| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[447] 9. махаад̇хаммабаалаж̇аад̇агаван̣н̣анаа
[447] 9. Mahādhammapālajātakavaṇṇanā
гим̣ д̇з вад̇анд̇и ид̣̇ам̣ сад̇т̇аа батамаг̇аманзна габилабурам̣ г̇анд̇ваа ниг̇род̇хаараамз вихаранд̇о бид̇у нивзсанз ран̃н̃о асад̣̇д̣̇аханам̣ аараб̣бха гат̇зси. д̇ад̣̇аа хи суд̣̇д̇ход̣̇анамахаарааж̇аа вийсад̇исахассабхигкубариваарасса бхаг̇авад̇о ад̇д̇ано нивзсанз яааг̇укаж̇ж̇агам̣ д̣̇ад̇ваа анд̇араабхад̇д̇з саммод̣̇анийяам̣ гат̇ам̣ гат̇знд̇о ‘‘бханд̇з, д̇умхаагам̣ бад̇хаанагаалз д̣̇звад̇аа ааг̇анд̇ваа аагаасз тад̇ваа ‘буд̇д̇о д̇з сид̣̇д̇хад̇т̇агумааро аббаахаарад̇ааяа мад̇о’д̇и маяхам̣ аарожзсу’’нд̇и ааха. сад̇т̇аараа жа ‘‘сад̣̇д̣̇ахи, махаарааж̇аа’’д̇и вуд̇д̇з ‘‘на сад̣̇д̣̇ахим̣, бханд̇з, аагаасз тад̇ваа гат̇знд̇ияоби д̣̇звад̇аа, ‘мама буд̇д̇асса б̣од̇хид̇алз б̣уд̣̇д̇хад̇д̇ам̣ аббад̇ваа бариниб̣б̣аанам̣ наама над̇т̇ий’д̇и бадигкиби’’нд̇и ааха. ‘‘махаарааж̇а, буб̣б̣зби д̇вам̣ махаад̇хаммабаалагаалзби ‘буд̇д̇о д̇з мад̇о имаанисса адтийний’д̇и д̣̇ассзд̇ваа вад̣̇анд̇ассаби д̣̇исаабаамогкаажарияасса ‘амхаагам̣ гулз д̇арун̣агаалз гаалагирияаа наама над̇т̇ий’д̇и на сад̣̇д̣̇ахи, ид̣̇аани бана гасмаа сад̣̇д̣̇ахиссасий’’д̇и вад̇ваа д̇зна яаажид̇о ад̇ийд̇ам̣ аахари.
Kiṃte vatanti idaṃ satthā paṭhamagamanena kapilapuraṃ gantvā nigrodhārāme viharanto pitu nivesane rañño asaddahanaṃ ārabbha kathesi. Tadā hi suddhodanamahārājā vīsatisahassabhikkhuparivārassa bhagavato attano nivesane yāgukhajjakaṃ datvā antarābhatte sammodanīyaṃ kathaṃ kathento ‘‘bhante, tumhākaṃ padhānakāle devatā āgantvā ākāse ṭhatvā ‘putto te siddhatthakumāro appāhāratāya mato’ti mayhaṃ ārocesu’’nti āha. Satthārā ca ‘‘saddahi, mahārājā’’ti vutte ‘‘na saddahiṃ, bhante, ākāse ṭhatvā kathentiyopi devatā, ‘mama puttassa bodhitale buddhattaṃ appatvā parinibbānaṃ nāma natthī’ti paṭikkhipi’’nti āha. ‘‘Mahārāja, pubbepi tvaṃ mahādhammapālakālepi ‘putto te mato imānissa aṭṭhīnī’ti dassetvā vadantassapi disāpāmokkhācariyassa ‘amhākaṃ kule taruṇakāle kālakiriyā nāma natthī’ti na saddahi, idāni pana kasmā saddahissasī’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з гаасирадтз д̇хаммабаалаг̇аамо наама ахоси. со д̇хаммабаалагуласса васанад̇ааяа зд̇ам̣ наамам̣ лабхи. д̇ад̇т̇а д̣̇асаннам̣ гусалагаммабат̇аанам̣ бааланад̇о ‘‘д̇хаммабаало’’д̇взва бан̃н̃аад̇о б̣раахман̣о бадивасад̇и, д̇асса гулз анд̇амасо д̣̇аасагаммагарааби д̣̇аанам̣ д̣̇знд̇и, сийлам̣ рагканд̇и, убосат̇агаммам̣ гаронд̇и. д̇ад̣̇аа б̣од̇хисад̇д̇о д̇асмим̣ гулз ниб̣б̣ад̇д̇и, ‘‘д̇хаммабаалагумааро’’д̇взвасса наамам̣ гарим̣су. ат̇а нам̣ ваяаббад̇д̇ам̣ бид̇аа сахассам̣ д̣̇ад̇ваа сиббуг̇г̇ахан̣ад̇т̇ааяа д̇аггасилам̣ бзсзси. со д̇ад̇т̇а г̇анд̇ваа д̣̇исаабаамогкаажарияасса санд̇игз сиббам̣ уг̇г̇ан̣хи, бан̃жаннам̣ маан̣авагасад̇аанам̣ ж̇здтанд̇зваасиго ахоси. д̇ад̣̇аа аажарияасса ж̇здтабуд̇д̇о гааламагааси. аажарияо маан̣авагабаривуд̇о н̃аад̇иг̇ан̣зна сад̣̇д̇хим̣ род̣̇анд̇о ганд̣̇анд̇о сусаанз д̇асса сарийрагижжам̣ гаарзд̇и. д̇ад̇т̇а аажарияо жа н̃аад̇иваг̇г̇о жасса анд̇зваасигаа жа род̣̇анд̇и барид̣̇званд̇и, д̇хаммабаалоязвзго на род̣̇ад̇и на барид̣̇звад̇и. абижа ко бана д̇зсу бан̃жасад̇зсу маан̣авзсу сусаанаа ааг̇амма аажарияасса санд̇игз нисийд̣̇ид̇ваа ‘‘ахо зваруубо наама аажаарасамбанно д̇арун̣амаан̣аво д̇арун̣агаалзязва маад̇аабид̇уухи виббаяуд̇д̇о маран̣аббад̇д̇о’’д̇и вад̣̇анд̇зсу ‘‘саммаа, д̇умхз ‘д̇арун̣о’д̇и бхан̣ат̇а, ат̇а гасмаа д̇арун̣агаалзязва марад̇и, нану аяуд̇д̇ам̣ д̇арун̣агаалз марид̇у’’нд̇и ааха.
Atīte bārāṇasiyaṃ brahmadatte rajjaṃ kārente kāsiraṭṭhe dhammapālagāmo nāma ahosi. So dhammapālakulassa vasanatāya etaṃ nāmaṃ labhi. Tattha dasannaṃ kusalakammapathānaṃ pālanato ‘‘dhammapālo’’tveva paññāto brāhmaṇo paṭivasati, tassa kule antamaso dāsakammakarāpi dānaṃ denti, sīlaṃ rakkhanti, uposathakammaṃ karonti. Tadā bodhisatto tasmiṃ kule nibbatti, ‘‘dhammapālakumāro’’tvevassa nāmaṃ kariṃsu. Atha naṃ vayappattaṃ pitā sahassaṃ datvā sippuggahaṇatthāya takkasilaṃ pesesi. So tattha gantvā disāpāmokkhācariyassa santike sippaṃ uggaṇhi, pañcannaṃ māṇavakasatānaṃ jeṭṭhantevāsiko ahosi. Tadā ācariyassa jeṭṭhaputto kālamakāsi. Ācariyo māṇavakaparivuto ñātigaṇena saddhiṃ rodanto kandanto susāne tassa sarīrakiccaṃ kāreti. Tattha ācariyo ca ñātivaggo cassa antevāsikā ca rodanti paridevanti, dhammapāloyeveko na rodati na paridevati. Apica kho pana tesu pañcasatesu māṇavesu susānā āgamma ācariyassa santike nisīditvā ‘‘aho evarūpo nāma ācārasampanno taruṇamāṇavo taruṇakāleyeva mātāpitūhi vippayutto maraṇappatto’’ti vadantesu ‘‘sammā, tumhe ‘taruṇo’ti bhaṇatha, atha kasmā taruṇakāleyeva marati, nanu ayuttaṃ taruṇakāle maritu’’nti āha.
ат̇а нам̣ д̇з аахам̣су ‘‘гим̣ бана самма, д̇вам̣ имзсам̣ сад̇д̇аанам̣ маран̣абхаавам̣ на ж̇аанаасий’’д̇и? ж̇аанаами, д̇арун̣агаалз бана на маранд̇и, махаллагагаалзязва маранд̇ийд̇и. нану анижжаа саб̣б̣з сан̇каараа худ̇ваа абхаавинод̇и? ‘‘сажжам̣ анижжаа, д̣̇ахарагаалз бана сад̇д̇аа на маранд̇и, махаллагагаалз маранд̇и, анижжад̇ам̣ баабун̣анд̇ий’’д̇и. ‘‘гим̣ самма, д̇хаммабаала, д̇умхаагам̣ г̇зхз на гзжи маранд̇ий’’д̇и? ‘‘д̣̇ахарагаалз бана на маранд̇и, махаллагагаалзязва маранд̇ий’’д̇и. ‘‘гим̣ банзсаа д̇умхаагам̣ гулабавзн̣ий’’д̇и? ‘‘аама гулабавзн̣ий’’д̇и. маан̣аваа д̇ам̣ д̇асса гат̇ам̣ аажарияасса аарожзсум̣. ат̇а нам̣ со баггосаабзд̇ваа бужчи ‘‘сажжам̣ гира д̇аад̇а д̇хаммабаала, д̇умхаагам̣ гулз д̣̇ахарагаалз на мийяанд̇ий’’д̇и? ‘‘сажжам̣ аажарияаа’’д̇и. со д̇асса важанам̣ суд̇ваа жинд̇зси ‘‘аяам̣ ад̇ивияа ажчарияам̣ вад̣̇ад̇и, имасса бид̇у санд̇игам̣ г̇анд̇ваа бужчид̇ваа сажз зд̇ам̣ сажжам̣, ахамби д̇амзва д̇хаммам̣ буурзссаамий’’д̇и. со буд̇д̇асса гад̇д̇аб̣б̣агижжам̣ гад̇ваа сад̇д̇адтад̣̇ивасажжаязна д̇хаммабаалам̣ баггосаабзд̇ваа ‘‘д̇аад̇а, ахам̣ киббам̣ ааг̇амиссаами, яаава мамааг̇аманаа имз маан̣авз сиббам̣ ваажзхий’’д̇и вад̇ваа згасса зл̣агасса адтийни г̇ахзд̇ваа д̇ховид̇ваа басиб̣б̣агз гад̇ваа згам̣ жуул̣убадтаагам̣ аад̣̇ааяа д̇аггасилад̇о нигкамид̇ваа анубуб̣б̣зна д̇ам̣ г̇аамам̣ бад̇ваа ‘‘гад̇арам̣ махаад̇хаммабааласса г̇зха’’нд̇и бужчид̇ваа г̇анд̇ваа д̣̇ваарз адтааси. б̣раахман̣асса д̣̇аасамануссзсу яо яо батамам̣ ад̣̇д̣̇аса, со со аажарияасса хад̇т̇ад̇о чад̇д̇ам̣ г̇ан̣хи, убааханам̣ г̇ан̣хи, убадтаагассаби хад̇т̇ад̇о басиб̣б̣агам̣ г̇ан̣хи. ‘‘буд̇д̇асса во д̇хаммабаалагумаарасса аажарияо д̣̇ваарз тид̇од̇и гумаарасса бид̇у аарожзт̇аа’’д̇и жа вуд̇д̇аа ‘‘саад̇хуу’’д̇и г̇анд̇ваа аарожаяим̣су. со взг̇зна д̣̇ваарамуулам̣ г̇анд̇ваа ‘‘ид̇о зт̇аа’’д̇и д̇ам̣ гхарам̣ абхинзд̇ваа баллан̇гз нисийд̣̇аабзд̇ваа саб̣б̣ам̣ баад̣̇ад̇хованаад̣̇игижжам̣ агааси.
Atha naṃ te āhaṃsu ‘‘kiṃ pana samma, tvaṃ imesaṃ sattānaṃ maraṇabhāvaṃ na jānāsī’’ti? Jānāmi, taruṇakāle pana na maranti, mahallakakāleyeva marantīti. Nanu aniccā sabbe saṅkhārā hutvā abhāvinoti? ‘‘Saccaṃ aniccā, daharakāle pana sattā na maranti, mahallakakāle maranti, aniccataṃ pāpuṇantī’’ti. ‘‘Kiṃ samma, dhammapāla, tumhākaṃ gehe na keci marantī’’ti? ‘‘Daharakāle pana na maranti, mahallakakāleyeva marantī’’ti. ‘‘Kiṃ panesā tumhākaṃ kulapaveṇī’’ti? ‘‘Āma kulapaveṇī’’ti. Māṇavā taṃ tassa kathaṃ ācariyassa ārocesuṃ. Atha naṃ so pakkosāpetvā pucchi ‘‘saccaṃ kira tāta dhammapāla, tumhākaṃ kule daharakāle na mīyantī’’ti? ‘‘Saccaṃ ācariyā’’ti. So tassa vacanaṃ sutvā cintesi ‘‘ayaṃ ativiya acchariyaṃ vadati, imassa pitu santikaṃ gantvā pucchitvā sace etaṃ saccaṃ, ahampi tameva dhammaṃ pūressāmī’’ti. So puttassa kattabbakiccaṃ katvā sattaṭṭhadivasaccayena dhammapālaṃ pakkosāpetvā ‘‘tāta, ahaṃ khippaṃ āgamissāmi, yāva mamāgamanā ime māṇave sippaṃ vācehī’’ti vatvā ekassa eḷakassa aṭṭhīni gahetvā dhovitvā pasibbake katvā ekaṃ cūḷupaṭṭhākaṃ ādāya takkasilato nikkhamitvā anupubbena taṃ gāmaṃ patvā ‘‘kataraṃ mahādhammapālassa geha’’nti pucchitvā gantvā dvāre aṭṭhāsi. Brāhmaṇassa dāsamanussesu yo yo paṭhamaṃ addasa, so so ācariyassa hatthato chattaṃ gaṇhi, upāhanaṃ gaṇhi, upaṭṭhākassapi hatthato pasibbakaṃ gaṇhi. ‘‘Puttassa vo dhammapālakumārassa ācariyo dvāre ṭhitoti kumārassa pitu ārocethā’’ti ca vuttā ‘‘sādhū’’ti gantvā ārocayiṃsu. So vegena dvāramūlaṃ gantvā ‘‘ito ethā’’ti taṃ gharaṃ abhinetvā pallaṅke nisīdāpetvā sabbaṃ pādadhovanādikiccaṃ akāsi.
аажарияо бхуд̇д̇абхож̇ано сукагат̇ааяа нисиннагаалз ‘‘б̣раахман̣а, буд̇д̇о д̇з д̇хаммабаалагумааро бан̃н̃аваа д̇ин̣н̣ам̣ взд̣̇аанам̣ адтаарасаннан̃жа сиббаанам̣ нибпад̇д̇им̣ бад̇д̇о, абижа ко банзгзна апаасугзна ж̇ийвид̇агкаяам̣ бад̇д̇о, саб̣б̣з сан̇каараа анижжаа, маа сожид̇т̇аа’’д̇и ааха. б̣раахман̣о баан̣им̣ бахарид̇ваа махаахасид̇ам̣ хаси. ‘‘гим̣ ну б̣раахман̣а, хасасий’’д̇и жа вуд̇д̇з ‘‘маяхам̣ буд̇д̇о на марад̇и, ан̃н̃о гожи мад̇о бхависсад̇ий’’д̇и ааха. ‘‘б̣раахман̣а, буд̇д̇оязва д̇з мад̇о, буд̇д̇ассзва д̇з адтийни д̣̇исваа сад̣̇д̣̇ахаа’’д̇и адтийни нийхарид̇ваа ‘‘имаани д̇з буд̇д̇асса адтийний’’д̇и ааха. зд̇аани зл̣агасса ваа сунакасса ваа бхависсанд̇и, маяхам̣ бана буд̇д̇о на марад̇и, амхаагаан̃хи гулз яаава сад̇д̇амаа гулабариваддаа д̇арун̣агаалз мад̇абуб̣б̣аа наама над̇т̇и, д̇вам̣ мусаа бхан̣асийд̇и. д̇асмим̣ кан̣з саб̣б̣зби баан̣им̣ бахарид̇ваа махаахасид̇ам̣ хасим̣су. аажарияо д̇ам̣ ажчарияам̣ д̣̇исваа соманассаббад̇д̇о худ̇ваа ‘‘б̣раахман̣а, д̇умхаагам̣ гулабавзн̣ияам̣ д̣̇ахараанам̣ амаран̣зна на саггаа ахзд̇угзна бхавид̇ум̣, гзна во гааран̣зна д̣̇ахараа на мийяанд̇ий’’д̇и бужчанд̇о батамам̣ г̇аат̇амааха –
Ācariyo bhuttabhojano sukhakathāya nisinnakāle ‘‘brāhmaṇa, putto te dhammapālakumāro paññavā tiṇṇaṃ vedānaṃ aṭṭhārasannañca sippānaṃ nipphattiṃ patto, apica kho panekena aphāsukena jīvitakkhayaṃ patto, sabbe saṅkhārā aniccā, mā socitthā’’ti āha. Brāhmaṇo pāṇiṃ paharitvā mahāhasitaṃ hasi. ‘‘Kiṃ nu brāhmaṇa, hasasī’’ti ca vutte ‘‘mayhaṃ putto na marati, añño koci mato bhavissatī’’ti āha. ‘‘Brāhmaṇa, puttoyeva te mato, puttasseva te aṭṭhīni disvā saddahā’’ti aṭṭhīni nīharitvā ‘‘imāni te puttassa aṭṭhīnī’’ti āha. Etāni eḷakassa vā sunakhassa vā bhavissanti, mayhaṃ pana putto na marati, amhākāñhi kule yāva sattamā kulaparivaṭṭā taruṇakāle matapubbā nāma natthi, tvaṃ musā bhaṇasīti. Tasmiṃ khaṇe sabbepi pāṇiṃ paharitvā mahāhasitaṃ hasiṃsu. Ācariyo taṃ acchariyaṃ disvā somanassappatto hutvā ‘‘brāhmaṇa, tumhākaṃ kulapaveṇiyaṃ daharānaṃ amaraṇena na sakkā ahetukena bhavituṃ, kena vo kāraṇena daharā na mīyantī’’ti pucchanto paṭhamaṃ gāthamāha –
92.
92.
‘‘гим̣ д̇з вад̇ам̣ гим̣ бана б̣рахмажарияам̣, гисса сужин̣н̣асса аяам̣ вибааго;
‘‘Kiṃ te vataṃ kiṃ pana brahmacariyaṃ, kissa suciṇṇassa ayaṃ vipāko;
агкаахи мз б̣раахман̣а зд̇амад̇т̇ам̣, гасмаа ну д̇умхам̣ д̣̇ахараа на мийяарз’’д̇и.
Akkhāhi me brāhmaṇa etamatthaṃ, kasmā nu tumhaṃ daharā na mīyare’’ti.
д̇ад̇т̇а вад̇анд̇и вад̇асамаад̣̇аанам̣. б̣рахмажарияанд̇и сздтажарияам̣. гисса сужин̣н̣ассаад̇и д̇умхаагам̣ гулз д̣̇ахараанам̣ амаран̣ам̣ наама гад̇арасужарид̇асса вибаагод̇и.
Tattha vatanti vatasamādānaṃ. Brahmacariyanti seṭṭhacariyaṃ. Kissa suciṇṇassāti tumhākaṃ kule daharānaṃ amaraṇaṃ nāma katarasucaritassa vipākoti.
д̇ам̣ суд̇ваа б̣раахман̣о язсам̣ г̇ун̣аанам̣ аанубхаавзна д̇асмим̣ гулз д̣̇ахараа на мийяанд̇и, д̇з ван̣н̣аяанд̇о –
Taṃ sutvā brāhmaṇo yesaṃ guṇānaṃ ānubhāvena tasmiṃ kule daharā na mīyanti, te vaṇṇayanto –
93.
93.
‘‘д̇хаммам̣ жараама на мусаа бхан̣аама, баабаани гаммаани бариваж̇ж̇аяаама;
‘‘Dhammaṃ carāma na musā bhaṇāma, pāpāni kammāni parivajjayāma;
анарияам̣ бариваж̇ж̇зму саб̣б̣ам̣, д̇асмаа хи амхам̣ д̣̇ахараа на мийяарз.
Anariyaṃ parivajjemu sabbaṃ, tasmā hi amhaṃ daharā na mīyare.
94.
94.
‘‘сун̣ома д̇хаммам̣ асад̇ам̣ сад̇ан̃жа, на жааби д̇хаммам̣ асад̇ам̣ рожаяаама;
‘‘Suṇoma dhammaṃ asataṃ satañca, na cāpi dhammaṃ asataṃ rocayāma;
хид̇ваа асанд̇з на ж̇ахаама санд̇з, д̇асмаа хи амхам̣ д̣̇ахараа на мийяарз.
Hitvā asante na jahāma sante, tasmā hi amhaṃ daharā na mīyare.
95.
95.
‘‘буб̣б̣зва д̣̇аанаа суманаа бхаваама, д̣̇ад̣̇амби вз ад̇д̇аманаа бхаваама;
‘‘Pubbeva dānā sumanā bhavāma, dadampi ve attamanā bhavāma;
д̣̇ад̇вааби вз наануд̇аббаама бажчаа, д̇асмаа хи амхам̣ д̣̇ахараа на мийяарз.
Datvāpi ve nānutappāma pacchā, tasmā hi amhaṃ daharā na mīyare.
96.
96.
‘‘саман̣з маяам̣ б̣раахман̣з ад̣̇д̇хигз жа, ваниб̣б̣агз яаажанагз д̣̇алид̣̇д̣̇з;
‘‘Samaṇe mayaṃ brāhmaṇe addhike ca, vanibbake yācanake dalidde;
аннзна баанзна абхид̇аббаяаама, д̇асмаа хи амхам̣ д̣̇ахараа на мийяарз.
Annena pānena abhitappayāma, tasmā hi amhaṃ daharā na mīyare.
97.
97.
‘‘маяан̃жа бхарияам̣ наад̇иггамаама, амхз жа бхарияаа наад̇иггаманд̇и;
‘‘Mayañca bhariyaṃ nātikkamāma, amhe ca bhariyā nātikkamanti;
ан̃н̃ад̇ра д̇аахи б̣рахмажарияам̣ жараама, д̇асмаа хи амхам̣ д̣̇ахараа на мийяарз.
Aññatra tāhi brahmacariyaṃ carāma, tasmā hi amhaṃ daharā na mīyare.
98.
98.
‘‘баан̣аад̇ибаад̇аа вирамаама саб̣б̣з, логз ад̣̇иннам̣ бариваж̇ж̇аяаама;
‘‘Pāṇātipātā viramāma sabbe, loke adinnaṃ parivajjayāma;
амаж̇ж̇абаа ноби мусаа бхан̣аама, д̇асмаа хи амхам̣ д̣̇ахараа на мийяарз.
Amajjapā nopi musā bhaṇāma, tasmā hi amhaṃ daharā na mīyare.
99.
99.
‘‘зд̇аасу вз ж̇ааяарз суд̇д̇амаасу, мзд̇хаавино хонд̇и бахууд̇абан̃н̃аа;
‘‘Etāsu ve jāyare suttamāsu, medhāvino honti pahūtapaññā;
б̣ахуссуд̇аа взд̣̇аг̇уно жа хонд̇и, д̇асмаа хи амхам̣ д̣̇ахараа на мийяарз.
Bahussutā vedaguno ca honti, tasmā hi amhaṃ daharā na mīyare.
100.
100.
‘‘маад̇аа бид̇аа жа бхаг̇иний бхаад̇аро жа, буд̇д̇аа жа д̣̇аараа жа маяан̃жа саб̣б̣з;
‘‘Mātā pitā ca bhaginī bhātaro ca, puttā ca dārā ca mayañca sabbe;
д̇хаммам̣ жараама баралогахзд̇у, д̇асмаа хи амхам̣ д̣̇ахараа на мийяарз.
Dhammaṃ carāma paralokahetu, tasmā hi amhaṃ daharā na mīyare.
101.
101.
‘‘д̣̇аасаа жа д̣̇аасяо ануж̇ийвино жа, барижаарагаа гаммагараа жа саб̣б̣з;
‘‘Dāsā ca dāsyo anujīvino ca, paricārakā kammakarā ca sabbe;
д̇хаммам̣ жаранд̇и баралогахзд̇у, д̇асмаа хи амхам̣ д̣̇ахараа на мийяарз’’д̇и. –
Dhammaṃ caranti paralokahetu, tasmā hi amhaṃ daharā na mīyare’’ti. –
имаа г̇аат̇аа ааха.
Imā gāthā āha.
д̇ад̇т̇а д̇хаммам̣ жараамаад̇и д̣̇асагусалагаммабат̇ад̇хаммам̣ жараама, ад̇д̇ано ж̇ийвид̇ахзд̇у анд̇амасо гунт̇агибиллигамби ж̇ийвид̇аа на воробзма, барабхан̣д̣ам̣ лобхажид̇д̇зна на ологзмаад̇и саб̣б̣ам̣ вид̇т̇аарзд̇аб̣б̣ам̣. мусааваад̣̇о жзд̇т̇а мусааваад̣̇исса агаран̣абаабам̣ наама над̇т̇ийд̇и уссаннавасзна буна вуд̇д̇о. д̇з гира хасаад̇хиббааязнаби мусаа на бхан̣анд̇и. баабаанийд̇и саб̣б̣аани нираяаг̇аамигаммаани. анарияанд̇и арияаг̇арахид̇ам̣ саб̣б̣ам̣ асунд̣̇арам̣ абарисуд̣̇д̇хам̣ гаммам̣ бариваж̇ж̇аяаама. д̇асмаа хи амханд̇и зд̇т̇а хи-гааро нибаад̇амад̇д̇о, д̇зна гааран̣зна амхаагам̣ д̣̇ахараа на мийяанд̇и, анд̇араа агааламаран̣ам̣ наама но над̇т̇ийд̇и ад̇т̇о. ‘‘д̇асмаа амха’’нд̇иби баато. сун̣омаад̇и маяам̣ гирияаваад̣̇аанам̣ саббурисаанам̣ гусалад̣̇ийбанамби асаббурисаанам̣ агусалад̣̇ийбанамби д̇хаммам̣ сун̣ома , со бана но суд̇амад̇д̇агова ход̇и, д̇ам̣ на рожаяаама. д̇зхи бана но сад̣̇д̇хим̣ виг̇г̇ахо ваа виваад̣̇о ваа маа ход̇ууд̇и д̇хаммам̣ сун̣аама, суд̇вааби хид̇ваа асанд̇з санд̇з вад̇д̇аама, згамби кан̣ам̣ на ж̇ахаама санд̇з, баабамид̇д̇з бахааяа галяаан̣амид̇д̇асзвинова хомаад̇и.
Tattha dhammaṃ carāmāti dasakusalakammapathadhammaṃ carāma, attano jīvitahetu antamaso kunthakipillikampi jīvitā na voropema, parabhaṇḍaṃ lobhacittena na olokemāti sabbaṃ vitthāretabbaṃ. Musāvādo cettha musāvādissa akaraṇapāpaṃ nāma natthīti ussannavasena puna vutto. Te kira hasādhippāyenapi musā na bhaṇanti. Pāpānīti sabbāni nirayagāmikammāni. Anariyanti ariyagarahitaṃ sabbaṃ asundaraṃ aparisuddhaṃ kammaṃ parivajjayāma. Tasmā hi amhanti ettha hi-kāro nipātamatto, tena kāraṇena amhākaṃ daharā na mīyanti, antarā akālamaraṇaṃ nāma no natthīti attho. ‘‘Tasmā amha’’ntipi pāṭho. Suṇomāti mayaṃ kiriyavādānaṃ sappurisānaṃ kusaladīpanampi asappurisānaṃ akusaladīpanampi dhammaṃ suṇoma , so pana no sutamattakova hoti, taṃ na rocayāma. Tehi pana no saddhiṃ viggaho vā vivādo vā mā hotūti dhammaṃ suṇāma, sutvāpi hitvā asante sante vattāma, ekampi khaṇaṃ na jahāma sante, pāpamitte pahāya kalyāṇamittasevinova homāti.
саман̣з маяам̣ б̣раахман̣зд̇и маяам̣ самид̇абаабз б̣аахид̇абаабз бажжзгаб̣уд̣̇д̇хасаман̣аб̣раахман̣зби авасзсад̇хаммигасаман̣аб̣раахман̣зби ад̣̇д̇хигаяаажагз сзсаж̇анзби аннабаанзна абхид̇аббзмаад̇и ад̇т̇о. баал̣ияам̣ бана аяам̣ г̇аат̇аа ‘‘буб̣б̣зва д̣̇аанаа’’д̇и г̇аат̇ааяа бажчад̇о ааг̇ад̇аа. наад̇иггамаамаад̇и ад̇д̇ано бхарияам̣ ад̇иггамид̇ваа б̣ахи ан̃н̃ам̣ мижчаажаарам̣ на гарома. ан̃н̃ад̇ра д̇аахийд̇и д̇аа ад̇д̇ано бхарияаа табзд̇ваа сзсаид̇т̇ийсу б̣рахмажарияам̣ жараама, амхаагам̣ бхарияааби сзсабурисзсу звамзва вад̇д̇анд̇и. ж̇ааяарзд̇и ж̇ааяанд̇и. суд̇д̇амаасууд̇и сусийлаасу уд̇д̇амид̇т̇ийсу. ид̣̇ам̣ вуд̇д̇ам̣ ход̇и – яз зд̇аасу самбаннасийлаасу уд̇д̇амид̇т̇ийсу амхаагам̣ буд̇д̇аа ж̇ааяанд̇и, д̇з мзд̇хаавинод̇и звам̣багаараа хонд̇и, гуд̇о д̇зсам̣ анд̇араа маран̣ам̣, д̇асмааби амхаагам̣ гулз д̣̇ахараа на маранд̇ийд̇и. д̇хаммам̣ жараамаад̇и баралогад̇т̇ааяа д̇ивид̇хасужарид̇ад̇хаммам̣ жараама. д̣̇аасяод̇и д̣̇аасияо.
Samaṇe mayaṃ brāhmaṇeti mayaṃ samitapāpe bāhitapāpe paccekabuddhasamaṇabrāhmaṇepi avasesadhammikasamaṇabrāhmaṇepi addhikayācake sesajanepi annapānena abhitappemāti attho. Pāḷiyaṃ pana ayaṃ gāthā ‘‘pubbeva dānā’’ti gāthāya pacchato āgatā. Nātikkamāmāti attano bhariyaṃ atikkamitvā bahi aññaṃ micchācāraṃ na karoma. Aññatra tāhīti tā attano bhariyā ṭhapetvā sesaitthīsu brahmacariyaṃ carāma, amhākaṃ bhariyāpi sesapurisesu evameva vattanti. Jāyareti jāyanti. Suttamāsūti susīlāsu uttamitthīsu. Idaṃ vuttaṃ hoti – ye etāsu sampannasīlāsu uttamitthīsu amhākaṃ puttā jāyanti, te medhāvinoti evaṃpakārā honti, kuto tesaṃ antarā maraṇaṃ, tasmāpi amhākaṃ kule daharā na marantīti. Dhammaṃ carāmāti paralokatthāya tividhasucaritadhammaṃ carāma. Dāsyoti dāsiyo.
авасаанз –
Avasāne –
102.
102.
‘‘д̇хаммо хавз рагкад̇и д̇хаммажаарим̣, д̇хаммо сужин̣н̣о сукамаавахад̇и;
‘‘Dhammo have rakkhati dhammacāriṃ, dhammo suciṇṇo sukhamāvahati;
зсаанисам̣со д̇хаммз сужин̣н̣з, на д̣̇уг̇г̇ад̇им̣ г̇ажчад̇и д̇хаммажаарий.
Esānisaṃso dhamme suciṇṇe, na duggatiṃ gacchati dhammacārī.
103.
103.
‘‘д̇хаммо хавз рагкад̇и д̇хаммажаарим̣, чад̇д̇ам̣ маханд̇ам̣ вияа вассагаалз;
‘‘Dhammo have rakkhati dhammacāriṃ, chattaṃ mahantaṃ viya vassakāle;
д̇хаммзна г̇уд̇д̇о мама д̇хаммабаало, ан̃н̃асса адтийни сукий гумааро’’д̇и. –
Dhammena gutto mama dhammapālo, aññassa aṭṭhīni sukhī kumāro’’ti. –
имаахи д̣̇вийхи г̇аат̇аахи д̇хаммажаарийнам̣ г̇ун̣ам̣ гат̇зси.
Imāhi dvīhi gāthāhi dhammacārīnaṃ guṇaṃ kathesi.
д̇ад̇т̇а рагкад̇ийд̇и д̇хаммо наамзсо рагкид̇о ад̇д̇ано рагкид̇ам̣ бадирагкад̇и. сукамаавахад̇ийд̇и д̣̇звамануссасукан̃жзва ниб̣б̣аанасукан̃жа аавахад̇и. на д̣̇уг̇г̇ад̇инд̇и нираяаад̣̇ибхзд̣̇ам̣ д̣̇уг̇г̇ад̇им̣ на г̇ажчад̇и. звам̣ б̣раахман̣а, маяам̣ д̇хаммам̣ рагкаама, д̇хаммоби амхз рагкад̇ийд̇и д̣̇ассзд̇и. д̇хаммзна г̇уд̇д̇од̇и махаачад̇д̇асад̣̇исзна ад̇д̇анаа г̇обид̇ад̇хаммзна г̇уд̇д̇о. ан̃н̃асса адтийнийд̇и д̇аяаа аанийд̇аани адтийни ан̃н̃асса зл̣агасса ваа сунакасса ваа адтийни бхависсанд̇и, чад̣д̣зт̇зд̇аани, мама буд̇д̇о сукий гумаарод̇и.
Tattha rakkhatīti dhammo nāmeso rakkhito attano rakkhitaṃ paṭirakkhati. Sukhamāvahatīti devamanussasukhañceva nibbānasukhañca āvahati. Naduggatinti nirayādibhedaṃ duggatiṃ na gacchati. Evaṃ brāhmaṇa, mayaṃ dhammaṃ rakkhāma, dhammopi amhe rakkhatīti dasseti. Dhammena guttoti mahāchattasadisena attanā gopitadhammena gutto. Aññassa aṭṭhīnīti tayā ānītāni aṭṭhīni aññassa eḷakassa vā sunakhassa vā aṭṭhīni bhavissanti, chaḍḍethetāni, mama putto sukhī kumāroti.
д̇ам̣ суд̇ваа аажарияо ‘‘маяхам̣ ааг̇аманам̣ суааг̇аманам̣, сапалам̣, но нибпала’’нд̇и сан̃ж̇аад̇асоманассо д̇хаммабааласса бид̇арам̣ камаабзд̇ваа ‘‘маяаа ааг̇ажчанд̇зна д̇умхаагам̣ виймам̣санад̇т̇ааяа имаани зл̣агаадтийни аабхад̇аани, буд̇д̇о д̇з арог̇оязва, д̇умхаагам̣ рагкид̇ад̇хаммам̣ маяхамби д̣̇зт̇аа’’д̇и бан̣н̣з ликид̇ваа гад̇ибаахам̣ д̇ад̇т̇а васид̇ваа д̇аггасилам̣ г̇анд̇ваа д̇хаммабаалам̣ саб̣б̣асиббаани сигкаабзд̇ваа маханд̇зна бариваарзна бзсзси.
Taṃ sutvā ācariyo ‘‘mayhaṃ āgamanaṃ suāgamanaṃ, saphalaṃ, no nipphala’’nti sañjātasomanasso dhammapālassa pitaraṃ khamāpetvā ‘‘mayā āgacchantena tumhākaṃ vīmaṃsanatthāya imāni eḷakaaṭṭhīni ābhatāni, putto te arogoyeva, tumhākaṃ rakkhitadhammaṃ mayhampi dethā’’ti paṇṇe likhitvā katipāhaṃ tattha vasitvā takkasilaṃ gantvā dhammapālaṃ sabbasippāni sikkhāpetvā mahantena parivārena pesesi.
сад̇т̇аа суд̣̇д̇ход̣̇анамахаарааж̇асса имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз рааж̇аа анааг̇аамипалз бад̇идтахи. д̇ад̣̇аа маад̇аабид̇аро махаарааж̇агулаани ахзсум̣, аажарияо саарибуд̇д̇о, барисаа б̣уд̣̇д̇хабарисаа, д̇хаммабаалагумааро бана ахамзва ахосинд̇и.
Satthā suddhodanamahārājassa imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne rājā anāgāmiphale patiṭṭhahi. Tadā mātāpitaro mahārājakulāni ahesuṃ, ācariyo sāriputto, parisā buddhaparisā, dhammapālakumāro pana ahameva ahosinti.
махаад̇хаммабаалаж̇аад̇агаван̣н̣анаа навамаа.
Mahādhammapālajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 447. махаад̇хаммабаалаж̇аад̇агам̣ • 447. Mahādhammapālajātakaṃ
