| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8-10. махаад̣̇идтисуд̇д̇аад̣̇иван̣н̣анаа
8-10. Mahādiṭṭhisuttādivaṇṇanā
213-215. агад̇аад̇и самзна ваа висамзна ваа гзнажи хзд̇унаа на гад̇аа зва. гзнажи гад̇ам̣ гаран̣ам̣ вид̇хаанам̣ над̇т̇и зд̇зсанд̇и агад̇авид̇хаанаа. бад̣̇ад̣̇ваязнаби логз гзнажи хзд̇убажжаязна нзсам̣ абхиниб̣б̣ад̇д̇ид̇аабхаавам̣ д̣̇ассзд̇и. ид̣̇д̇хияааби на ниммид̇аад̇и гассажи ид̣̇д̇химад̇о д̣̇звасса б̣рахмуно ваа ид̣̇д̇хияааби на ниммид̇аа. аниммид̇аад̇и ваа гассажи аниммаабагаа. аж̇анагаад̇и зд̇зна бат̇авийгааяаад̣̇ийнам̣ руубаад̣̇иж̇анагабхаавам̣ бадигкибад̇и. руубасад̣̇д̣̇аад̣̇аяо хи бат̇авийгааяаад̣̇ийхи аббадиб̣ад̣̇д̇хавуд̇д̇игаад̇и д̇асса лад̣̇д̇хи. яат̇аа баб̣б̣ад̇агуудам̣ гзнажи аниб̣б̣ад̇д̇ид̇ам̣ гассажи жа аниб̣б̣ад̇д̇агам̣, звамзд̇збийд̇и ааха ‘‘гуудадтаа’’д̇и. яамид̣̇ам̣ ‘‘б̣ийж̇аад̣̇ид̇о ан̇гураад̣̇и ж̇ааяад̇ий’’д̇и вужжад̇и, д̇ан̃жа виж̇ж̇амаанамзва д̇ад̇о нигкамад̇и, наавиж̇ж̇амаанам̣, ан̃н̃ат̇аа яад̇о гуд̇ожи яасса гассажи уббад̇д̇и сияаад̇и ад̇хиббааяо. тид̇аад̇и ниб̣б̣игаарабхаавзна тид̇аа. на жаланд̇ийд̇и на вигаарам̣ аабаж̇ж̇анд̇и. вигаараабхаавзна хи д̇зсам̣ сад̇д̇аннам̣ гааяаанам̣ зсигадтааяидтид̇ад̇аа. анин̃ж̇анан̃жа ад̇д̇ано багад̇ияаа авадтаанамзва. д̇знааха ‘‘на вибарин̣аманд̇ий’’д̇и. авибарин̣аамад̇хаммад̇д̇аа зва жа нз ан̃н̃аман̃н̃ам̣ на б̣яааб̣аад̇хзнд̇и. сад̇и хи вигаарам̣ аабаад̣̇зд̇аб̣б̣ад̇ааяа б̣яааб̣аад̇хагад̇ааби сияаа, д̇ат̇аа ануг̇г̇ахзд̇аб̣б̣ад̇ааяа ануг̇г̇аахагад̇аад̇и д̇ад̣̇абхаавам̣ д̣̇ассзд̇ум̣ баал̣ияам̣ ‘‘наала’’нд̇иаад̣̇и вуд̇д̇ам̣. бат̇авий зва гааязгад̣̇зсад̇д̇аа бат̇авигааяо. ж̇ийвасад̇д̇амаанам̣ гааяаанам̣ нижжад̇ааяа ниб̣б̣игаараабхаавад̇о на ханд̇аб̣б̣ад̇аа, на гхаадзд̇аб̣б̣ад̇аа жаад̇и нзва гожи ханд̇аа гхаад̇зд̇аа ваа. д̇знааха ‘‘сад̇д̇аннанд̇взваа’’д̇иаад̣̇и. яад̣̇и гожи ханд̇аа над̇т̇и, гат̇ам̣ сад̇т̇аббахаарод̇и ааха ‘‘яат̇аа муг̇г̇араасиаад̣̇ийсуу’’д̇иаад̣̇и. гзвалам̣ сан̃н̃аамад̇д̇амзва ход̇и, на гхаад̇анаад̣̇и, барамад̇т̇ад̇о сад̇д̇аннанд̇взва гааяаанам̣ авигобанийяабхаавад̇од̇и ад̇хиббааяо.
213-215.Akatāti samena vā visamena vā kenaci hetunā na katā eva. Kenaci kataṃ karaṇaṃ vidhānaṃ natthi etesanti akatavidhānā. Padadvayenapi loke kenaci hetupaccayena nesaṃ abhinibbattitābhāvaṃ dasseti. Iddhiyāpi na nimmitāti kassaci iddhimato devassa brahmuno vā iddhiyāpi na nimmitā. Animmitāti vā kassaci animmāpakā. Ajanakāti etena pathavīkāyādīnaṃ rūpādijanakabhāvaṃ paṭikkhipati. Rūpasaddādayo hi pathavīkāyādīhi appaṭibaddhavuttikāti tassa laddhi. Yathā pabbatakūṭaṃ kenaci anibbattitaṃ kassaci ca anibbattakaṃ, evametepīti āha ‘‘kūṭaṭṭhā’’ti. Yamidaṃ ‘‘bījādito aṅkurādi jāyatī’’ti vuccati, tañca vijjamānameva tato nikkhamati, nāvijjamānaṃ, aññathā yato kutoci yassa kassaci uppatti siyāti adhippāyo. Ṭhitāti nibbikārabhāvena ṭhitā. Na calantīti na vikāraṃ āpajjanti. Vikārābhāvena hi tesaṃ sattannaṃ kāyānaṃ esikaṭṭhāyiṭṭhitatā. Aniñjanañca attano pakatiyā avaṭṭhānameva. Tenāha ‘‘na vipariṇamantī’’ti. Avipariṇāmadhammattā eva ca ne aññamaññaṃ na byābādhenti. Sati hi vikāraṃ āpādetabbatāya byābādhakatāpi siyā, tathā anuggahetabbatāya anuggāhakatāti tadabhāvaṃ dassetuṃ pāḷiyaṃ ‘‘nāla’’ntiādi vuttaṃ. Pathavī eva kāyekadesattā pathavikāyo. Jīvasattamānaṃ kāyānaṃ niccatāya nibbikārābhāvato na hantabbatā, na ghāṭetabbatā cāti neva koci hantā ghātetā vā. Tenāha ‘‘sattannantvevā’’tiādi. Yadi koci hantā natthi, kathaṃ satthappahāroti āha ‘‘yathā muggarāsiādīsū’’tiādi. Kevalaṃ saññāmattameva hoti, na ghātanādi, paramatthato sattannantveva kāyānaṃ avikopanīyabhāvatoti adhippāyo.
бамукаяонийнанд̇и мануссад̇иражчаанаад̣̇ийсу кад̇д̇ияаб̣раахман̣аад̣̇исийхаб̣яаг̇гхаад̣̇ивасзна бад̇хаанаяонийнам̣. садтисад̇аани часахассаани. ‘‘бан̃жа жа гаммуно сад̇ааний’’д̇и бад̣̇асса ад̇т̇ад̣̇ассанам̣ ‘‘бан̃жа гаммасад̇аани жаа’’д̇и . зсзва наяод̇и иминаа ‘‘гзвалам̣ д̇аггамад̇д̇зна нирад̇т̇агад̣̇идтим̣ д̣̇ийбзд̇ий’’д̇и имамзва ад̇т̇ам̣ ад̇ид̣̇исад̇и. зд̇т̇а жа д̇аггамад̇д̇агзнаад̇и иминаа яасмаа д̇аггигаа ниран̇гусад̇ааяа баригаббанасса яам̣ гин̃жи ад̇д̇ано баригаббид̇ам̣ саарад̇о ман̃н̃амаанаа д̇ат̇зва абхинивисса д̇аггад̣̇идтиг̇аахам̣ г̇ан̣ханд̇и, д̇асмаа на д̇зсам̣ д̣̇идтивад̇т̇уусу вин̃н̃уухи вижааран̣аа гаад̇аб̣б̣аад̇и д̣̇ассзд̇и. гзжийд̇и уд̇д̇аравихаараваасино. д̇з хи ‘‘бан̃жа гаммаанийд̇и жагкусод̇агхаанаж̇ивхаагааяаа, имаани бан̃жинд̣̇рияаани ‘бан̃жа гаммаанийд̇и бан̃н̃аабзнд̇ий’’д̇и вад̣̇анд̇и. гамманд̇и лад̣̇д̇хийд̇и ол̣ааригабхаавад̇о барибун̣н̣агамманд̇и лад̣̇д̇хи. маногаммам̣ анол̣ааригад̇д̇аа убад̣дхагамманд̇и лад̣̇д̇хийд̇и яож̇анаа. ‘‘д̣̇ваасадтибадибад̣̇аа’’д̇и вад̇д̇аб̣б̣з сабхааванируд̇д̇им̣ аж̇аананд̇аа ‘‘д̣̇вадтибадибад̣̇аа’’д̇и вад̣̇анд̇и. згасмим̣ габбзд̇и згасмим̣ махаагаббз. д̇ад̇т̇ааби жа виваддадтааяисан̃н̃ид̇з згасмим̣ асан̇кязяяагаббз.
Pamukhayonīnanti manussatiracchānādīsu khattiyabrāhmaṇādisīhabyagghādivasena padhānayonīnaṃ. Saṭṭhisatāni chasahassāni. ‘‘Pañca ca kammuno satānī’’ti padassa atthadassanaṃ ‘‘pañca kammasatāni cā’’ti . Eseva nayoti iminā ‘‘kevalaṃ takkamattena niratthakadiṭṭhiṃ dīpetī’’ti imameva atthaṃ atidisati. Ettha ca takkamattakenāti iminā yasmā takkikā niraṅkusatāya parikappanassa yaṃ kiñci attano parikappitaṃ sārato maññamānā tatheva abhinivissa takkadiṭṭhigāhaṃ gaṇhanti, tasmā na tesaṃ diṭṭhivatthūsu viññūhi vicāraṇā kātabbāti dasseti. Kecīti uttaravihāravāsino. Te hi ‘‘pañca kammānīti cakkhusotaghānajivhākāyā, imāni pañcindriyāni ‘pañca kammānīti paññāpentī’’ti vadanti. Kammanti laddhīti oḷārikabhāvato paripuṇṇakammanti laddhi. Manokammaṃ anoḷārikattā upaḍḍhakammanti laddhīti yojanā. ‘‘Dvāsaṭṭhipaṭipadā’’ti vattabbe sabhāvaniruttiṃ ajānantā ‘‘dvaṭṭhipaṭipadā’’ti vadanti. Ekasmiṃ kappeti ekasmiṃ mahākappe. Tatthāpi ca vivaṭṭaṭṭhāyisaññite ekasmiṃ asaṅkhyeyyakappe.
ураб̣бхз хананд̇ийд̇и ораб̣бхигаа. звам̣ суугаригаад̣̇аяо взд̣̇ид̇аб̣б̣аа. луд̣̇д̣̇аад̇и ан̃н̃зби яз гзжи мааг̇авиганзсаад̣̇аад̣̇аяо, д̇з баабагаммабасуд̇ад̇ааяа ган̣хаабхиж̇аад̇ийд̇и вад̣̇анд̇и. бхигкууд̇и б̣уд̣̇д̇хасаасанз бхигкуу. д̇з гира ‘‘сажчанд̣̇арааг̇аа барибхун̃ж̇анд̇ий’’д̇и ад̇хиббааязна жад̇уусу бажжаязсу ган̣дагз багкибид̇ваа каад̣̇анд̇ийд̇и вад̣̇анд̇и. гасмаад̇и жз? яасмаа д̇з бан̣ийд̇абан̣ийд̇з бажжаяз бадисзванд̇ийд̇и д̇асса мижчааг̇аахо. н̃ааяалад̣̇д̇хзби бажжаяз барибхун̃ж̇амаанаа ааж̇ийвагасамаяасса виломаг̇аахид̇ааяа бажжаязсу ган̣дагз багкибид̇ваа каад̣̇анд̇и наамаад̇и вад̣̇анд̇ийд̇и абарз. згз баб̣б̣аж̇ид̇аа, яз висзсад̇о ад̇д̇агиламат̇аануяог̇амануяуд̇д̇аа. д̇ат̇аа хи д̇з ган̣дагз вад̇д̇анд̇аа вияа хонд̇ийд̇и ган̣дагавуд̇д̇игаад̇и вуд̇д̇аа. тад̇ваа бхун̃ж̇ананахаанабадигкзбаад̣̇ивад̇асамааяог̇зна бан̣д̣арад̇араа. ажзлагасаавагаад̇и ааж̇ийвагасаавагз вад̣̇ад̇и. д̇з гира ааж̇ийвагасамаяз ааж̇ийвагалад̣̇д̇хияаа д̣̇ал̣хаг̇аахид̇ааяа ниг̇ан̣тзхиби бан̣д̣арад̇араа. нанд̣̇аад̣̇аяо гира д̇ат̇ааруубам̣ ааж̇ийвагабадибад̇д̇им̣ уггам̣сам̣ баабзд̇ваа тид̇аа, д̇асмаа ниг̇ан̣тзхи ааж̇ийвагасаавагзхи жа бан̣д̣арад̇араа вуд̇д̇аа. барамасуггаабхиж̇аад̇ийд̇и аяам̣ д̇зсам̣ лад̣̇д̇хи.
Urabbhe hanantīti orabbhikā. Evaṃ sūkarikādayo veditabbā. Luddāti aññepi ye keci māgavikanesādādayo, te pāpakammapasutatāya kaṇhābhijātīti vadanti. Bhikkhūti buddhasāsane bhikkhū. Te kira ‘‘sacchandarāgā paribhuñjantī’’ti adhippāyena catūsu paccayesu kaṇṭake pakkhipitvā khādantīti vadanti. Kasmāti ce? Yasmā te paṇītapaṇīte paccaye paṭisevantīti tassa micchāgāho. Ñāyaladdhepi paccaye paribhuñjamānā ājīvakasamayassa vilomagāhitāya paccayesu kaṇṭake pakkhipitvā khādanti nāmāti vadantīti apare. Eke pabbajitā, ye visesato attakilamathānuyogamanuyuttā. Tathā hi te kaṇṭake vattantā viya hontīti kaṇṭakavuttikāti vuttā. Ṭhatvā bhuñjananahānapaṭikkhepādivatasamāyogena paṇḍaratarā. Acelakasāvakāti ājīvakasāvake vadati. Te kira ājīvakasamaye ājīvakaladdhiyā daḷhagāhitāya nigaṇṭhehipi paṇḍaratarā. Nandādayo kira tathārūpaṃ ājīvakapaṭipattiṃ ukkaṃsaṃ pāpetvā ṭhitā, tasmā nigaṇṭhehi ājīvakasāvakehi ca paṇḍaratarā vuttā. Paramasukkābhijātīti ayaṃ tesaṃ laddhi.
бурисабхуумияод̇и бад̇хаанабуг̇г̇алзна нид̣̇д̣̇зсо. ид̇т̇ийнамбзд̇аа бхуумияо ижчанд̇зва. бхигку жа баннагод̇иаад̣̇и д̇зсам̣ баал̣и зва. д̇ад̇т̇а баннагод̇и бхигкааяа вижаран̣аго, д̇зсам̣ ваа бадибад̇д̇ияаа бадибаннаго. ж̇инод̇и ж̇ин̣н̣о ж̇араавасзна хийнад̇хаад̇уго, ад̇д̇ано ваа бадибад̇д̇ияаа бадибагкз ж̇инид̇ваа тид̇о. со гира д̇ат̇аабхууд̇о д̇хаммамби гассажи на гат̇зд̇и. д̇знааха ‘‘на гин̃жи аахаа’’д̇и. нидтуханаад̣̇ивиббагаарз гзнажи гад̇зби каманавасзна на гин̃жи вад̣̇ад̇ийд̇и вад̣̇анд̇и. алаабхинд̇и ‘‘со на гумбхимукаа бадиг̇г̇ан̣хаад̇ий’’д̇иаад̣̇инаа (д̣̇ий. ни. 1.394) наязна вуд̇д̇аалаабхахзд̇усамааяог̇зна алаабхим̣. д̇ад̇о зва ж̇игхажчаад̣̇уб̣б̣аляабарзд̇ад̇ааяа саяанабарааяан̣ам̣ саман̣ам̣ баннабхуумийд̇и вад̣̇анд̇и.
Purisabhūmiyoti padhānapuggalena niddeso. Itthīnampetā bhūmiyo icchanteva. Bhikkhu ca pannakotiādi tesaṃ pāḷi eva. Tattha pannakoti bhikkhāya vicaraṇako, tesaṃ vā paṭipattiyā paṭipannako. Jinoti jiṇṇo jarāvasena hīnadhātuko, attano vā paṭipattiyā paṭipakkhe jinitvā ṭhito. So kira tathābhūto dhammampi kassaci na katheti. Tenāha ‘‘na kiñci āhā’’ti. Niṭṭhuhanādivippakāre kenaci katepi khamanavasena na kiñci vadatīti vadanti. Alābhinti ‘‘so na kumbhimukhā paṭiggaṇhātī’’tiādinā (dī. ni. 1.394) nayena vuttaalābhahetusamāyogena alābhiṃ. Tato eva jighacchādubbalyaparetatāya sayanaparāyaṇaṃ samaṇaṃ pannabhūmīti vadanti.
ааж̇ийвавуд̇д̇исад̇аанийд̇и сад̇д̇аанам̣ ааж̇ийвабхууд̇аани ж̇ийвигаавуд̇д̇исад̇аани. басуг̇г̇ахан̣зна зл̣агаж̇аад̇и г̇ахид̇аа, миг̇аг̇г̇ахан̣зна руруг̇аваяаад̣̇исаб̣б̣амиг̇аж̇аад̇и. б̣ахуу д̣̇зваад̇и жаад̇умахаарааж̇игаад̣̇иб̣рахмагааяигаад̣̇ивасзна д̇зсам̣ анд̇арабхзд̣̇авасзна б̣ахуу д̣̇зваа. д̇ад̇т̇а жаад̇умахаарааж̇игаанам̣ згажжз анд̇арабхзд̣̇аа махаасамаяасуд̇д̇авасзна (д̣̇ий. ни. 2.331 аад̣̇аяо) д̣̇ийбзд̇аб̣б̣аа. мануссааби ананд̇аад̇и д̣̇ийбад̣̇зсагулавам̣сааж̇ийваад̣̇ивибхааг̇зна мануссааби ананд̇абхзд̣̇аа. бисаажаа зва бзсаажаа, д̇з маханд̇амаханд̇аа аж̇аг̇арабзд̇аад̣̇аяо. чад̣̇д̣̇анд̇ад̣̇ахаманд̣̇аагинияо гул̣ийрамужалинд̣̇анаамзна вад̣̇анд̇и.
Ājīvavuttisatānīti sattānaṃ ājīvabhūtāni jīvikāvuttisatāni. Pasuggahaṇena eḷakajāti gahitā, migaggahaṇena rurugavayādisabbamigajāti. Bahū devāti cātumahārājikādibrahmakāyikādivasena tesaṃ antarabhedavasena bahū devā. Tattha cātumahārājikānaṃ ekacce antarabhedā mahāsamayasuttavasena (dī. ni. 2.331 ādayo) dīpetabbā. Manussāpi anantāti dīpadesakulavaṃsājīvādivibhāgena manussāpi anantabhedā. Pisācā eva pesācā, te mahantamahantā ajagarapetādayo. Chaddantadahamandākiniyo kuḷīramucalindanāmena vadanti.
бавудаад̇и саб̣б̣аг̇ан̣тигаа. бан̣д̣ид̇оби…бз… уд̣̇д̇хам̣ на г̇ажчад̇и. гасмаа? сад̇д̇аанам̣ сам̣саран̣агааласса нияад̇абхаавад̇о.
Pavuṭāti sabbagaṇṭhikā. Paṇḍitopi…pe… uddhaṃ na gacchati. Kasmā? Sattānaṃ saṃsaraṇakālassa niyatabhāvato.
абарибаггам̣ сам̣саран̣анимид̇д̇ам̣ сийлаад̣̇инаа барибаажзд̇и наама сийгхам̣язва висуд̣̇д̇хиббад̇д̇ияаа. барибаггам̣ гаммам̣ пусса пусса бад̇ваа бад̇ваа гаалз барибаггабхааваабаад̣̇анзна б̣яанд̇ий гарод̇и наама. суд̇д̇аг̇ул̣зд̇и суд̇д̇аваддияам̣. ниб̣б̣зтияамаанамзва балзд̇ийд̇и убамааяа сад̇д̇аанам̣ сам̣сааро ануггамзна кийяад̇зва, на д̇асса вад̣дхийд̇и д̣̇ассзд̇и барижчиннаруубад̇д̇аа. ниб̣б̣зтияамаанамзва суд̇д̇аг̇ул̣ам̣ г̇ажчад̇ийд̇и вужжад̇и. д̇ан̃жа ко суд̇д̇абамаан̣зна, суд̇д̇з бана асад̇и гуд̇о г̇ажчад̇и суд̇д̇аг̇ул̣ам̣. д̇знааха – ‘‘суд̇д̇з кийн̣з на г̇ажчад̇ий’’д̇и. д̇ад̇т̇зва д̇идтад̇и суд̇д̇абарияанд̇анд̇и ад̇хиббааяо. гаалавасзнаад̇и ад̇д̇ани взтзд̇ваа тид̇ам̣ сукад̣̇угкам̣ яат̇аавуд̇д̇асса гааласса васзна ниб̣б̣зтияамаано б̣аало жа бан̣д̣ид̇о жа балзд̇и г̇ажчад̇и, наад̇иггамад̇и сам̣саарам̣.
Aparipakkaṃ saṃsaraṇanimittaṃ sīlādinā paripāceti nāma sīghaṃyeva visuddhippattiyā. Paripakkaṃ kammaṃ phussa phussa patvā patvā kāle paripakkabhāvāpādanena byantī karoti nāma. Suttaguḷeti suttavaṭṭiyaṃ. Nibbeṭhiyamānameva paletīti upamāya sattānaṃ saṃsāro anukkamena khīyateva, na tassa vaḍḍhīti dasseti paricchinnarūpattā. Nibbeṭhiyamānameva suttaguḷaṃ gacchatīti vuccati. Tañca kho suttapamāṇena, sutte pana asati kuto gacchati suttaguḷaṃ. Tenāha – ‘‘sutte khīṇe na gacchatī’’ti. Tattheva tiṭṭhati suttapariyantanti adhippāyo. Kālavasenāti attani veṭhetvā ṭhitaṃ sukhadukkhaṃ yathāvuttassa kālassa vasena nibbeṭhiyamāno bālo ca paṇḍito ca paleti gacchati, nātikkamati saṃsāraṃ.
махаад̣̇идтисуд̇д̇аад̣̇иван̣н̣анаа нидтид̇аа.
Mahādiṭṭhisuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
8. махаад̣̇идтисуд̇д̇ам̣ • 8. Mahādiṭṭhisuttaṃ
9. сассад̇ад̣̇идтисуд̇д̇ам̣ • 9. Sassatadiṭṭhisuttaṃ
10. асассад̇ад̣̇идтисуд̇д̇ам̣ • 10. Asassatadiṭṭhisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8-10. махаад̣̇идтисуд̇д̇аад̣̇иван̣н̣анаа • 8-10. Mahādiṭṭhisuttādivaṇṇanā
