| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๔. มหาจุนฺทสุตฺตวณฺณนา
4. Mahācundasuttavaṇṇanā
๔๖. จตุเตฺถ เจตีสูติ เจติรเฎฺฐฯ สยํชาติยนฺติ เอวํนามเก นิคเมฯ มหาจุโนฺทติ ธมฺมเสนาปติสฺส กนิฎฺฐภาติโกฯ ธเมฺม โยโค อนุโยโค เอเตสนฺติ ธมฺมโยคาฯ ธมฺมกถิกานํ เอตํ นามํฯ ฌายนฺตีติ ฌายีฯ อปสาเทนฺตีติ ฆเฎฺฎนฺติ หิํสนฺติฯ ฌายนฺตีติ จิเนฺตนฺติฯ ปชฺฌายนฺตีติอาทีนิ อุปสคฺควเสน วฑฺฒิตานิฯ กิมิเม ฌายนฺตีติ กิํ นาม อิเม ฌายนฺติฯ กินฺติเม ฌายนฺตีติ กิมตฺถํ อิเม ฌายนฺติฯ กถํ อิเม ฌายนฺตีติ เกน การเณน อิเม ฌายนฺติฯ อมตํ ธาตุํ กาเยน ผุสิตฺวา วิหรนฺตีติ มรณวิรหิตํ นิพฺพานธาตุํ สนฺธาย กมฺมฎฺฐานํ คเหตฺวา วิหรนฺตา อนุกฺกเมน ตํ นามกาเยน ผุสิตฺวา วิหรนฺติฯ คมฺภีรํ อตฺถปทนฺติ คุฬฺหํ ปฎิจฺฉนฺนํ ขนฺธธาตุอายตนาทิอตฺถํฯ ปญฺญาย อติวิชฺฌ ปสฺสนฺตีติ สหวิปสฺสนาย มคฺคปญฺญาย ปฎิวิชฺฌิตฺวา ปสฺสนฺติฯ อิมสฺมิํ ปนเตฺถ สมฺมสนปฎิเวธปญฺญาปิ อุคฺคหปริปุจฺฉาปญฺญาปิ วฎฺฎติเยวาติฯ
46. Catutthe cetīsūti cetiraṭṭhe. Sayaṃjātiyanti evaṃnāmake nigame. Mahācundoti dhammasenāpatissa kaniṭṭhabhātiko. Dhamme yogo anuyogo etesanti dhammayogā. Dhammakathikānaṃ etaṃ nāmaṃ. Jhāyantīti jhāyī. Apasādentīti ghaṭṭenti hiṃsanti. Jhāyantīti cintenti. Pajjhāyantītiādīni upasaggavasena vaḍḍhitāni. Kimime jhāyantīti kiṃ nāma ime jhāyanti. Kintime jhāyantīti kimatthaṃ ime jhāyanti. Kathaṃ ime jhāyantīti kena kāraṇena ime jhāyanti. Amataṃ dhātuṃ kāyena phusitvā viharantīti maraṇavirahitaṃ nibbānadhātuṃ sandhāya kammaṭṭhānaṃ gahetvā viharantā anukkamena taṃ nāmakāyena phusitvā viharanti. Gambhīraṃ atthapadanti guḷhaṃ paṭicchannaṃ khandhadhātuāyatanādiatthaṃ. Paññāyaativijjha passantīti sahavipassanāya maggapaññāya paṭivijjhitvā passanti. Imasmiṃ panatthe sammasanapaṭivedhapaññāpi uggahaparipucchāpaññāpi vaṭṭatiyevāti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๔. มหาจุนฺทสุตฺตํ • 4. Mahācundasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๓-๖. อิณสุตฺตาทิวณฺณนา • 3-6. Iṇasuttādivaṇṇanā
