| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੪. ਮਹਾਚੁਨ੍ਦਸੁਤ੍ਤવਣ੍ਣਨਾ
4. Mahācundasuttavaṇṇanā
੪੬. ਚਤੁਤ੍ਥੇ ਚੇਤੀਸੂਤਿ ਚੇਤਿਰਟ੍ਠੇ। ਸਯਂਜਾਤਿਯਨ੍ਤਿ ਏવਂਨਾਮਕੇ ਨਿਗਮੇ। ਮਹਾਚੁਨ੍ਦੋਤਿ ਧਮ੍ਮਸੇਨਾਪਤਿਸ੍ਸ ਕਨਿਟ੍ਠਭਾਤਿਕੋ। ਧਮ੍ਮੇ ਯੋਗੋ ਅਨੁਯੋਗੋ ਏਤੇਸਨ੍ਤਿ ਧਮ੍ਮਯੋਗਾ। ਧਮ੍ਮਕਥਿਕਾਨਂ ਏਤਂ ਨਾਮਂ। ਝਾਯਨ੍ਤੀਤਿ ਝਾਯੀ। ਅਪਸਾਦੇਨ੍ਤੀਤਿ ਘਟ੍ਟੇਨ੍ਤਿ ਹਿਂਸਨ੍ਤਿ। ਝਾਯਨ੍ਤੀਤਿ ਚਿਨ੍ਤੇਨ੍ਤਿ। ਪਜ੍ਝਾਯਨ੍ਤੀਤਿਆਦੀਨਿ ਉਪਸਗ੍ਗવਸੇਨ વਡ੍ਢਿਤਾਨਿ। ਕਿਮਿਮੇ ਝਾਯਨ੍ਤੀਤਿ ਕਿਂ ਨਾਮ ਇਮੇ ਝਾਯਨ੍ਤਿ। ਕਿਨ੍ਤਿਮੇ ਝਾਯਨ੍ਤੀਤਿ ਕਿਮਤ੍ਥਂ ਇਮੇ ਝਾਯਨ੍ਤਿ। ਕਥਂ ਇਮੇ ਝਾਯਨ੍ਤੀਤਿ ਕੇਨ ਕਾਰਣੇਨ ਇਮੇ ਝਾਯਨ੍ਤਿ। ਅਮਤਂ ਧਾਤੁਂ ਕਾਯੇਨ ਫੁਸਿਤ੍વਾ વਿਹਰਨ੍ਤੀਤਿ ਮਰਣવਿਰਹਿਤਂ ਨਿਬ੍ਬਾਨਧਾਤੁਂ ਸਨ੍ਧਾਯ ਕਮ੍ਮਟ੍ਠਾਨਂ ਗਹੇਤ੍વਾ વਿਹਰਨ੍ਤਾ ਅਨੁਕ੍ਕਮੇਨ ਤਂ ਨਾਮਕਾਯੇਨ ਫੁਸਿਤ੍વਾ વਿਹਰਨ੍ਤਿ। ਗਮ੍ਭੀਰਂ ਅਤ੍ਥਪਦਨ੍ਤਿ ਗੁਲ਼੍ਹਂ ਪਟਿਚ੍ਛਨ੍ਨਂ ਖਨ੍ਧਧਾਤੁਆਯਤਨਾਦਿਅਤ੍ਥਂ। ਪਞ੍ਞਾਯ ਅਤਿવਿਜ੍ਝ ਪਸ੍ਸਨ੍ਤੀਤਿ ਸਹવਿਪਸ੍ਸਨਾਯ ਮਗ੍ਗਪਞ੍ਞਾਯ ਪਟਿવਿਜ੍ਝਿਤ੍વਾ ਪਸ੍ਸਨ੍ਤਿ। ਇਮਸ੍ਮਿਂ ਪਨਤ੍ਥੇ ਸਮ੍ਮਸਨਪਟਿવੇਧਪਞ੍ਞਾਪਿ ਉਗ੍ਗਹਪਰਿਪੁਚ੍ਛਾਪਞ੍ਞਾਪਿ વਟ੍ਟਤਿਯੇવਾਤਿ।
46. Catutthe cetīsūti cetiraṭṭhe. Sayaṃjātiyanti evaṃnāmake nigame. Mahācundoti dhammasenāpatissa kaniṭṭhabhātiko. Dhamme yogo anuyogo etesanti dhammayogā. Dhammakathikānaṃ etaṃ nāmaṃ. Jhāyantīti jhāyī. Apasādentīti ghaṭṭenti hiṃsanti. Jhāyantīti cintenti. Pajjhāyantītiādīni upasaggavasena vaḍḍhitāni. Kimime jhāyantīti kiṃ nāma ime jhāyanti. Kintime jhāyantīti kimatthaṃ ime jhāyanti. Kathaṃ ime jhāyantīti kena kāraṇena ime jhāyanti. Amataṃ dhātuṃ kāyena phusitvā viharantīti maraṇavirahitaṃ nibbānadhātuṃ sandhāya kammaṭṭhānaṃ gahetvā viharantā anukkamena taṃ nāmakāyena phusitvā viharanti. Gambhīraṃ atthapadanti guḷhaṃ paṭicchannaṃ khandhadhātuāyatanādiatthaṃ. Paññāyaativijjha passantīti sahavipassanāya maggapaññāya paṭivijjhitvā passanti. Imasmiṃ panatthe sammasanapaṭivedhapaññāpi uggahaparipucchāpaññāpi vaṭṭatiyevāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਮਹਾਚੁਨ੍ਦਸੁਤ੍ਤਂ • 4. Mahācundasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੩-੬. ਇਣਸੁਤ੍ਤਾਦਿવਣ੍ਣਨਾ • 3-6. Iṇasuttādivaṇṇanā
