| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੧. ਮਹਾਚੋਰਸੁਤ੍ਤવਣ੍ਣਨਾ
11. Mahācorasuttavaṇṇanā
੫੧. ਏਕਾਦਸਮੇ ਮਹਾਚੋਰੋਤਿ ਮਹਨ੍ਤੋ ਬਲવਚੋਰੋ। ਸਨ੍ਧਿਨ੍ਤਿ ਘਰਸਨ੍ਧਿਂ। ਨਿਲ੍ਲੋਪਨ੍ਤਿ ਮਹਾવਿਲੋਪਂ। ਏਕਾਗਾਰਿਕਨ੍ਤਿ ਏਕਮੇવ ਗੇਹਂ ਪਰਿવਾਰੇਤ੍વਾ વਿਲੁਮ੍ਪਨਂ। ਪਰਿਪਨ੍ਥੇਪਿ ਤਿਟ੍ਠਤੀਤਿ ਪਨ੍ਥਦੂਹਨਕਮ੍ਮਂ ਕਰੋਤਿ। ਨਦੀવਿਦੁਗ੍ਗਨ੍ਤਿ ਨਦੀਨਂ ਦੁਗ੍ਗਮਟ੍ਠਾਨਂ ਅਨ੍ਤਰਦੀਪਕਂ, ਯਤ੍ਥ ਸਕ੍ਕਾ ਹੋਤਿ ਦ੍વੀਹਿਪਿ ਤੀਹਿਪਿ ਜਙ੍ਘਸਹਸ੍ਸੇਹਿ ਸਦ੍ਧਿਂ ਨਿਲੀਯਿਤੁਂ। ਪਬ੍ਬਤવਿਸਮਨ੍ਤਿ ਪਬ੍ਬਤਾਨਂ વਿਸਮਟ੍ਠਾਨਂ ਪਬ੍ਬਤਨ੍ਤਰਂ, ਯਤ੍ਥ ਸਕ੍ਕਾ ਹੋਤਿ ਸਤ੍ਤਹਿ વਾ ਅਟ੍ਠਹਿ વਾ ਜਙ੍ਘਸਹਸ੍ਸੇਹਿ ਸਦ੍ਧਿਂ ਨਿਲੀਯਿਤੁਂ। ਤਿਣਗਹਨਨ੍ਤਿ ਤਿਣੇਨ વਡ੍ਢਿਤ੍વਾ ਸਞ੍ਛਨ੍ਨਂ ਦ੍વਤ੍ਤਿਯੋਜਨਟ੍ਠਾਨਂ। ਰੋਧਨ੍ਤਿ ਘਨਂ ਅਞ੍ਞਮਞ੍ਞਂ ਸਂਸਟ੍ਠਸਾਖਂ ਏਕਾਬਦ੍ਧਂ ਮਹਾવਨਸਣ੍ਡਂ। ਪਰਿਯੋਧਾਯ ਅਤ੍ਥਂ ਭਣਿਸ੍ਸਨ੍ਤੀਤਿ ਪਰਿਯੋਦਹਿਤ੍વਾ ਤਂ ਤਂ ਕਾਰਣਂ ਪਕ੍ਖਿਪਿਤ੍વਾ ਅਤ੍ਥਂ ਕਥਯਿਸ੍ਸਨ੍ਤਿ। ਤ੍ਯਾਸ੍ਸਾਤਿ ਤੇ ਅਸ੍ਸ। ਪਰਿਯੋਧਾਯ ਅਤ੍ਥਂ ਭਣਨ੍ਤੀਤਿ ਕਿਸ੍ਮਿਞ੍ਚਿ ਕਿਞ੍ਚਿ વਤ੍ਤੁਂ ਆਰਦ੍ਧੇਯੇવ ‘‘ਮਾ ਏવਂ ਅવਚੁਤ੍ਥ, ਮਯਂ ਏਤਂ ਕੁਲਪਰਮ੍ਪਰਾਯ ਜਾਨਾਮ, ਨ ਏਸ ਏવਰੂਪਂ ਕਰਿਸ੍ਸਤੀ’’ਤਿ ਤਂ ਤਂ ਕਾਰਣਂ ਪਕ੍ਖਿਪਿਤ੍વਾ ਮਹਨ੍ਤਮ੍ਪਿ ਦੋਸਂ ਹਰਨ੍ਤਾ ਅਤ੍ਥਂ ਭਣਨ੍ਤਿ। ਅਥ વਾ ਪਰਿਯੋਧਾਯਾਤਿ ਪਟਿਚ੍ਛਾਦੇਤ੍વਾਤਿਪਿ ਅਤ੍ਥੋ। ਤੇ ਹਿ ਤਸ੍ਸਪਿ ਦੋਸਂ ਪਟਿਚ੍ਛਾਦੇਤ੍વਾ ਅਤ੍ਥਂ ਭਣਨ੍ਤਿ। ਖਤਂ ਉਪਹਤਨ੍ਤਿ ਗੁਣਖਨਨੇਨ ਖਤਂ, ਗੁਣੁਪਘਾਤੇਨ ਉਪਹਤਂ। વਿਸਮੇਨ ਕਾਯਕਮ੍ਮੇਨਾਤਿ ਸਮ੍ਪਕ੍ਖਲਨਟ੍ਠੇਨ વਿਸਮੇਨ ਕਾਯਦ੍વਾਰਿਕਕਮ੍ਮੇਨ। વਚੀਮਨੋਕਮ੍ਮੇਸੁਪਿ ਏਸੇવ ਨਯੋ। ਅਨ੍ਤਗ੍ਗਾਹਿਕਾਯਾਤਿ ਦਸવਤ੍ਥੁਕਾਯ ਅਨ੍ਤਂ ਗਹੇਤ੍વਾ ਠਿਤਦਿਟ੍ਠਿਯਾ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
51. Ekādasame mahācoroti mahanto balavacoro. Sandhinti gharasandhiṃ. Nillopanti mahāvilopaṃ. Ekāgārikanti ekameva gehaṃ parivāretvā vilumpanaṃ. Paripanthepi tiṭṭhatīti panthadūhanakammaṃ karoti. Nadīvidugganti nadīnaṃ duggamaṭṭhānaṃ antaradīpakaṃ, yattha sakkā hoti dvīhipi tīhipi jaṅghasahassehi saddhiṃ nilīyituṃ. Pabbatavisamanti pabbatānaṃ visamaṭṭhānaṃ pabbatantaraṃ, yattha sakkā hoti sattahi vā aṭṭhahi vā jaṅghasahassehi saddhiṃ nilīyituṃ. Tiṇagahananti tiṇena vaḍḍhitvā sañchannaṃ dvattiyojanaṭṭhānaṃ. Rodhanti ghanaṃ aññamaññaṃ saṃsaṭṭhasākhaṃ ekābaddhaṃ mahāvanasaṇḍaṃ. Pariyodhāya atthaṃ bhaṇissantīti pariyodahitvā taṃ taṃ kāraṇaṃ pakkhipitvā atthaṃ kathayissanti. Tyāssāti te assa. Pariyodhāya atthaṃ bhaṇantīti kismiñci kiñci vattuṃ āraddheyeva ‘‘mā evaṃ avacuttha, mayaṃ etaṃ kulaparamparāya jānāma, na esa evarūpaṃ karissatī’’ti taṃ taṃ kāraṇaṃ pakkhipitvā mahantampi dosaṃ harantā atthaṃ bhaṇanti. Atha vā pariyodhāyāti paṭicchādetvātipi attho. Te hi tassapi dosaṃ paṭicchādetvā atthaṃ bhaṇanti. Khataṃ upahatanti guṇakhananena khataṃ, guṇupaghātena upahataṃ. Visamena kāyakammenāti sampakkhalanaṭṭhena visamena kāyadvārikakammena. Vacīmanokammesupi eseva nayo. Antaggāhikāyāti dasavatthukāya antaṃ gahetvā ṭhitadiṭṭhiyā. Sesaṃ sabbattha uttānatthamevāti.
ਚੂਲ਼વਗ੍ਗੋ ਪਞ੍ਚਮੋ।
Cūḷavaggo pañcamo.
ਪਠਮਪਣ੍ਣਾਸਕਂ ਨਿਟ੍ਠਿਤਂ।
Paṭhamapaṇṇāsakaṃ niṭṭhitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੧. ਮਹਾਚੋਰਸੁਤ੍ਤਂ • 11. Mahācorasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੧. ਮਹਾਚੋਰਸੁਤ੍ਤવਣ੍ਣਨਾ • 11. Mahācorasuttavaṇṇanā
