| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
6. махаад̇хаммасамаад̣̇аанасуд̇д̇ам̣
6. Mahādhammasamādānasuttaṃ
473. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘язбхуяязна, бхигкавз, сад̇д̇аа звам̣гаамаа звам̣чанд̣̇аа звам̣ад̇хиббааяаа – ‘ахо вад̇а анидтаа аганд̇аа аманаабаа д̇хаммаа барихааязяяум̣, идтаа ганд̇аа манаабаа д̇хаммаа абхивад̣дхзяяу’нд̇и. д̇зсам̣, бхигкавз, сад̇д̇аанам̣ звам̣гаамаанам̣ звам̣чанд̣̇аанам̣ звам̣ад̇хиббааяаанам̣ анидтаа аганд̇аа аманаабаа д̇хаммаа абхивад̣дханд̇и, идтаа ганд̇аа манаабаа д̇хаммаа барихааяанд̇и. д̇ад̇ра д̇умхз, бхигкавз, гам̣ хзд̇ум̣ бажжзт̇аа’’д̇и? ‘‘бхаг̇авам̣муулагаа но, бханд̇з, д̇хаммаа, бхаг̇авам̣нзд̇д̇игаа, бхаг̇авам̣бадисаран̣аа. саад̇ху вад̇а, бханд̇з, бхаг̇аванд̇ан̃н̃зва бадибхаад̇у зд̇асса бхаасид̇асса ад̇т̇о; бхаг̇авад̇о суд̇ваа бхигкуу д̇хаарзссанд̇ий’’д̇и. ‘‘д̇зна хи, бхигкавз, сун̣аат̇а, саад̇хугам̣ манаси гарот̇а, бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
473. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘yebhuyyena, bhikkhave, sattā evaṃkāmā evaṃchandā evaṃadhippāyā – ‘aho vata aniṭṭhā akantā amanāpā dhammā parihāyeyyuṃ, iṭṭhā kantā manāpā dhammā abhivaḍḍheyyu’nti. Tesaṃ, bhikkhave, sattānaṃ evaṃkāmānaṃ evaṃchandānaṃ evaṃadhippāyānaṃ aniṭṭhā akantā amanāpā dhammā abhivaḍḍhanti, iṭṭhā kantā manāpā dhammā parihāyanti. Tatra tumhe, bhikkhave, kaṃ hetuṃ paccethā’’ti? ‘‘Bhagavaṃmūlakā no, bhante, dhammā, bhagavaṃnettikā, bhagavaṃpaṭisaraṇā. Sādhu vata, bhante, bhagavantaññeva paṭibhātu etassa bhāsitassa attho; bhagavato sutvā bhikkhū dhāressantī’’ti. ‘‘Tena hi, bhikkhave, suṇātha, sādhukaṃ manasi karotha, bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
474. ‘‘ид̇ха, бхигкавз, ассуд̇аваа бут̇уж̇ж̇ано, арияаанам̣ ад̣̇ассаавий арияад̇хаммасса аговид̣̇о арияад̇хаммз авинийд̇о, саббурисаанам̣ ад̣̇ассаавий саббурисад̇хаммасса аговид̣̇о саббурисад̇хаммз авинийд̇о, сзвид̇аб̣б̣з д̇хаммз на ж̇аанаад̇и асзвид̇аб̣б̣з д̇хаммз на ж̇аанаад̇и, бхаж̇ид̇аб̣б̣з д̇хаммз на ж̇аанаад̇и абхаж̇ид̇аб̣б̣з д̇хаммз на ж̇аанаад̇и. со сзвид̇аб̣б̣з д̇хаммз аж̇аананд̇о асзвид̇аб̣б̣з д̇хаммз аж̇аананд̇о, бхаж̇ид̇аб̣б̣з д̇хаммз аж̇аананд̇о абхаж̇ид̇аб̣б̣з д̇хаммз аж̇аананд̇о, асзвид̇аб̣б̣з д̇хаммз сзвад̇и сзвид̇аб̣б̣з д̇хаммз на сзвад̇и, абхаж̇ид̇аб̣б̣з д̇хаммз бхаж̇ад̇и бхаж̇ид̇аб̣б̣з д̇хаммз на бхаж̇ад̇и. д̇асса асзвид̇аб̣б̣з д̇хаммз сзвад̇о сзвид̇аб̣б̣з д̇хаммз асзвад̇о, абхаж̇ид̇аб̣б̣з д̇хаммз бхаж̇ад̇о бхаж̇ид̇аб̣б̣з д̇хаммз абхаж̇ад̇о анидтаа аганд̇аа аманаабаа д̇хаммаа абхивад̣дханд̇и, идтаа ганд̇аа манаабаа д̇хаммаа барихааяанд̇и. д̇ам̣ гисса хзд̇у? зван̃хзд̇ам̣, бхигкавз, ход̇и яат̇аа д̇ам̣ авид̣̇д̣̇асуно.
474. ‘‘Idha, bhikkhave, assutavā puthujjano, ariyānaṃ adassāvī ariyadhammassa akovido ariyadhamme avinīto, sappurisānaṃ adassāvī sappurisadhammassa akovido sappurisadhamme avinīto, sevitabbe dhamme na jānāti asevitabbe dhamme na jānāti, bhajitabbe dhamme na jānāti abhajitabbe dhamme na jānāti. So sevitabbe dhamme ajānanto asevitabbe dhamme ajānanto, bhajitabbe dhamme ajānanto abhajitabbe dhamme ajānanto, asevitabbe dhamme sevati sevitabbe dhamme na sevati, abhajitabbe dhamme bhajati bhajitabbe dhamme na bhajati. Tassa asevitabbe dhamme sevato sevitabbe dhamme asevato, abhajitabbe dhamme bhajato bhajitabbe dhamme abhajato aniṭṭhā akantā amanāpā dhammā abhivaḍḍhanti, iṭṭhā kantā manāpā dhammā parihāyanti. Taṃ kissa hetu? Evañhetaṃ, bhikkhave, hoti yathā taṃ aviddasuno.
‘‘суд̇аваа жа ко, бхигкавз, арияасааваго, арияаанам̣ д̣̇ассаавий арияад̇хаммасса говид̣̇о арияад̇хаммз сувинийд̇о, саббурисаанам̣ д̣̇ассаавий саббурисад̇хаммасса говид̣̇о саббурисад̇хаммз сувинийд̇о, сзвид̇аб̣б̣з д̇хаммз ж̇аанаад̇и асзвид̇аб̣б̣з д̇хаммз ж̇аанаад̇и, бхаж̇ид̇аб̣б̣з д̇хаммз ж̇аанаад̇и абхаж̇ид̇аб̣б̣з д̇хаммз ж̇аанаад̇и. со сзвид̇аб̣б̣з д̇хаммз ж̇аананд̇о асзвид̇аб̣б̣з д̇хаммз ж̇аананд̇о, бхаж̇ид̇аб̣б̣з д̇хаммз ж̇аананд̇о абхаж̇ид̇аб̣б̣з д̇хаммз ж̇аананд̇о, асзвид̇аб̣б̣з д̇хаммз на сзвад̇и сзвид̇аб̣б̣з д̇хаммз сзвад̇и, абхаж̇ид̇аб̣б̣з д̇хаммз на бхаж̇ад̇и бхаж̇ид̇аб̣б̣з д̇хаммз бхаж̇ад̇и. д̇асса асзвид̇аб̣б̣з д̇хаммз асзвад̇о сзвид̇аб̣б̣з д̇хаммз сзвад̇о, абхаж̇ид̇аб̣б̣з д̇хаммз абхаж̇ад̇о бхаж̇ид̇аб̣б̣з д̇хаммз бхаж̇ад̇о, анидтаа аганд̇аа аманаабаа д̇хаммаа барихааяанд̇и, идтаа ганд̇аа манаабаа д̇хаммаа абхивад̣дханд̇и. д̇ам̣ гисса хзд̇у? зван̃хзд̇ам̣, бхигкавз, ход̇и яат̇аа д̇ам̣ вид̣̇д̣̇асуно.
‘‘Sutavā ca kho, bhikkhave, ariyasāvako, ariyānaṃ dassāvī ariyadhammassa kovido ariyadhamme suvinīto, sappurisānaṃ dassāvī sappurisadhammassa kovido sappurisadhamme suvinīto, sevitabbe dhamme jānāti asevitabbe dhamme jānāti, bhajitabbe dhamme jānāti abhajitabbe dhamme jānāti. So sevitabbe dhamme jānanto asevitabbe dhamme jānanto, bhajitabbe dhamme jānanto abhajitabbe dhamme jānanto, asevitabbe dhamme na sevati sevitabbe dhamme sevati, abhajitabbe dhamme na bhajati bhajitabbe dhamme bhajati. Tassa asevitabbe dhamme asevato sevitabbe dhamme sevato, abhajitabbe dhamme abhajato bhajitabbe dhamme bhajato, aniṭṭhā akantā amanāpā dhammā parihāyanti, iṭṭhā kantā manāpā dhammā abhivaḍḍhanti. Taṃ kissa hetu? Evañhetaṃ, bhikkhave, hoti yathā taṃ viddasuno.
475. ‘‘жад̇д̇ааримаани, бхигкавз, д̇хаммасамаад̣̇аанаани. гад̇амаани жад̇д̇аари? ад̇т̇и, бхигкавз, д̇хаммасамаад̣̇аанам̣ бажжуббаннад̣̇угкан̃жзва ааяад̇ин̃жа д̣̇угкавибаагам̣; ад̇т̇и, бхигкавз, д̇хаммасамаад̣̇аанам̣ бажжуббаннасукам̣ ааяад̇им̣ д̣̇угкавибаагам̣; ад̇т̇и, бхигкавз, д̇хаммасамаад̣̇аанам̣ бажжуббаннад̣̇угкам̣ ааяад̇им̣ сукавибаагам̣; ад̇т̇и, бхигкавз, д̇хаммасамаад̣̇аанам̣ бажжуббаннасукан̃жзва ааяад̇ин̃жа сукавибаагам̣.
475. ‘‘Cattārimāni, bhikkhave, dhammasamādānāni. Katamāni cattāri? Atthi, bhikkhave, dhammasamādānaṃ paccuppannadukkhañceva āyatiñca dukkhavipākaṃ; atthi, bhikkhave, dhammasamādānaṃ paccuppannasukhaṃ āyatiṃ dukkhavipākaṃ; atthi, bhikkhave, dhammasamādānaṃ paccuppannadukkhaṃ āyatiṃ sukhavipākaṃ; atthi, bhikkhave, dhammasamādānaṃ paccuppannasukhañceva āyatiñca sukhavipākaṃ.
476. ‘‘д̇ад̇ра, бхигкавз, яамид̣̇ам̣ 1 д̇хаммасамаад̣̇аанам̣ бажжуббаннад̣̇угкан̃жзва ааяад̇ин̃жа д̣̇угкавибаагам̣, д̇ам̣ авид̣̇ваа авиж̇ж̇ааг̇ад̇о яат̇аабхууд̇ам̣ наббаж̇аанаад̇и – ‘ид̣̇ам̣ ко д̇хаммасамаад̣̇аанам̣ бажжуббаннад̣̇угкан̃жзва ааяад̇ин̃жа д̣̇угкавибаага’нд̇и. д̇ам̣ авид̣̇ваа авиж̇ж̇ааг̇ад̇о яат̇аабхууд̇ам̣ аббаж̇аананд̇о д̇ам̣ сзвад̇и, д̇ам̣ на бариваж̇ж̇зд̇и. д̇асса д̇ам̣ сзвад̇о, д̇ам̣ абариваж̇ж̇аяад̇о, анидтаа аганд̇аа аманаабаа д̇хаммаа абхивад̣дханд̇и, идтаа ганд̇аа манаабаа д̇хаммаа барихааяанд̇и. д̇ам̣ гисса хзд̇у? зван̃хзд̇ам̣, бхигкавз, ход̇и яат̇аа д̇ам̣ авид̣̇д̣̇асуно.
476. ‘‘Tatra, bhikkhave, yamidaṃ 2 dhammasamādānaṃ paccuppannadukkhañceva āyatiñca dukkhavipākaṃ, taṃ avidvā avijjāgato yathābhūtaṃ nappajānāti – ‘idaṃ kho dhammasamādānaṃ paccuppannadukkhañceva āyatiñca dukkhavipāka’nti. Taṃ avidvā avijjāgato yathābhūtaṃ appajānanto taṃ sevati, taṃ na parivajjeti. Tassa taṃ sevato, taṃ aparivajjayato, aniṭṭhā akantā amanāpā dhammā abhivaḍḍhanti, iṭṭhā kantā manāpā dhammā parihāyanti. Taṃ kissa hetu? Evañhetaṃ, bhikkhave, hoti yathā taṃ aviddasuno.
‘‘д̇ад̇ра, бхигкавз, яамид̣̇ам̣ д̇хаммасамаад̣̇аанам̣ бажжуббаннасукам̣ ааяад̇им̣ д̣̇угкавибаагам̣ д̇ам̣ авид̣̇ваа авиж̇ж̇ааг̇ад̇о яат̇аабхууд̇ам̣ наббаж̇аанаад̇и – ‘ид̣̇ам̣ ко д̇хаммасамаад̣̇аанам̣ бажжуббаннасукам̣ ааяад̇им̣ д̣̇угкавибаага’нд̇и. д̇ам̣ авид̣̇ваа авиж̇ж̇ааг̇ад̇о яат̇аабхууд̇ам̣ аббаж̇аананд̇о д̇ам̣ сзвад̇и, д̇ам̣ на бариваж̇ж̇зд̇и. д̇асса д̇ам̣ сзвад̇о, д̇ам̣ абариваж̇ж̇аяад̇о, анидтаа аганд̇аа аманаабаа д̇хаммаа абхивад̣дханд̇и, идтаа ганд̇аа манаабаа д̇хаммаа барихааяанд̇и. д̇ам̣ гисса хзд̇у? зван̃хзд̇ам̣, бхигкавз, ход̇и яат̇аа д̇ам̣ авид̣̇д̣̇асуно.
‘‘Tatra, bhikkhave, yamidaṃ dhammasamādānaṃ paccuppannasukhaṃ āyatiṃ dukkhavipākaṃ taṃ avidvā avijjāgato yathābhūtaṃ nappajānāti – ‘idaṃ kho dhammasamādānaṃ paccuppannasukhaṃ āyatiṃ dukkhavipāka’nti. Taṃ avidvā avijjāgato yathābhūtaṃ appajānanto taṃ sevati, taṃ na parivajjeti. Tassa taṃ sevato, taṃ aparivajjayato, aniṭṭhā akantā amanāpā dhammā abhivaḍḍhanti, iṭṭhā kantā manāpā dhammā parihāyanti. Taṃ kissa hetu? Evañhetaṃ, bhikkhave, hoti yathā taṃ aviddasuno.
‘‘д̇ад̇ра , бхигкавз, яамид̣̇ам̣ д̇хаммасамаад̣̇аанам̣ бажжуббаннад̣̇угкам̣ ааяад̇им̣ сукавибаагам̣, д̇ам̣ авид̣̇ваа авиж̇ж̇ааг̇ад̇о яат̇аабхууд̇ам̣ наббаж̇аанаад̇и – ‘ид̣̇ам̣ ко д̇хаммасамаад̣̇аанам̣ бажжуббаннад̣̇угкам̣ ааяад̇им̣ сукавибаага’нд̇и. д̇ам̣ авид̣̇ваа авиж̇ж̇ааг̇ад̇о яат̇аабхууд̇ам̣ аббаж̇аананд̇о д̇ам̣ на сзвад̇и, д̇ам̣ бариваж̇ж̇зд̇и. д̇асса д̇ам̣ асзвад̇о, д̇ам̣ бариваж̇ж̇аяад̇о, анидтаа аганд̇аа аманаабаа д̇хаммаа абхивад̣дханд̇и, идтаа ганд̇аа манаабаа д̇хаммаа барихааяанд̇и. д̇ам̣ гисса хзд̇у? зван̃хзд̇ам̣, бхигкавз, ход̇и яат̇аа д̇ам̣ авид̣̇д̣̇асуно.
‘‘Tatra , bhikkhave, yamidaṃ dhammasamādānaṃ paccuppannadukkhaṃ āyatiṃ sukhavipākaṃ, taṃ avidvā avijjāgato yathābhūtaṃ nappajānāti – ‘idaṃ kho dhammasamādānaṃ paccuppannadukkhaṃ āyatiṃ sukhavipāka’nti. Taṃ avidvā avijjāgato yathābhūtaṃ appajānanto taṃ na sevati, taṃ parivajjeti. Tassa taṃ asevato, taṃ parivajjayato, aniṭṭhā akantā amanāpā dhammā abhivaḍḍhanti, iṭṭhā kantā manāpā dhammā parihāyanti. Taṃ kissa hetu? Evañhetaṃ, bhikkhave, hoti yathā taṃ aviddasuno.
‘‘д̇ад̇ра, бхигкавз, яамид̣̇ам̣ д̇хаммасамаад̣̇аанам̣ бажжуббаннасукан̃жзва ааяад̇ин̃жа сукавибаагам̣, д̇ам̣ авид̣̇ваа авиж̇ж̇ааг̇ад̇о яат̇аабхууд̇ам̣ наббаж̇аанаад̇и – ‘ид̣̇ам̣ ко д̇хаммасамаад̣̇аанам̣ бажжуббаннасукан̃жзва ааяад̇ин̃жа сукавибаага’нд̇и. д̇ам̣ авид̣̇ваа авиж̇ж̇ааг̇ад̇о яат̇аабхууд̇ам̣ аббаж̇аананд̇о д̇ам̣ на сзвад̇и, д̇ам̣ бариваж̇ж̇зд̇и. д̇асса д̇ам̣ асзвад̇о, д̇ам̣ бариваж̇ж̇аяад̇о, анидтаа аганд̇аа аманаабаа д̇хаммаа абхивад̣дханд̇и, идтаа ганд̇аа манаабаа д̇хаммаа барихааяанд̇и. д̇ам̣ гисса хзд̇у? зван̃хзд̇ам̣, бхигкавз, ход̇и яат̇аа д̇ам̣ авид̣̇д̣̇асуно.
‘‘Tatra, bhikkhave, yamidaṃ dhammasamādānaṃ paccuppannasukhañceva āyatiñca sukhavipākaṃ, taṃ avidvā avijjāgato yathābhūtaṃ nappajānāti – ‘idaṃ kho dhammasamādānaṃ paccuppannasukhañceva āyatiñca sukhavipāka’nti. Taṃ avidvā avijjāgato yathābhūtaṃ appajānanto taṃ na sevati, taṃ parivajjeti. Tassa taṃ asevato, taṃ parivajjayato, aniṭṭhā akantā amanāpā dhammā abhivaḍḍhanti, iṭṭhā kantā manāpā dhammā parihāyanti. Taṃ kissa hetu? Evañhetaṃ, bhikkhave, hoti yathā taṃ aviddasuno.
477. ‘‘д̇ад̇ра, бхигкавз, яамид̣̇ам̣ д̇хаммасамаад̣̇аанам̣ бажжуббаннад̣̇угкан̃жзва ааяад̇ин̃жа д̣̇угкавибаагам̣ д̇ам̣ вид̣̇ваа виж̇ж̇ааг̇ад̇о яат̇аабхууд̇ам̣ баж̇аанаад̇и – ‘ид̣̇ам̣ ко д̇хаммасамаад̣̇аанам̣ бажжуббаннад̣̇угкан̃жзва ааяад̇ин̃жа д̣̇угкавибаага’нд̇и. д̇ам̣ вид̣̇ваа виж̇ж̇ааг̇ад̇о яат̇аабхууд̇ам̣ баж̇аананд̇о д̇ам̣ на сзвад̇и, д̇ам̣ бариваж̇ж̇зд̇и. д̇асса д̇ам̣ асзвад̇о, д̇ам̣ бариваж̇ж̇аяад̇о, анидтаа аганд̇аа аманаабаа д̇хаммаа барихааяанд̇и, идтаа ганд̇аа манаабаа д̇хаммаа абхивад̣дханд̇и. д̇ам̣ гисса хзд̇у? зван̃хзд̇ам̣, бхигкавз, ход̇и яат̇аа д̇ам̣ вид̣̇д̣̇асуно.
477. ‘‘Tatra, bhikkhave, yamidaṃ dhammasamādānaṃ paccuppannadukkhañceva āyatiñca dukkhavipākaṃ taṃ vidvā vijjāgato yathābhūtaṃ pajānāti – ‘idaṃ kho dhammasamādānaṃ paccuppannadukkhañceva āyatiñca dukkhavipāka’nti. Taṃ vidvā vijjāgato yathābhūtaṃ pajānanto taṃ na sevati, taṃ parivajjeti. Tassa taṃ asevato, taṃ parivajjayato, aniṭṭhā akantā amanāpā dhammā parihāyanti, iṭṭhā kantā manāpā dhammā abhivaḍḍhanti. Taṃ kissa hetu? Evañhetaṃ, bhikkhave, hoti yathā taṃ viddasuno.
‘‘д̇ад̇ра, бхигкавз, яамид̣̇ам̣ д̇хаммасамаад̣̇аанам̣ бажжуббаннасукам̣ ааяад̇им̣ д̣̇угкавибаагам̣ д̇ам̣ вид̣̇ваа виж̇ж̇ааг̇ад̇о яат̇аабхууд̇ам̣ баж̇аанаад̇и – ‘ид̣̇ам̣ ко д̇хаммасамаад̣̇аанам̣ бажжуббаннасукам̣ ааяад̇им̣ д̣̇угкавибаага’нд̇и. д̇ам̣ вид̣̇ваа виж̇ж̇ааг̇ад̇о яат̇аабхууд̇ам̣ баж̇аананд̇о д̇ам̣ на сзвад̇и, д̇ам̣ бариваж̇ж̇зд̇и. д̇асса д̇ам̣ асзвад̇о, д̇ам̣ бариваж̇ж̇аяад̇о , анидтаа аганд̇аа аманаабаа д̇хаммаа барихааяанд̇и, идтаа ганд̇аа манаабаа д̇хаммаа абхивад̣дханд̇и. д̇ам̣ гисса хзд̇у? зван̃хзд̇ам̣, бхигкавз, ход̇и яат̇аа д̇ам̣ вид̣̇д̣̇асуно.
‘‘Tatra, bhikkhave, yamidaṃ dhammasamādānaṃ paccuppannasukhaṃ āyatiṃ dukkhavipākaṃ taṃ vidvā vijjāgato yathābhūtaṃ pajānāti – ‘idaṃ kho dhammasamādānaṃ paccuppannasukhaṃ āyatiṃ dukkhavipāka’nti. Taṃ vidvā vijjāgato yathābhūtaṃ pajānanto taṃ na sevati, taṃ parivajjeti. Tassa taṃ asevato, taṃ parivajjayato , aniṭṭhā akantā amanāpā dhammā parihāyanti, iṭṭhā kantā manāpā dhammā abhivaḍḍhanti. Taṃ kissa hetu? Evañhetaṃ, bhikkhave, hoti yathā taṃ viddasuno.
‘‘д̇ад̇ра , бхигкавз, яамид̣̇ам̣ д̇хаммасамаад̣̇аанам̣ бажжуббаннад̣̇угкам̣ ааяад̇им̣ сукавибаагам̣ д̇ам̣ вид̣̇ваа виж̇ж̇ааг̇ад̇о яат̇аабхууд̇ам̣ баж̇аанаад̇и – ‘ид̣̇ам̣ ко д̇хаммасамаад̣̇аанам̣ бажжуббаннад̣̇угкам̣ ааяад̇им̣ сукавибаага’нд̇и. д̇ам̣ вид̣̇ваа виж̇ж̇ааг̇ад̇о яат̇аабхууд̇ам̣ баж̇аананд̇о д̇ам̣ сзвад̇и, д̇ам̣ на бариваж̇ж̇зд̇и. д̇асса д̇ам̣ сзвад̇о, д̇ам̣ абариваж̇ж̇аяад̇о, анидтаа аганд̇аа аманаабаа д̇хаммаа барихааяанд̇и, идтаа ганд̇аа манаабаа д̇хаммаа абхивад̣дханд̇и. д̇ам̣ гисса хзд̇у? зван̃хзд̇ам̣, бхигкавз, ход̇и яат̇аа д̇ам̣ вид̣̇д̣̇асуно.
‘‘Tatra , bhikkhave, yamidaṃ dhammasamādānaṃ paccuppannadukkhaṃ āyatiṃ sukhavipākaṃ taṃ vidvā vijjāgato yathābhūtaṃ pajānāti – ‘idaṃ kho dhammasamādānaṃ paccuppannadukkhaṃ āyatiṃ sukhavipāka’nti. Taṃ vidvā vijjāgato yathābhūtaṃ pajānanto taṃ sevati, taṃ na parivajjeti. Tassa taṃ sevato, taṃ aparivajjayato, aniṭṭhā akantā amanāpā dhammā parihāyanti, iṭṭhā kantā manāpā dhammā abhivaḍḍhanti. Taṃ kissa hetu? Evañhetaṃ, bhikkhave, hoti yathā taṃ viddasuno.
‘‘д̇ад̇ра, бхигкавз, яамид̣̇ам̣ д̇хаммасамаад̣̇аанам̣ бажжуббаннасукан̃жзва ааяад̇ин̃жа сукавибаагам̣ д̇ам̣ вид̣̇ваа виж̇ж̇ааг̇ад̇о яат̇аабхууд̇ам̣ баж̇аанаад̇и – ‘ид̣̇ам̣ ко д̇хаммасамаад̣̇аанам̣ бажжуббаннасукан̃жзва ааяад̇ин̃жа сукавибаага’нд̇и. д̇ам̣ вид̣̇ваа виж̇ж̇ааг̇ад̇о яат̇аабхууд̇ам̣ баж̇аананд̇о д̇ам̣ сзвад̇и, д̇ам̣ на бариваж̇ж̇зд̇и. д̇асса д̇ам̣ сзвад̇о, д̇ам̣ абариваж̇ж̇аяад̇о, анидтаа аганд̇аа аманаабаа д̇хаммаа барихааяанд̇и, идтаа ганд̇аа манаабаа д̇хаммаа абхивад̣дханд̇и. д̇ам̣ гисса хзд̇у? зван̃хзд̇ам̣, бхигкавз, ход̇и яат̇аа д̇ам̣ вид̣̇д̣̇асуно.
‘‘Tatra, bhikkhave, yamidaṃ dhammasamādānaṃ paccuppannasukhañceva āyatiñca sukhavipākaṃ taṃ vidvā vijjāgato yathābhūtaṃ pajānāti – ‘idaṃ kho dhammasamādānaṃ paccuppannasukhañceva āyatiñca sukhavipāka’nti. Taṃ vidvā vijjāgato yathābhūtaṃ pajānanto taṃ sevati, taṃ na parivajjeti. Tassa taṃ sevato, taṃ aparivajjayato, aniṭṭhā akantā amanāpā dhammā parihāyanti, iṭṭhā kantā manāpā dhammā abhivaḍḍhanti. Taṃ kissa hetu? Evañhetaṃ, bhikkhave, hoti yathā taṃ viddasuno.
478. ‘‘гад̇аман̃жа , бхигкавз, д̇хаммасамаад̣̇аанам̣ бажжуббаннад̣̇угкан̃жзва ааяад̇ин̃жа д̣̇угкавибаагам̣? ид̇ха, бхигкавз, згажжо сахааби д̣̇угкзна сахааби д̣̇оманассзна баан̣аад̇ибаад̇ий ход̇и, баан̣аад̇ибаад̇абажжаяаа жа д̣̇угкам̣ д̣̇оманассам̣ бадисам̣взд̣̇зд̇и; сахааби д̣̇угкзна сахааби д̣̇оманассзна ад̣̇иннаад̣̇ааяий ход̇и, ад̣̇иннаад̣̇аанабажжаяаа жа д̣̇угкам̣ д̣̇оманассам̣ бадисам̣взд̣̇зд̇и; сахааби д̣̇угкзна сахааби д̣̇оманассзна гаамзсу мижчаажаарий ход̇и, гаамзсу мижчаажаарабажжаяаа жа д̣̇угкам̣ д̣̇оманассам̣ бадисам̣взд̣̇зд̇и; сахааби д̣̇угкзна сахааби д̣̇оманассзна мусааваад̣̇ий ход̇и, мусааваад̣̇абажжаяаа жа д̣̇угкам̣ д̣̇оманассам̣ бадисам̣взд̣̇зд̇и; сахааби д̣̇угкзна сахааби д̣̇оманассзна бисун̣аваажо ход̇и, бисун̣аваажаабажжаяаа жа д̣̇угкам̣ д̣̇оманассам̣ бадисам̣взд̣̇зд̇и; сахааби д̣̇угкзна сахааби д̣̇оманассзна парусаваажо ход̇и, парусаваажаабажжаяаа жа д̣̇угкам̣ д̣̇оманассам̣ бадисам̣взд̣̇зд̇и; сахааби д̣̇угкзна сахааби д̣̇оманассзна сампаббалаабий ход̇и, сампаббалаабабажжаяаа жа д̣̇угкам̣ д̣̇оманассам̣ бадисам̣взд̣̇зд̇и; сахааби д̣̇угкзна сахааби д̣̇оманассзна абхиж̇жхаалу ход̇и, абхиж̇жхаабажжаяаа жа д̣̇угкам̣ д̣̇оманассам̣ бадисам̣взд̣̇зд̇и; сахааби д̣̇угкзна сахааби д̣̇оманассзна б̣яаабаннажид̇д̇о ход̇и, б̣яаабаад̣̇абажжаяаа жа д̣̇угкам̣ д̣̇оманассам̣ бадисам̣взд̣̇зд̇и; сахааби д̣̇угкзна сахааби д̣̇оманассзна мижчаад̣̇идти ход̇и, мижчаад̣̇идтибажжаяаа жа д̣̇угкам̣ д̣̇оманассам̣ бадисам̣взд̣̇зд̇и. со гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. ид̣̇ам̣ вужжад̇и, бхигкавз, д̇хаммасамаад̣̇аанам̣ бажжуббаннад̣̇угкан̃жзва ааяад̇ин̃жа д̣̇угкавибаагам̣.
478. ‘‘Katamañca , bhikkhave, dhammasamādānaṃ paccuppannadukkhañceva āyatiñca dukkhavipākaṃ? Idha, bhikkhave, ekacco sahāpi dukkhena sahāpi domanassena pāṇātipātī hoti, pāṇātipātapaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena adinnādāyī hoti, adinnādānapaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena kāmesu micchācārī hoti, kāmesu micchācārapaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena musāvādī hoti, musāvādapaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena pisuṇavāco hoti, pisuṇavācāpaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena pharusavāco hoti, pharusavācāpaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena samphappalāpī hoti, samphappalāpapaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena abhijjhālu hoti, abhijjhāpaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena byāpannacitto hoti, byāpādapaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena micchādiṭṭhi hoti, micchādiṭṭhipaccayā ca dukkhaṃ domanassaṃ paṭisaṃvedeti. So kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Idaṃ vuccati, bhikkhave, dhammasamādānaṃ paccuppannadukkhañceva āyatiñca dukkhavipākaṃ.
479. ‘‘гад̇аман̃жа, бхигкавз, д̇хаммасамаад̣̇аанам̣ бажжуббаннасукам̣ ааяад̇им̣ д̣̇угкавибаагам̣? ид̇ха, бхигкавз, згажжо сахааби сукзна сахааби соманассзна баан̣аад̇ибаад̇ий ход̇и, баан̣аад̇ибаад̇абажжаяаа жа сукам̣ соманассам̣ бадисам̣взд̣̇зд̇и; сахааби сукзна сахааби соманассзна ад̣̇иннаад̣̇ааяий ход̇и, ад̣̇иннаад̣̇аанабажжаяаа жа сукам̣ соманассам̣ бадисам̣взд̣̇зд̇и; сахааби сукзна сахааби соманассзна гаамзсумижчаажаарий ход̇и, гаамзсумижчаажаарабажжаяаа жа сукам̣ соманассам̣ бадисам̣взд̣̇зд̇и; сахааби сукзна сахааби соманассзна мусааваад̣̇ий ход̇и, мусааваад̣̇абажжаяаа жа сукам̣ соманассам̣ бадисам̣взд̣̇зд̇и; сахааби сукзна сахааби соманассзна бисун̣аваажо ход̇и, бисун̣аваажаабажжаяаа жа сукам̣ соманассам̣ бадисам̣взд̣̇зд̇и; сахааби сукзна сахааби соманассзна парусаваажо ход̇и, парусаваажаабажжаяаа жа сукам̣ соманассам̣ бадисам̣взд̣̇зд̇и; сахааби сукзна сахааби соманассзна сампаббалаабий ход̇и, сампаббалаабабажжаяаа жа сукам̣ соманассам̣ бадисам̣взд̣̇зд̇и; сахааби сукзна сахааби соманассзна абхиж̇жхаалу ход̇и, абхиж̇жхаабажжаяаа жа сукам̣ соманассам̣ бадисам̣взд̣̇зд̇и; сахааби сукзна сахааби соманассзна б̣яаабаннажид̇д̇о ход̇и, б̣яаабаад̣̇абажжаяаа жа сукам̣ соманассам̣ бадисам̣взд̣̇зд̇и; сахааби сукзна сахааби соманассзна мижчаад̣̇идти ход̇и, мижчаад̣̇идтибажжаяаа жа сукам̣ соманассам̣ бадисам̣взд̣̇зд̇и. со гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. ид̣̇ам̣ вужжад̇и, бхигкавз, д̇хаммасамаад̣̇аанам̣ бажжуббаннасукам̣ ааяад̇им̣ д̣̇угкавибаагам̣.
479. ‘‘Katamañca, bhikkhave, dhammasamādānaṃ paccuppannasukhaṃ āyatiṃ dukkhavipākaṃ? Idha, bhikkhave, ekacco sahāpi sukhena sahāpi somanassena pāṇātipātī hoti, pāṇātipātapaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena adinnādāyī hoti, adinnādānapaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena kāmesumicchācārī hoti, kāmesumicchācārapaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena musāvādī hoti, musāvādapaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena pisuṇavāco hoti, pisuṇavācāpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena pharusavāco hoti, pharusavācāpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena samphappalāpī hoti, samphappalāpapaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena abhijjhālu hoti, abhijjhāpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena byāpannacitto hoti, byāpādapaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena micchādiṭṭhi hoti, micchādiṭṭhipaccayā ca sukhaṃ somanassaṃ paṭisaṃvedeti. So kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Idaṃ vuccati, bhikkhave, dhammasamādānaṃ paccuppannasukhaṃ āyatiṃ dukkhavipākaṃ.
480. ‘‘гад̇аман̃жа, бхигкавз, д̇хаммасамаад̣̇аанам̣ бажжуббаннад̣̇угкам̣ ааяад̇им̣ сукавибаагам̣? ид̇ха, бхигкавз, згажжо сахааби д̣̇угкзна сахааби д̣̇оманассзна баан̣аад̇ибаад̇аа бадивирад̇о ход̇и, баан̣аад̇ибаад̇аа взраман̣ийбажжаяаа жа д̣̇угкам̣ д̣̇оманассам̣ бадисам̣взд̣̇зд̇и ; сахааби д̣̇угкзна сахааби д̣̇оманассзна ад̣̇иннаад̣̇аанаа бадивирад̇о ход̇и, ад̣̇иннаад̣̇аанаа взраман̣ийбажжаяаа жа д̣̇угкам̣ д̣̇оманассам̣ бадисам̣взд̣̇зд̇и; сахааби д̣̇угкзна сахааби д̣̇оманассзна гаамзсумижчаажаараа бадивирад̇о ход̇и, гаамзсумижчаажаараа взраман̣ийбажжаяаа жа д̣̇угкам̣ д̣̇оманассам̣ бадисам̣взд̣̇зд̇и; сахааби д̣̇угкзна сахааби д̣̇оманассзна мусааваад̣̇аа бадивирад̇о ход̇и, мусааваад̣̇аа взраман̣ийбажжаяаа жа д̣̇угкам̣ д̣̇оманассам̣ бадисам̣взд̣̇зд̇и; сахааби д̣̇угкзна сахааби д̣̇оманассзна бисун̣ааяа ваажааяа бадивирад̇о ход̇и , бисун̣ааяа ваажааяа взраман̣ийбажжаяаа жа д̣̇угкам̣ д̣̇оманассам̣ бадисам̣взд̣̇зд̇и ; сахааби д̣̇угкзна сахааби д̣̇оманассзна парусааяа ваажааяа бадивирад̇о ход̇и, парусааяа ваажааяа взраман̣ийбажжаяаа жа д̣̇угкам̣ д̣̇оманассам̣ бадисам̣взд̣̇зд̇и; сахааби д̣̇угкзна сахааби д̣̇оманассзна сампаббалаабаа бадивирад̇о ход̇и, сампаббалаабаа взраман̣ийбажжаяаа жа д̣̇угкам̣ д̣̇оманассам̣ бадисам̣взд̣̇зд̇и; сахааби д̣̇угкзна сахааби д̣̇оманассзна анабхиж̇жхаалу ход̇и, анабхиж̇жхаабажжаяаа жа д̣̇угкам̣ д̣̇оманассам̣ бадисам̣взд̣̇зд̇и; сахааби д̣̇угкзна сахааби д̣̇оманассзна аб̣яаабаннажид̇д̇о ход̇и, аб̣яаабаад̣̇абажжаяаа жа д̣̇угкам̣ д̣̇оманассам̣ бадисам̣взд̣̇зд̇и; сахааби д̣̇угкзна сахааби д̣̇оманассзна саммаад̣̇идти ход̇и, саммаад̣̇идтибажжаяаа жа д̣̇угкам̣ д̣̇оманассам̣ бадисам̣взд̣̇зд̇и. со гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. ид̣̇ам̣ вужжад̇и, бхигкавз, д̇хаммасамаад̣̇аанам̣ бажжуббаннад̣̇угкам̣ ааяад̇им̣ сукавибаагам̣.
480. ‘‘Katamañca, bhikkhave, dhammasamādānaṃ paccuppannadukkhaṃ āyatiṃ sukhavipākaṃ? Idha, bhikkhave, ekacco sahāpi dukkhena sahāpi domanassena pāṇātipātā paṭivirato hoti, pāṇātipātā veramaṇīpaccayā ca dukkhaṃ domanassaṃ paṭisaṃvedeti ; sahāpi dukkhena sahāpi domanassena adinnādānā paṭivirato hoti, adinnādānā veramaṇīpaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena kāmesumicchācārā paṭivirato hoti, kāmesumicchācārā veramaṇīpaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena musāvādā paṭivirato hoti, musāvādā veramaṇīpaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena pisuṇāya vācāya paṭivirato hoti , pisuṇāya vācāya veramaṇīpaccayā ca dukkhaṃ domanassaṃ paṭisaṃvedeti ; sahāpi dukkhena sahāpi domanassena pharusāya vācāya paṭivirato hoti, pharusāya vācāya veramaṇīpaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena samphappalāpā paṭivirato hoti, samphappalāpā veramaṇīpaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena anabhijjhālu hoti, anabhijjhāpaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena abyāpannacitto hoti, abyāpādapaccayā ca dukkhaṃ domanassaṃ paṭisaṃvedeti; sahāpi dukkhena sahāpi domanassena sammādiṭṭhi hoti, sammādiṭṭhipaccayā ca dukkhaṃ domanassaṃ paṭisaṃvedeti. So kāyassa bhedā paraṃ maraṇā sugatiṃ saggaṃ lokaṃ upapajjati. Idaṃ vuccati, bhikkhave, dhammasamādānaṃ paccuppannadukkhaṃ āyatiṃ sukhavipākaṃ.
481. ‘‘гад̇аман̃жа, бхигкавз, д̇хаммасамаад̣̇аанам̣ бажжуббаннасукан̃жзва ааяад̇ин̃жа сукавибаагам̣? ид̇ха, бхигкавз, згажжо сахааби сукзна сахааби соманассзна баан̣аад̇ибаад̇аа бадивирад̇о ход̇и, баан̣аад̇ибаад̇аа взраман̣ийбажжаяаа жа сукам̣ соманассам̣ бадисам̣взд̣̇зд̇и; сахааби сукзна сахааби соманассзна ад̣̇иннаад̣̇аанаа бадивирад̇о ход̇и, ад̣̇иннаад̣̇аанаа взраман̣ийбажжаяаа жа сукам̣ соманассам̣ бадисам̣взд̣̇зд̇и; сахааби сукзна сахааби соманассзна гаамзсумижчаажаараа бадивирад̇о ход̇и, гаамзсумижчаажаараа взраман̣ийбажжаяаа жа сукам̣ соманассам̣ бадисам̣взд̣̇зд̇и; сахааби сукзна сахааби соманассзна мусааваад̣̇аа бадивирад̇о ход̇и, мусааваад̣̇аа взраман̣ийбажжаяаа жа сукам̣ соманассам̣ бадисам̣взд̣̇зд̇и; сахааби сукзна сахааби соманассзна бисун̣ааяа ваажааяа бадивирад̇о ход̇и, бисун̣ааяа ваажааяа взраман̣ийбажжаяаа жа сукам̣ соманассам̣ бадисам̣взд̣̇зд̇и; сахааби сукзна сахааби соманассзна парусааяа ваажааяа бадивирад̇о ход̇и, парусааяа ваажааяа взраман̣ийбажжаяаа жа сукам̣ соманассам̣ бадисам̣взд̣̇зд̇и; сахааби сукзна сахааби соманассзна сампаббалаабаа бадивирад̇о ход̇и, сампаббалаабаа взраман̣ийбажжаяаа жа сукам̣ соманассам̣ бадисам̣взд̣̇зд̇и; сахааби сукзна сахааби соманассзна анабхиж̇жхаалу ход̇и, анабхиж̇жхаабажжаяаа жа сукам̣ соманассам̣ бадисам̣взд̣̇зд̇и; сахааби сукзна сахааби соманассзна аб̣яаабаннажид̇д̇о ход̇и, аб̣яаабаад̣̇абажжаяаа жа сукам̣ соманассам̣ бадисам̣взд̣̇зд̇и; сахааби сукзна сахааби соманассзна саммаад̣̇идти ход̇и, саммаад̣̇идтибажжаяаа жа сукам̣ соманассам̣ бадисам̣взд̣̇зд̇и. со гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. ид̣̇ам̣, вужжад̇и, бхигкавз, д̇хаммасамаад̣̇аанам̣ бажжуббаннасукан̃жзва ааяад̇ин̃жа сукавибаагам̣. имаани ко, бхигкавз, жад̇д̇аари д̇хаммасамаад̣̇аанаани.
481. ‘‘Katamañca, bhikkhave, dhammasamādānaṃ paccuppannasukhañceva āyatiñca sukhavipākaṃ? Idha, bhikkhave, ekacco sahāpi sukhena sahāpi somanassena pāṇātipātā paṭivirato hoti, pāṇātipātā veramaṇīpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena adinnādānā paṭivirato hoti, adinnādānā veramaṇīpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena kāmesumicchācārā paṭivirato hoti, kāmesumicchācārā veramaṇīpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena musāvādā paṭivirato hoti, musāvādā veramaṇīpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena pisuṇāya vācāya paṭivirato hoti, pisuṇāya vācāya veramaṇīpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena pharusāya vācāya paṭivirato hoti, pharusāya vācāya veramaṇīpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena samphappalāpā paṭivirato hoti, samphappalāpā veramaṇīpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena anabhijjhālu hoti, anabhijjhāpaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena abyāpannacitto hoti, abyāpādapaccayā ca sukhaṃ somanassaṃ paṭisaṃvedeti; sahāpi sukhena sahāpi somanassena sammādiṭṭhi hoti, sammādiṭṭhipaccayā ca sukhaṃ somanassaṃ paṭisaṃvedeti. So kāyassa bhedā paraṃ maraṇā sugatiṃ saggaṃ lokaṃ upapajjati. Idaṃ, vuccati, bhikkhave, dhammasamādānaṃ paccuppannasukhañceva āyatiñca sukhavipākaṃ. Imāni kho, bhikkhave, cattāri dhammasamādānāni.
482. ‘‘сзяяат̇ааби, бхигкавз, д̇ид̇д̇агаалааб̣у висзна сам̣садто. ат̇а бурисо ааг̇ажчзяяа ж̇ийвид̇угаамо амарид̇угаамо сукагаамо д̣̇угкаббадигууло. д̇амзнам̣ звам̣ вад̣̇зяяум̣ – ‘амбхо буриса, аяам̣ д̇ид̇д̇агаалааб̣у висзна сам̣садто, сажз ааган̇каси бива 3. д̇асса д̇з бивад̇о 4 жзва нажчаад̣̇зссад̇и ван̣н̣знаби г̇анд̇хзнаби расзнаби, бивид̇ваа 5 жа бана маран̣ам̣ ваа ниг̇ажчаси маран̣амад̇д̇ам̣ ваа д̣̇угка’нд̇и. со д̇ам̣ аббадисан̇кааяа бивзяяа, наббадиниссаж̇ж̇зяяа. д̇асса д̇ам̣ бивад̇о жзва нажчаад̣̇зяяа ван̣н̣знаби г̇анд̇хзнаби расзнаби, бивид̇ваа жа бана маран̣ам̣ ваа ниг̇ажчзяяа маран̣амад̇д̇ам̣ ваа д̣̇угкам̣. д̇ат̇уубамаахам̣, бхигкавз, имам̣ д̇хаммасамаад̣̇аанам̣ вад̣̇аами, яамид̣̇ам̣ д̇хаммасамаад̣̇аанам̣ бажжуббаннад̣̇угкан̃жзва ааяад̇ин̃жа д̣̇угкавибаагам̣.
482. ‘‘Seyyathāpi, bhikkhave, tittakālābu visena saṃsaṭṭho. Atha puriso āgaccheyya jīvitukāmo amaritukāmo sukhakāmo dukkhappaṭikūlo. Tamenaṃ evaṃ vadeyyuṃ – ‘ambho purisa, ayaṃ tittakālābu visena saṃsaṭṭho, sace ākaṅkhasi piva 6. Tassa te pivato 7 ceva nacchādessati vaṇṇenapi gandhenapi rasenapi, pivitvā 8 ca pana maraṇaṃ vā nigacchasi maraṇamattaṃ vā dukkha’nti. So taṃ appaṭisaṅkhāya piveyya, nappaṭinissajjeyya. Tassa taṃ pivato ceva nacchādeyya vaṇṇenapi gandhenapi rasenapi, pivitvā ca pana maraṇaṃ vā nigaccheyya maraṇamattaṃ vā dukkhaṃ. Tathūpamāhaṃ, bhikkhave, imaṃ dhammasamādānaṃ vadāmi, yamidaṃ dhammasamādānaṃ paccuppannadukkhañceva āyatiñca dukkhavipākaṃ.
483. ‘‘сзяяат̇ааби, бхигкавз, аабаанийяагам̣со ван̣н̣асамбанно г̇анд̇хасамбанно расасамбанно. со жа ко висзна сам̣садто. ат̇а бурисо ааг̇ажчзяяа ж̇ийвид̇угаамо амарид̇угаамо сукагаамо д̣̇угкаббадигууло. д̇амзнам̣ звам̣ вад̣̇зяяум̣ – ‘амбхо буриса, аяам̣ аабаанийяагам̣со ван̣н̣асамбанно г̇анд̇хасамбанно расасамбанно. со жа ко висзна сам̣садто, сажз ааган̇каси бива. д̇асса д̇з бивад̇охи 9 ко чаад̣̇зссад̇и ван̣н̣знаби г̇анд̇хзнаби расзнаби, бивид̇ваа жа бана маран̣ам̣ ваа ниг̇ажчаси маран̣амад̇д̇ам̣ ваа д̣̇угка’нд̇и. со д̇ам̣ аббадисан̇кааяа бивзяяа, наббадиниссаж̇ж̇зяяа. д̇асса д̇ам̣ бивад̇охи ко чаад̣̇зяяа ван̣н̣знаби г̇анд̇хзнаби расзнаби, бивид̇ваа жа бана маран̣ам̣ ваа ниг̇ажчзяяа маран̣амад̇д̇ам̣ ваа д̣̇угкам̣. д̇ат̇уубамаахам̣, бхигкавз, имам̣ д̇хаммасамаад̣̇аанам̣ вад̣̇аами, яамид̣̇ам̣ д̇хаммасамаад̣̇аанам̣ бажжуббаннасукам̣ ааяад̇им̣ д̣̇угкавибаагам̣.
483. ‘‘Seyyathāpi, bhikkhave, āpānīyakaṃso vaṇṇasampanno gandhasampanno rasasampanno. So ca kho visena saṃsaṭṭho. Atha puriso āgaccheyya jīvitukāmo amaritukāmo sukhakāmo dukkhappaṭikūlo. Tamenaṃ evaṃ vadeyyuṃ – ‘ambho purisa, ayaṃ āpānīyakaṃso vaṇṇasampanno gandhasampanno rasasampanno. So ca kho visena saṃsaṭṭho, sace ākaṅkhasi piva. Tassa te pivatohi 10 kho chādessati vaṇṇenapi gandhenapi rasenapi, pivitvā ca pana maraṇaṃ vā nigacchasi maraṇamattaṃ vā dukkha’nti. So taṃ appaṭisaṅkhāya piveyya, nappaṭinissajjeyya. Tassa taṃ pivatohi kho chādeyya vaṇṇenapi gandhenapi rasenapi, pivitvā ca pana maraṇaṃ vā nigaccheyya maraṇamattaṃ vā dukkhaṃ. Tathūpamāhaṃ, bhikkhave, imaṃ dhammasamādānaṃ vadāmi, yamidaṃ dhammasamādānaṃ paccuppannasukhaṃ āyatiṃ dukkhavipākaṃ.
484. ‘‘сзяяат̇ааби, бхигкавз, бууд̇имуд̇д̇ам̣ наанаабхзсаж̇ж̇зхи сам̣садтам̣. ат̇а бурисо ааг̇ажчзяяа бан̣д̣угарог̇ий. д̇амзнам̣ звам̣ вад̣̇зяяум̣ – ‘амбхо буриса, ид̣̇ам̣ бууд̇имуд̇д̇ам̣ наанаабхзсаж̇ж̇зхи сам̣садтам̣, сажз ааган̇каси бива. д̇асса д̇з бивад̇охи ко нажчаад̣̇зссад̇и ван̣н̣знаби г̇анд̇хзнаби расзнаби, бивид̇ваа жа бана сукий бхависсасий’д̇и. со д̇ам̣ бадисан̇кааяа бивзяяа, наббадиниссаж̇ж̇зяяа. д̇асса д̇ам̣ бивад̇охи ко нажчаад̣̇зяяа ван̣н̣знаби г̇анд̇хзнаби расзнаби, бивид̇ваа жа бана сукий асса. д̇ат̇уубамаахам̣, бхигкавз, имам̣ д̇хаммасамаад̣̇аанам̣ вад̣̇аами, яамид̣̇ам̣ д̇хаммасамаад̣̇аанам̣ бажжуббаннад̣̇угкам̣ ааяад̇им̣ сукавибаагам̣.
484. ‘‘Seyyathāpi, bhikkhave, pūtimuttaṃ nānābhesajjehi saṃsaṭṭhaṃ. Atha puriso āgaccheyya paṇḍukarogī. Tamenaṃ evaṃ vadeyyuṃ – ‘ambho purisa, idaṃ pūtimuttaṃ nānābhesajjehi saṃsaṭṭhaṃ, sace ākaṅkhasi piva. Tassa te pivatohi kho nacchādessati vaṇṇenapi gandhenapi rasenapi, pivitvā ca pana sukhī bhavissasī’ti. So taṃ paṭisaṅkhāya piveyya, nappaṭinissajjeyya. Tassa taṃ pivatohi kho nacchādeyya vaṇṇenapi gandhenapi rasenapi, pivitvā ca pana sukhī assa. Tathūpamāhaṃ, bhikkhave, imaṃ dhammasamādānaṃ vadāmi, yamidaṃ dhammasamādānaṃ paccuppannadukkhaṃ āyatiṃ sukhavipākaṃ.
485. ‘‘сзяяат̇ааби, бхигкавз, д̣̇ад̇хи жа мад̇ху жа сабби жа паан̣ид̇ан̃жа згаж̇жхам̣ сам̣садтам̣. ат̇а бурисо ааг̇ажчзяяа лохид̇абагканд̣̇иго. д̇амзнам̣ звам̣ вад̣̇зяяум̣ – ‘амбхо буриса, ид̣̇ам̣ д̣̇ад̇хим̣ жа мад̇хум̣ жа саббим̣ жа паан̣ид̇ан̃жа згаж̇жхам̣ сам̣садтам̣, сажз ааган̇каси бива. д̇асса д̇з бивад̇о жзва чаад̣̇зссад̇и ван̣н̣знаби г̇анд̇хзнаби расзнаби, бивид̇ваа жа бана сукий бхависсасий’д̇и. со д̇ам̣ бадисан̇кааяа бивзяяа, наббадиниссаж̇ж̇зяяа. д̇асса д̇ам̣ бивад̇о жзва чаад̣̇зяяа ван̣н̣знаби г̇анд̇хзнаби расзнаби, бивид̇ваа жа бана сукий асса. д̇ат̇уубамаахам̣, бхигкавз, имам̣ д̇хаммасамаад̣̇аанам̣ вад̣̇аами, яамид̣̇ам̣ д̇хаммасамаад̣̇аанам̣ бажжуббаннасукан̃жзва ааяад̇ин̃жа сукавибаагам̣.
485. ‘‘Seyyathāpi, bhikkhave, dadhi ca madhu ca sappi ca phāṇitañca ekajjhaṃ saṃsaṭṭhaṃ. Atha puriso āgaccheyya lohitapakkhandiko. Tamenaṃ evaṃ vadeyyuṃ – ‘ambho purisa, idaṃ dadhiṃ ca madhuṃ ca sappiṃ ca phāṇitañca ekajjhaṃ saṃsaṭṭhaṃ, sace ākaṅkhasi piva. Tassa te pivato ceva chādessati vaṇṇenapi gandhenapi rasenapi, pivitvā ca pana sukhī bhavissasī’ti. So taṃ paṭisaṅkhāya piveyya, nappaṭinissajjeyya. Tassa taṃ pivato ceva chādeyya vaṇṇenapi gandhenapi rasenapi, pivitvā ca pana sukhī assa. Tathūpamāhaṃ, bhikkhave, imaṃ dhammasamādānaṃ vadāmi, yamidaṃ dhammasamādānaṃ paccuppannasukhañceva āyatiñca sukhavipākaṃ.
486. ‘‘сзяяат̇ааби, бхигкавз, вассаанам̣ бажчимз маасз сарад̣̇асамаяз вид̣̇д̇хз виг̇ад̇авалаахагз д̣̇звз аад̣̇ижжо набхам̣ аб̣бхуссаггамаано саб̣б̣ам̣ аагаасаг̇ад̇ам̣ д̇амаг̇ад̇ам̣ абхивихажжа бхаасад̇з жа д̇абад̇з жа вирожад̇з жа; звамзва ко, бхигкавз, яамид̣̇ам̣ д̇хаммасамаад̣̇аанам̣ бажжуббаннасукан̃жзва ааяад̇ин̃жа сукавибаагам̣ д̇ад̣̇ан̃н̃з бут̇усаман̣аб̣раахман̣абараббаваад̣̇з абхивихажжа бхаасад̇з жа д̇абад̇з жа вирожад̇з жаа’’д̇и.
486. ‘‘Seyyathāpi, bhikkhave, vassānaṃ pacchime māse saradasamaye viddhe vigatavalāhake deve ādicco nabhaṃ abbhussakkamāno sabbaṃ ākāsagataṃ tamagataṃ abhivihacca bhāsate ca tapate ca virocate ca; evameva kho, bhikkhave, yamidaṃ dhammasamādānaṃ paccuppannasukhañceva āyatiñca sukhavipākaṃ tadaññe puthusamaṇabrāhmaṇaparappavāde abhivihacca bhāsate ca tapate ca virocate cā’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
махаад̇хаммасамаад̣̇аанасуд̇д̇ам̣ нидтид̇ам̣ чадтам̣.
Mahādhammasamādānasuttaṃ niṭṭhitaṃ chaṭṭhaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. махаад̇хаммасамаад̣̇аанасуд̇д̇аван̣н̣анаа • 6. Mahādhammasamādānasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. махаад̇хаммасамаад̣̇аанасуд̇д̇аван̣н̣анаа • 6. Mahādhammasamādānasuttavaṇṇanā
