| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೮. ಮಹದ್ಧನಸುತ್ತವಣ್ಣನಾ
8. Mahaddhanasuttavaṇṇanā
೨೮. ಅಟ್ಠಮೇ ನಿಧಾನಗತಂ ಮುತ್ತಸಾರಾದಿ ಮಹನ್ತಂ ಧನಮೇತೇಸನ್ತಿ ಮಹದ್ಧನಾ। ಸುವಣ್ಣರಜತಭಾಜನಾದಿ ಮಹಾಭೋಗೋ ಏತೇಸನ್ತಿ ಮಹಾಭೋಗಾ। ಅಞ್ಞಮಞ್ಞಾಭಿಗಿಜ್ಝನ್ತೀತಿ ಅಞ್ಞಮಞ್ಞಂ ಅಭಿಗಿಜ್ಝನ್ತಿ ಪತ್ಥೇನ್ತಿ ಪಿಹೇನ್ತಿ। ಅನಲಙ್ಕತಾತಿ ಅತಿತ್ತಾ ಅಪರಿಯತ್ತಜಾತಾ। ಉಸ್ಸುಕ್ಕಜಾತೇಸೂತಿ ನಾನಾಕಿಚ್ಚಜಾತೇಸು ಅನುಪ್ಪನ್ನಾನಂ ರೂಪಾದೀನಂ ಉಪ್ಪಾದನತ್ಥಾಯ ಉಪ್ಪನ್ನಾನಂ ಅನುಭವನತ್ಥಾಯ ಉಸ್ಸುಕ್ಕೇಸು। ಭವಸೋತಾನುಸಾರೀಸೂತಿ ವಟ್ಟಸೋತಂ ಅನುಸರನ್ತೇಸು। ಅನುಸ್ಸುಕಾತಿ ಅವಾವಟಾ। ಅಗಾರನ್ತಿ ಮಾತುಗಾಮೇನ ಸದ್ಧಿಂ ಗೇಹಂ। ವಿರಾಜಿಯಾತಿ ವಿರಾಜೇತ್ವಾ। ಸೇಸಂ ಉತ್ತಾನಮೇವಾತಿ। ಅಟ್ಠಮಂ।
28. Aṭṭhame nidhānagataṃ muttasārādi mahantaṃ dhanametesanti mahaddhanā. Suvaṇṇarajatabhājanādi mahābhogo etesanti mahābhogā. Aññamaññābhigijjhantīti aññamaññaṃ abhigijjhanti patthenti pihenti. Analaṅkatāti atittā apariyattajātā. Ussukkajātesūti nānākiccajātesu anuppannānaṃ rūpādīnaṃ uppādanatthāya uppannānaṃ anubhavanatthāya ussukkesu. Bhavasotānusārīsūti vaṭṭasotaṃ anusarantesu. Anussukāti avāvaṭā. Agāranti mātugāmena saddhiṃ gehaṃ. Virājiyāti virājetvā. Sesaṃ uttānamevāti. Aṭṭhamaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೮. ಮಹದ್ಧನಸುತ್ತಂ • 8. Mahaddhanasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೮. ಮಹದ್ಧನಸುತ್ತವಣ್ಣನಾ • 8. Mahaddhanasuttavaṇṇanā
