| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. махаажорасуд̇д̇ам̣
3. Mahācorasuttaṃ
103. ‘‘бан̃жахи, бхигкавз, ан̇г̇зхи саманнааг̇ад̇о махаажоро санд̇химби чинд̣̇ад̇и, ниллобамби харад̇и, згааг̇ааригамби гарод̇и, барибант̇зби д̇идтад̇и. гад̇амзхи бан̃жахи? ид̇ха, бхигкавз, махаажоро висаманиссид̇о жа ход̇и, г̇ахананиссид̇о жа, б̣алаваниссид̇о жа, бхог̇ажааг̇ий жа, згажаарий жа.
103. ‘‘Pañcahi, bhikkhave, aṅgehi samannāgato mahācoro sandhimpi chindati, nillopampi harati, ekāgārikampi karoti, paripanthepi tiṭṭhati. Katamehi pañcahi? Idha, bhikkhave, mahācoro visamanissito ca hoti, gahananissito ca, balavanissito ca, bhogacāgī ca, ekacārī ca.
‘‘гат̇ан̃жа, бхигкавз, махаажоро висаманиссид̇о ход̇и? ид̇ха, бхигкавз, махаажоро над̣̇ийвид̣̇уг̇г̇ам̣ ваа ниссид̇о ход̇и баб̣б̣ад̇ависамам̣ ваа. звам̣ ко, бхигкавз, махаажоро висаманиссид̇о ход̇и.
‘‘Kathañca, bhikkhave, mahācoro visamanissito hoti? Idha, bhikkhave, mahācoro nadīviduggaṃ vā nissito hoti pabbatavisamaṃ vā. Evaṃ kho, bhikkhave, mahācoro visamanissito hoti.
‘‘гат̇ан̃жа, бхигкавз, махаажоро г̇ахананиссид̇о ход̇и? ид̇ха, бхигкавз, махаажоро д̇ин̣аг̇аханам̣ ваа ниссид̇о ход̇и ругкаг̇аханам̣ ваа род̇хам̣ 1 ваа махааванасан̣д̣ам̣ ваа. звам̣ ко, бхигкавз, махаажоро г̇ахананиссид̇о ход̇и.
‘‘Kathañca, bhikkhave, mahācoro gahananissito hoti? Idha, bhikkhave, mahācoro tiṇagahanaṃ vā nissito hoti rukkhagahanaṃ vā rodhaṃ 2 vā mahāvanasaṇḍaṃ vā. Evaṃ kho, bhikkhave, mahācoro gahananissito hoti.
‘‘гат̇ан̃жа, бхигкавз, махаажоро б̣алаваниссид̇о ход̇и? ид̇ха, бхигкавз, махаажоро рааж̇аанам̣ ваа рааж̇амахаамад̇д̇аанам̣ ваа ниссид̇о ход̇и. д̇асса звам̣ ход̇и – ‘сажз мам̣ гожи гин̃жи вагкад̇и, имз мз рааж̇аано ваа рааж̇амахаамад̇д̇аа ваа барияод̇хааяа ад̇т̇ам̣ бхан̣иссанд̇ий’д̇и. сажз нам̣ гожи гин̃жи ааха, д̇яасса рааж̇аано ваа рааж̇амахаамад̇д̇аа ваа барияод̇хааяа ад̇т̇ам̣ бхан̣анд̇и. звам̣ ко, бхигкавз, махаажоро б̣алаваниссид̇о ход̇и.
‘‘Kathañca, bhikkhave, mahācoro balavanissito hoti? Idha, bhikkhave, mahācoro rājānaṃ vā rājamahāmattānaṃ vā nissito hoti. Tassa evaṃ hoti – ‘sace maṃ koci kiñci vakkhati, ime me rājāno vā rājamahāmattā vā pariyodhāya atthaṃ bhaṇissantī’ti. Sace naṃ koci kiñci āha, tyassa rājāno vā rājamahāmattā vā pariyodhāya atthaṃ bhaṇanti. Evaṃ kho, bhikkhave, mahācoro balavanissito hoti.
‘‘гат̇ан̃жа, бхигкавз, махаажоро бхог̇ажааг̇ий ход̇и? ид̇ха, бхигкавз, махаажоро ад̣дхо ход̇и махад̣̇д̇хано махаабхог̇о. д̇асса звам̣ ход̇и – ‘сажз мам̣ гожи гин̃жи вагкад̇и, ид̇о бхог̇зна бадисант̇ариссаамий’д̇и. сажз нам̣ гожи гин̃жи ааха, д̇ад̇о бхог̇зна бадисант̇арад̇и. звам̣ ко, бхигкавз, махаажоро бхог̇ажааг̇ий ход̇и.
‘‘Kathañca, bhikkhave, mahācoro bhogacāgī hoti? Idha, bhikkhave, mahācoro aḍḍho hoti mahaddhano mahābhogo. Tassa evaṃ hoti – ‘sace maṃ koci kiñci vakkhati, ito bhogena paṭisantharissāmī’ti. Sace naṃ koci kiñci āha, tato bhogena paṭisantharati. Evaṃ kho, bhikkhave, mahācoro bhogacāgī hoti.
‘‘гат̇ан̃жа, бхигкавз, махаажоро згажаарий ход̇и? ид̇ха, бхигкавз, махаажоро згагова г̇ахан̣аани 3 гад̇д̇аа ход̇и. д̇ам̣ гисса хзд̇у? ‘маа мз г̇уяхаманд̇аа б̣ахид̣̇д̇хаа самбхзд̣̇ам̣ аг̇амам̣суу’д̇и. звам̣ ко, бхигкавз, махаажоро згажаарий ход̇и.
‘‘Kathañca, bhikkhave, mahācoro ekacārī hoti? Idha, bhikkhave, mahācoro ekakova gahaṇāni 4 kattā hoti. Taṃ kissa hetu? ‘Mā me guyhamantā bahiddhā sambhedaṃ agamaṃsū’ti. Evaṃ kho, bhikkhave, mahācoro ekacārī hoti.
‘‘имзхи ко, бхигкавз, бан̃жахан̇г̇зхи саманнааг̇ад̇о махаажоро санд̇химби чинд̣̇ад̇и ниллобамби харад̇и згааг̇ааригамби гарод̇и барибант̇зби д̇идтад̇и.
‘‘Imehi kho, bhikkhave, pañcahaṅgehi samannāgato mahācoro sandhimpi chindati nillopampi harati ekāgārikampi karoti paripanthepi tiṭṭhati.
‘‘звамзвам̣ ко, бхигкавз, бан̃жахи д̇хаммзхи саманнааг̇ад̇о баабабхигку кад̇ам̣ убахад̇ам̣ ад̇д̇аанам̣ барихарад̇и, сааваж̇ж̇о жа ход̇и саануваж̇ж̇о вин̃н̃уунам̣, б̣ахун̃жа абун̃н̃ам̣ басавад̇и. гад̇амзхи бан̃жахи? ид̇ха, бхигкавз, баабабхигку висаманиссид̇о жа ход̇и, г̇ахананиссид̇о жа, б̣алаваниссид̇о жа, бхог̇ажааг̇ий жа, згажаарий жа.
‘‘Evamevaṃ kho, bhikkhave, pañcahi dhammehi samannāgato pāpabhikkhu khataṃ upahataṃ attānaṃ pariharati, sāvajjo ca hoti sānuvajjo viññūnaṃ, bahuñca apuññaṃ pasavati. Katamehi pañcahi? Idha, bhikkhave, pāpabhikkhu visamanissito ca hoti, gahananissito ca, balavanissito ca, bhogacāgī ca, ekacārī ca.
‘‘гат̇ан̃жа, бхигкавз, баабабхигку висаманиссид̇о ход̇и? ид̇ха, бхигкавз, баабабхигку висамзна гааяагаммзна саманнааг̇ад̇о ход̇и, висамзна важийгаммзна саманнааг̇ад̇о ход̇и, висамзна маногаммзна саманнааг̇ад̇о ход̇и. звам̣ ко, бхигкавз, баабабхигку висаманиссид̇о ход̇и.
‘‘Kathañca, bhikkhave, pāpabhikkhu visamanissito hoti? Idha, bhikkhave, pāpabhikkhu visamena kāyakammena samannāgato hoti, visamena vacīkammena samannāgato hoti, visamena manokammena samannāgato hoti. Evaṃ kho, bhikkhave, pāpabhikkhu visamanissito hoti.
‘‘гат̇ан̃жа, бхигкавз, баабабхигку г̇ахананиссид̇о ход̇и? ид̇ха , бхигкавз, баабабхигку мижчаад̣̇идтиго ход̇и анд̇аг̇г̇аахигааяа д̣̇идтияаа саманнааг̇ад̇о. звам̣ ко, бхигкавз, баабабхигку г̇ахананиссид̇о ход̇и.
‘‘Kathañca, bhikkhave, pāpabhikkhu gahananissito hoti? Idha , bhikkhave, pāpabhikkhu micchādiṭṭhiko hoti antaggāhikāya diṭṭhiyā samannāgato. Evaṃ kho, bhikkhave, pāpabhikkhu gahananissito hoti.
‘‘гат̇ан̃жа, бхигкавз, баабабхигку б̣алаваниссид̇о ход̇и? ид̇ха, бхигкавз, баабабхигку рааж̇аанам̣ ваа рааж̇амахаамад̇д̇аанам̣ ваа ниссид̇о ход̇и. д̇асса звам̣ ход̇и – ‘сажз мам̣ гожи гин̃жи вагкад̇и, имз мз рааж̇аано ваа рааж̇амахаамад̇д̇аа ваа барияод̇хааяа ад̇т̇ам̣ бхан̣иссанд̇ий’д̇и. сажз нам̣ гожи гин̃жи ааха, д̇яасса рааж̇аано ваа рааж̇амахаамад̇д̇аа ваа барияод̇хааяа ад̇т̇ам̣ бхан̣анд̇и. звам̣ ко, бхигкавз, баабабхигку б̣алаваниссид̇о ход̇и.
‘‘Kathañca, bhikkhave, pāpabhikkhu balavanissito hoti? Idha, bhikkhave, pāpabhikkhu rājānaṃ vā rājamahāmattānaṃ vā nissito hoti. Tassa evaṃ hoti – ‘sace maṃ koci kiñci vakkhati, ime me rājāno vā rājamahāmattā vā pariyodhāya atthaṃ bhaṇissantī’ti. Sace naṃ koci kiñci āha, tyassa rājāno vā rājamahāmattā vā pariyodhāya atthaṃ bhaṇanti. Evaṃ kho, bhikkhave, pāpabhikkhu balavanissito hoti.
‘‘гат̇ан̃жа, бхигкавз, баабабхигку бхог̇ажааг̇ий ход̇и? ид̇ха, бхигкавз, баабабхигку лаабхий ход̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣. д̇асса звам̣ ход̇и – ‘сажз мам̣ гожи гин̃жи вагкад̇и, ид̇о лаабхзна бадисант̇ариссаамий’д̇и. сажз нам̣ гожи гин̃жи ааха, д̇ад̇о лаабхзна бадисант̇арад̇и. звам̣ ко, бхигкавз, баабабхигку бхог̇ажааг̇ий ход̇и.
‘‘Kathañca, bhikkhave, pāpabhikkhu bhogacāgī hoti? Idha, bhikkhave, pāpabhikkhu lābhī hoti cīvarapiṇḍapātasenāsanagilānappaccayabhesajjaparikkhārānaṃ. Tassa evaṃ hoti – ‘sace maṃ koci kiñci vakkhati, ito lābhena paṭisantharissāmī’ti. Sace naṃ koci kiñci āha, tato lābhena paṭisantharati. Evaṃ kho, bhikkhave, pāpabhikkhu bhogacāgī hoti.
‘‘гат̇ан̃жа , бхигкавз, баабабхигку згажаарий ход̇и? ид̇ха, бхигкавз, баабабхигку згагова бажжанд̇имзсу ж̇анабад̣̇зсу ниваасам̣ габбзд̇и. со д̇ад̇т̇а гулаани убасан̇гаманд̇о лаабхам̣ лабхад̇и. звам̣ ко, бхигкавз, баабабхигку згажаарий ход̇и.
‘‘Kathañca , bhikkhave, pāpabhikkhu ekacārī hoti? Idha, bhikkhave, pāpabhikkhu ekakova paccantimesu janapadesu nivāsaṃ kappeti. So tattha kulāni upasaṅkamanto lābhaṃ labhati. Evaṃ kho, bhikkhave, pāpabhikkhu ekacārī hoti.
‘‘имзхи ко, бхигкавз, бан̃жахи д̇хаммзхи саманнааг̇ад̇о баабабхигку кад̇ам̣ убахад̇ам̣ ад̇д̇аанам̣ барихарад̇и, сааваж̇ж̇о жа ход̇и саануваж̇ж̇о вин̃н̃уунам̣, б̣ахун̃жа абун̃н̃ам̣ басавад̇ий’’д̇и. д̇ад̇ияам̣.
‘‘Imehi kho, bhikkhave, pañcahi dhammehi samannāgato pāpabhikkhu khataṃ upahataṃ attānaṃ pariharati, sāvajjo ca hoti sānuvajjo viññūnaṃ, bahuñca apuññaṃ pasavatī’’ti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. махаажорасуд̇д̇аван̣н̣анаа • 3. Mahācorasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-4. саараж̇ж̇асуд̇д̇аад̣̇иван̣н̣анаа • 1-4. Sārajjasuttādivaṇṇanā
