| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੪. ਮਹਾਚੁਨ੍ਦਸੁਤ੍ਤਂ
4. Mahācundasuttaṃ
੪੬. ਏવਂ ਮੇ ਸੁਤਂ – ਏਕਂ ਸਮਯਂ ਆਯਸ੍ਮਾ ਮਹਾਚੁਨ੍ਦੋ ਚੇਤੀਸੁ વਿਹਰਤਿ ਸਯਂਜਾਤਿਯਂ 1। ਤਤ੍ਰ ਖੋ ਆਯਸ੍ਮਾ ਮਹਾਚੁਨ੍ਦੋ ਭਿਕ੍ਖੂ ਆਮਨ੍ਤੇਸਿ – ‘‘ਆવੁਸੋ ਭਿਕ੍ਖવੇ’’ਤਿ। ‘‘ਆવੁਸੋ’’ਤਿ ਖੋ ਤੇ ਭਿਕ੍ਖੂ ਆਯਸ੍ਮਤੋ ਮਹਾਚੁਨ੍ਦਸ੍ਸ ਪਚ੍ਚਸ੍ਸੋਸੁਂ। ਆਯਸ੍ਮਾ ਮਹਾਚੁਨ੍ਦੋ ਏਤਦવੋਚ –
46. Evaṃ me sutaṃ – ekaṃ samayaṃ āyasmā mahācundo cetīsu viharati sayaṃjātiyaṃ 2. Tatra kho āyasmā mahācundo bhikkhū āmantesi – ‘‘āvuso bhikkhave’’ti. ‘‘Āvuso’’ti kho te bhikkhū āyasmato mahācundassa paccassosuṃ. Āyasmā mahācundo etadavoca –
‘‘ਇਧਾવੁਸੋ, ਧਮ੍ਮਯੋਗਾ ਭਿਕ੍ਖੂ ਝਾਯੀ ਭਿਕ੍ਖੂ ਅਪਸਾਦੇਨ੍ਤਿ – ‘ਇਮੇ ਪਨ ਝਾਯਿਨੋਮ੍ਹਾ, ਝਾਯਿਨੋਮ੍ਹਾਤਿ ਝਾਯਨ੍ਤਿ ਪਜ੍ਝਾਯਨ੍ਤਿ ਨਿਜ੍ਝਾਯਨ੍ਤਿ ਅવਜ੍ਝਾਯਨ੍ਤਿ 3। ਕਿਮਿਮੇ 4 ਝਾਯਨ੍ਤਿ, ਕਿਨ੍ਤਿਮੇ ਝਾਯਨ੍ਤਿ, ਕਥਂ ਇਮੇ ਝਾਯਨ੍ਤੀ’ਤਿ? ਤਤ੍ਥ ਧਮ੍ਮਯੋਗਾ ਚ ਭਿਕ੍ਖੂ ਨਪ੍ਪਸੀਦਨ੍ਤਿ, ਝਾਯੀ ਚ ਭਿਕ੍ਖੂ ਨਪ੍ਪਸੀਦਨ੍ਤਿ, ਨ ਚ ਬਹੁਜਨਹਿਤਾਯ ਪਟਿਪਨ੍ਨਾ ਹੋਨ੍ਤਿ ਬਹੁਜਨਸੁਖਾਯ ਬਹੁਨੋ ਜਨਸ੍ਸ ਅਤ੍ਥਾਯ ਹਿਤਾਯ ਸੁਖਾਯ ਦੇવਮਨੁਸ੍ਸਾਨਂ।
‘‘Idhāvuso, dhammayogā bhikkhū jhāyī bhikkhū apasādenti – ‘ime pana jhāyinomhā, jhāyinomhāti jhāyanti pajjhāyanti nijjhāyanti avajjhāyanti 5. Kimime 6 jhāyanti, kintime jhāyanti, kathaṃ ime jhāyantī’ti? Tattha dhammayogā ca bhikkhū nappasīdanti, jhāyī ca bhikkhū nappasīdanti, na ca bahujanahitāya paṭipannā honti bahujanasukhāya bahuno janassa atthāya hitāya sukhāya devamanussānaṃ.
‘‘ਇਧ ਪਨਾવੁਸੋ, ਝਾਯੀ ਭਿਕ੍ਖੂ ਧਮ੍ਮਯੋਗੇ ਭਿਕ੍ਖੂ ਅਪਸਾਦੇਨ੍ਤਿ – ‘ਇਮੇ ਪਨ ਧਮ੍ਮਯੋਗਮ੍ਹਾ, ਧਮ੍ਮਯੋਗਮ੍ਹਾਤਿ ਉਦ੍ਧਤਾ ਉਨ੍ਨਲ਼ਾ ਚਪਲਾ ਮੁਖਰਾ વਿਕਿਣ੍ਣવਾਚਾ ਮੁਟ੍ਠਸ੍ਸਤੀ ਅਸਮ੍ਪਜਾਨਾ ਅਸਮਾਹਿਤਾ વਿਬ੍ਭਨ੍ਤਚਿਤ੍ਤਾ ਪਾਕਤਿਨ੍ਦ੍ਰਿਯਾ। ਕਿਮਿਮੇ ਧਮ੍ਮਯੋਗਾ, ਕਿਨ੍ਤਿਮੇ ਧਮ੍ਮਯੋਗਾ, ਕਥਂ ਇਮੇ ਧਮ੍ਮਯੋਗਾ’ਤਿ? ਤਤ੍ਥ ਝਾਯੀ ਚ ਭਿਕ੍ਖੂ ਨਪ੍ਪਸੀਦਨ੍ਤਿ, ਧਮ੍ਮਯੋਗਾ ਚ ਭਿਕ੍ਖੂ ਨਪ੍ਪਸੀਦਨ੍ਤਿ, ਨ ਚ ਬਹੁਜਨਹਿਤਾਯ ਪਟਿਪਨ੍ਨਾ ਹੋਨ੍ਤਿ ਬਹੁਜਨਸੁਖਾਯ ਬਹੁਨੋ ਜਨਸ੍ਸ ਅਤ੍ਥਾਯ ਹਿਤਾਯ ਸੁਖਾਯ ਦੇવਮਨੁਸ੍ਸਾਨਂ।
‘‘Idha panāvuso, jhāyī bhikkhū dhammayoge bhikkhū apasādenti – ‘ime pana dhammayogamhā, dhammayogamhāti uddhatā unnaḷā capalā mukharā vikiṇṇavācā muṭṭhassatī asampajānā asamāhitā vibbhantacittā pākatindriyā. Kimime dhammayogā, kintime dhammayogā, kathaṃ ime dhammayogā’ti? Tattha jhāyī ca bhikkhū nappasīdanti, dhammayogā ca bhikkhū nappasīdanti, na ca bahujanahitāya paṭipannā honti bahujanasukhāya bahuno janassa atthāya hitāya sukhāya devamanussānaṃ.
‘‘ਇਧ ਪਨਾવੁਸੋ, ਧਮ੍ਮਯੋਗਾ ਭਿਕ੍ਖੂ ਧਮ੍ਮਯੋਗਾਨਞ੍ਞੇવ ਭਿਕ੍ਖੂਨਂ વਣ੍ਣਂ ਭਾਸਨ੍ਤਿ, ਨੋ ਝਾਯੀਨਂ ਭਿਕ੍ਖੂਨਂ વਣ੍ਣਂ ਭਾਸਨ੍ਤਿ। ਤਤ੍ਥ ਧਮ੍ਮਯੋਗਾ ਚ ਭਿਕ੍ਖੂ ਨਪ੍ਪਸੀਦਨ੍ਤਿ, ਝਾਯੀ ਚ ਭਿਕ੍ਖੂ ਨਪ੍ਪਸੀਦਨ੍ਤਿ, ਨ ਚ ਬਹੁਜਨਹਿਤਾਯ ਪਟਿਪਨ੍ਨਾ ਹੋਨ੍ਤਿ ਬਹੁਜਨਸੁਖਾਯ ਬਹੁਨੋ ਜਨਸ੍ਸ ਅਤ੍ਥਾਯ ਹਿਤਾਯ ਸੁਖਾਯ ਦੇવਮਨੁਸ੍ਸਾਨਂ।
‘‘Idha panāvuso, dhammayogā bhikkhū dhammayogānaññeva bhikkhūnaṃ vaṇṇaṃ bhāsanti, no jhāyīnaṃ bhikkhūnaṃ vaṇṇaṃ bhāsanti. Tattha dhammayogā ca bhikkhū nappasīdanti, jhāyī ca bhikkhū nappasīdanti, na ca bahujanahitāya paṭipannā honti bahujanasukhāya bahuno janassa atthāya hitāya sukhāya devamanussānaṃ.
‘‘ਇਧ ਪਨਾવੁਸੋ, ਝਾਯੀ ਭਿਕ੍ਖੂ ਝਾਯੀਨਞ੍ਞੇવ ਭਿਕ੍ਖੂਨਂ વਣ੍ਣਂ ਭਾਸਨ੍ਤਿ, ਨੋ ਧਮ੍ਮਯੋਗਾਨਂ ਭਿਕ੍ਖੂਨਂ વਣ੍ਣਂ ਭਾਸਨ੍ਤਿ। ਤਤ੍ਥ ਝਾਯੀ ਚ ਭਿਕ੍ਖੂ ਨਪ੍ਪਸੀਦਨ੍ਤਿ, ਧਮ੍ਮਯੋਗਾ ਚ ਭਿਕ੍ਖੂ ਨਪ੍ਪਸੀਦਨ੍ਤਿ, ਨ ਚ ਬਹੁਜਨਹਿਤਾਯ ਪਟਿਪਨ੍ਨਾ ਹੋਨ੍ਤਿ ਬਹੁਜਨਸੁਖਾਯ ਬਹੁਨੋ ਜਨਸ੍ਸ ਅਤ੍ਥਾਯ ਹਿਤਾਯ ਸੁਖਾਯ ਦੇવਮਨੁਸ੍ਸਾਨਂ।
‘‘Idha panāvuso, jhāyī bhikkhū jhāyīnaññeva bhikkhūnaṃ vaṇṇaṃ bhāsanti, no dhammayogānaṃ bhikkhūnaṃ vaṇṇaṃ bhāsanti. Tattha jhāyī ca bhikkhū nappasīdanti, dhammayogā ca bhikkhū nappasīdanti, na ca bahujanahitāya paṭipannā honti bahujanasukhāya bahuno janassa atthāya hitāya sukhāya devamanussānaṃ.
‘‘ਤਸ੍ਮਾਤਿਹਾવੁਸੋ , ਏવਂ ਸਿਕ੍ਖਿਤਬ੍ਬਂ – ‘ਧਮ੍ਮਯੋਗਾ ਸਮਾਨਾ ਝਾਯੀਨਂ ਭਿਕ੍ਖੂਨਂ વਣ੍ਣਂ ਭਾਸਿਸ੍ਸਾਮਾ’ਤਿ। ਏવਞ੍ਹਿ વੋ, ਆવੁਸੋ, ਸਿਕ੍ਖਿਤਬ੍ਬਂ। ਤਂ ਕਿਸ੍ਸ ਹੇਤੁ? ਅਚ੍ਛਰਿਯਾ ਹੇਤੇ, ਆવੁਸੋ, ਪੁਗ੍ਗਲਾ ਦੁਲ੍ਲਭਾ ਲੋਕਸ੍ਮਿਂ, ਯੇ ਅਮਤਂ ਧਾਤੁਂ ਕਾਯੇਨ ਫੁਸਿਤ੍વਾ વਿਹਰਨ੍ਤਿ। ਤਸ੍ਮਾਤਿਹਾવੁਸੋ, ਏવਂ ਸਿਕ੍ਖਿਤਬ੍ਬਂ – ‘ਝਾਯੀ ਸਮਾਨਾ ਧਮ੍ਮਯੋਗਾਨਂ ਭਿਕ੍ਖੂਨਂ વਣ੍ਣਂ ਭਾਸਿਸ੍ਸਾਮਾ’ਤਿ। ਏવਞ੍ਹਿ વੋ, ਆવੁਸੋ, ਸਿਕ੍ਖਿਤਬ੍ਬਂ। ਤਂ ਕਿਸ੍ਸ ਹੇਤੁ? ਅਚ੍ਛਰਿਯਾ ਹੇਤੇ, ਆવੁਸੋ, ਪੁਗ੍ਗਲਾ ਦੁਲ੍ਲਭਾ ਲੋਕਸ੍ਮਿਂ ਯੇ ਗਮ੍ਭੀਰਂ ਅਤ੍ਥਪਦਂ ਪਞ੍ਞਾਯ ਅਤਿવਿਜ੍ਝ ਪਸ੍ਸਨ੍ਤੀ’’ਤਿ। ਚਤੁਤ੍ਥਂ।
‘‘Tasmātihāvuso , evaṃ sikkhitabbaṃ – ‘dhammayogā samānā jhāyīnaṃ bhikkhūnaṃ vaṇṇaṃ bhāsissāmā’ti. Evañhi vo, āvuso, sikkhitabbaṃ. Taṃ kissa hetu? Acchariyā hete, āvuso, puggalā dullabhā lokasmiṃ, ye amataṃ dhātuṃ kāyena phusitvā viharanti. Tasmātihāvuso, evaṃ sikkhitabbaṃ – ‘jhāyī samānā dhammayogānaṃ bhikkhūnaṃ vaṇṇaṃ bhāsissāmā’ti. Evañhi vo, āvuso, sikkhitabbaṃ. Taṃ kissa hetu? Acchariyā hete, āvuso, puggalā dullabhā lokasmiṃ ye gambhīraṃ atthapadaṃ paññāya ativijjha passantī’’ti. Catutthaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੪. ਮਹਾਚੁਨ੍ਦਸੁਤ੍ਤવਣ੍ਣਨਾ • 4. Mahācundasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੩-੬. ਇਣਸੁਤ੍ਤਾਦਿવਣ੍ਣਨਾ • 3-6. Iṇasuttādivaṇṇanā
