti. Ye ca micchādiṭṭhipaccayā aneke pāpakā akusalā dhammā sambhavanti te cassa nijjiṇṇā honti. Sammādiṭṭhipaccayā aneke kusalā dhammā bhāvanāpāripūriṃ gacchanti. Sammāsaṅkappassa, bhikkhave, micchāsaṅkappo nijjiṇṇo hoti…pe… sammāvācassa, bhikkhave, micchāvācā nijjiṇṇā hoti… sammākammantassa, bhikkhave, micchākammanto nijjiṇṇo hoti… sammāājīvassa, bhikkhave, micchāājīvo nijjiṇṇo hoti… sammāvāyāmassa , bhikkhave , micchāvāyāmo nijjiṇṇo hoti… sammāsatissa, bhikkhave, micchāsati nijjiṇṇā hoti… sammāsamādhissa, bhikkhave, micchāsamādhi nijjiṇṇo hoti… sammāñāṇassa, bhikkhave, micchāñāṇaṃ nijjiṇṇaṃ hoti… sammāvimuttassa, bhikkhave, micchāvimutti nijjiṇṇā hoti. Ye ca micchāvimuttipaccayā aneke pāpakā akusalā dhammā sambhavanti te cassa nijjiṇṇā honti. Sammāvimuttipaccayā ca aneke kusalā dhammā bhāvanāpāripūriṃ gacchanti.
‘‘ид̇и ко, бхигкавз, вийсад̇и гусалабагкаа, вийсад̇и агусалабагкаа – махаажад̇д̇аарийсаго д̇хаммабарияааяо бавад̇д̇ид̇о аббадивад̇д̇ияо саман̣зна ваа б̣раахман̣зна ваа д̣̇звзна ваа маарзна ваа б̣рахмунаа ваа гзнажи ваа логасмим̣.
‘‘Iti kho, bhikkhave, vīsati kusalapakkhā, vīsati akusalapakkhā – mahācattārīsako dhammapariyāyo pavattito appaṭivattiyo samaṇena vā brāhmaṇena vā devena vā mārena vā brahmunā vā kenaci vā lokasmiṃ.
143. ‘‘яо хи гожи, бхигкавз, саман̣о ваа б̣раахман̣о ваа имам̣ махаажад̇д̇аарийсагам̣ д̇хаммабарияааяам̣ г̇арахид̇аб̣б̣ам̣ бадиггосид̇аб̣б̣ам̣ ман̃н̃зяяа д̇асса д̣̇идтзва д̇хаммз д̣̇асасахад̇хаммигаа ваад̣̇аануваад̣̇аа г̇аараяхам̣ таанам̣ ааг̇ажчанд̇и – саммаад̣̇идтим̣ жз бхавам̣ г̇арахад̇и, яз жа мижчаад̣̇идтий саман̣аб̣раахман̣аа д̇з бход̇о буж̇ж̇аа, д̇з бход̇о баасам̣саа; саммаасан̇габбам̣ жз бхавам̣ г̇арахад̇и , яз жа мижчаасан̇габбаа саман̣аб̣раахман̣аа д̇з бход̇о буж̇ж̇аа, д̇з бход̇о баасам̣саа; саммааваажам̣ жз бхавам̣ г̇арахад̇и…бз… саммаагамманд̇ам̣ жз бхавам̣ г̇арахад̇и… саммааааж̇ийвам̣ жз бхавам̣ г̇арахад̇и… саммаавааяаамам̣ жз бхавам̣ г̇арахад̇и… саммаасад̇им̣ жз бхавам̣ г̇арахад̇и… саммаасамаад̇хим̣ жз бхавам̣ г̇арахад̇и… саммаан̃аан̣ам̣ жз бхавам̣ г̇арахад̇и … саммаавимуд̇д̇им̣ жз бхавам̣ г̇арахад̇и, яз жа мижчаавимуд̇д̇ий саман̣аб̣раахман̣аа д̇з бход̇о буж̇ж̇аа, д̇з бход̇о баасам̣саа. яо гожи, бхигкавз, саман̣о ваа б̣раахман̣о ваа имам̣ махаажад̇д̇аарийсагам̣ д̇хаммабарияааяам̣ г̇арахид̇аб̣б̣ам̣ бадиггосид̇аб̣б̣ам̣ ман̃н̃зяяа д̇асса д̣̇идтзва д̇хаммз имз д̣̇асасахад̇хаммигаа ваад̣̇аануваад̣̇аа г̇аараяхам̣ таанам̣ ааг̇ажчанд̇и. язби д̇з, бхигкавз, ахзсум̣ оггалаа вассабхан̃н̃аа 17 ахзд̇уваад̣̇аа агирияаваад̣̇аа над̇т̇игаваад̣̇аа д̇зби махаажад̇д̇аарийсагам̣ д̇хаммабарияааяам̣ на г̇арахид̇аб̣б̣ам̣ набадиггосид̇аб̣б̣ам̣ аман̃н̃им̣су 18. д̇ам̣ гисса хзд̇у? нинд̣̇ааб̣яааросаубаарамбхабхаяаа’’д̇и.
143. ‘‘Yo hi koci, bhikkhave, samaṇo vā brāhmaṇo vā imaṃ mahācattārīsakaṃ dhammapariyāyaṃ garahitabbaṃ paṭikkositabbaṃ maññeyya tassa diṭṭheva dhamme dasasahadhammikā vādānuvādā gārayhaṃ ṭhānaṃ āgacchanti – sammādiṭṭhiṃ ce bhavaṃ garahati, ye ca micchādiṭṭhī samaṇabrāhmaṇā te bhoto pujjā, te bhoto pāsaṃsā; sammāsaṅkappaṃ ce bhavaṃ garahati , ye ca micchāsaṅkappā samaṇabrāhmaṇā te bhoto pujjā, te bhoto pāsaṃsā; sammāvācaṃ ce bhavaṃ garahati…pe… sammākammantaṃ ce bhavaṃ garahati… sammāājīvaṃ ce bhavaṃ garahati… sammāvāyāmaṃ ce bhavaṃ garahati… sammāsatiṃ ce bhavaṃ garahati… sammāsamādhiṃ ce bhavaṃ garahati… sammāñāṇaṃ ce bhavaṃ garahati … sammāvimuttiṃ ce bhavaṃ garahati, ye ca micchāvimuttī samaṇabrāhmaṇā te bhoto pujjā, te bhoto pāsaṃsā. Yo koci, bhikkhave, samaṇo vā brāhmaṇo vā imaṃ mahācattārīsakaṃ dhammapariyāyaṃ garahitabbaṃ paṭikkositabbaṃ maññeyya tassa diṭṭheva dhamme ime dasasahadhammikā vādānuvādā gārayhaṃ ṭhānaṃ āgacchanti. Yepi te, bhikkhave, ahesuṃ okkalā vassabhaññā 19 ahetuvādā akiriyavādā natthikavādā tepi mahācattārīsakaṃ dhammapariyāyaṃ na garahitabbaṃ napaṭikkositabbaṃ amaññiṃsu 20. Taṃ kissa hetu? Nindābyārosaupārambhabhayā’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
махаажад̇д̇аарийсагасуд̇д̇ам̣ нидтид̇ам̣ сад̇д̇амам̣.
Mahācattārīsakasuttaṃ niṭṭhitaṃ sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 7. махаажад̇д̇аарийсагасуд̇д̇аван̣н̣анаа • 7. Mahācattārīsakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. махаажад̇д̇аарийсагасуд̇д̇аван̣н̣анаа • 7. Mahācattārīsakasuttavaṇṇanā
