| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. д̣̇уд̇ияаваг̇г̇о
2. Dutiyavaggo
1. махаажунд̣̇ад̇т̇зраг̇аат̇ааван̣н̣анаа
1. Mahācundattheragāthāvaṇṇanā
суссуусаад̇и ааяасмад̇о махаажунд̣̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о вибассисса бхаг̇авад̇о гаалз гумбхагаарагулз ниб̣б̣ад̇д̇ид̇ваа вин̃н̃уд̇ам̣ бад̇д̇о гумбхагаарагаммзна ж̇ийванд̇о згад̣̇ивасам̣ сад̇т̇аарам̣ д̣̇исваа басаннамаанасо згам̣ мад̇д̇игаабад̇д̇ам̣ сваабхисан̇кад̇ам̣ гад̇ваа бхаг̇авад̇о ад̣̇ааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з маг̇ад̇харадтз наалагаг̇аамз руубасаарияаа б̣раахман̣ияаа буд̇д̇о саарибуд̇д̇ад̇т̇зрасса ганидтабхаад̇аа худ̇ваа ниб̣б̣ад̇д̇и, жунд̣̇од̇исса наамам̣ ахоси. со ваяаббад̇д̇о д̇хаммасзнаабад̇им̣ анубаб̣б̣аж̇ид̇ваа д̇ам̣ ниссааяа вибассанам̣ бадтабзд̇ваа гхадзнд̇о вааяаманд̇о нажирассзва чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 2.51.39-50) –
Sussūsāti āyasmato mahācundattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto vipassissa bhagavato kāle kumbhakārakule nibbattitvā viññutaṃ patto kumbhakārakammena jīvanto ekadivasaṃ satthāraṃ disvā pasannamānaso ekaṃ mattikāpattaṃ svābhisaṅkhataṃ katvā bhagavato adāsi. So tena puññakammena devamanussesu saṃsaranto imasmiṃ buddhuppāde magadharaṭṭhe nālakagāme rūpasāriyā brāhmaṇiyā putto sāriputtattherassa kaniṭṭhabhātā hutvā nibbatti, cundotissa nāmaṃ ahosi. So vayappatto dhammasenāpatiṃ anupabbajitvā taṃ nissāya vipassanaṃ paṭṭhapetvā ghaṭento vāyamanto nacirasseva chaḷabhiñño ahosi. Tena vuttaṃ apadāne (apa. thera 2.51.39-50) –
‘‘наг̇арз хам̣савад̇ияаа, гумбхагааро ахосахам̣;
‘‘Nagare haṃsavatiyā, kumbhakāro ahosahaṃ;
ад̣̇д̣̇асам̣ вираж̇ам̣ б̣уд̣̇д̇хам̣, огхад̇ин̣н̣аманаасавам̣.
Addasaṃ virajaṃ buddhaṃ, oghatiṇṇamanāsavaṃ.
‘‘сугад̇ам̣ мад̇д̇игаабад̇д̇ам̣, б̣уд̣̇д̇хасздтассад̣̇аасахам̣;
‘‘Sukataṃ mattikāpattaṃ, buddhaseṭṭhassadāsahaṃ;
бад̇д̇ам̣ д̣̇ад̇ваа бхаг̇авад̇о, уж̇убхууд̇асса д̇аад̣̇ино.
Pattaṃ datvā bhagavato, ujubhūtassa tādino.
‘‘бхавз ниб̣б̣ад̇д̇амаанохам̣, сон̣н̣ат̇аалз лабхаамахам̣;
‘‘Bhave nibbattamānohaṃ, soṇṇathāle labhāmahaṃ;
руубимаяз жа сован̣н̣з, д̇аддигз жа ман̣иймаяз.
Rūpimaye ca sovaṇṇe, taṭṭike ca maṇīmaye.
‘‘баад̇ияо барибхун̃ж̇аами, бун̃н̃агаммассид̣̇ам̣ палам̣;
‘‘Pātiyo paribhuñjāmi, puññakammassidaṃ phalaṃ;
яасаанан̃жа д̇ханаанан̃жа, аг̇г̇абхууд̇о жа хомахам̣.
Yasānañca dhanānañca, aggabhūto ca homahaṃ.
‘‘яат̇ааби бхад̣̇д̣̇агз кзд̇д̇з, б̣ийж̇ам̣ аббамби робид̇ам̣;
‘‘Yathāpi bhaddake khette, bījaṃ appampi ropitaṃ;
саммаад̇хаарам̣ бавзжчанд̇з, палам̣ д̇осзд̇и гассагам̣.
Sammādhāraṃ pavecchante, phalaṃ toseti kassakaṃ.
‘‘д̇ат̇звид̣̇ам̣ бад̇д̇ад̣̇аанам̣, б̣уд̣̇д̇хакзд̇д̇амхи робид̇ам̣;
‘‘Tathevidaṃ pattadānaṃ, buddhakhettamhi ropitaṃ;
бийд̇ид̇хаарз бавассанд̇з, палам̣ мам̣ д̇осаяиссад̇и.
Pītidhāre pavassante, phalaṃ maṃ tosayissati.
‘‘яаавад̇аа кзд̇д̇аа виж̇ж̇анд̇и, сан̇гхааби жа г̇ан̣ааби жа;
‘‘Yāvatā khettā vijjanti, saṅghāpi ca gaṇāpi ca;
б̣уд̣̇д̇хакзд̇д̇асамо над̇т̇и, сукад̣̇о саб̣б̣абаан̣инам̣.
Buddhakhettasamo natthi, sukhado sabbapāṇinaṃ.
‘‘намо д̇з бурисааж̇ан̃н̃а, намо д̇з бурисуд̇д̇ама;
‘‘Namo te purisājañña, namo te purisuttama;
згабад̇д̇ам̣ д̣̇ад̣̇ид̇ваана, бад̇д̇омхи ажалам̣ бад̣̇ам̣.
Ekapattaṃ daditvāna, pattomhi acalaṃ padaṃ.
‘‘зганавуд̇ид̇о габбз, яам̣ бад̇д̇амад̣̇ад̣̇им̣ д̇ад̣̇аа;
‘‘Ekanavutito kappe, yaṃ pattamadadiṃ tadā;
д̣̇уг̇г̇ад̇им̣ наабхиж̇аанаами, бад̇д̇ад̣̇аанассид̣̇ам̣ палам̣.
Duggatiṃ nābhijānāmi, pattadānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
чал̣абхин̃н̃о бана худ̇ваа ад̇д̇анаа бадилад̣̇д̇хасамбад̇д̇ияаа гааран̣абхууд̇ам̣ г̇аруубаниссаяам̣ вивзгаваасан̃жа гид̇д̇знд̇о –
Chaḷabhiñño pana hutvā attanā paṭiladdhasampattiyā kāraṇabhūtaṃ garūpanissayaṃ vivekavāsañca kittento –
141.
141.
‘‘суссуусаа суд̇авад̣̇д̇ханий, суд̇ам̣ бан̃н̃ааяа вад̣̇д̇ханам̣;
‘‘Sussūsā sutavaddhanī, sutaṃ paññāya vaddhanaṃ;
бан̃н̃ааяа ад̇т̇ам̣ ж̇аанаад̇и, н̃аад̇о ад̇т̇о сукаавахо.
Paññāya atthaṃ jānāti, ñāto attho sukhāvaho.
142.
142.
‘‘сзвзт̇а банд̇аани сзнаасанаани, жарзяяа сам̣яож̇анавиббамогкам̣;
‘‘Sevetha pantāni senāsanāni, careyya saṃyojanavippamokkhaṃ;
сажз рад̇им̣ наад̇хиг̇ажчзяяа д̇ад̇т̇а, сан̇гхз васз рагкид̇ад̇д̇о сад̇иймаа’’д̇и. –
Sace ratiṃ nādhigaccheyya tattha, saṅghe vase rakkhitatto satīmā’’ti. –
г̇аат̇аад̣̇ваяам̣ абхааси.
Gāthādvayaṃ abhāsi.
д̇ад̇т̇а суссуусаад̇и сод̇аб̣б̣аяуд̇д̇асса саб̣б̣асуд̇асса сод̇умижчаа, г̇арусанниваасоби. д̣̇идтад̇хаммигаад̣̇ибхзд̣̇ан̃хи ад̇т̇ам̣ сод̇умижчанд̇зна галяаан̣амид̇д̇з убасан̇гамид̇ваа вад̇д̇агаран̣зна баяирубаасид̇ваа яад̣̇аа д̇з баяирубаасанааяа аараад̇хид̇ажид̇д̇аа ган̃жи убанисийд̣̇ид̇угаамаа хонд̇и, ат̇а нз убанисийд̣̇ид̇ваа ад̇хиг̇ад̇ааяа сод̇умижчааяа охид̇асод̇зна сод̇аб̣б̣ам̣ ход̇ийд̇и г̇арусанниваасоби суссуусаахзд̇уд̇ааяа ‘‘суссуусаа’’д̇и вужжад̇и. саа банааяам̣ суссуусаа сажжабадижжасамуббаад̣̇аад̣̇ибадисам̣яуд̇д̇ам̣ суд̇ам̣ д̇ам̣саман̇г̇ино буг̇г̇аласса вад̣дхзд̇и б̣руухзд̇ийд̇и суд̇авад̣̇д̇ханий, б̣аахусажжагаарийд̇и ад̇т̇о. суд̇ам̣ бан̃н̃ааяа вад̣̇д̇хананд̇и яам̣ д̇ам̣ ‘‘суд̇ад̇харо суд̇асаннижаяо’’д̇и (ма. ни. 1.339; а. ни. 4.22) ‘‘ид̇хзгажжасса б̣ахугам̣ суд̇ам̣ ход̇и суд̇д̇ам̣ г̇зяяам̣ взяяаагаран̣а’’нд̇и (а. ни. 4.6) жа звамаад̣̇инаа наязна вуд̇д̇ам̣ б̣аахусажжам̣, д̇ам̣ агусалаббахаанагусалаад̇хиг̇аманахзд̇убхууд̇ам̣ бан̃н̃ам̣ вад̣̇д̇хзд̇ийд̇и суд̇ам̣ бан̃н̃ааяа вад̣̇д̇ханам̣, вуд̇д̇ан̃хзд̇ам̣ бхаг̇авад̇аа –
Tattha sussūsāti sotabbayuttassa sabbasutassa sotumicchā, garusannivāsopi. Diṭṭhadhammikādibhedañhi atthaṃ sotumicchantena kalyāṇamitte upasaṅkamitvā vattakaraṇena payirupāsitvā yadā te payirupāsanāya ārādhitacittā kañci upanisīditukāmā honti, atha ne upanisīditvā adhigatāya sotumicchāya ohitasotena sotabbaṃ hotīti garusannivāsopi sussūsāhetutāya ‘‘sussūsā’’ti vuccati. Sā panāyaṃ sussūsā saccapaṭiccasamuppādādipaṭisaṃyuttaṃ sutaṃ taṃsamaṅgino puggalassa vaḍḍheti brūhetīti sutavaddhanī, bāhusaccakārīti attho. Sutaṃ paññāya vaddhananti yaṃ taṃ ‘‘sutadharo sutasannicayo’’ti (ma. ni. 1.339; a. ni. 4.22) ‘‘idhekaccassa bahukaṃ sutaṃ hoti suttaṃ geyyaṃ veyyākaraṇa’’nti (a. ni. 4.6) ca evamādinā nayena vuttaṃ bāhusaccaṃ, taṃ akusalappahānakusalādhigamanahetubhūtaṃ paññaṃ vaddhetīti sutaṃ paññāya vaddhanaṃ, vuttañhetaṃ bhagavatā –
‘‘суд̇аавуд̇хо ко, бхигкавз, арияасааваго агусалам̣ баж̇ахад̇и, гусалам̣ бхаавзд̇и, сааваж̇ж̇ам̣ баж̇ахад̇и, анаваж̇ж̇ам̣ бхаавзд̇и, суд̣̇д̇хам̣ ад̇д̇аанам̣ барихарад̇ий’’д̇и (а. ни. 7.67).
‘‘Sutāvudho kho, bhikkhave, ariyasāvako akusalaṃ pajahati, kusalaṃ bhāveti, sāvajjaṃ pajahati, anavajjaṃ bhāveti, suddhaṃ attānaṃ pariharatī’’ti (a. ni. 7.67).
бан̃н̃ааяа ад̇т̇ам̣ ж̇аанаад̇ийд̇и б̣ахуссуд̇о суд̇амаяан̃аан̣з тид̇о д̇ам̣ бадибад̇д̇им̣ бадибаж̇ж̇анд̇о суд̇аанусаарзна ад̇т̇уубабаригкааяа д̇хамманиж̇жхаанзна бхааванааяа жа логияалогуд̇д̇арабхзд̣̇ам̣ д̣̇идтад̇хаммаад̣̇ивибхааг̇ам̣ д̣̇угкаад̣̇ивибхааг̇ан̃жа ад̇т̇ам̣ яат̇аабхууд̇ам̣ баж̇аанаад̇и жа бадивиж̇жхад̇и жа, д̇знааха бхаг̇аваа –
Paññāya atthaṃ jānātīti bahussuto sutamayañāṇe ṭhito taṃ paṭipattiṃ paṭipajjanto sutānusārena atthūpaparikkhāya dhammanijjhānena bhāvanāya ca lokiyalokuttarabhedaṃ diṭṭhadhammādivibhāgaṃ dukkhādivibhāgañca atthaṃ yathābhūtaṃ pajānāti ca paṭivijjhati ca, tenāha bhagavā –
‘‘суд̇асса яат̇аабарияад̇д̇асса ад̇т̇аман̃н̃ааяа д̇хаммаман̃н̃ааяа д̇хаммаануд̇хаммаббадибанно ход̇ий’’д̇и (а. ни. 4.6).
‘‘Sutassa yathāpariyattassa atthamaññāya dhammamaññāya dhammānudhammappaṭipanno hotī’’ti (a. ni. 4.6).
‘‘д̇хад̇аанам̣ д̇хаммаанам̣ ад̇т̇ам̣ убабаригкад̇и, ад̇т̇ам̣ убабаригкад̇о д̇хаммаа ниж̇жхаанам̣ каманд̇и, д̇хамманиж̇жхаанагканд̇ияаа сад̇и чанд̣̇о ж̇ааяад̇и, чанд̣̇аж̇аад̇о уссахад̇и, уссахид̇ваа д̇улзд̇и, д̇улаяид̇ваа бад̣̇ахад̇и, бахид̇ад̇д̇о самаано гааязна жзва барамасажжам̣ сажчигарод̇и, бан̃н̃ааяа жа нам̣ ад̇ивиж̇жха бассад̇ий’’д̇и (ма. ни. 2.432) жа.
‘‘Dhatānaṃ dhammānaṃ atthaṃ upaparikkhati, atthaṃ upaparikkhato dhammā nijjhānaṃ khamanti, dhammanijjhānakkhantiyā sati chando jāyati, chandajāto ussahati, ussahitvā tuleti, tulayitvā padahati, pahitatto samāno kāyena ceva paramasaccaṃ sacchikaroti, paññāya ca naṃ ativijjha passatī’’ti (ma. ni. 2.432) ca.
н̃аад̇о ад̇т̇о сукааваход̇и яат̇аавуд̇д̇о д̣̇идтад̇хаммигаад̣̇иад̇т̇о жзва д̣̇угкаад̣̇иад̇т̇о жа яаат̇аавад̇о н̃аад̇о ад̇хиг̇ад̇о логияалогуд̇д̇арабхзд̣̇ам̣ сукам̣ аавахад̇и нибпаад̣̇зд̇ийд̇и ад̇т̇о.
Ñāto attho sukhāvahoti yathāvutto diṭṭhadhammikādiattho ceva dukkhādiattho ca yāthāvato ñāto adhigato lokiyalokuttarabhedaṃ sukhaṃ āvahati nipphādetīti attho.
тид̇ааяа бхааванаабан̃н̃ааяа суд̇амад̇д̇знзва на сиж̇жхад̇ийд̇и д̇ассаа бадибаж̇ж̇анавид̇хим̣ д̣̇ассзнд̇о ‘‘сзвзт̇а…бз…виббамогка’’нд̇и ааха. д̇ад̇т̇а сзвзт̇а банд̇аани сзнаасанаанийд̇и гааяавивзгамааха. д̇зна сам̣яож̇анаббахаанасса жа вагкамаанад̇д̇аа вивзгаарахассзва вивзгаваасод̇и сийласам̣вараад̣̇аяо ид̇ха авуд̇д̇асид̣̇д̇хаа взд̣̇ид̇аб̣б̣аа. жарзяяа сам̣яож̇анавиббамогканд̇и яат̇аа сам̣яож̇анзхи жид̇д̇ам̣ виббамужжад̇и, д̇ат̇аа вибассанаабхааванам̣ маг̇г̇абхааванан̃жа жарзяяа бадибаж̇ж̇зяяаад̇и ад̇т̇о. сажз рад̇им̣ наад̇хиг̇ажчзяяа д̇ад̇т̇аад̇и д̇зсу банд̇асзнаасанзсу яат̇аалад̣̇д̇хзсу ад̇хигусалад̇хаммзсу жа рад̇им̣ буб̣б̣знаабарам̣ висзсасса алаабхад̇о абхирад̇им̣ на лабхзяяа, сан̇гхз бхигкусамуухз рагкид̇ад̇д̇о гаммадтаанабариг̇ан̣ханад̇о рагкид̇ажид̇д̇о часу д̣̇ваарзсу сад̇иаарагкааяа убадтабанзна сад̇имаа васзяяа вихарзяяа, звам̣ вихаранд̇асса жа аби наама сам̣яож̇анавиббамогко бхавзяяаад̇и ад̇хиббааяо.
Ṭhitāya bhāvanāpaññāya sutamatteneva na sijjhatīti tassā paṭipajjanavidhiṃ dassento ‘‘sevetha…pe…vippamokkha’’nti āha. Tattha sevetha pantāni senāsanānīti kāyavivekamāha. Tena saṃyojanappahānassa ca vakkhamānattā vivekārahasseva vivekavāsoti sīlasaṃvarādayo idha avuttasiddhā veditabbā. Careyya saṃyojanavippamokkhanti yathā saṃyojanehi cittaṃ vippamuccati, tathā vipassanābhāvanaṃ maggabhāvanañca careyya paṭipajjeyyāti attho. Sace ratiṃ nādhigaccheyya tatthāti tesu pantasenāsanesu yathāladdhesu adhikusaladhammesu ca ratiṃ pubbenāparaṃ visesassa alābhato abhiratiṃ na labheyya, saṅghe bhikkhusamūhe rakkhitatto kammaṭṭhānaparigaṇhanato rakkhitacitto chasu dvāresu satiārakkhāya upaṭṭhapanena satimā vaseyya vihareyya, evaṃ viharantassa ca api nāma saṃyojanavippamokkho bhaveyyāti adhippāyo.
махаажунд̣̇ад̇т̇зраг̇аат̇ааван̣н̣анаа нидтид̇аа.
Mahācundattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. махаажунд̣̇ад̇т̇зраг̇аат̇аа • 1. Mahācundattheragāthā
