| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๘. มหทฺธนสุตฺตวณฺณนา
8. Mahaddhanasuttavaṇṇanā
๒๘. นิธียตีติ นิธานํฯ นิธาตพฺพตํ คตํ นิหิตนฺติ อโตฺถฯ มุตฺตสาราทีติ มุตฺตามณิเวฬุริยปวาฬรชตชาตรูปาทิฯ สุวณฺณรชตภาชนาทีติ อาทิ-สเทฺทน กหาปณ-ธญฺญโกฎฺฐภณฺฑาทิํ สงฺคณฺหาติฯ ตมฺปิ หิ นิจฺจปริพฺพยวเสน ภุญฺชียตีติ ‘‘โภโค’’ติ วุจฺจติฯ อญฺญมญฺญํ อภิคิชฺฌนฺตีติ อญฺญมญฺญสฺส สนฺตกํ อภิคิชฺฌนฺติฯ เตนาห ‘‘ปเตฺถนฺตี’’ติฯ อนลงฺกตาติ น อลํ ปริยตฺตนฺติ เอวํ กตจิตฺตา, อตฺริจฺฉตามหิจฺฉตาหิ อภิภูตาฯ เตนาห ‘‘อติตฺตา อปริยตฺตชาตา’’ติฯ อุสฺสุกฺกชาเตสูติ ตํตํกิเจฺจ สญฺชาตอุสฺสุเกฺกสุฯ นานากิจฺจชาเตสูติ นานาวิธกิเจฺจสุ, สญฺชาตนานากิเจฺจสุ วาฯ วฎฺฎคามิกปสุเตน วฎฺฎโสตํ อนุสรเนฺตสุฯ ตณฺหานิวาสตาย เคหนฺติปิ อคารนฺติปิ วุจฺจตีติ อาห ‘‘มาตุคาเมน สทฺธิํ เคห’’นฺติฯ วิราชิยาติ เหตุอตฺถทีปกํ ปทนฺติ อาห ‘‘วิราเชตฺวา’’ติ, ตฺวา-สโทฺทปิ จายํ เหตุอโตฺถติฯ
28. Nidhīyatīti nidhānaṃ. Nidhātabbataṃ gataṃ nihitanti attho. Muttasārādīti muttāmaṇiveḷuriyapavāḷarajatajātarūpādi. Suvaṇṇarajatabhājanādīti ādi-saddena kahāpaṇa-dhaññakoṭṭhabhaṇḍādiṃ saṅgaṇhāti. Tampi hi niccaparibbayavasena bhuñjīyatīti ‘‘bhogo’’ti vuccati. Aññamaññaṃ abhigijjhantīti aññamaññassa santakaṃ abhigijjhanti. Tenāha ‘‘patthentī’’ti. Analaṅkatāti na alaṃ pariyattanti evaṃ katacittā, atricchatāmahicchatāhi abhibhūtā. Tenāha ‘‘atittā apariyattajātā’’ti. Ussukkajātesūti taṃtaṃkicce sañjātaussukkesu. Nānākiccajātesūti nānāvidhakiccesu, sañjātanānākiccesu vā. Vaṭṭagāmikapasutena vaṭṭasotaṃ anusarantesu. Taṇhānivāsatāya gehantipi agārantipi vuccatīti āha ‘‘mātugāmena saddhiṃ geha’’nti. Virājiyāti hetuatthadīpakaṃ padanti āha ‘‘virājetvā’’ti, tvā-saddopi cāyaṃ hetuatthoti.
มหทฺธนสุตฺตวณฺณนา นิฎฺฐิตาฯ
Mahaddhanasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๘. มหทฺธนสุตฺตํ • 8. Mahaddhanasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๘. มหทฺธนสุตฺตวณฺณนา • 8. Mahaddhanasuttavaṇṇanā
