| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
11. махаажорасуд̇д̇ам̣
11. Mahācorasuttaṃ
51. ‘‘д̇ийхи, бхигкавз, ан̇г̇зхи саманнааг̇ад̇о махаажоро санд̇химби чинд̣̇ад̇и, ниллобамби харад̇и, згааг̇ааригамби гарод̇и, барибант̇зби д̇идтад̇и. гад̇амзхи д̇ийхи? ид̇ха, бхигкавз, махаажоро висаманиссид̇о жа ход̇и, г̇ахананиссид̇о жа ход̇и, б̣алаваниссид̇о жа ход̇и. гат̇ан̃жа, бхигкавз, махаажоро висаманиссид̇о ход̇и? ид̇ха, бхигкавз, махаажоро над̣̇ийвид̣̇уг̇г̇ам̣ ваа ниссид̇о ход̇и баб̣б̣ад̇ависамам̣ ваа. звам̣ ко, бхигкавз, махаажоро висаманиссид̇о ход̇и.
51. ‘‘Tīhi, bhikkhave, aṅgehi samannāgato mahācoro sandhimpi chindati, nillopampi harati, ekāgārikampi karoti, paripanthepi tiṭṭhati. Katamehi tīhi? Idha, bhikkhave, mahācoro visamanissito ca hoti, gahananissito ca hoti, balavanissito ca hoti. Kathañca, bhikkhave, mahācoro visamanissito hoti? Idha, bhikkhave, mahācoro nadīviduggaṃ vā nissito hoti pabbatavisamaṃ vā. Evaṃ kho, bhikkhave, mahācoro visamanissito hoti.
‘‘гат̇ан̃жа, бхигкавз, махаажоро г̇ахананиссид̇о ход̇и? ид̇ха, бхигкавз, махаажоро д̇ин̣аг̇аханам̣ ваа ниссид̇о ход̇и, ругкаг̇аханам̣ ваа род̇хам̣ 1 ваа махааванасан̣д̣ам̣ ваа. звам̣ ко, бхигкавз, махаажоро г̇ахананиссид̇о ход̇и.
‘‘Kathañca, bhikkhave, mahācoro gahananissito hoti? Idha, bhikkhave, mahācoro tiṇagahanaṃ vā nissito hoti, rukkhagahanaṃ vā rodhaṃ 2 vā mahāvanasaṇḍaṃ vā. Evaṃ kho, bhikkhave, mahācoro gahananissito hoti.
‘‘гат̇ан̃жа, бхигкавз, махаажоро б̣алаваниссид̇о ход̇и? ид̇ха , бхигкавз, махаажоро рааж̇аанам̣ ваа рааж̇амахаамад̇д̇аанам̣ ваа ниссид̇о ход̇и. д̇асса звам̣ ход̇и – ‘сажз мам̣ гожи гин̃жи вагкад̇и, имз мз рааж̇аано ваа рааж̇амахаамад̇д̇аа ваа барияод̇хааяа ад̇т̇ам̣ бхан̣иссанд̇ий’д̇и. сажз нам̣ гожи гин̃жи ааха, д̇яаасса рааж̇аано ваа рааж̇амахаамад̇д̇аа ваа барияод̇хааяа ад̇т̇ам̣ бхан̣анд̇и. звам̣ ко, бхигкавз, махаажоро б̣алаваниссид̇о ход̇и. имз ко, бхигкавз, д̇ийхи ан̇г̇зхи саманнааг̇ад̇о махаажоро санд̇химби чинд̣̇ад̇и, ниллобамби харад̇и, згааг̇ааригамби гарод̇и, барибант̇зби д̇идтад̇и.
‘‘Kathañca, bhikkhave, mahācoro balavanissito hoti? Idha , bhikkhave, mahācoro rājānaṃ vā rājamahāmattānaṃ vā nissito hoti. Tassa evaṃ hoti – ‘sace maṃ koci kiñci vakkhati, ime me rājāno vā rājamahāmattā vā pariyodhāya atthaṃ bhaṇissantī’ti. Sace naṃ koci kiñci āha, tyāssa rājāno vā rājamahāmattā vā pariyodhāya atthaṃ bhaṇanti. Evaṃ kho, bhikkhave, mahācoro balavanissito hoti. Ime kho, bhikkhave, tīhi aṅgehi samannāgato mahācoro sandhimpi chindati, nillopampi harati, ekāgārikampi karoti, paripanthepi tiṭṭhati.
‘‘звамзвам̣ ко, бхигкавз, д̇ийхи ан̇г̇зхи саманнааг̇ад̇о баабабхигку кад̇ам̣ убахад̇ам̣ ад̇д̇аанам̣ барихарад̇и, сааваж̇ж̇о жа ход̇и саануваж̇ж̇о жа вин̃н̃уунам̣, б̣ахун̃жа абун̃н̃ам̣ басавад̇и. гад̇амзхи д̇ийхи? ид̇ха, бхигкавз, баабабхигку висаманиссид̇о жа ход̇и г̇ахананиссид̇о жа б̣алаваниссид̇о жа.
‘‘Evamevaṃ kho, bhikkhave, tīhi aṅgehi samannāgato pāpabhikkhu khataṃ upahataṃ attānaṃ pariharati, sāvajjo ca hoti sānuvajjo ca viññūnaṃ, bahuñca apuññaṃ pasavati. Katamehi tīhi? Idha, bhikkhave, pāpabhikkhu visamanissito ca hoti gahananissito ca balavanissito ca.
‘‘гат̇ан̃жа, бхигкавз, баабабхигку висаманиссид̇о ход̇и? ид̇ха, бхигкавз, баабабхигку висамзна гааяагаммзна саманнааг̇ад̇о ход̇и, висамзна важийгаммзна саманнааг̇ад̇о ход̇и, висамзна маногаммзна саманнааг̇ад̇о ход̇и. звам̣ ко, бхигкавз, баабабхигку висаманиссид̇о ход̇и.
‘‘Kathañca, bhikkhave, pāpabhikkhu visamanissito hoti? Idha, bhikkhave, pāpabhikkhu visamena kāyakammena samannāgato hoti, visamena vacīkammena samannāgato hoti, visamena manokammena samannāgato hoti. Evaṃ kho, bhikkhave, pāpabhikkhu visamanissito hoti.
‘‘гат̇ан̃жа, бхигкавз, баабабхигку г̇ахананиссид̇о ход̇и? ид̇ха, бхигкавз, баабабхигку мижчаад̣̇идтиго ход̇и, анд̇аг̇г̇аахигааяа д̣̇идтияаа саманнааг̇ад̇о ход̇и. звам̣ ко, бхигкавз, баабабхигку г̇ахананиссид̇о ход̇и.
‘‘Kathañca, bhikkhave, pāpabhikkhu gahananissito hoti? Idha, bhikkhave, pāpabhikkhu micchādiṭṭhiko hoti, antaggāhikāya diṭṭhiyā samannāgato hoti. Evaṃ kho, bhikkhave, pāpabhikkhu gahananissito hoti.
‘‘гат̇ан̃жа, бхигкавз, баабабхигку б̣алаваниссид̇о ход̇и? ид̇ха, бхигкавз, баабабхигку рааж̇аанам̣ ваа рааж̇амахаамад̇д̇аанам̣ ваа ниссид̇о ход̇и. д̇асса звам̣ ход̇и – ‘сажз мам̣ гожи гин̃жи вагкад̇и, имз мз рааж̇аано ваа рааж̇амахаамад̇д̇аа ваа барияод̇хааяа ад̇т̇ам̣ бхан̣иссанд̇ий’д̇и. сажз нам̣ гожи гин̃жи ааха, д̇яаасса рааж̇аано ваа рааж̇амахаамад̇д̇аа ваа барияод̇хааяа ад̇т̇ам̣ бхан̣анд̇и. звам̣ ко, бхигкавз, баабабхигку б̣алаваниссид̇о ход̇и. имзхи ко , бхигкавз, д̇ийхи д̇хаммзхи саманнааг̇ад̇о баабабхигку кад̇ам̣ убахад̇ам̣ ад̇д̇аанам̣ барихарад̇и, сааваж̇ж̇о жа ход̇и саануваж̇ж̇о жа вин̃н̃уунам̣, б̣ахун̃жа абун̃н̃ам̣ басавад̇ий’’д̇и. згаад̣̇асамам̣.
‘‘Kathañca, bhikkhave, pāpabhikkhu balavanissito hoti? Idha, bhikkhave, pāpabhikkhu rājānaṃ vā rājamahāmattānaṃ vā nissito hoti. Tassa evaṃ hoti – ‘sace maṃ koci kiñci vakkhati, ime me rājāno vā rājamahāmattā vā pariyodhāya atthaṃ bhaṇissantī’ti. Sace naṃ koci kiñci āha, tyāssa rājāno vā rājamahāmattā vā pariyodhāya atthaṃ bhaṇanti. Evaṃ kho, bhikkhave, pāpabhikkhu balavanissito hoti. Imehi kho , bhikkhave, tīhi dhammehi samannāgato pāpabhikkhu khataṃ upahataṃ attānaṃ pariharati, sāvajjo ca hoti sānuvajjo ca viññūnaṃ, bahuñca apuññaṃ pasavatī’’ti. Ekādasamaṃ.
жуул̣аваг̇г̇о бан̃жамо.
Cūḷavaggo pañcamo.
д̇ассуд̣̇д̣̇аанам̣ –
Tassuddānaṃ –
саммукий таанад̇т̇авасам̣, бавад̇д̇и бан̣д̣ид̇а сийлавам̣;
Sammukhī ṭhānatthavasaṃ, pavatti paṇḍita sīlavaṃ;
сан̇кад̇ам̣ баб̣б̣ад̇аад̇аббам̣, махаажорзнзгаад̣̇асаад̇и 3.
Saṅkhataṃ pabbatātappaṃ, mahācorenekādasāti 4.
батамо бан̣н̣аасаго самад̇д̇о.
Paṭhamo paṇṇāsako samatto.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 11. махаажорасуд̇д̇аван̣н̣анаа • 11. Mahācorasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 11. махаажорасуд̇д̇аван̣н̣анаа • 11. Mahācorasuttavaṇṇanā
