| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. махад̣̇д̇ханасуд̇д̇аван̣н̣анаа
8. Mahaddhanasuttavaṇṇanā
28. нид̇хийяад̇ийд̇и нид̇хаанам̣. нид̇хаад̇аб̣б̣ад̇ам̣ г̇ад̇ам̣ нихид̇анд̇и ад̇т̇о. муд̇д̇асаараад̣̇ийд̇и муд̇д̇ааман̣ивзл̣урияабаваал̣араж̇ад̇аж̇аад̇аруубаад̣̇и. суван̣н̣араж̇ад̇абхааж̇анаад̣̇ийд̇и аад̣̇и-сад̣̇д̣̇зна гахаабан̣а-д̇хан̃н̃агодтабхан̣д̣аад̣̇им̣ сан̇г̇ан̣хаад̇и. д̇амби хи нижжабариб̣б̣аяавасзна бхун̃ж̇ийяад̇ийд̇и ‘‘бхог̇о’’д̇и вужжад̇и. ан̃н̃аман̃н̃ам̣ абхиг̇иж̇жханд̇ийд̇и ан̃н̃аман̃н̃асса санд̇агам̣ абхиг̇иж̇жханд̇и. д̇знааха ‘‘бад̇т̇знд̇ий’’д̇и. аналан̇гад̇аад̇и на алам̣ барияад̇д̇анд̇и звам̣ гад̇ажид̇д̇аа, ад̇рижчад̇аамахижчад̇аахи абхибхууд̇аа. д̇знааха ‘‘ад̇ид̇д̇аа абарияад̇д̇аж̇аад̇аа’’д̇и. уссуггаж̇аад̇зсууд̇и д̇ам̣д̇ам̣гижжз сан̃ж̇аад̇ауссуггзсу. наанаагижжаж̇аад̇зсууд̇и наанаавид̇хагижжзсу, сан̃ж̇аад̇анаанаагижжзсу ваа. ваддаг̇аамигабасуд̇зна ваддасод̇ам̣ анусаранд̇зсу. д̇ан̣хааниваасад̇ааяа г̇зханд̇иби аг̇ааранд̇иби вужжад̇ийд̇и ааха ‘‘маад̇уг̇аамзна сад̣̇д̇хим̣ г̇зха’’нд̇и. вирааж̇ияаад̇и хзд̇уад̇т̇ад̣̇ийбагам̣ бад̣̇анд̇и ааха ‘‘вирааж̇зд̇ваа’’д̇и, д̇ваа-сад̣̇д̣̇оби жааяам̣ хзд̇уад̇т̇од̇и.
28. Nidhīyatīti nidhānaṃ. Nidhātabbataṃ gataṃ nihitanti attho. Muttasārādīti muttāmaṇiveḷuriyapavāḷarajatajātarūpādi. Suvaṇṇarajatabhājanādīti ādi-saddena kahāpaṇa-dhaññakoṭṭhabhaṇḍādiṃ saṅgaṇhāti. Tampi hi niccaparibbayavasena bhuñjīyatīti ‘‘bhogo’’ti vuccati. Aññamaññaṃ abhigijjhantīti aññamaññassa santakaṃ abhigijjhanti. Tenāha ‘‘patthentī’’ti. Analaṅkatāti na alaṃ pariyattanti evaṃ katacittā, atricchatāmahicchatāhi abhibhūtā. Tenāha ‘‘atittā apariyattajātā’’ti. Ussukkajātesūti taṃtaṃkicce sañjātaussukkesu. Nānākiccajātesūti nānāvidhakiccesu, sañjātanānākiccesu vā. Vaṭṭagāmikapasutena vaṭṭasotaṃ anusarantesu. Taṇhānivāsatāya gehantipi agārantipi vuccatīti āha ‘‘mātugāmena saddhiṃ geha’’nti. Virājiyāti hetuatthadīpakaṃ padanti āha ‘‘virājetvā’’ti, tvā-saddopi cāyaṃ hetuatthoti.
махад̣̇д̇ханасуд̇д̇аван̣н̣анаа нидтид̇аа.
Mahaddhanasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. махад̣̇д̇ханасуд̇д̇ам̣ • 8. Mahaddhanasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. махад̣̇д̇ханасуд̇д̇аван̣н̣анаа • 8. Mahaddhanasuttavaṇṇanā
