| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៨. មហទ្ធនសុត្តវណ្ណនា
8. Mahaddhanasuttavaṇṇanā
២៨. និធីយតីតិ និធានំ។ និធាតព្ពតំ គតំ និហិតន្តិ អត្ថោ។ មុត្តសារាទីតិ មុត្តាមណិវេឡុរិយបវាឡរជតជាតរូបាទិ។ សុវណ្ណរជតភាជនាទីតិ អាទិ-សទ្ទេន កហាបណ-ធញ្ញកោដ្ឋភណ្ឌាទិំ សង្គណ្ហាតិ។ តម្បិ ហិ និច្ចបរិព្ពយវសេន ភុញ្ជីយតីតិ ‘‘ភោគោ’’តិ វុច្ចតិ។ អញ្ញមញ្ញំ អភិគិជ្ឈន្តីតិ អញ្ញមញ្ញស្ស សន្តកំ អភិគិជ្ឈន្តិ។ តេនាហ ‘‘បត្ថេន្តី’’តិ។ អនលង្កតាតិ ន អលំ បរិយត្តន្តិ ឯវំ កតចិត្តា, អត្រិច្ឆតាមហិច្ឆតាហិ អភិភូតា។ តេនាហ ‘‘អតិត្តា អបរិយត្តជាតា’’តិ។ ឧស្សុក្កជាតេសូតិ តំតំកិច្ចេ សញ្ជាតឧស្សុក្កេសុ។ នានាកិច្ចជាតេសូតិ នានាវិធកិច្ចេសុ, សញ្ជាតនានាកិច្ចេសុ វា។ វដ្ដគាមិកបសុតេន វដ្ដសោតំ អនុសរន្តេសុ។ តណ្ហានិវាសតាយ គេហន្តិបិ អគារន្តិបិ វុច្ចតីតិ អាហ ‘‘មាតុគាមេន សទ្ធិំ គេហ’’ន្តិ។ វិរាជិយាតិ ហេតុអត្ថទីបកំ បទន្តិ អាហ ‘‘វិរាជេត្វា’’តិ, ត្វា-សទ្ទោបិ ចាយំ ហេតុអត្ថោតិ។
28. Nidhīyatīti nidhānaṃ. Nidhātabbataṃ gataṃ nihitanti attho. Muttasārādīti muttāmaṇiveḷuriyapavāḷarajatajātarūpādi. Suvaṇṇarajatabhājanādīti ādi-saddena kahāpaṇa-dhaññakoṭṭhabhaṇḍādiṃ saṅgaṇhāti. Tampi hi niccaparibbayavasena bhuñjīyatīti ‘‘bhogo’’ti vuccati. Aññamaññaṃ abhigijjhantīti aññamaññassa santakaṃ abhigijjhanti. Tenāha ‘‘patthentī’’ti. Analaṅkatāti na alaṃ pariyattanti evaṃ katacittā, atricchatāmahicchatāhi abhibhūtā. Tenāha ‘‘atittā apariyattajātā’’ti. Ussukkajātesūti taṃtaṃkicce sañjātaussukkesu. Nānākiccajātesūti nānāvidhakiccesu, sañjātanānākiccesu vā. Vaṭṭagāmikapasutena vaṭṭasotaṃ anusarantesu. Taṇhānivāsatāya gehantipi agārantipi vuccatīti āha ‘‘mātugāmena saddhiṃ geha’’nti. Virājiyāti hetuatthadīpakaṃ padanti āha ‘‘virājetvā’’ti, tvā-saddopi cāyaṃ hetuatthoti.
មហទ្ធនសុត្តវណ្ណនា និដ្ឋិតា។
Mahaddhanasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៨. មហទ្ធនសុត្តំ • 8. Mahaddhanasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៨. មហទ្ធនសុត្តវណ្ណនា • 8. Mahaddhanasuttavaṇṇanā
