| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
6. махаад̇хаммасамаад̣̇аанасуд̇д̇аван̣н̣анаа
6. Mahādhammasamādānasuttavaṇṇanā
473. звам̣ ид̣̇аани вужжамаанаагааро гаамо гааманам̣ ижчаа зд̇зсанд̇и звам̣гаамаа. звам̣ чанд̣̇о чанд̣̇анам̣ рожанам̣ аж̇жхаасаяо зд̇зсанд̇и звам̣чанд̣̇аа. абхимукам̣, абхинивисса ваа багаарзхи зд̇и убаг̇ажчад̇ийд̇и ад̇хиббааяо, лад̣̇д̇хи. саа хи лад̣̇д̇хаб̣б̣авад̇т̇ум̣ абхимукам̣ ‘‘звамзд̇а’’нд̇и абхинивисанд̇ий д̇зна д̇зна багаарзна убаг̇ажчад̇и, хад̇т̇аг̇ад̇ам̣ гад̇ваа д̇идтад̇и на виссаж̇ж̇зд̇и. звам̣ вужжамаанаагааро ад̇хиббааяо зд̇зсанд̇и звам̣ад̇хиббааяаа. бхаг̇аваа муулам̣ гааран̣ам̣ зд̇зсам̣ яаат̇аавад̇о ад̇хиг̇амааяаад̇и бхаг̇авам̣муулагаа. д̇знааха ‘‘бхаг̇аванд̇ан̃хи ниссааяа маяам̣ имз д̇хаммз ааж̇аанаама бадивиж̇жхаамаа’’д̇и. амхаагам̣ д̇хаммаад̇и д̇зхи ад̇д̇анаа ад̇хиг̇анд̇аб̣б̣ад̇ааяа вуд̇д̇ам̣. сзвид̇аб̣б̣аанан̃хи яаат̇аавад̇о ад̇хиг̇аман̃аан̣аани ад̇хиг̇ажчанагасамб̣анд̇хийни, д̇аани жа саммаасамб̣уд̣̇д̇хамуулагаани анан̃н̃ависаяад̇д̇аа. д̇знааха ‘‘буб̣б̣з гассабасамб̣уд̣̇д̇хзнаа’’д̇иаад̣̇и. бхаг̇аваа нзд̇аа д̇зсанд̇и бхаг̇авам̣нзд̇д̇игаа. нзд̇аад̇и сзвид̇аб̣б̣ад̇хаммз винзяяасанд̇аанам̣ баабзд̇аа. винзд̇аад̇и асзвид̇аб̣б̣ад̇хаммз винзяяасанд̇аанад̇о абанзд̇аа. д̇ад̣̇ан̇г̇авинаяаад̣̇ивасзна ваа винзд̇аа. анунзд̇аад̇и имз д̇хаммаа сзвид̇аб̣б̣аа, имз на сзвид̇аб̣б̣аад̇и убхаяасамбаабанаабанаяанад̇т̇ам̣ бан̃н̃абзд̇аа. д̇знааха ‘‘яат̇аасабхаавад̇о’’д̇иаад̣̇и.
473. Evaṃ idāni vuccamānākāro kāmo kāmanaṃ icchā etesanti evaṃkāmā. Evaṃ chando chandanaṃ rocanaṃ ajjhāsayo etesanti evaṃchandā. Abhimukhaṃ, abhinivissa vā pakārehi eti upagacchatīti adhippāyo, laddhi. Sā hi laddhabbavatthuṃ abhimukhaṃ ‘‘evameta’’nti abhinivisantī tena tena pakārena upagacchati, hatthagataṃ katvā tiṭṭhati na vissajjeti. Evaṃ vuccamānākāro adhippāyo etesanti evaṃadhippāyā. Bhagavā mūlaṃ kāraṇaṃ etesaṃ yāthāvato adhigamāyāti bhagavaṃmūlakā. Tenāha ‘‘bhagavantañhi nissāya mayaṃ ime dhamme ājānāma paṭivijjhāmā’’ti. Amhākaṃdhammāti tehi attanā adhigantabbatāya vuttaṃ. Sevitabbānañhi yāthāvato adhigamañāṇāni adhigacchanakasambandhīni, tāni ca sammāsambuddhamūlakāni anaññavisayattā. Tenāha ‘‘pubbe kassapasambuddhenā’’tiādi. Bhagavā netā tesanti bhagavaṃnettikā. Netāti sevitabbadhamme vineyyasantānaṃ pāpetā. Vinetāti asevitabbadhamme vineyyasantānato apanetā. Tadaṅgavinayādivasena vā vinetā. Anunetāti ime dhammā sevitabbā, ime na sevitabbāti ubhayasampāpanāpanayanatthaṃ paññapetā. Tenāha ‘‘yathāsabhāvato’’tiādi.
бадисаранд̇и зд̇т̇аад̇и бадисаран̣ам̣, бхаг̇аваа бадисаран̣ам̣ зд̇зсанд̇и бхаг̇авам̣бадисаран̣аа. бадисарад̇и сабхаавасамбадивзд̇хавасзна бажжзгамубаг̇ажчад̇ийд̇и ваа бадисаран̣ам̣, бхаг̇аваа бадисаран̣ам̣ зд̇зсанд̇и бхаг̇авам̣бадисаран̣аа. бадивзд̇хавасзнаад̇и бадивиж̇жхид̇аб̣б̣ад̇аавасзна. асад̇иби мукз ад̇т̇ад̇о звам̣ вад̣̇анд̇о вияа ход̇ийд̇и ааха ‘‘пассо ааг̇ажчад̇и, ахам̣ бхаг̇аваа гим̣ наамо’’д̇и. бадибхаад̇ууд̇и зд̇т̇а бади-сад̣̇д̣̇аабзгкааяа ‘‘бхаг̇аванд̇а’’нд̇и убаяог̇аважанам̣, ад̇т̇о бана саамиважанавасзнзва взд̣̇ид̇аб̣б̣од̇и д̣̇ассзнд̇о ааха ‘‘бхаг̇авад̇о’’д̇и бадибхаад̇ууд̇и жа бхаг̇авад̇о бхааг̇о ход̇у. бхаг̇авад̇о хи зса бхааг̇о, яад̣̇ид̣̇ам̣ д̇хаммасса д̣̇зсанаа, амхаагам̣ бана бхааг̇о савананд̇и ад̇хиббааяо. гзжи бана бадибхаад̇ууд̇и бад̣̇иссад̇ууд̇и ад̇т̇ам̣ вад̣̇анд̇и, н̃аан̣зна д̣̇иссад̇у, д̣̇зсийяад̇ууд̇и ваа ад̇т̇о. убадтаад̇ууд̇и жа н̃аан̣асса бажжубадтаад̇у.
Paṭisaranti etthāti paṭisaraṇaṃ, bhagavā paṭisaraṇaṃ etesanti bhagavaṃpaṭisaraṇā. Paṭisarati sabhāvasampaṭivedhavasena paccekamupagacchatīti vā paṭisaraṇaṃ, bhagavā paṭisaraṇaṃ etesanti bhagavaṃpaṭisaraṇā. Paṭivedhavasenāti paṭivijjhitabbatāvasena. Asatipi mukhe atthato evaṃ vadanto viya hotīti āha ‘‘phasso āgacchati, ahaṃ bhagavā kiṃ nāmo’’ti. Paṭibhātūti ettha paṭi-saddāpekkhāya ‘‘bhagavanta’’nti upayogavacanaṃ, attho pana sāmivacanavaseneva veditabboti dassento āha ‘‘bhagavato’’ti paṭibhātūti ca bhagavato bhāgo hotu. Bhagavato hi esa bhāgo, yadidaṃ dhammassa desanā, amhākaṃ pana bhāgo savananti adhippāyo. Keci pana paṭibhātūti padissatūti atthaṃ vadanti, ñāṇena dissatu, desīyatūti vā attho. Upaṭṭhātūti ca ñāṇassa paccupaṭṭhātu.
474. ниссаяид̇аб̣б̣зд̇и ад̇д̇ано санд̇аанз уббаад̣̇анавасзна абассаяид̇аб̣б̣з. д̇ад̇ияажад̇уд̇т̇ад̇хаммасамаад̣̇аанаани хи абассааяа сад̇д̇аанам̣ зд̇арахи ааяад̇ин̃жа самбад̇д̇ияо абхивад̣дханд̇и. бхаж̇ид̇аб̣б̣зд̇и д̇ассзва взважанам̣. сзвид̇аб̣б̣зд̇и ваа саббурисубассаяасад̣̇д̇хаммассаванаяонисоманасигаарз санд̇хааяааха. бхаж̇ид̇аб̣б̣зд̇и д̇аббажжаяз д̣̇аанаад̣̇ибун̃н̃ад̇хаммз.
474.Nissayitabbeti attano santāne uppādanavasena apassayitabbe. Tatiyacatutthadhammasamādānāni hi apassāya sattānaṃ etarahi āyatiñca sampattiyo abhivaḍḍhanti. Bhajitabbeti tasseva vevacanaṃ. Sevitabbeti vā sappurisupassayasaddhammassavanayonisomanasikāre sandhāyāha. Bhajitabbeti tappaccaye dānādipuññadhamme.
475. уббадибаадиаагаарзнаад̇и батамам̣ сам̣гилзсад̇хаммз д̣̇ассзд̇ваа бажчаа вод̣̇аанад̇хаммад̣̇ассанам̣ сад̇т̇у д̣̇зсанаабадибаади, яат̇аа – ‘‘ваамам̣ мун̃жа, д̣̇агкин̣ам̣ г̇ан̣хаа’’д̇и (д̇ха. са. адта. 498; висуд̣̇д̇хи. махаадий. 1.14), д̇ат̇аа уббадибаадибагаарзна, саа жа ко буримзсу д̣̇вийсу д̇хаммасамаад̣̇аанзсу , бажчимзсу бана бадибаадияаава маад̇игаа бадтабид̇аа. яат̇аад̇хаммарасзнзваад̇и бахаад̇аб̣б̣абахааяагад̇хаммаанам̣ яат̇аасабхаавзнзва. сабхааво хи яаат̇аавад̇о расид̇аб̣б̣ад̇о ж̇аанид̇аб̣б̣ад̇о ‘‘расо’’д̇и вужжад̇и. батамам̣ бахаад̇аб̣б̣ад̇хаммз д̣̇ассзд̇ваа д̇ад̣̇ананд̇арам̣ ‘‘имз д̇хаммаа зд̇зхи бахийяанд̇ий’’д̇и бахааяагад̇хаммад̣̇ассанам̣ д̣̇зсанаанубуб̣б̣ий. г̇ахан̣ам̣ аад̣̇ияанам̣ ад̇д̇ано санд̇аанз уббаад̣̇анам̣.
475.Uppaṭipāṭiākārenāti paṭhamaṃ saṃkilesadhamme dassetvā pacchā vodānadhammadassanaṃ satthu desanāpaṭipāṭi, yathā – ‘‘vāmaṃ muñca, dakkhiṇaṃ gaṇhā’’ti (dha. sa. aṭṭha. 498; visuddhi. mahāṭī. 1.14), tathā uppaṭipāṭipakārena, sā ca kho purimesu dvīsu dhammasamādānesu , pacchimesu pana paṭipāṭiyāva mātikā paṭṭhapitā. Yathādhammarasenevāti pahātabbapahāyakadhammānaṃ yathāsabhāveneva. Sabhāvo hi yāthāvato rasitabbato jānitabbato ‘‘raso’’ti vuccati. Paṭhamaṃ pahātabbadhamme dassetvā tadanantaraṃ ‘‘ime dhammā etehi pahīyantī’’ti pahāyakadhammadassanaṃ desanānupubbī. Gahaṇaṃ ādiyanaṃ attano santāne uppādanaṃ.
478. вад̇хад̣̇ан̣д̣аад̣̇ийхи бхийд̇асса убасан̇гаманз, мижчаа жарид̇ваа д̇ат̇аа абаг̇аманз жа буб̣б̣аабаражзд̇анаанам̣ васзна мижчаажааро д̣̇угкавзд̣̇ано ход̇и, д̇ат̇аа иссаанинд̣̇аад̣̇ийхи убад̣̇д̣̇уд̇асса абаражзд̇анаавасзна, звам̣ абхиж̇жхаамижчаад̣̇идтийсуби яат̇аарахам̣ взд̣̇ид̇аб̣б̣ам̣. д̇иссаннамби жзд̇анаананд̇и буб̣б̣аабарасаннидтаабагажзд̇анаанам̣. ад̣̇иннаад̣̇аанам̣ мусааваад̣̇о бисун̣аваажаа сампаббалаабод̇и имзсам̣ жад̇уннам̣ саннидтаабагажзд̇анаанам̣ сукасамбаяуд̇д̇аа ваа убзгкаасамбаяуд̇д̇аа ваад̇и аяам̣ наяо ид̇ха ад̇хигад̇ад̇д̇аа на уд̣̇д̇хадо. д̣̇оманассамзва жзд̇т̇а д̣̇угканд̇и ид̣̇ам̣ буб̣б̣абхааг̇аабарабхааг̇ажзд̇анааби жзд̇т̇а аасаннаа д̣̇оманассасахаг̇ад̇аа зва хонд̇ийд̇и гад̇ваа вуд̇д̇ам̣. анаасаннаа бана санд̇хааяа ‘‘барияздтим̣ ваа аабаж̇ж̇анд̇ассаа’’д̇иаад̣̇и вуд̇д̇ам̣. д̇знзва мижчаажаараабхиж̇жхаамижчаад̣̇идтийнам̣ буб̣б̣абхааг̇аабарабхааг̇ажзд̇анаа аасаннаа саннидтаабагажзд̇анааг̇ад̇игааваад̇и д̣̇ассид̇ам̣ ход̇ийд̇и д̣̇адтаб̣б̣ам̣. барияздтинд̇и мижчаажаараад̣̇ийсу вийд̇иггамид̇аб̣б̣авад̇т̇умаалааг̇анд̇хаад̣̇ибариязсанам̣. баан̣аад̇ибаад̇аад̣̇ийсу маарзд̇аб̣б̣авад̇т̇уаавуд̇хаад̣̇ибариязсанам̣ аабаж̇ж̇анд̇асса. агижчзнаби д̇зсам̣ бариязсанам̣ самбхавад̇ийд̇и ‘‘ваддад̇иязваа’’д̇и саасан̇гам̣ вад̣̇ад̇и.
478. Vadhadaṇḍādīhi bhītassa upasaṅkamane, micchā caritvā tathā apagamane ca pubbāparacetanānaṃ vasena micchācāro dukkhavedano hoti, tathā issānindādīhi upaddutassa aparacetanāvasena, evaṃ abhijjhāmicchādiṭṭhīsupi yathārahaṃ veditabbaṃ. Tissannampi cetanānanti pubbāparasanniṭṭhāpakacetanānaṃ. Adinnādānaṃ musāvādo pisuṇavācā samphappalāpoti imesaṃ catunnaṃ sanniṭṭhāpakacetanānaṃ sukhasampayuttā vā upekkhāsampayuttā vāti ayaṃ nayo idha adhikatattā na uddhaṭo. Domanassameva cettha dukkhanti idaṃ pubbabhāgāparabhāgacetanāpi cettha āsannā domanassasahagatā eva hontīti katvā vuttaṃ. Anāsannā pana sandhāya ‘‘pariyeṭṭhiṃ vā āpajjantassā’’tiādi vuttaṃ. Teneva micchācārābhijjhāmicchādiṭṭhīnaṃ pubbabhāgāparabhāgacetanā āsannā sanniṭṭhāpakacetanāgatikāvāti dassitaṃ hotīti daṭṭhabbaṃ. Pariyeṭṭhinti micchācārādīsu vītikkamitabbavatthumālāgandhādipariyesanaṃ. Pāṇātipātādīsu māretabbavatthuāvudhādipariyesanaṃ āpajjantassa. Akicchenapi tesaṃ pariyesanaṃ sambhavatīti ‘‘vaṭṭatiyevā’’ti sāsaṅkaṃ vadati.
479. сукавзд̣̇анаа хонд̇ийд̇и сукавзд̣̇анааби хонд̇ийд̇и ад̇хиббааяо. д̇аасам̣ жзд̇анаанам̣ асукавзд̣̇анад̇ааби лаб̣бхад̇ийд̇и ‘‘сукавзд̣̇анааби хонд̇иязваа’’д̇и саасан̇гаважанам̣. соманассамзва жзд̇т̇а суканд̇и ид̣̇ам̣ буб̣б̣абхааг̇аабарабхааг̇ажзд̇анааби соманассасахаг̇ад̇аа зва хонд̇ийд̇и гад̇ваа вуд̇д̇ам̣. д̇ан̃жа ко мижчаажаараваж̇ж̇аанам̣ чаннам̣ васзна. мижчаажаарасса бана буб̣б̣аабарабхааг̇асса васзна ‘‘гааяигам̣ сукамби ваддад̇иязваад̇и саасан̇гаважанам̣.
479.Sukhavedanā hontīti sukhavedanāpi hontīti adhippāyo. Tāsaṃ cetanānaṃ asukhavedanatāpi labbhatīti ‘‘sukhavedanāpi hontiyevā’’ti sāsaṅkavacanaṃ. Somanassameva cettha sukhanti idaṃ pubbabhāgāparabhāgacetanāpi somanassasahagatā eva hontīti katvā vuttaṃ. Tañca kho micchācāravajjānaṃ channaṃ vasena. Micchācārassa pana pubbāparabhāgassa vasena ‘‘kāyikaṃ sukhampi vaṭṭatiyevāti sāsaṅkavacanaṃ.
480. д̣̇осаж̇абарил̣аахавасзнасса сияаа гааяигамби д̣̇угканд̇и ад̇хиббааязна ‘‘со г̇ан̣ханд̇оби д̣̇угкид̇о’’д̇и вуд̇д̇ам̣. жзд̇од̣̇угкамзва ваа санд̇хааяа д̇асса абараабаруббад̇д̇ид̣̇ассанад̇т̇ам̣ ‘‘д̣̇угкид̇о д̣̇оманассид̇о’’д̇и вуд̇д̇ам̣.
480. Dosajapariḷāhavasenassa siyā kāyikampi dukkhanti adhippāyena ‘‘so gaṇhantopi dukkhito’’ti vuttaṃ. Cetodukkhameva vā sandhāya tassa aparāparuppattidassanatthaṃ ‘‘dukkhito domanassito’’ti vuttaṃ.
481. д̣̇асасуби бад̣̇зсууд̇и д̣̇асасуби годтаасзсу, ваагязсу ваа. убзгкаасамбаяуд̇д̇ад̇ааби самбхавад̇ийд̇и ‘‘сукасамбаяуд̇д̇аа хонд̇иязваа’’д̇и ид̇ха саасан̇гаважанам̣. баан̣аад̇ибаад̇аа бадивирад̇асса гааяоби сияаа виг̇ад̇ад̣̇арат̇абарил̣ааход̇и баан̣аад̇ибаад̇аавзраман̣иаад̣̇ибажжаяаа гааяигабадисам̣взд̣̇анааби самбхавад̇ийд̇и сахааби сукзнаад̇и зд̇т̇а гааяияасукамби ваддад̇иязва.
481.Dasasupipadesūti dasasupi koṭṭhāsesu, vākyesu vā. Upekkhāsampayuttatāpi sambhavatīti ‘‘sukhasampayuttā hontiyevā’’ti idha sāsaṅkavacanaṃ. Pāṇātipātā paṭiviratassa kāyopi siyā vigatadarathapariḷāhoti pāṇātipātāveramaṇiādipaccayā kāyikapaṭisaṃvedanāpi sambhavatīti sahāpi sukhenāti ettha kāyiyasukhampi vaṭṭatiyeva.
482. д̇ид̇д̇агаалааб̣ууд̇и убабхуд̇д̇асса уммаад̣̇аад̣̇ибаабанзна гужчид̇ад̇ид̇д̇агарасо алааб̣у. на ружжиссад̇и анидтарасад̇ааяа анидтапалад̇ааяа жа.
482.Tittakālābūti upabhuttassa ummādādipāpanena kucchitatittakaraso alābu. Na ruccissati aniṭṭharasatāya aniṭṭhaphalatāya ca.
483. расам̣ д̣̇зд̇ийд̇и расам̣ д̣̇ассзд̇и вибхаавзд̇и.
483.Rasaṃ detīti rasaṃ dasseti vibhāveti.
484. бууд̇имуд̇д̇анд̇и бууд̇исабхаавамуд̇д̇ам̣. д̇арун̣анд̇и д̇хаараавасзна нибад̇анд̇ам̣ худ̇ваа ун̣хам̣. д̇знасса убаримуд̇д̇ад̇амааха. муд̇д̇ан̃хи бассаавамаг̇г̇ад̇о мужжамаанам̣ гааяусмаавасзна ун̣хам̣ ход̇и.
484.Pūtimuttanti pūtisabhāvamuttaṃ. Taruṇanti dhārāvasena nipatantaṃ hutvā uṇhaṃ. Tenassa uparimuttatamāha. Muttañhi passāvamaggato muccamānaṃ kāyusmāvasena uṇhaṃ hoti.
485. яам̣ бхаг̇анд̣̇арасам̣садтам̣ лохид̇ам̣ багканд̣̇ад̇ийд̇и бхаг̇анд̣̇араб̣яаад̇хисахид̇ааяа лохид̇абагканд̣̇ад̇ааяа васзна яам̣ лохид̇ам̣ виссавад̇и. бид̇д̇асам̣садтам̣ лохид̇ам̣ багканд̣̇ад̇ийд̇и аанзд̇ваа самб̣анд̇хо.
485.Yaṃ bhagandarasaṃsaṭṭhaṃ lohitaṃ pakkhandatīti bhagandarabyādhisahitāya lohitapakkhandatāya vasena yaṃ lohitaṃ vissavati. Pittasaṃsaṭṭhaṃ lohitaṃ pakkhandatīti ānetvā sambandho.
486. уб̣б̣ид̣̇д̇хзд̇и д̣̇уурз. аб̣бхамахигаад̣̇иубаггилзсавиг̇амзна хи аагаасам̣ уд̇д̇ун̇г̇ам̣ вияа д̣̇уурам̣ вияа жа кааяад̇и. д̇знааха ‘‘д̣̇уурийбхууд̇з’’д̇и. д̇амам̣язва д̇амаг̇ад̇ам̣ ‘‘г̇уут̇аг̇ад̇ам̣ муд̇д̇аг̇ад̇а’’нд̇и (ма. ни. 2.119; а. ни. 9.11) яат̇аа. бхаасад̇з жа д̇абад̇з жа вирожад̇з жа ид̣̇ам̣ жад̇уд̇т̇ам̣ д̇хаммасамаад̣̇аанам̣ вибхаж̇анд̇зна гусалагаммабат̇асса вибхаж̇ид̇ваа д̣̇ассид̇ад̇д̇аа.
486.Ubbiddheti dūre. Abbhamahikādiupakkilesavigamena hi ākāsaṃ uttuṅgaṃ viya dūraṃ viya ca khāyati. Tenāha ‘‘dūrībhūte’’ti. Tamaṃyeva tamagataṃ ‘‘gūthagataṃ muttagata’’nti (ma. ni. 2.119; a. ni. 9.11) yathā. Bhāsate ca tapate ca virocate ca idaṃ catutthaṃ dhammasamādānaṃ vibhajantena kusalakammapathassa vibhajitvā dassitattā.
сан̇г̇араругко ганд̣̇амаад̣̇асабова. сарабхан̃н̃авасзнаад̇и ад̇т̇ам̣ авибхаж̇ид̇ваа бад̣̇асо сарабхан̃н̃авасзна. осаарзнд̇ассаад̇и ужжаарзнд̇асса. сад̣̇д̣̇зд̇и осааран̣асад̣̇д̣̇з. ад̇хиг̇ад̇ависзсам̣ анаарожзд̇угаамаа д̣̇звад̇аа д̇ад̇т̇зва анд̇арад̇хааяи. д̇ам̣ д̣̇ивасанд̇и сад̇т̇аараа д̣̇зсид̇ад̣̇ивасз. ид̇и ад̇д̇ано висзсаад̇хиг̇аманимид̇д̇ад̇ааяа аяам̣ д̣̇звад̇аа имам̣ суд̇д̇ам̣ бияааяад̇и. сзсам̣ уд̇д̇аанамзва.
Saṅgararukkho kandamādasapova. Sarabhaññavasenāti atthaṃ avibhajitvā padaso sarabhaññavasena. Osārentassāti uccārentassa. Saddeti osāraṇasadde. Adhigatavisesaṃ anārocetukāmā devatā tattheva antaradhāyi. Taṃ divasanti satthārā desitadivase. Iti attano visesādhigamanimittatāya ayaṃ devatā imaṃ suttaṃ piyāyati. Sesaṃ uttānameva.
махаад̇хаммасамаад̣̇аанасуд̇д̇аван̣н̣анааяа лийнад̇т̇аббагаасанаа самад̇д̇аа.
Mahādhammasamādānasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. махаад̇хаммасамаад̣̇аанасуд̇д̇ам̣ • 6. Mahādhammasamādānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 6. махаад̇хаммасамаад̣̇аанасуд̇д̇аван̣н̣анаа • 6. Mahādhammasamādānasuttavaṇṇanā
