| Library / Tipiṭaka / തിപിടക • Tipiṭaka / അങ്ഗുത്തരനികായ (ടീകാ) • Aṅguttaranikāya (ṭīkā) |
൧൧. മഹാചോരസുത്തവണ്ണനാ
11. Mahācorasuttavaṇṇanā
൫൧. ഏകാദസമേ മഹാബലവചോരോ മഹാചോരോതി ആഹ ‘‘മഹന്തോ ബലവചോരോ’’തി. ബലവചോരോതി ച മഹാഥാമതായ മഹാപരിവാരതായ മഹാചോരിയകമ്മസമത്ഥതായ ച വേദിതബ്ബോ. മഹതം ഗാമനിഗമാനം വിലുപ്പനം മഹാവിലോപോ. തം തം കാരണം പക്ഖിപിത്വാതി തം തം അകരണമേവ കാരണം കത്വാ തപ്പടിബദ്ധായ കഥായ പക്ഖിപിത്വാ. അത്ഥം കഥയിസ്സന്തീതി തസ്സ തസ്സ അത്ഥഞ്ച കഥയിസ്സന്തി. ഹരന്താതി അപനേന്താ പരിഹരന്താ. ദസവത്ഥുകായാതി ‘‘സസ്സതോ ലോകോ’’തി (മ॰ നി॰ ൧.൨൬൯) ആദിദസവത്ഥുസന്നിസ്സിതായ. അന്തം ഗഹേത്വാ ഠിതദിട്ഠിയാതി തമേവ സസ്സതാദിഅന്തം ഗഹേത്വാ അവിസ്സജ്ജേത്വാ ഠിതദിട്ഠിയാ.
51. Ekādasame mahābalavacoro mahācoroti āha ‘‘mahanto balavacoro’’ti. Balavacoroti ca mahāthāmatāya mahāparivāratāya mahācoriyakammasamatthatāya ca veditabbo. Mahataṃ gāmanigamānaṃ viluppanaṃ mahāvilopo. Taṃ taṃ kāraṇaṃ pakkhipitvāti taṃ taṃ akaraṇameva kāraṇaṃ katvā tappaṭibaddhāya kathāya pakkhipitvā. Atthaṃ kathayissantīti tassa tassa atthañca kathayissanti. Harantāti apanentā pariharantā. Dasavatthukāyāti ‘‘sassato loko’’ti (ma. ni. 1.269) ādidasavatthusannissitāya. Antaṃ gahetvā ṭhitadiṭṭhiyāti tameva sassatādiantaṃ gahetvā avissajjetvā ṭhitadiṭṭhiyā.
മഹാചോരസുത്തവണ്ണനാ നിട്ഠിതാ.
Mahācorasuttavaṇṇanā niṭṭhitā.
ചൂളവഗ്ഗവണ്ണനാ നിട്ഠിതാ.
Cūḷavaggavaṇṇanā niṭṭhitā.
പഠമപണ്ണാസകം നിട്ഠിതം.
Paṭhamapaṇṇāsakaṃ niṭṭhitaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൧൧. മഹാചോരസുത്തം • 11. Mahācorasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൧൧. മഹാചോരസുത്തവണ്ണനാ • 11. Mahācorasuttavaṇṇanā
