| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
11. махаажорасуд̇д̇аван̣н̣анаа
11. Mahācorasuttavaṇṇanā
51. згаад̣̇асамз махаажород̇и маханд̇о б̣алаважоро. санд̇хинд̇и гхарасанд̇хим̣. ниллобанд̇и махаавилобам̣. згааг̇аариганд̇и згамзва г̇зхам̣ бариваарзд̇ваа вилумбанам̣. барибант̇зби д̇идтад̇ийд̇и бант̇ад̣̇ууханагаммам̣ гарод̇и. над̣̇ийвид̣̇уг̇г̇анд̇и над̣̇ийнам̣ д̣̇уг̇г̇амадтаанам̣ анд̇арад̣̇ийбагам̣, яад̇т̇а саггаа ход̇и д̣̇вийхиби д̇ийхиби ж̇ан̇гхасахассзхи сад̣̇д̇хим̣ нилийяид̇ум̣. баб̣б̣ад̇ависаманд̇и баб̣б̣ад̇аанам̣ висамадтаанам̣ баб̣б̣ад̇анд̇арам̣, яад̇т̇а саггаа ход̇и сад̇д̇ахи ваа адтахи ваа ж̇ан̇гхасахассзхи сад̣̇д̇хим̣ нилийяид̇ум̣. д̇ин̣аг̇ахананд̇и д̇ин̣зна вад̣дхид̇ваа сан̃чаннам̣ д̣̇вад̇д̇ияож̇анадтаанам̣. род̇ханд̇и гханам̣ ан̃н̃аман̃н̃ам̣ сам̣садтасаакам̣ згааб̣ад̣̇д̇хам̣ махааванасан̣д̣ам̣. барияод̇хааяа ад̇т̇ам̣ бхан̣иссанд̇ийд̇и барияод̣̇ахид̇ваа д̇ам̣ д̇ам̣ гааран̣ам̣ багкибид̇ваа ад̇т̇ам̣ гат̇аяиссанд̇и. д̇яаассаад̇и д̇з асса. барияод̇хааяа ад̇т̇ам̣ бхан̣анд̇ийд̇и гисмин̃жи гин̃жи вад̇д̇ум̣ аарад̣̇д̇хзязва ‘‘маа звам̣ аважуд̇т̇а, маяам̣ зд̇ам̣ гулабарамбарааяа ж̇аанаама, на зса зваруубам̣ гариссад̇ий’’д̇и д̇ам̣ д̇ам̣ гааран̣ам̣ багкибид̇ваа маханд̇амби д̣̇осам̣ харанд̇аа ад̇т̇ам̣ бхан̣анд̇и. ат̇а ваа барияод̇хааяаад̇и бадижчаад̣̇зд̇ваад̇иби ад̇т̇о. д̇з хи д̇ассаби д̣̇осам̣ бадижчаад̣̇зд̇ваа ад̇т̇ам̣ бхан̣анд̇и. кад̇ам̣ убахад̇анд̇и г̇ун̣акананзна кад̇ам̣, г̇ун̣убагхаад̇зна убахад̇ам̣. висамзна гааяагаммзнаад̇и самбагкаланадтзна висамзна гааяад̣̇вааригагаммзна. важийманогаммзсуби зсзва наяо. анд̇аг̇г̇аахигааяаад̇и д̣̇асавад̇т̇угааяа анд̇ам̣ г̇ахзд̇ваа тид̇ад̣̇идтияаа. сзсам̣ саб̣б̣ад̇т̇а уд̇д̇аанад̇т̇амзваад̇и.
51. Ekādasame mahācoroti mahanto balavacoro. Sandhinti gharasandhiṃ. Nillopanti mahāvilopaṃ. Ekāgārikanti ekameva gehaṃ parivāretvā vilumpanaṃ. Paripanthepi tiṭṭhatīti panthadūhanakammaṃ karoti. Nadīvidugganti nadīnaṃ duggamaṭṭhānaṃ antaradīpakaṃ, yattha sakkā hoti dvīhipi tīhipi jaṅghasahassehi saddhiṃ nilīyituṃ. Pabbatavisamanti pabbatānaṃ visamaṭṭhānaṃ pabbatantaraṃ, yattha sakkā hoti sattahi vā aṭṭhahi vā jaṅghasahassehi saddhiṃ nilīyituṃ. Tiṇagahananti tiṇena vaḍḍhitvā sañchannaṃ dvattiyojanaṭṭhānaṃ. Rodhanti ghanaṃ aññamaññaṃ saṃsaṭṭhasākhaṃ ekābaddhaṃ mahāvanasaṇḍaṃ. Pariyodhāya atthaṃ bhaṇissantīti pariyodahitvā taṃ taṃ kāraṇaṃ pakkhipitvā atthaṃ kathayissanti. Tyāssāti te assa. Pariyodhāya atthaṃ bhaṇantīti kismiñci kiñci vattuṃ āraddheyeva ‘‘mā evaṃ avacuttha, mayaṃ etaṃ kulaparamparāya jānāma, na esa evarūpaṃ karissatī’’ti taṃ taṃ kāraṇaṃ pakkhipitvā mahantampi dosaṃ harantā atthaṃ bhaṇanti. Atha vā pariyodhāyāti paṭicchādetvātipi attho. Te hi tassapi dosaṃ paṭicchādetvā atthaṃ bhaṇanti. Khataṃ upahatanti guṇakhananena khataṃ, guṇupaghātena upahataṃ. Visamena kāyakammenāti sampakkhalanaṭṭhena visamena kāyadvārikakammena. Vacīmanokammesupi eseva nayo. Antaggāhikāyāti dasavatthukāya antaṃ gahetvā ṭhitadiṭṭhiyā. Sesaṃ sabbattha uttānatthamevāti.
жуул̣аваг̇г̇о бан̃жамо.
Cūḷavaggo pañcamo.
батамабан̣н̣аасагам̣ нидтид̇ам̣.
Paṭhamapaṇṇāsakaṃ niṭṭhitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 11. махаажорасуд̇д̇ам̣ • 11. Mahācorasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 11. махаажорасуд̇д̇аван̣н̣анаа • 11. Mahācorasuttavaṇṇanā
