| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౮. మహద్ధనసుత్తవణ్ణనా
8. Mahaddhanasuttavaṇṇanā
౨౮. అట్ఠమే నిధానగతం ముత్తసారాది మహన్తం ధనమేతేసన్తి మహద్ధనా. సువణ్ణరజతభాజనాది మహాభోగో ఏతేసన్తి మహాభోగా. అఞ్ఞమఞ్ఞాభిగిజ్ఝన్తీతి అఞ్ఞమఞ్ఞం అభిగిజ్ఝన్తి పత్థేన్తి పిహేన్తి. అనలఙ్కతాతి అతిత్తా అపరియత్తజాతా. ఉస్సుక్కజాతేసూతి నానాకిచ్చజాతేసు అనుప్పన్నానం రూపాదీనం ఉప్పాదనత్థాయ ఉప్పన్నానం అనుభవనత్థాయ ఉస్సుక్కేసు. భవసోతానుసారీసూతి వట్టసోతం అనుసరన్తేసు. అనుస్సుకాతి అవావటా. అగారన్తి మాతుగామేన సద్ధిం గేహం. విరాజియాతి విరాజేత్వా. సేసం ఉత్తానమేవాతి. అట్ఠమం.
28. Aṭṭhame nidhānagataṃ muttasārādi mahantaṃ dhanametesanti mahaddhanā. Suvaṇṇarajatabhājanādi mahābhogo etesanti mahābhogā. Aññamaññābhigijjhantīti aññamaññaṃ abhigijjhanti patthenti pihenti. Analaṅkatāti atittā apariyattajātā. Ussukkajātesūti nānākiccajātesu anuppannānaṃ rūpādīnaṃ uppādanatthāya uppannānaṃ anubhavanatthāya ussukkesu. Bhavasotānusārīsūti vaṭṭasotaṃ anusarantesu. Anussukāti avāvaṭā. Agāranti mātugāmena saddhiṃ gehaṃ. Virājiyāti virājetvā. Sesaṃ uttānamevāti. Aṭṭhamaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౮. మహద్ధనసుత్తం • 8. Mahaddhanasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౮. మహద్ధనసుత్తవణ్ణనా • 8. Mahaddhanasuttavaṇṇanā
