| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) |
੭. ਮਹਾਚਤ੍ਤਾਰੀਸਕਸੁਤ੍ਤવਣ੍ਣਨਾ
7. Mahācattārīsakasuttavaṇṇanā
੧੩੬. ਏવਂ ਮੇ ਸੁਤਨ੍ਤਿ ਮਹਾਚਤ੍ਤਾਰੀਸਕਸੁਤ੍ਤਂ। ਤਤ੍ਥ ਅਰਿਯਨ੍ਤਿ ਨਿਦ੍ਦੋਸਂ ਲੋਕੁਤ੍ਤਰਂ, ਨਿਦ੍ਦੋਸਞ੍ਹਿ ‘‘ਅਰਿਯ’’ਨ੍ਤਿ વੁਚ੍ਚਤਿ। ਸਮ੍ਮਾਸਮਾਧਿਨ੍ਤਿ ਮਗ੍ਗਸਮਾਧਿਂ। ਸਉਪਨਿਸਨ੍ਤਿ ਸਪਚ੍ਚਯਂ। ਸਪਰਿਕ੍ਖਾਰਨ੍ਤਿ ਸਪਰਿવਾਰਂ।
136.Evaṃme sutanti mahācattārīsakasuttaṃ. Tattha ariyanti niddosaṃ lokuttaraṃ, niddosañhi ‘‘ariya’’nti vuccati. Sammāsamādhinti maggasamādhiṃ. Saupanisanti sapaccayaṃ. Saparikkhāranti saparivāraṃ.
ਪਰਿਕ੍ਖਤਾਤਿ ਪਰਿવਾਰਿਤਾ। ਸਮ੍ਮਾਦਿਟ੍ਠਿ ਪੁਬ੍ਬਙ੍ਗਮਾ ਹੋਤੀਤਿ ਦ੍વਿਧਾ ਸਮ੍ਮਾਦਿਟ੍ਠਿ ਪੁਬ੍ਬਙ੍ਗਮਾ ਹੋਤਿ ਪੁਰੇਚਾਰਿਕਾ વਿਪਸ੍ਸਨਾਸਮ੍ਮਾਦਿਟ੍ਠਿ ਚ ਮਗ੍ਗਸਮ੍ਮਾਦਿਟ੍ਠਿ ਚ। વਿਪਸ੍ਸਨਾਸਮ੍ਮਾਦਿਟ੍ਠਿ ਤੇਭੂਮਕਸਙ੍ਖਾਰੇ ਅਨਿਚ੍ਚਾਦਿવਸੇਨ ਪਰਿવੀਮਂਸਤਿ; ਮਗ੍ਗਸਮ੍ਮਾਦਿਟ੍ਠਿ ਪਨ ਪਰਿવੀਮਂਸਨਪਰਿਯੋਸਾਨੇ ਭੂਮਿਲਦ੍ਧਂ વਟ੍ਟਂ ਸਮੁਗ੍ਘਾਟਯਮਾਨਾ વੂਪਸਮਯਮਾਨਾ ਸੀਤੁਦਕਘਟਸਹਸ੍ਸਂ ਮਤ੍ਥਕੇ ਆਸਿਞ੍ਚਮਾਨਾ વਿਯ ਉਪ੍ਪਜ੍ਜਤਿ। ਯਥਾ ਹਿ ਖੇਤ੍ਤਂ ਕੁਰੁਮਾਨੋ ਕਸ੍ਸਕੋ ਪਠਮਂ ਅਰਞ੍ਞੇ ਰੁਕ੍ਖੇ ਛਿਨ੍ਦਤਿ, ਪਚ੍ਛਾ ਅਗ੍ਗਿਂ ਦੇਤਿ, ਸੋ ਅਗ੍ਗਿ ਪਠਮਂ ਛਿਨ੍ਨੇ ਰੁਕ੍ਖੇ ਅਨવਸੇਸੇ ਝਾਪੇਤਿ, ਏવਮੇવ વਿਪਸ੍ਸਨਾਸਮ੍ਮਾਦਿਟ੍ਠਿ ਪਠਮਂ ਅਨਿਚ੍ਚਾਦਿવਸੇਨ ਸਙ੍ਖਾਰੇ વੀਮਂਸਤਿ, ਮਗ੍ਗਸਮ੍ਮਾਦਿਟ੍ਠਿ ਤਾਯ વੀਮਂਸਨਤ੍ਥਂ ਸਙ੍ਖਾਰੇ ਪੁਨ ਅਪ੍ਪવਤ੍ਤਿવਸੇਨ ਸਮੁਗ੍ਘਾਟਯਮਾਨਾ ਉਪ੍ਪਜ੍ਜਤਿ, ਸਾ ਦੁવਿਧਾਪਿ ਇਧ ਅਧਿਪ੍ਪੇਤਾ।
Parikkhatāti parivāritā. Sammādiṭṭhipubbaṅgamā hotīti dvidhā sammādiṭṭhi pubbaṅgamā hoti purecārikā vipassanāsammādiṭṭhi ca maggasammādiṭṭhi ca. Vipassanāsammādiṭṭhi tebhūmakasaṅkhāre aniccādivasena parivīmaṃsati; maggasammādiṭṭhi pana parivīmaṃsanapariyosāne bhūmiladdhaṃ vaṭṭaṃ samugghāṭayamānā vūpasamayamānā sītudakaghaṭasahassaṃ matthake āsiñcamānā viya uppajjati. Yathā hi khettaṃ kurumāno kassako paṭhamaṃ araññe rukkhe chindati, pacchā aggiṃ deti, so aggi paṭhamaṃ chinne rukkhe anavasese jhāpeti, evameva vipassanāsammādiṭṭhi paṭhamaṃ aniccādivasena saṅkhāre vīmaṃsati, maggasammādiṭṭhi tāya vīmaṃsanatthaṃ saṅkhāre puna appavattivasena samugghāṭayamānā uppajjati, sā duvidhāpi idha adhippetā.
ਮਿਚ੍ਛਾਦਿਟ੍ਠੀਤਿ ਪਜਾਨਾਤੀਤਿ ਮਿਚ੍ਛਾਦਿਟ੍ਠਿਂ ਅਨਿਚ੍ਚਂ ਦੁਕ੍ਖਂ ਅਨਤ੍ਤਾਤਿ ਲਕ੍ਖਣਪਟਿવੇਧੇਨ ਆਰਮ੍ਮਣਤੋ ਪਜਾਨਾਤਿ, ਸਮ੍ਮਾਦਿਟ੍ਠਿਂ ਕਿਚ੍ਚਤੋ ਅਸਮ੍ਮੋਹਤੋ ਪਜਾਨਾਤਿ। ਸਾਸ੍ਸ ਹੋਤਿ ਸਮ੍ਮਾਦਿਟ੍ਠੀਤਿ ਸਾ ਏવਂ ਪਜਾਨਨਾ ਅਸ੍ਸ ਸਮ੍ਮਾਦਿਟ੍ਠਿ ਨਾਮ ਹੋਤਿ।
Micchādiṭṭhīti pajānātīti micchādiṭṭhiṃ aniccaṃ dukkhaṃ anattāti lakkhaṇapaṭivedhena ārammaṇato pajānāti, sammādiṭṭhiṃ kiccato asammohato pajānāti. Sāssa hoti sammādiṭṭhīti sā evaṃ pajānanā assa sammādiṭṭhi nāma hoti.
ਦ੍વਾਯਂ વਦਾਮੀਤਿ ਦ੍વਯਂ વਦਾਮਿ, ਦੁવਿਧਕੋਟ੍ਠਾਸਂ વਦਾਮੀਤਿ ਅਤ੍ਥੋ। ਪੁਞ੍ਞਭਾਗਿਯਾਤਿ ਪੁਞ੍ਞਕੋਟ੍ਠਾਸਭੂਤਾ। ਉਪਧਿવੇਪਕ੍ਕਾਤਿ ਉਪਧਿਸਙ੍ਖਾਤਸ੍ਸ વਿਪਾਕਸ੍ਸ ਦਾਯਿਕਾ।
Dvāyaṃ vadāmīti dvayaṃ vadāmi, duvidhakoṭṭhāsaṃ vadāmīti attho. Puññabhāgiyāti puññakoṭṭhāsabhūtā. Upadhivepakkāti upadhisaṅkhātassa vipākassa dāyikā.
ਪਞ੍ਞਾ ਪਞ੍ਞਿਨ੍ਦ੍ਰਿਯਨ੍ਤਿਆਦੀਸੁ વਿਭਜਿਤ੍વਾ વਿਭਜਿਤ੍વਾ ਅਮਤਦ੍વਾਰਂ ਪਞ੍ਞਪੇਤਿ ਦਸ੍ਸੇਤੀਤਿ ਪਞ੍ਞਾ। ਤਸ੍ਮਿਂ ਅਤ੍ਥੇ ਇਨ੍ਦਤ੍ਤਂ ਕਰੋਤੀਤਿ ਪਞ੍ਞਿਨ੍ਦ੍ਰਿਯਂ। ਅવਿਜ੍ਜਾਯ ਨ ਕਮ੍ਪਤੀਤਿ ਪਞ੍ਞਾਬਲਂ। ਬੋਜ੍ਝਙ੍ਗਪ੍ਪਤ੍ਤਾ ਹੁਤ੍વਾ ਚਤੁਸਚ੍ਚਧਮ੍ਮੇ વਿਚਿਨਾਤੀਤਿ ਧਮ੍ਮવਿਚਯਸਮ੍ਬੋਜ੍ਝਙ੍ਗੋ। ਮਗ੍ਗਸਮ੍ਪਤ੍ਤਿਯਾ ਪਸਟ੍ਠਾ ਸੋਭਨਾ ਦਿਟ੍ਠੀਤਿ ਸਮ੍ਮਾਦਿਟ੍ਠਿ। ਅਰਿਯਮਗ੍ਗਸ੍ਸ ਅਙ੍ਗਨ੍ਤਿ ਮਗ੍ਗਙ੍ਗਂ। ਸੋਤਿ ਸੋ ਭਿਕ੍ਖੁ। ਪਹਾਨਾਯਾਤਿ ਪਜਹਨਤ੍ਥਾਯ। ਉਪਸਮ੍ਪਦਾਯਾਤਿ ਪਟਿਲਾਭਤ੍ਥਾਯ। ਸਮ੍ਮਾવਾਯਾਮੋਤਿ ਨਿਯ੍ਯਾਨਿਕੋ ਕੁਸਲવਾਯਾਮੋ। ਸਤੋਤਿ ਸਤਿਯਾ ਸਮਨ੍ਨਾਗਤੋ ਹੁਤ੍વਾ। ਅਨੁਪਰਿਧਾવਨ੍ਤਿ ਅਨੁਪਰਿવਤ੍ਤਨ੍ਤੀਤਿ ਸਹਜਾਤਾ ਚ ਪੁਰੇਜਾਤਾ ਚ ਹੁਤ੍વਾ ਪਰਿવਾਰੇਨ੍ਤਿ। ਏਤ੍ਥ ਹਿ ਸਮ੍ਮਾવਾਯਾਮੋ ਚ ਸਮ੍ਮਾਸਤਿ ਚ ਲੋਕੁਤ੍ਤਰਸਮ੍ਮਾਦਿਟ੍ਠਿਂ ਸਹਜਾਤਾ ਪਰਿવਾਰੇਨ੍ਤਿ ਰਾਜਾਨਂ વਿਯ ਏਕਰਥੇ ਠਿਤਾ ਅਸਿਗ੍ਗਾਹਛਤ੍ਤਗ੍ਗਾਹਾ। વਿਪਸ੍ਸਨਾਸਮ੍ਮਾਦਿਟ੍ਠਿ ਪਨ ਪੁਰੇਜਾਤਾ ਹੁਤ੍વਾ ਪਰਿવਾਰੇਤਿ ਰਥਸ੍ਸ ਪੁਰਤੋ ਪਤ੍ਤਿਕਾਦਯੋ વਿਯ। ਦੁਤਿਯਪਬ੍ਬਤੋ ਪਟ੍ਠਾਯ ਪਨ ਸਮ੍ਮਾਸਙ੍ਕਪ੍ਪਾਦੀਨਂ ਤਯੋਪਿ ਸਹਜਾਤਪਰਿવਾਰਾવ ਹੋਨ੍ਤੀਤਿ વੇਦਿਤਬ੍ਬਾ।
Paññā paññindriyantiādīsu vibhajitvā vibhajitvā amatadvāraṃ paññapeti dassetīti paññā. Tasmiṃ atthe indattaṃ karotīti paññindriyaṃ. Avijjāya na kampatīti paññābalaṃ. Bojjhaṅgappattā hutvā catusaccadhamme vicinātīti dhammavicayasambojjhaṅgo. Maggasampattiyā pasaṭṭhā sobhanā diṭṭhīti sammādiṭṭhi. Ariyamaggassa aṅganti maggaṅgaṃ. Soti so bhikkhu. Pahānāyāti pajahanatthāya. Upasampadāyāti paṭilābhatthāya. Sammāvāyāmoti niyyāniko kusalavāyāmo. Satoti satiyā samannāgato hutvā. Anuparidhāvanti anuparivattantīti sahajātā ca purejātā ca hutvā parivārenti. Ettha hi sammāvāyāmo ca sammāsati ca lokuttarasammādiṭṭhiṃ sahajātā parivārenti rājānaṃ viya ekarathe ṭhitā asiggāhachattaggāhā. Vipassanāsammādiṭṭhi pana purejātā hutvā parivāreti rathassa purato pattikādayo viya. Dutiyapabbato paṭṭhāya pana sammāsaṅkappādīnaṃ tayopi sahajātaparivārāva hontīti veditabbā.
੧੩੭. ਮਿਚ੍ਛਾਸਙ੍ਕਪ੍ਪੋਤਿ ਪਜਾਨਾਤੀਤਿ ਮਿਚ੍ਛਾਸਙ੍ਕਪ੍ਪਂ ਅਨਿਚ੍ਚਂ ਦੁਕ੍ਖਂ ਅਨਤ੍ਤਾਤਿ ਲਕ੍ਖਣਪਟਿવੇਧੇਨ ਆਰਮ੍ਮਣਤੋ ਪਜਾਨਾਤਿ ਸਮ੍ਮਾਸਙ੍ਕਪ੍ਪਂ ਕਿਚ੍ਚਤੋ ਅਸਮ੍ਮੋਹਤੋ ਪਜਾਨਾਤਿ। ਇਤੋ ਅਪਰੇਸੁ ਸਮ੍ਮਾવਾਚਾਦੀਸੁਪਿ ਏવਮੇવ ਯੋਜਨਾ વੇਦਿਤਬ੍ਬਾ। ਕਾਮਸਙ੍ਕਪ੍ਪਾਦਯੋ ਦ੍વੇਧਾવਿਤਕ੍ਕਸੁਤ੍ਤੇ (ਮ॰ ਨਿ॰ ੧.੨੦੬) વੁਤ੍ਤਾਯੇવ।
137.Micchāsaṅkappoti pajānātīti micchāsaṅkappaṃ aniccaṃ dukkhaṃ anattāti lakkhaṇapaṭivedhena ārammaṇato pajānāti sammāsaṅkappaṃ kiccato asammohato pajānāti. Ito aparesu sammāvācādīsupi evameva yojanā veditabbā. Kāmasaṅkappādayo dvedhāvitakkasutte (ma. ni. 1.206) vuttāyeva.
ਤਕ੍ਕੋਤਿਆਦੀਸੁ ਤਕ੍ਕਨવਸੇਨ ਤਕ੍ਕੋ। ਸ੍વੇવ ਚ ਉਪਸਗ੍ਗੇਨ ਪਦਂ વਡ੍ਢੇਤ੍વਾ વਿਤਕ੍ਕੋਤਿ વੁਤ੍ਤੋ, ਸ੍વੇવ ਸਙ੍ਕਪ੍ਪਨવਸੇਨ ਸਙ੍ਕਪ੍ਪੋ। ਏਕਗ੍ਗੋ ਹੁਤ੍વਾ ਆਰਮ੍ਮਣੇ ਅਪ੍ਪੇਤੀਤਿ ਅਪ੍ਪਨਾ । ਉਪਸਗ੍ਗੇਨ ਪਨ ਪਦਂ વਡ੍ਢੇਤ੍વਾ ਬ੍ਯਪ੍ਪਨਾਤਿ વੁਤ੍ਤਂ। ਚੇਤਸੋ ਅਭਿਨਿਰੋਪਨਾਤਿ ਚਿਤ੍ਤਸ੍ਸ ਅਭਿਨਿਰੋਪਨਾ। વਿਤਕ੍ਕਸ੍ਮਿਞ੍ਹਿ ਸਤਿ વਿਤਕ੍ਕੋ ਆਰਮ੍ਮਣੇ ਚਿਤ੍ਤਂ ਅਭਿਨਿਰੋਪੇਤਿ વਿਤਕ੍ਕੇ ਪਨ ਅਸਤਿ ਅਤ੍ਤਨੋਯੇવ ਧਮ੍ਮਤਾਯ ਚਿਤ੍ਤਂ ਆਰਮ੍ਮਣਂ ਅਭਿਰੁਹਤਿ ਜਾਤਿਸਮ੍ਪਨ੍ਨੋ ਅਭਿਞ੍ਞਾਤਪੁਰਿਸੋ વਿਯ ਰਾਜਗੇਹਂ। ਅਨਭਿਞ੍ਞਾਤਸ੍ਸ ਹਿ ਪਟਿਹਾਰੇਨ વਾ ਦੋવਾਰਿਕੇਨ વਾ ਅਤ੍ਥੋ ਹੋਤਿ, ਅਭਿਞ੍ਞਾਤਂ ਜਾਤਿਸਮ੍ਪਨ੍ਨਂ ਸਬ੍ਬੇ ਰਾਜਰਾਜਮਹਾਮਤ੍ਤਾ ਜਾਨਨ੍ਤੀਤਿ ਅਤ੍ਤਨੋવ ਧਮ੍ਮਤਾਯ ਨਿਕ੍ਖਮਤਿ ਚੇવ ਪવਿਸਤਿ ਚ, ਏવਂਸਮ੍ਪਦਮਿਦਂ વੇਦਿਤਬ੍ਬਂ। વਾਚਂ ਸਙ੍ਖਰੋਤੀਤਿ વਚੀਸਙ੍ਖਾਰੋ। ਏਤ੍ਥ ਚ ਲੋਕਿਯવਿਤਕ੍ਕੋ વਾਚਂ ਸਙ੍ਖਰੋਤਿ, ਨ ਲੋਕੁਤ੍ਤਰੋ। ਕਿਞ੍ਚਾਪਿ ਨ ਸਙ੍ਖਰੋਤਿ, વਚੀਸਙ੍ਖਾਰੋਤ੍વੇવ ਚ ਪਨਸ੍ਸ ਨਾਮਂ ਹੋਤਿ। ਸਮ੍ਮਾਸਙ੍ਕਪ੍ਪਂ ਅਨੁਪਰਿਧਾવਨ੍ਤੀਤਿ ਲੋਕੁਤ੍ਤਰਸਮ੍ਮਾਸਙ੍ਕਪ੍ਪਂ ਪਰਿવਾਰੇਨ੍ਤਿ। ਏਤ੍ਥ ਚ ਤਯੋਪਿ ਨੇਕ੍ਖਮ੍ਮਸਙ੍ਕਪ੍ਪਾਦਯੋ ਪੁਬ੍ਬਭਾਗੇ ਨਾਨਾਚਿਤ੍ਤੇਸੁ ਲਬ੍ਭਨ੍ਤਿ, ਮਗ੍ਗਕ੍ਖਣੇ ਪਨ ਤਿਣ੍ਣਮ੍ਪਿ ਕਾਮਸਙ੍ਕਪ੍ਪਾਦੀਨਞ੍ਚ ਪਦਚ੍ਛੇਦਂ ਸਮੁਗ੍ਘਾਤਂ ਕਰੋਨ੍ਤੋ ਮਗ੍ਗਙ੍ਗਂ ਪੂਰਯਮਾਨੋ ਏਕੋવ ਸਮ੍ਮਾਸਙ੍ਕਪ੍ਪੋ ਉਪ੍ਪਜ੍ਜਿਤ੍વਾ ਨੇਕ੍ਖਮ੍ਮਸਙ੍ਕਪ੍ਪਾਦਿવਸੇਨ ਤੀਣਿ ਨਾਮਾਨਿ ਲਭਤਿ। ਪਰਤੋ ਸਮ੍ਮਾવਾਚਾਦੀਸੁਪਿ ਏਸੇવ ਨਯੋ।
Takkotiādīsu takkanavasena takko. Sveva ca upasaggena padaṃ vaḍḍhetvā vitakkoti vutto, sveva saṅkappanavasena saṅkappo. Ekaggo hutvā ārammaṇe appetīti appanā. Upasaggena pana padaṃ vaḍḍhetvā byappanāti vuttaṃ. Cetaso abhiniropanāti cittassa abhiniropanā. Vitakkasmiñhi sati vitakko ārammaṇe cittaṃ abhiniropeti vitakke pana asati attanoyeva dhammatāya cittaṃ ārammaṇaṃ abhiruhati jātisampanno abhiññātapuriso viya rājagehaṃ. Anabhiññātassa hi paṭihārena vā dovārikena vā attho hoti, abhiññātaṃ jātisampannaṃ sabbe rājarājamahāmattā jānantīti attanova dhammatāya nikkhamati ceva pavisati ca, evaṃsampadamidaṃ veditabbaṃ. Vācaṃ saṅkharotīti vacīsaṅkhāro. Ettha ca lokiyavitakko vācaṃ saṅkharoti, na lokuttaro. Kiñcāpi na saṅkharoti, vacīsaṅkhārotveva ca panassa nāmaṃ hoti. Sammāsaṅkappaṃ anuparidhāvantīti lokuttarasammāsaṅkappaṃ parivārenti. Ettha ca tayopi nekkhammasaṅkappādayo pubbabhāge nānācittesu labbhanti, maggakkhaṇe pana tiṇṇampi kāmasaṅkappādīnañca padacchedaṃ samugghātaṃ karonto maggaṅgaṃ pūrayamāno ekova sammāsaṅkappo uppajjitvā nekkhammasaṅkappādivasena tīṇi nāmāni labhati. Parato sammāvācādīsupi eseva nayo.
੧੩੮. ਮੁਸਾવਾਦਾ વੇਰਮਣੀਤਿਆਦੀਸੁ વਿਰਤਿਪਿ ਚੇਤਨਾਪਿ વਟ੍ਟਤਿ। ਆਰਤੀਤਿਆਦੀਸੁ વਚੀਦੁਚ੍ਚਰਿਤੇਹਿ ਆਰਕਾ ਰਮਤੀਤਿ ਆਰਤਿ। વਿਨਾ ਤੇਹਿ ਰਮਤੀਤਿ વਿਰਤਿ। ਤਤੋ ਤਤੋ ਪਟਿਨਿવਤ੍ਤਾવ ਹੁਤ੍વਾ ਤੇਹਿ વਿਨਾ ਰਮਤੀਤਿ ਪਟਿવਿਰਤਿ। ਉਪਸਗ੍ਗવਸੇਨ વਾ ਪਦਂ વਡ੍ਢਿਤਂ, ਸਬ੍ਬਮਿਦਂ ਓਰਮਨਭਾવਸ੍ਸੇવ ਅਧਿવਚਨਂ। વੇਰਂ ਮਣਤਿ વਿਨਾਸੇਤੀਤਿ વੇਰਮਣਿ। ਇਦਮ੍ਪਿ ਓਰਮਨਸ੍ਸੇવ વੇવਚਨਂ।
138.Musāvādāveramaṇītiādīsu viratipi cetanāpi vaṭṭati. Āratītiādīsu vacīduccaritehi ārakā ramatīti ārati. Vinā tehi ramatīti virati. Tato tato paṭinivattāva hutvā tehi vinā ramatīti paṭivirati. Upasaggavasena vā padaṃ vaḍḍhitaṃ, sabbamidaṃ oramanabhāvasseva adhivacanaṃ. Veraṃ maṇati vināsetīti veramaṇi. Idampi oramanasseva vevacanaṃ.
੧੩੯. ਪਾਣਾਤਿਪਾਤਾ વੇਰਮਣੀਤਿਆਦੀਸੁਪਿ ਚੇਤਨਾ વਿਰਤੀਤਿ ਉਭਯਮ੍ਪਿ વਟ੍ਟਤਿਯੇવ।
139.Pāṇātipātā veramaṇītiādīsupi cetanā viratīti ubhayampi vaṭṭatiyeva.
੧੪੦. ਕੁਹਨਾਤਿਆਦੀਸੁ ਤਿવਿਧੇਨ ਕੁਹਨવਤ੍ਥੁਨਾ ਲੋਕਂ ਏਤਾਯ ਕੁਹਯਨ੍ਤਿ વਿਮ੍ਹਾਪਯਨ੍ਤੀਤਿ ਕੁਹਨਾ। ਲਾਭਸਕ੍ਕਾਰਤ੍ਥਿਕਾ ਹੁਤ੍વਾ ਏਤਾਯ ਲਪਨ੍ਤੀਤਿ ਲਪਨਾ। ਨਿਮਿਤ੍ਤਂ ਸੀਲਮੇਤੇਸਨ੍ਤਿ ਨੇਮਿਤ੍ਤਿਕਾ, ਤੇਸਂ ਭਾવੋ ਨੇਮਿਤ੍ਤਿਕਤਾ। ਨਿਪ੍ਪੇਸੋ ਸੀਲਮੇਤੇਸਨ੍ਤਿ ਨਿਪ੍ਪੇਸਿਕਾ, ਤੇਸਂ ਭਾવੋ ਨਿਪ੍ਪੇਸਿਕਤਾ। ਲਾਭੇਨ ਲਾਭਂ ਨਿਜਿਗੀਸਨ੍ਤਿ ਮਗ੍ਗਨ੍ਤਿ ਪਰਿਯੇਸਨ੍ਤੀਤਿ ਲਾਭੇਨ ਲਾਭਂ ਨਿਜਿਗੀਸਨਾ, ਤੇਸਂ ਭਾવੋ ਲਾਭੇਨ ਲਾਭਂ ਨਿਜਿਗੀਸਨਤਾ। ਅਯਮੇਤ੍ਥ ਸਙ੍ਖੇਪੋ, વਿਤ੍ਥਾਰੇਨ ਪਨੇਤਾ ਕੁਹਨਾਦਿਕਾ વਿਸੁਦ੍ਧਿਮਗ੍ਗੇ ਸੀਲਨਿਦ੍ਦੇਸੇਯੇવ ਪਾਲ਼ਿਞ੍ਚ ਅਟ੍ਠਕਥਞ੍ਚ ਆਹਰਿਤ੍વਾ ਪਕਾਸਿਤਾ। ਮਿਚ੍ਛਾਆਜੀવਸ੍ਸ ਪਹਾਨਾਯਾਤਿ ਏਤ੍ਥ ਨ ਕੇવਲਂ ਪਾਲ਼ਿਯਂ ਆਗਤੋવ ਮਿਚ੍ਛਾਆਜੀવੋ, ਆਜੀવਹੇਤੁ ਪਨ ਪવਤ੍ਤਿਤਾ ਪਾਣਾਤਿਪਾਤਾਦਯੋ ਸਤ੍ਤਕਮ੍ਮਪਥਚੇਤਨਾਪਿ ਮਿਚ੍ਛਾਆਜੀવੋવ। ਤਾਸਂਯੇવ ਸਤ੍ਤਨ੍ਨਂ ਚੇਤਨਾਨਂ ਪਦਪਚ੍ਛੇਦਂ ਸਮੁਗ੍ਘਾਤਂ ਕੁਰੁਮਾਨਂ ਮਗ੍ਗਙ੍ਗਂ ਪੂਰਯਮਾਨਾ ਉਪ੍ਪਨ੍ਨਾ વਿਰਤਿ ਸਮ੍ਮਾਆਜੀવੋ ਨਾਮ।
140.Kuhanātiādīsu tividhena kuhanavatthunā lokaṃ etāya kuhayanti vimhāpayantīti kuhanā. Lābhasakkāratthikā hutvā etāya lapantīti lapanā. Nimittaṃ sīlametesanti nemittikā, tesaṃ bhāvo nemittikatā. Nippeso sīlametesanti nippesikā, tesaṃ bhāvo nippesikatā. Lābhena lābhaṃ nijigīsanti magganti pariyesantīti lābhena lābhaṃ nijigīsanā, tesaṃ bhāvo lābhena lābhaṃ nijigīsanatā. Ayamettha saṅkhepo, vitthārena panetā kuhanādikā visuddhimagge sīlaniddeseyeva pāḷiñca aṭṭhakathañca āharitvā pakāsitā. Micchāājīvassa pahānāyāti ettha na kevalaṃ pāḷiyaṃ āgatova micchāājīvo, ājīvahetu pana pavattitā pāṇātipātādayo sattakammapathacetanāpi micchāājīvova. Tāsaṃyeva sattannaṃ cetanānaṃ padapacchedaṃ samugghātaṃ kurumānaṃ maggaṅgaṃ pūrayamānā uppannā virati sammāājīvo nāma.
੧੪੧. ਸਮ੍ਮਾਦਿਟ੍ਠਿਸ੍ਸਾਤਿ ਮਗ੍ਗਸਮ੍ਮਾਦਿਟ੍ਠਿਯਂ ਠਿਤਸ੍ਸ ਪੁਗ੍ਗਲਸ੍ਸ। ਸਮ੍ਮਾਸਙ੍ਕਪ੍ਪੋ ਪਹੋਤੀਤਿ ਮਗ੍ਗਸਮ੍ਮਾਸਙ੍ਕਪ੍ਪੋ ਪਹੋਤਿ, ਫਲਸਮ੍ਮਾਦਿਟ੍ਠਿਸ੍ਸਪਿ ਫਲਸਮ੍ਮਾਸਙ੍ਕਪ੍ਪੋ ਪਹੋਤੀਤਿ ਏવਂ ਸਬ੍ਬਪਦੇਸੁ ਅਤ੍ਥੋ વੇਦਿਤਬ੍ਬੋ। ਸਮ੍ਮਾਞਾਣਸ੍ਸ ਸਮ੍ਮਾવਿਮੁਤ੍ਤੀਤਿ ਏਤ੍ਥ ਪਨ ਮਗ੍ਗਸਮ੍ਮਾਸਮਾਧਿਮ੍ਹਿ ਠਿਤਸ੍ਸ ਮਗ੍ਗਪਚ੍ਚવੇਕ੍ਖਣਂ ਸਮ੍ਮਾਞਾਣਂ ਪਹੋਤਿ, ਫਲਸਮ੍ਮਾਸਮਾਧਿਮ੍ਹਿ ਠਿਤਸ੍ਸ ਫਲਪਚ੍ਚવੇਕ੍ਖਣਂ ਸਮ੍ਮਾਞਾਣਂ ਪਹੋਤਿ। ਮਗ੍ਗਪਚ੍ਚવੇਕ੍ਖਣਸਮ੍ਮਾਞਾਣੇ ਚ ਠਿਤਸ੍ਸ ਮਗ੍ਗਸਮ੍ਮਾવਿਮੁਤ੍ਤਿ ਪਹੋਤਿ, ਫਲਪਚ੍ਚવੇਕ੍ਖਣਸਮ੍ਮਾਞਾਣੇ ਠਿਤਸ੍ਸ ਫਲਸਮ੍ਮਾવਿਮੁਤ੍ਤਿ ਪਹੋਤੀਤਿ ਅਤ੍ਥੋ। ਏਤ੍ਥ ਚ ਠਪੇਤ੍વਾ ਅਟ੍ਠ ਫਲਙ੍ਗਾਨਿ ਸਮ੍ਮਾਞਾਣਂ ਪਚ੍ਚવੇਕ੍ਖਣਂ ਕਤ੍વਾ ਸਮ੍ਮਾવਿਮੁਤ੍ਤਿਂ ਫਲਂ ਕਾਤੁਂ વਟ੍ਟਤੀਤਿ વੁਤ੍ਤਂ।
141.Sammādiṭṭhissāti maggasammādiṭṭhiyaṃ ṭhitassa puggalassa. Sammāsaṅkappo pahotīti maggasammāsaṅkappo pahoti, phalasammādiṭṭhissapi phalasammāsaṅkappo pahotīti evaṃ sabbapadesu attho veditabbo. Sammāñāṇassasammāvimuttīti ettha pana maggasammāsamādhimhi ṭhitassa maggapaccavekkhaṇaṃ sammāñāṇaṃ pahoti, phalasammāsamādhimhi ṭhitassa phalapaccavekkhaṇaṃ sammāñāṇaṃ pahoti. Maggapaccavekkhaṇasammāñāṇe ca ṭhitassa maggasammāvimutti pahoti, phalapaccavekkhaṇasammāñāṇe ṭhitassa phalasammāvimutti pahotīti attho. Ettha ca ṭhapetvā aṭṭha phalaṅgāni sammāñāṇaṃ paccavekkhaṇaṃ katvā sammāvimuttiṃ phalaṃ kātuṃ vaṭṭatīti vuttaṃ.
੧੪੨. ਸਮ੍ਮਾਦਿਟ੍ਠਿਸ੍ਸ , ਭਿਕ੍ਖવੇ, ਮਿਚ੍ਛਾਦਿਟ੍ਠਿ ਨਿਜ੍ਜਿਣ੍ਣਾ ਹੋਤੀਤਿਆਦੀਸੁ ਅવਸੇਸਨਿਕਾਯਭਾਣਕਾ ਫਲਂ ਕਥਿਤਨ੍ਤਿ વਦਨ੍ਤਿ, ਮਜ੍ਝਿਮਭਾਣਕਾ ਪਨ ਦਸਨ੍ਨਂ ਨਿਜ੍ਜਰવਤ੍ਥੂਨਂ ਆਗਤਟ੍ਠਾਨੇ ਮਗ੍ਗੋ ਕਥਿਤੋਤਿ વਦਨ੍ਤਿ। ਤਤ੍ਥ ਦਸ੍ਸਨਟ੍ਠੇਨ ਸਮ੍ਮਾਦਿਟ੍ਠਿ વੇਦਿਤਬ੍ਬਾ, વਿਦਿਤਕਰਣਟ੍ਠੇਨ ਸਮ੍ਮਾਞਾਣਂ, ਤਦਧਿਮੁਤ੍ਤਟ੍ਠੇਨ ਸਮ੍ਮਾવਿਮੁਤ੍ਤਿ।
142.Sammādiṭṭhissa, bhikkhave, micchādiṭṭhi nijjiṇṇā hotītiādīsu avasesanikāyabhāṇakā phalaṃ kathitanti vadanti, majjhimabhāṇakā pana dasannaṃ nijjaravatthūnaṃ āgataṭṭhāne maggo kathitoti vadanti. Tattha dassanaṭṭhena sammādiṭṭhi veditabbā, viditakaraṇaṭṭhena sammāñāṇaṃ, tadadhimuttaṭṭhena sammāvimutti.
વੀਸਤਿ ਕੁਸਲਪਕ੍ਖਾਤਿ ਸਮ੍ਮਾਦਿਟ੍ਠਿਆਦਯੋ ਦਸ, ‘‘ਸਮ੍ਮਾਦਿਟ੍ਠਿਪਚ੍ਚਯਾ ਚ ਅਨੇਕੇ ਕੁਸਲਾ ਧਮ੍ਮਾ’’ਤਿਆਦਿਨਾ ਨਯੇਨ વੁਤ੍ਤਾ ਦਸਾਤਿ ਏવਂ વੀਸਤਿ ਕੁਸਲਪਕ੍ਖਾ ਹੋਨ੍ਤਿ। વੀਸਤਿ ਅਕੁਸਲਪਕ੍ਖਾਤਿ ‘‘ਮਿਚ੍ਛਾਦਿਟ੍ਠਿ ਨਿਜ੍ਜਿਣ੍ਣਾ ਹੋਤੀ’’ਤਿਆਦਿਨਾ ਨਯੇਨ વੁਤ੍ਤਾ ਮਿਚ੍ਛਾਦਿਟ੍ਠਿਆਦਯੋ ਦਸ, ‘‘ਯੇ ਚ ਮਿਚ੍ਛਾਦਿਟ੍ਠਿਪਚ੍ਚਯਾ ਅਨੇਕੇ ਪਾਪਕਾ’’ਤਿਆਦਿਨਾ વੁਤ੍ਤਾ ਦਸ ਚਾਤਿ ਏવਂ વੀਸਤਿ ਅਕੁਸਲਪਕ੍ਖਾ વੇਦਿਤਬ੍ਬਾ। ਮਹਾਚਤ੍ਤਾਰੀਸਕੋਤਿ ਮਹਾવਿਪਾਕਦਾਨੇਨ ਮਹਨ੍ਤਾਨਂ ਕੁਸਲਪਕ੍ਖਿਕਾਨਞ੍ਚੇવ ਅਕੁਸਲਪਕ੍ਖਿਕਾਨਞ੍ਚ ਚਤ੍ਤਾਰੀਸਾਯ ਧਮ੍ਮਾਨਂ ਪਕਾਸਿਤਤ੍ਤਾ ਮਹਾਚਤ੍ਤਾਰੀਸਕੋਤਿ।
Vīsati kusalapakkhāti sammādiṭṭhiādayo dasa, ‘‘sammādiṭṭhipaccayā ca aneke kusalā dhammā’’tiādinā nayena vuttā dasāti evaṃ vīsati kusalapakkhā honti. Vīsati akusalapakkhāti ‘‘micchādiṭṭhi nijjiṇṇā hotī’’tiādinā nayena vuttā micchādiṭṭhiādayo dasa, ‘‘ye ca micchādiṭṭhipaccayā aneke pāpakā’’tiādinā vuttā dasa cāti evaṃ vīsati akusalapakkhā veditabbā. Mahācattārīsakoti mahāvipākadānena mahantānaṃ kusalapakkhikānañceva akusalapakkhikānañca cattārīsāya dhammānaṃ pakāsitattā mahācattārīsakoti.
ਇਮਸ੍ਮਿਞ੍ਚ ਪਨ ਸੁਤ੍ਤੇ ਪਞ੍ਚ ਸਮ੍ਮਾਦਿਟ੍ਠਿਯੋ ਕਥਿਤਾ વਿਪਸ੍ਸਨਾਸਮ੍ਮਾਦਿਟ੍ਠਿ ਕਮ੍ਮਸ੍ਸਕਤਾਸਮ੍ਮਾਦਿਟ੍ਠਿ ਮਗ੍ਗਸਮ੍ਮਾਦਿਟ੍ਠਿ ਫਲਸਮ੍ਮਾਦਿਟ੍ਠਿ ਪਚ੍ਚવੇਕ੍ਖਣਾਸਮ੍ਮਾਦਿਟ੍ਠੀਤਿ। ਤਤ੍ਥ ‘‘ਮਿਚ੍ਛਾਦਿਟ੍ਠਿਂ ਮਿਚ੍ਛਾਦਿਟ੍ਠੀਤਿ ਪਜਾਨਾਤੀ’’ਤਿਆਦਿਨਾ ਨਯੇਨ વੁਤ੍ਤਾ વਿਪਸ੍ਸਨਾਸਮ੍ਮਾਦਿਟ੍ਠਿ ਨਾਮ। ‘‘ਅਤ੍ਥਿ ਦਿਨ੍ਨ’’ਨ੍ਤਿਆਦਿਨਾ ਨਯੇਨ વੁਤ੍ਤਾ ਕਮ੍ਮਸ੍ਸਕਤਾਸਮ੍ਮਾਦਿਟ੍ਠਿ ਨਾਮ। ‘‘ਸਮ੍ਮਾਦਿਟ੍ਠਿਸ੍ਸ, ਭਿਕ੍ਖવੇ, ਸਮ੍ਮਾਸਙ੍ਕਪ੍ਪੋ ਪਹੋਤੀ’’ਤਿ ਏਤ੍ਥ ਪਨ ਮਗ੍ਗਸਮ੍ਮਾਦਿਟ੍ਠਿ ਫਲਸਮ੍ਮਾਦਿਟ੍ਠੀਤਿ ਦ੍વੇਪਿ ਕਥਿਤਾ। ‘‘ਸਮ੍ਮਾਞਾਣਂ ਪਹੋਤੀ’’ਤਿ। ਏਤ੍ਥ ਪਨ ਪਚ੍ਚવੇਕ੍ਖਣਾਸਮ੍ਮਾਦਿਟ੍ਠਿ ਕਥਿਤਾਤਿ વੇਦਿਤਬ੍ਬਾ।
Imasmiñca pana sutte pañca sammādiṭṭhiyo kathitā vipassanāsammādiṭṭhi kammassakatāsammādiṭṭhi maggasammādiṭṭhi phalasammādiṭṭhi paccavekkhaṇāsammādiṭṭhīti. Tattha ‘‘micchādiṭṭhiṃ micchādiṭṭhīti pajānātī’’tiādinā nayena vuttā vipassanāsammādiṭṭhi nāma. ‘‘Atthi dinna’’ntiādinā nayena vuttā kammassakatāsammādiṭṭhi nāma. ‘‘Sammādiṭṭhissa, bhikkhave, sammāsaṅkappo pahotī’’ti ettha pana maggasammādiṭṭhi phalasammādiṭṭhīti dvepi kathitā. ‘‘Sammāñāṇaṃ pahotī’’ti. Ettha pana paccavekkhaṇāsammādiṭṭhi kathitāti veditabbā.
੧੪੩. ਸਮ੍ਮਾਦਿਟ੍ਠਿਂ ਚੇ ਭવਂ ਗਰਹਤੀਤਿ ਮਿਚ੍ਛਾਦਿਟ੍ਠਿ ਨਾਮਾਯਂ ਸੋਭਨਾਤਿ વਦਨ੍ਤੋਪਿ ਸਮ੍ਮਾਦਿਟ੍ਠਿ ਨਾਮਾਯਂ ਨ ਸੋਭਨਾਤਿ વਦਨ੍ਤੋਪਿ ਸਮ੍ਮਾਦਿਟ੍ਠਿਂ ਗਰਹਤਿ ਨਾਮ। ਓਕ੍ਕਲਾਤਿ ਓਕ੍ਕਲਜਨਪਦવਾਸਿਨੋ। વਸ੍ਸਭਞ੍ਞਾਤਿ વਸ੍ਸੋ ਚ ਭਞ੍ਞੋ ਚਾਤਿ ਦ੍વੇ ਜਨਾ। ਅਹੇਤੁવਾਦਾਤਿ ਨਤ੍ਥਿ ਹੇਤੁ ਨਤ੍ਥਿ ਪਚ੍ਚਯੋ ਸਤ੍ਤਾਨਂ વਿਸੁਦ੍ਧਿਯਾਤਿ ਏવਮਾਦਿવਾਦਿਨੋ। ਅਕਿਰਿਯવਾਦਾਤਿ ਕਰੋਤੋ ਨ ਕਰੀਯਤਿ ਪਾਪਨ੍ਤਿ ਏવਂ ਕਿਰਿਯਪਟਿਕ੍ਖੇਪવਾਦਿਨੋ। ਨਤ੍ਥਿਕવਾਦਾਤਿ ਨਤ੍ਥਿ ਦਿਨ੍ਨਨ੍ਤਿਆਦਿવਾਦਿਨੋ। ਤੇ ਇਮੇਸੁ ਤੀਸੁਪਿ ਦਸ੍ਸਨੇਸੁ ਓਕ੍ਕਨ੍ਤਨਿਯਾਮਾ ਅਹੇਸੁਂ। ਕਥਂ ਪਨੇਤੇਸੁ ਨਿਯਾਮੋ ਹੋਤੀਤਿ। ਯੋ ਹਿ ਏવਰੂਪਂ ਲਦ੍ਧਿਂ ਗਹੇਤ੍વਾ ਰਤ੍ਤਿਟ੍ਠਾਨਦਿવਾਟ੍ਠਾਨੇ ਨਿਸਿਨ੍ਨੋ ਸਜ੍ਝਾਯਤਿ વੀਮਂਸਤਿ, ਤਸ੍ਸ ‘‘ਨਤ੍ਥਿ ਹੇਤੁ ਨਤ੍ਥਿ ਪਚ੍ਚਯੋ ਕਰੋਤੋ ਨ ਕਰੀਯਤਿ ਪਾਪਂ, ਨਤ੍ਥਿ ਦਿਨ੍ਨਂ, ਕਾਯਸ੍ਸ ਭੇਦਾ ਉਚ੍ਛਿਜ੍ਜਤੀ’’ਤਿ ਤਸ੍ਮਿਂ ਆਰਮ੍ਮਣੇ ਮਿਚ੍ਛਾਸਤਿ ਸਨ੍ਤਿਟ੍ਠਤਿ, ਚਿਤ੍ਤਂ ਏਕਗ੍ਗਂ ਹੋਤਿ, ਜવਨਾਨਿ ਜવਨ੍ਤਿ। ਪਠਮਜવਨੇ ਸਤੇਕਿਚ੍ਛੋ ਹੋਤਿ, ਤਥਾ ਦੁਤਿਯਾਦੀਸੁ। ਸਤ੍ਤਮੇ ਬੁਦ੍ਧਾਨਮ੍ਪਿ ਅਤੇਕਿਚ੍ਛੋ ਅਨਿવਤ੍ਤੀ ਅਰਿਟ੍ਠਕਣ੍ਡਕਸਦਿਸੋ ਹੋਤਿ।
143.Sammādiṭṭhiṃce bhavaṃ garahatīti micchādiṭṭhi nāmāyaṃ sobhanāti vadantopi sammādiṭṭhi nāmāyaṃ na sobhanāti vadantopi sammādiṭṭhiṃ garahati nāma. Okkalāti okkalajanapadavāsino. Vassabhaññāti vasso ca bhañño cāti dve janā. Ahetuvādāti natthi hetu natthi paccayo sattānaṃ visuddhiyāti evamādivādino. Akiriyavādāti karoto na karīyati pāpanti evaṃ kiriyapaṭikkhepavādino. Natthikavādāti natthi dinnantiādivādino. Te imesu tīsupi dassanesu okkantaniyāmā ahesuṃ. Kathaṃ panetesu niyāmo hotīti. Yo hi evarūpaṃ laddhiṃ gahetvā rattiṭṭhānadivāṭṭhāne nisinno sajjhāyati vīmaṃsati, tassa ‘‘natthi hetu natthi paccayo karoto na karīyati pāpaṃ, natthi dinnaṃ, kāyassa bhedā ucchijjatī’’ti tasmiṃ ārammaṇe micchāsati santiṭṭhati, cittaṃ ekaggaṃ hoti, javanāni javanti. Paṭhamajavane satekiccho hoti, tathā dutiyādīsu. Sattame buddhānampi atekiccho anivattī ariṭṭhakaṇḍakasadiso hoti.
ਤਤ੍ਥ ਕੋਚਿ ਏਕਂ ਦਸ੍ਸਨਂ ਓਕ੍ਕਮਤਿ, ਕੋਚਿ ਦ੍વੇ, ਕੋਚਿ ਤੀਣਿਪਿ, ਨਿਯਤਮਿਚ੍ਛਾਦਿਟ੍ਠਿਕੋવ ਹੋਤਿ, ਪਤ੍ਤੋ ਸਗ੍ਗਮਗ੍ਗਾવਰਣਞ੍ਚੇવ ਮੋਕ੍ਖਮਗ੍ਗਾવਰਣਞ੍ਚ। ਅਭਬ੍ਬੋ ਤਸ੍ਸ ਅਤ੍ਤਭਾવਸ੍ਸ ਅਨਨ੍ਤਰਂ ਸਗ੍ਗਮ੍ਪਿ ਗਨ੍ਤੁਂ, ਪਗੇવ ਮੋਕ੍ਖਂ, વਟ੍ਟਖਾਣੁ ਨਾਮੇਸ ਸਤ੍ਤੋ ਪਥવੀਗੋਪਕੋ, ਯੇਭੁਯ੍ਯੇਨ ਏવਰੂਪਸ੍ਸ ਭવਤੋ વੁਟ੍ਠਾਨਂ ਨਤ੍ਥਿ। વਸ੍ਸਭਞ੍ਞਾਪਿ ਏਦਿਸਾ ਅਹੇਸੁਂ। ਨਿਨ੍ਦਾਬ੍ਯਾਰੋਸਉਪਾਰਮ੍ਭਭਯਾਤਿ ਅਤ੍ਤਨੋ ਨਿਨ੍ਦਾਭਯੇਨ ਘਟ੍ਟਨਭਯੇਨ ਉਪવਾਦਭਯੇਨ ਚਾਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
Tattha koci ekaṃ dassanaṃ okkamati, koci dve, koci tīṇipi, niyatamicchādiṭṭhikova hoti, patto saggamaggāvaraṇañceva mokkhamaggāvaraṇañca. Abhabbo tassa attabhāvassa anantaraṃ saggampi gantuṃ, pageva mokkhaṃ, vaṭṭakhāṇu nāmesa satto pathavīgopako, yebhuyyena evarūpassa bhavato vuṭṭhānaṃ natthi. Vassabhaññāpi edisā ahesuṃ. Nindābyārosaupārambhabhayāti attano nindābhayena ghaṭṭanabhayena upavādabhayena cāti attho. Sesaṃ sabbattha uttānamevāti.
ਪਪਞ੍ਚਸੂਦਨਿਯਾ ਮਜ੍ਝਿਮਨਿਕਾਯਟ੍ਠਕਥਾਯ
Papañcasūdaniyā majjhimanikāyaṭṭhakathāya
ਮਹਾਚਤ੍ਤਾਰੀਸਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Mahācattārīsakasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੭. ਮਹਾਚਤ੍ਤਾਰੀਸਕਸੁਤ੍ਤਂ • 7. Mahācattārīsakasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੭. ਮਹਾਚਤ੍ਤਾਰੀਸਕਸੁਤ੍ਤવਣ੍ਣਨਾ • 7. Mahācattārīsakasuttavaṇṇanā
